豐園美食

營業中

休息中

自從石門區由一個純工廠大廈區變成了工商區，甚至變成了現在的生活小區之後。傳統的工廠大廈飯堂，已經執得七七八八。數數手指，真係仍然以廠大廈飯堂形式去經營的食肆，只餘下四間。其中的一間，就是達利廣場的《豐園美食》。疫情前，《豐園美食》在對面的京瑞廣場另有一間《豐園牛腩粉麵》如今合併了，一齊經營，變成了一間有茶餐小炒及有牛腩麵食的傳統工廠大廈飯堂。首先，我是衝著《豐園牛腩粉麵》這一個牌頭而來的。所以，我一來到就要了一份牛腩墨丸粗麵。牛腩水準好，但同以前分開舖做時差了少少，麵條也整到太淋了。懷疑是當年對面麵店的師傅走了才把兩舖合併。這麵一般。改日，想不到吃什麼好時，我又來到《豐園美食》了。這次叫了一個飯餐，蔥油豬扒飯。兩大片的豬扒，調味就只有蔥油同豉油，簡單得黎，唔會唔好食。這一個扒餐，有兩片扒，有多多的白飯，我可以說，唔會食唔飽。味道夠晒好，至少都要 KO 兩大片豬扒。食麵的那更，跟餐是熱奶茶。茶既質素只可以說是普通，味道濃了少少，入口也不是太滑。幸好，是奶味足夠，都OK 既。食飯的那天，天氣比較熱，就要了一杯凍奶茶。同樣，茶底很濃，是很提神的一杯。可能因為加了糖漿，凍飲的一杯，又真係好似更

個friend 成日話石門有間隱世小店好 👍👍, 今日終於帶咗我哋去試下☺️,  "豐園美食"  店如其名, 佢哋嘅出品真係美食😋🥔奇美雞煲🐓 $328每件雞肉都好嫩滑, 唔嚡口, 老闆選用咗走地雞🐓, 所以肉質夠鮮嫩 👏, 我哋點咗唔辣, 個醬汁真係好惹味😋, 唔辣都咁好食, 如果係香辣雞煲咪仲正😌, 下次一定要試下🤭💪🥔藤椒海鱸魚🐟 $328一般烤魚會整條上枱, 要煮一段時間入咗味先食得, 但呢度唔同, 廚師好細心♥️將兩斤重的大鱸魚起肉, 煮到入味先上枱, 一上枱熱騰騰即刻食得🤗唔使等, 而且鱸魚鮮嫩滑溜, 少骨、厚肉唔會散, 好味到停唔到口🤤🥔椒鹽豆腐 $78用咗滑豆腐去做呢個菜式, 每一粒豆腐都做到外脆內軟, 灑上炸蒜、椒鹽一齊食, 更添風味😚🥔蜜椒薯仔牛柳粒 $90廚師火喉掌握得好好, 牛柳粒唔會過老, 食落好juicy🥰保留肉質鮮嫩, 試下我嘅至愛薯仔🥔, 煮得好淋, 入口即溶, 好味🤩🥔酥炸生蠔 $198外層炸得酥脆之餘, 更將生蠔嘅水分完全鎖住, 脆口兼爆汁🥳🥳,一定要趁熱食呀✨🥔椒鹽鮮魷🦑 $98呢個真係私心推介📣👍, 勁好食😍, 外層非常酥脆可口, 大嚿厚肉嘅魷魚🦑仍

我本來係鍾意多選擇嘅人，所以每一次去石門返工就決定喺呢一間餐廳。因為我可以選擇唔同嘅嘢食，佢嘅碟頭飯就算唔係A餐B餐，價錢上都唔會太大分別，呢個都係我選擇佢其中一個原因。而且佢等候嘅時間都唔算太長5分鐘之內會有嘢食，而且我見到佢係即叫即整，所以每一碟飯都係熱辣辣。而我今次食嘅係黑椒雞扒飯，炒出嚟火候十足，雞扒切開炒令到每一嚿肉口感比較良好，而且黑椒汁唔算少。飯來講都算多，男生來講都會就飽。環境來講差唔多，整潔度一般。差啲唔記得咗講，佢有好多唔同嘅選擇可以俾人揀，不論粉麵飯，有好多唔同碟頭飯所以俾人選擇。

