豆漿大王

營業中

休息中

朋友介紹，我食上海嘢幾十年，要試下有幾好味食咗粢飯，幾好味，油條脆，不過肉鬆太甜酸辣牛肉麵，味道正宗，醬色，酸味，辣香，麵彈牙！不過冇豬紅，牛肉嫩，香，補足！！小籠包皮有筋性，我喜愛！餃子，雲吞經常整，唔使食佢食物大部份即叫做即做，新鮮！！果然必食店！！冇介紹錯！！

走過工業區，這邊的美食餐廳也不少，除了有多間分店的瑞士咖啡室之外，這間豆漿大王也是我不時去吃的餐廳。最鍾意食嘅就係佢嘅豆漿粢飯。今日搵唔到野食，即刻又諗起依間野，於是就黎左食lunch。入面嘅格局其實唔大，所以當好多人嘅時候，就會感覺有少少迫，不過裝修簡明，比人感覺還好。我照例喊左個午餐: 肉骨麵，跟餐一碗熱豆漿，再另外加一個粢飯。粢飯黎先，熱辣辣嘅粢飯幾燙手，就住就住用手指尖撕開來食，糯米香軟，油炸鬼十分脆口，還有榨菜等，配合大碗豆漿的溫潤，總讓人滿足。主食的肉骨麵也是這裡的招牌之一，相比上次來食，肉骨感覺比較老了，上次較嫩，但還是很入味，而且三大條肉骨極之飽肚，大啖肉，大口湯，大口麵，相當抵食嘅選擇。唔錯嘅一餐：)

堅持每日午餐都寫一寫，今日去開工業區做野，0係附近食個粉麵快餐。見到呢間豆品做招睞，可以一試。食左一個雞翼酸辣湯面：老水雞翼算係入味，但煮太耐有點「鞋」。酸辣湯酸味同辣味都太重，入口太酸，後勁太辣，香味欠奉。非常值得欣賞既係麵底，粗幼適中，有麵香，火侯到位，煮透而保留到彈性，抵讚。但服務認真麻麻，無咩人招呼，而上菜亦慢。

之前友人介紹我呢間小店得，今日就帶同老公黎試下....粢飯＄13粢飯好正，飯唔多但饀料多，難得之處係炸菜幾好味，不過可能枱枱都叫，都等左15分鐘先有！熱豆漿＄7豆味濃，最好係自己落糖。五香肉骨麵＄31肉骨好淋好入味，麵身OK，係滑口嗰種，湯底加埋炸菜肉絲幾清甜，應該無乜味精！肉鬆奶脆多＄14特別，香口好味，但本人對炸野無愛，食左一舊，其他俾老公食晒酸辣雲吞＄32對於唔食得太辣的我黎講，酸辣度剛好，但老公係重口味的人，佢覺得應該可以再酸D辣D，成個湯好足料，雲吞皮薄有咬口。姜汁奶花＄11其實已飽到上心口，其實係好味嘅，不過實在太飽啦@.@食唔晒味讚：整體黎講，成餐都好滿意，出品係有質素，希望佢可以保持，因為宜家好難揾到又好食又唔貴的小店環境：企理乾淨，多人，通道比較窄價錢：非常親民，全單＄108食得飽飽同滿足，性價比高服務：可以啦，入得小店都唔預有五星級服務，唔知係咪繁忙時間，出餐慢左小小

D嘢食真一般 麵太淋 冇咬口 油豆腐粉絲湯冇成意 求其了事 完全不是那回事 小龍包皮太厚雪肉味太勁 酸辣湯一點酸及辣味都冇 ，豆漿冇豆味 ，唯一可取是次飯真了得，地方污糟 職員極冇禮貌

飲食男女介紹之前已經想俾嗰like佢，不過到今晚先啲起心肝開個户口寫下食評。招牌粢飯無得輸，飯量不多餡料足油炸鬼勁卜卜脆，所以一直單賣無套餐都差不多枱枱叫就知道佢幾招牌啦!!除此以外，呢度嘅酥炸雞翼麵係我必食之選，雞翼有少少甜味脆口好食，而麵我轉咗酸辣湯麵，酸辣適中又足料...用心製作嘅食肆買少見少，誠意推介!!

今次食五香肉骨麵，發現可能係依間野性價比最高既午餐。 三四塊大大的肉骨，煮得軟爛入味，咬落鬆化，有濃郁醬香，份量十足。 推介必食。 除左肉骨外，啲麵都值得一提，幾爽滑，配搭埋唔會過咸既湯，依餐食得好飽。 隨餐附送一碗豆漿，滑而豆味頗濃，未去到超凡入聖，但食得出係自家研磨。總結而言，成餐係水準以上。

食左個酸辣湯麵，豆漿加粢飯。酸辣湯麵個味道都幾到位，酸辣得幾爽，麵條應該是上海麵，較粗身，我比較鍾意。豆槳上的時候沒有加糖，可以憑自己口味加糖。 飲落在一般水准以上，可以收貨。 粢飯先係今餐既重點。 切成兩半既粢飯陳在碟上，拿起一咬，外面溫熱軟糯的糯米，接下來是好香既榨菜同肉鬆，最後咬到卜卜脆既油條。 送一口豆漿，那種味道配搭上來非常之好食。 其實依間野最好食既，就係粢飯，好少有粢飯可以做到入面既油條係熱辣香脆，但依間做到，係唔錯既。

