影片
以上資料只供參考, 請與餐廳確認詳情
上一手的西餐廳結業後就由豉油西餐接力，入座率比起上一手更為冷清。既然一場來到，人少少也罷，照食餐晚飯！自家蔥油汁雞扒溫泉蛋炒意大利粉，配是日餐湯，套餐價$68。餐湯是忌廉湯，比較稀身，奶味偏重，沒什麼配料，普普通通。雞扒好大塊，肉質不會乾身及粗糙，算是不錯。蔥油汁炒意粉，麵質偏稔身，而且的確頗油膩。溫泉蛋夠流心，與意粉拌勻來吃，才稍為減低油膩感。招牌蕃茄鮮魚濃湯套餐配蒜蓉多士，主菜選了手工南瓜薯仔雲吞長通粉，同樣是$68。蒜蓉多士夠香脆！蕃茄鮮魚濃湯可嚐到蕃茄味，惟不太覺魚的鮮甜，湯底味道單調。手工雲吞有5粒，雲吞皮偏厚，以南瓜及薯仔為餡料，一粒雲吞就已令人感覺好飽肚！另外，雲吞欠奉南瓜那陣香甜。長通粉的熟度恰好，軟硬度適中。星洲麥皮煎海蝦 (300g），是今餐最好吃的菜式！海蝦走油夠脆，金不換等香草加強煎海蝦的香氣，麥皮同樣略略走油，增添口感。套餐各贈送凍花茶一杯，顏色雖然好淺，但味道不會好淡，帶有清幽花香。主食質素普通，難以吸引食客特意走到東昌街那邊光顧啊！
繼續閱讀
#20240817 💛📍 #豉油西餐 @cafe_de_soysauce 大埔東昌街2號地舖➖➖➖➖➖➖➖➖➖➖➖➖➖➖➖➖➖ 🥢 #是日餐湯 💭 有啲餐係可以揀湯定沙律，有啲餐就無得揀，一定要餐湯，是日餐湯係忌廉湯，入面有啲肉粒，質地比較稀身而且味道偏咸，同想像有啲出入😅. 🥢 #黑豚叉燒沙律 💭 開頭睇名仲以為係西式啲果隻黑醋既沙律，估唔到係青瓜薯仔沙律撈埋左啲叉燒，食落又無咩違和感，咬落有菜有肉幾健康～.#忌廉白汁海鮮長通粉 $88💭 本身係闊條麵，可以免費轉長通粉，又可以加錢轉手工意粉，啲汁都幾多夠撈晒啲麵食抵讚，海鮮有蝦、有蜆、又有啲墨魚仔，仲有啲三色椒，係普通茶餐廳既level，正正常常啦🦐.#霜降一口牛瑞士汁炒意大利粉 $78💭 意粉炒得彈牙，啲牛比想像中要淋身同埋有牛味，係個汁有啲太濃，開頭食會覺得幾惹味，但食多兩啖就覺得好咸想飲野喇🐮.#自家胡椒芫荽豬柳漢堡拼薯條 $70💭 唔想食意粉都可以揀食burger，個包無烘過又無搽牛油有啲hea，得肉底有塊生菜、有塊蕃茄同埋少少沙律醬，食落會有啲乾，不過講返塊肉係幾好食，芫荽多到每一啖咬落都食到，而且調味用左唔少胡椒粉令味覺幾刺激，建議佢地可以出啲生肉扒比人買返屋企煎尼食🍔. 🥢 #自家凍花茶💭 每個餐都包杯凍花茶，依家搵到間餐廳唔使加錢就有凍飲都要偷笑，花茶淡淡地反而幾好，起碼食完野飲佢真係解到渴🥤.#大埔美食 #大埔黃店 #🐷在大埔 #🐷_食
繼續閱讀
Lunch揀咗自由配搭燴意粉:意粉還好，三個餸好唔掂;水烚牛肉、勁柴嘅叉燒同埋非常之薄嘅司華力腸就咁放係意粉上面。唔係加多$8要埋汽水，應該都有啲難呑落去。其他無試過，所以無咩好講。天花機冷氣太低，坐幾分鐘已經好凍，吹到意粉都好快凍咗。唔知老闆係咪外行人定係點，諗唔到點解咁求其呢個賣相，自己係屋企都整到啲比佢更好。希望能俾返多少誠意，水烚不如我返屋企自己整唔好介意，但真係好難食，未試過咁差。茶餐廳好過你哋……
繼續閱讀
店名old school ，港式半西餐格局，價錢同區算合理，我食咗個魷魚墨汁燴意大利粉，墨魚汁夠香夠杰，意粉份量十分足夠，對於食得嘅我一碟都好足夠，味道幾好，餐牌有點似車仔麵，算係幾多選擇，由於份量大所以食唔到其他嘢，見到隔離枱點炸BB鴿同瑞士雞翼，雞翼$38有4隻半全翼，算好抵食，乳鴿配幾塊七彩蝦片，已經好小見下次希望試吓佢哋嘅西多士同香蕉船，唯一不足係飲品種類唔夠，門口可以泊車，有bar 枱位方便睇車。
繼續閱讀
今日叫左一盒意式雲吞$6x外賣返屋企食，一打開入面得6粒，仲要勁細粒，附送左個蕃茄湯，每樣野都好細份，覺得好貴😰味道ok，但由於價錢問題之後都唔會再幫襯，呢個餐女仔都要食兩盒先飽，如果以$6x來計，個湯十蚊，平均每粒餃子都要都要十蚊粒…..我地冇預過咁細所以冇特別影相…….其他野我地冇幫襯過所以不作評論，雖然冇得同三餸飯比較，但呢個價錢呢個冷藏意式雲吞，呢個份量，呢個質量，我相信會有更好的選擇😂
繼續閱讀