豆漿大王

營業中

休息中

咸豆漿好有特色，蝦米鮮味好突出，啱啱上菜嘅時候油炸鬼仲有少少脆嗰一啖真係難忘，可以另外嗌個油炸鬼食就仲正！佢嘅粢飯大細剛剛好，嚟到一定要食😆油炸鬼同肉鬆好配搭～另外仲試咗肉鬆蔥花卷，本身以為佢係麵包，原來蔥花卷係一個炸飯團，鹹香嘅飯團連同蕉香脆嘅外皮，配咗好多肉鬆，幾特別！反而下次未必會再試酸辣湯，略嫌太酸，豆腐缺乏豆味。The salty soy milk is really unique, and the flavor of the dried shrimp stands out. When it was just served, the fried dough sticks were still a bit crispy; that bite was truly unforgettable. It would be even better to order an extra fried dough stick!The size of the sticky rice is just right, and you definitely have to try it 😆. The fr

我覺得呢度嘅滷水豆腐幾好食！佢唔係鹹香嘅滷水，而係有種甜甜嘅滷水味道！而且豆腐大大嚿食得出豆腐係有豆香味！而且每一嚿都浸滿晒滷水嘅汁😍滷水雞蛋應該係用上鴨蛋比較細隻，但係每一隻滷水嘅味道都10分足夠，應該用咗好耐時間去滷製！如果鍾意食滷水豆腐同滷水蛋，我覺得值得一試

預咗個午餐食真係好驚喜普通嘅滷水蛋豆腐麵都好好食，同時加左個$6有個酸辣湯底都話真係好正，而且好足料，而且價錢真係好平😳叫埋個熱豆漿都係$42，無糖熱豆漿係咁凍嘅天氣飲好舒服🙂‍↕️不過個環境空間就比較壓迫，坐得唔係咁舒服

🥛🍞🥣經濟港式美食✨ qr code 落單✅肉鬆奶脆多（每客4個） -$24必試！佢係一條炸銀絲卷，切開咗四件，再喺每件上面塗上一層煉奶，再灑上大量肉鬆。銀絲卷外皮10分脆口而內裏好軟熟，煉奶甜，加上肉鬆極咸香，口感同埋味道都10分豐富。真係好好食😋✅咸粢飯 -$20呢個係招牌嘅菜式，點餐嘅時候亦都可以揀切好兩件或者三件，share食都好方便。配料有炸菜，油條及肉鬆，如果想要加配料嘅話就要加錢。油條真係炸到超級脆，佢個粢飯真係幾好食，軟硬度剛好，有咬口得來又唔會咬得太辛苦。🆗脆炸釀豆腐（每客3件）-$20豆腐都好大件，入面唔係好滑嗰隻豆腐，應該係蜂巢豆腐，冇咩調味，釀料都幾少，不過外皮炸得幾脆。🆗上海小籠包（每客4個）-$30新鮮蒸好，用蒸籠上，熱辣辣，都做到爆汁但個皮好厚，個肉嘅味ok✅咸豆漿-$20呢款咁特別嘅鹹豆漿都推薦大家試吓。佢係用碗上，加咗好多唔同嘅配料，有蝦米、油條、榨菜、蔥花，有得食又有得飲，味道都好特別。🆗煎餃子（每客4隻）-$27餡料係韭菜餃嚟，主要淨係煎香咗個底，味道正常，但性價比一般。

早前吃了《豆漿大王》的煎釀豆腐上海麵，感覺味道很不錯。今次想試試味道濃郁的酸辣淨水餃、煎菜肉包和咸豆漿。第一次吃咸豆漿感覺很特別，味道也很好。清淡的豆漿配上鹹的蝦米、榨菜、油條及蔥花，非常適合。極力推薦咸豆漿。👍酸辣淨水餃剛巧與咸豆漿相反，酸辣的味道非常濃烈。酸辣淨水餃除了有三隻韭菜餃外，還有其他材料，如：豬紅、豬皮、豆腐、木耳絲、筍絲和蛋絲。吃後全身温暖，但是感覺「痰上頸」好像有味精。煎菜肉包比想像中一般，菜肉餡不算多，包也不是煎得很香脆。

粢飯和咸豆漿是豆漿大王的招牌菜，秋冬吃一口粢飯，喝一口鹹豆漿，真是一流。「即叫即整」咸粢飯內裡有爽口榨菜、香脆油條和乾身肉鬆。食客可挑選把粢飯分三份或是兩份，又可加錢多要肉鬆 / 油條 / 榨菜或全加。除了招牌菜外，煎釀豆腐上海麵也不錯👍煎釀豆腐上海麵三塊大豆腐有豆香，且煎得香脆可口，釀了鹹香小肉碎塊，肉碎塊大一點就好啦^^豆腐清淡配上鹹中帶甜的榨菜很配合，上海麵份量適中。