今日外賣了一個鹽焗雞飯，自知細食，已表明少飯要求。打開飯盒，雞肉"乾"又”鞋"，都尚可以入口。但白飯又凍，又乾，又硬，像放了過夜的冷飯，實在哽不下。打工仔，為2餐，叫得外賣都沒要求，但一餐晏仔質數都劣到如此，都算太過份吧！

最原先的《豐園》是《豐園美食》。這是一間工廠飯堂，所以在門口不可以掛招牌。吸引工廠佬 only 的茶餐廳仔，根本不需要任何的裝潢。早餐，是我喜歡的雞扒麵。令我感覺美滿的，是那一片雞扒是生煎的，入口是份外的香。而且，這是連皮的雞扒，入口又充滿了豉油香味。奄列雖好，可是唔知點解，冇左個火腿蛋奄列才出現到的甜味，可能，隻蛋全熟掛。午餐再來，簡單地叫了 (ABCDE) 餐的椒鹽豬扒飯。我可以說，這是一份很出色的椒鹽豬扒飯，豬扒不會乾身，肉在外同在內都有味，椒鹽加上豉油，混合在白飯之中，可以用惹味來形容，感覺妙極了。奶茶，同對面同名麵店的出品一樣，濃度，同奶香度，剛好合我的要求，非常之好。麵食好，早餐好，午餐也好，《豐園牛腩粉麵》同《豐園美食》，是工廠佬，工廠妹的飲食福音。

間野次次叫外賣都遲到.有時重要收多一兩蚊.垃圾到一個點........叫佢11:15到 夠膽死可以11:45先到打去問去次次都答出緊出緊事實行路十分鐘都到但係踩單車30分鐘先到

大家小心，間野餐牌有取巧，跟餐追加油菜寫名6元，但張單就寫收單點價18元,之後問返點解,既然話跟餐D菜放係個碗到；碟上當單點，我都係第一次聽。如果份量唔同，質素有分別，就唔好誤導大家,同一行寫跟跟餐價同單點價，大家小心小心，雖然俾多12蚊唔係多。但俾得合唔合理,條氣順唔順。我吃咁多間面店,一向加油菜都係碟上，真係未試過話加係個碗到；店家亦應係我落單時告知。寫篇野出黎係希望大家唔好好似我咁中蕉。更大問題係我發現坐我對面果位顧客。人地油菜另上都係收6蚊，而我收18，唔同人唔同收費？俾多當買個教訓，下次唔會再去囉。

今日(26-4-2017 Wed)冇飯帶,同男同事WC,女同事CP一齊出去食啦,佢o地話事,佢o地話想食牛腩河,我就跟佢o地,o黎到呢o度,我o地坐o左一張圓枱,WC叫o左個牛筋湯飯, 佢o地都加錢要凍飲,我要$40.00o既XO醬炒銀針粉.落完單,佢o地o既o野都好快到,我o既要等,見佢o地o既份量都唔少.我o既XO醬炒銀針粉到o黎喇.睇到都幾多,配料唔多,食落,冇乜XO醬,唔太鹹亦唔太辣,口感都正常唔會過腍.抵食係2.8分

早上冇食早餐，跑步經過石門剛剛肚餓，見到間餐廳門面寫住有牛什、雲吞，想想好耐冇食過一於入去食個早餐先由於係工廠區，入到去見到冇乜裝修，似普通食堂一間，我坐低就叫左個牛腩麵包一杯熱飲，不過可能八點十五分太早，待應就話要八點半先有，我話冇所謂，飲住嘢先，好彩等完碗麵真係幾好食杯熱檸茶都唔差，檸檬都新鮮牛腩麵幾大碗，牛腩幾多，先食牛腩都幾淋滑幾入味，牛味濃，肥瘦均暈，個大地魚湯幾好味唔太鹹麵就好彈牙爽口，呢碗麵幾正!!!由於食過呢次，前排再去幫襯，今次就冇時間等唔切，所以試個西式早餐，不過今次中伏味道中下，炒蛋還可以，但個蕃茄濃湯漢堡扒通粉就真係唔得，見到賣相已知唔好食，通粉不太靚漢堡扒食落還可以，但所為蕃茄濃湯，好明顯係茄膏需然間間食店都係這樣做，但其實可以將茄膏變成湯先送上，接受程度會多d，試過今次，就算再幫襯，只限中式粉麵呢間店其實還有碟頭飯和晚飯小菜，不過要留意時間唔開得太夜