#新蒲崗 出名 #美食 多🤩 呢日我哋 #為食兵團 千里迢迢嚟到位於 #大有街 嘅「豆漿大王」，就係為咗試吓 #米芝蓮 嘅 #街頭小食推介 有幾特別🤪 餐廳開喺工廈嘅地舖，不過唔知咩原因長期閉門營業😅 路痴嘅我好在有支盲公竹😉 喺 #Mikiki 行過嚟大概十分鐘就到達目的地✌🏻冇諗過星期六嘅中午時段，呢間「米芝蓮推介小店」居然已經幾乎坐滿人🤩 好不容易先搵到幾個位塞入去😅 嚟得嚟幫襯，#粢飯、#豆漿 一定唔少得，當然仲要有 #小籠包 同 #上海雲吞 先至夠風味🤤豆漿🥛方面，我哋一次過嗌咗三款，分別係甜嘅 #凍豆漿、熱嘅 #原味豆漿，仲有最特色嘅 #鹹豆漿，一次過試晒佢🤤 豆漿豆味都幾濃，加咗櫻花蝦同油炸鬼嘅鹹豆漿，令口感更加豐富😁 不過我份人就比較專一，都係凍豆漿最啱我口味☺️粢飯餡料非常豐富，肉鬆配上脆脆嘅油炸鬼，仲有啲榨菜粒，外表包上一層煙靭嘅糯米飯，跟我手上杯甜豆漿，簡直係絕配🤤不過講到佢哋嘅上海雲吞就唔算太正宗，湯底似加咗味精😅 不過都只係幾十蚊一碗，一試無妨😅而最令人失望嘅冇諗過係佢哋嘅小籠包😅 扁踢踢嘅小籠包黐埋一堆😅 都未夾起就已經爆開（四隻如是）… 最精華嘅湯汁一下子就

見好多人推介呢間米之連，特登嚟一試。咸粢飯 $20餡有炸菜、油條、肉鬆。有得揀分三份定兩份，仲有d 加錢多肉鬆／油條／肉鬆。上枱熱辣辣，油條係脆嘅，肉鬆夠乾身，混合埋炸菜食，一流！冰凍豆漿 $10好飲，濃濃豆香味，又唔太甜。咸豆漿 $20一飲落去，驚艷，大量櫻花蝦，勁足料，超香。但食到尾有d鹹。脆香雞扒飯 $40雪菜係甜嘅，雞扒炸得都脆，但溝埋得一個字：鹹...總結價錢合理，部分食物係出色嘅。唯獨鹹野都幾重口味。

我本身好鍾意食粢飯一直都想黎試今日就專登過黎試叫咗呢幾樣嘢1）咸豆漿比想像中有味，感覺似飲湯幾特別2） 凍豆漿幾濃但就甜咗少少3)粢飯真係好好味，飯又軟唔會太厚，油炸鬼又夠脆4）煎鑲豆腐呢個就比較普通5）肉鬆奶油脆脆呢個真心好味到癲，脆香口惹味6）酸辣湯餃子湯好飲，味道剛好，料又夠足，餃子又好食

中午經常行過都見到好多人喺出邊，好似超多人排隊等位咁，但其實今日我哋五人去等位都只係需要5分鐘。翻枱率好高，同埋好多人其實係等外賣，建議大家要堅持，嘗試埋去攞咗張飛等位先比較建議叫佢哋嘅小食居多！！！麵同飯類並非佢哋主打。// 煎釀豆腐麵感覺呢個性價比係最高，本身餐牌嘅淨炸豆腐即喺呢個煎釀豆腐都要$20。同埋食呢個可以試到佢啲餐牌招牌豆制小食。煎釀豆腐好厚身，豆味重唯一係釀製肉真係比較少，完全就係相眼見嘅呢一片肉。坦白講個上海麵就一般般，麵底麻麻哋。不過呢個價錢性價比真係十分高！超抵食！// 肉鬆奶脆多 $24想特別推介呢個肉鬆奶脆多！ 雖然佢其實係將兩個炸饅頭切一半，然後搽啲牛油加一啲好脆嘅肉鬆，好似直接叫個炸饅頭抵啲，但係的確同自己叫一碟炸饅頭加佢啲肉鬆係兩回事。佢個奶脆多用嘅炸饅頭係比同樣單叫嘅炸饅頭的確係脆啲！應該係有另外搽咗牛油煎脆另外啲肉鬆都係脆嘅！十分做到脆多士嘅口感(以為十分一般，所以相都冇影。)個人都好推介炸饅頭的確好好味

星期日朝早喺新蒲崗出沒，唔想食咁飽，就嚟豆漿大王食早午餐。（左）凍豆漿（$10）、熱薑汁豆漿（$16）凍豆漿沒有豆‘’益‘’味，唔會過甜。至於薑汁豆漿，薑味太重，豆漿味完全被覆蓋。都係推薦飲返豆漿好啲。粢飯（$20）個飯夠熱，油炸鬼keep到好脆，榨菜都好好味。相信粢飯係招牌之一，但如果大舊啲就好喇。（左）煎豆腐（$20）、酸辣湯（韭菜豬肉餃子）（$41）比起一間馳名食豆腐製品嘅餐廳嚟講，豆漿大王嘅煎豆腐普通咗啲，可能輸咗喺個醬汁方面，同舊魚肉。酸菜湯就好好味，湯底酸度胡椒味恰到好處，配料都好多，有豬皮、豬紅、芽菜、豆腐、木耳絲。但個韭菜豬肉餃就冇乜特別啦，如果再食會揀其他配搭。豆漿大王喺新蒲崗都頗為出名，大概假日11點入座，剛好有位，晏少少已經出現人龍，估計平日午餐時間應該好多人排隊等候。

今次我哋係兩個人去食，理所當然就嗌咗兩杯凍豆漿啦，佢係真係好甜，然後有浸腐竹糖水嘅味道幾好飲嘅我個人覺得。然後我哋嗌咗個頹飯啦午餐肉雞蛋飯個午餐肉煮得勁香勁好食唔會話好腍 啲嚟講就偏硬，但係其實都幾好食嘅然之後我哋仲嗌咗個肉鬆酸菜粢飯 我自己個人就唔係咁鍾意酸菜嗰一層覺得就味道會有啲奇奇怪怪，下次應該會直接嗌肉鬆粢飯 肉鬆粢飯勁好食囉，特別係佢啲飯呢唔會係好濕嘅感覺啦，佢係會有少少硬身。最後埋單都係70幾蚊兩個人加埋

呢排去新蒲崗做運動，因為做運動唔可以食太飽，所以就揀左去食豆漿大王，無疑是一家粢飯愛好者的天堂。店內環境簡單明亮，但keep住多人，係會有少少擠逼感，不過還可接受。上次食鹹豆漿覺得比較一般，所以今次試佢哋嘅招牌粢飯。因為粢飯要即整，所以都真係要啲時間去製作同等，不過的確高質，因為啲首先米飯綿密Q彈，唔會太腍啤啤，係有咬口，而且佢哋嘅配料都做得唔錯，油炸鬼真係堅脆，當然我唔知如果外賣會唔會腍左，但現場食的確正，榨菜係有再炒過下，所以會乾身啲，同有口感，肉鬆份量唔叫多，不過係脆嘅，我估因為佢個糯米飯比較乾無咁濕，少啲水氣，令啲配料脆好多。

一向有幫襯開豆漿大王（新蒲崗），今日啲姐姐掛住傾閒計，好嘈，豆漿大王客量又唔多既早餐時09:44am（如圖），等左好耐既雞扒麵，追左後出黎既雞扒（如圖），燶到爆同拎雞扒黎俾我既阿姐講咁燶，佢都唔理！好明顯漏單，雞扒炸過龍！如出我所為料，埋單時同收銀阿姐再講，問佢係咪漏單令到雞扒炸過龍，佢承認，仲叫我下次可以唔要，你明知咁燶都俾客人食都好唔合理！到餐時反應左，都當客人意見冇會事，有冇搞錯真係唔會有下一次！！！

新浦崗名物$20一個粢飯，雖然加了價，但仍然係物有所值，尤其是咬落去條油炸鬼仲係微脆嘅，真係可遇不可求。衣家轉咗Menu，可以揀切成兩件或三件，又可以加錢去加炸菜、油炸鬼、肉鬆等，真係勁。切開咁嘅樣，見到D糯米飯外層都算薄，入面D餡都好多吓，值得推介。食咗粢飯又飽咗一大半，不過仍然心思思叫多一碗淨上海菜肉雲吞，佢嘅雲吞皮好滑，入面D餡漲卜卜同埋都幾新鮮。豆漿當然要飲啦，豆味都算香又唔會好甜。