應該係新蒲崗工廠區最有質素既小店，只須看看午飯時間，在門外排到長長的人龍，即使左右都有餐廳，但人們都在這間門外排隊，就可對其水準略知一二。第一次去，食左個秘滷肉碎拌麵，冇飲豆漿，轉左杯咖啡。拌麵既份量ok，只係肉碎感覺上唔係太飽，不過的確好味。關鍵有二: 一，佢個秘滷非常之惹味，有很濃但不過火既胡椒味道，食落微辣，非常之爽快。二，佢個麵條幾好食，軟得黎又條理分明，有啲彈性，撈埋容易食上癮，我自己食完一碗之後唔夠喉，差啲想叫第二碗。咖啡稍淡，但都香濃過一般茶記貨色，可以收貨。

新蒲崗有很多美食這日突然好想食粢飯一坐下就點了兩份粢飯 @HK$13、凍豆漿 +HK$7 和咸豆漿 +HK$14這兒的粢飯是即叫即做，加上是很多食客必食的皇牌食物所以要耐心的等一下喔 !!!粢飯有咸和甜兩款，甜的餡料有砂糖和油條而我們點的咸粢飯的餡料有油條、肉鬆和炸菜即叫即做的粢飯，上枱時仲暖烘烘的香軟的糯米，包著脆卜卜的油條、爽口的炸菜和香口的肉鬆，好豐富的餡料外層的糯米不太厚，吃起來不會飽飽滯滯，好滋味呢 !!!我點了平時很少地方有的咸豆漿咸豆漿不是豆漿加鹽咁簡單，而是加入了醬油和配料一起煮的這碗咸豆漿好足料，有蝦米仔、油條、蔥花、榨菜粒 ...除了油條，所有配料都切到很細粒，味道也不會太濃太咸飲完一大碗豐富又實在咸豆漿，惹味又滿足 ~~** 以上是以我的口味、喜好和情況作出分享和感受，一試 / 合用與否請自行決定

早餐時段7至11時半，二人剛好以$48吃了個滿足的早點，感覺經濟實惠。我們點的有粢飯、煎菜肉飽、醬爆肉碎夾饅頭，配熱豆漿及玉米漿,最令人回味的始終是餡料十足的粢飯及自家製的玉米漿。前者的油條不但鬆脆，還可據個人口味多加炸菜、油條、肉鬆或全料，也不過是加$1-5。後者漿身並𣎴會太稀薄，味道亦算濃郁，可謂較少能在香港餐廳喝到這款「熱飲」！吃飽以後，看到他們換上午市餐牌，又有晚市 （至9p.m.), 已急不及待相約再來吃麵！

新浦崗都系經常會踏足既地方，但一路吾知有一間隱世美食在民間。豆漿 ：有豆味，夠凍！－－好栥飯：夠熱，肉鬆夠鬆，油條係脆，竟然系脆！！－－不得了肉鬆奶脆多：靚肉鬆＋外脆內軟奶脆多－－好好

之前看雜誌介紹呢間小店，標題為隱世小店，令到我千里迢迢都帶媽媽由港島區過黎試下！其實呢間小店唔易搵，雖然係大街但因為門口無招牌好易行過龍首先叫左個粢飯，我見差唔多枱枱都有叫粢飯，我諗應該都唔錯嘅！食完之後覺得真係堅正！炸菜香口，肉鬆入口即溶，油炸鬼超脆！混合埋口感都幾豐富！一流！媽媽都話未食過咁好味的粢飯！媽媽試左個咸豆漿，佢話好好飲，同埋宜家好少地方有得食咸豆漿，但可惜我真係唔識欣賞！我飲左個蛋白杏仁豆漿，杏仁味濃，口感沙沙地，真係好味不過份量少左啲....有啲唔夠喉...肉鬆奶脆多....呢個真係不得不介紹！一句講晒平、靚、正！好味！好好味！肉碎拌面.. 味道特別，從未試過，有少少似印尼撈麵CROSSOVER上海面，好惹味！不知不覺成碗食晒！因為第一次黎，大部份都跟雜誌介紹黎食，但見到其他人叫的都好吸引，下次一定會再黎試其他野！真係好用心做的小店！最後，埋單都只係＄87蚊！超抵食！好味又滿足！可惜佢只係得將軍澳有分店！如果港島區都有，我肯定日日黎食！

這天工作有點忙，跟同事過左1點才落街食lunch，心想不如過大有街那邊試試，因有多些食店，可能會沒那麼多人等位首間看到便是豆漿大王，餐牌的款式也挺吸引，推門進去竟然立刻有位，那麼就不用想，直接試一試吧餐牌兩面都寫滿了一邊是飯類、一邊則是麵類另外還有一張是這店的10大必食看來粢飯真的很受歡迎呢在主餐牌中更有一整頁是粢飯套餐我們3個人叫了五香肉骨飯+熱豆漿，秘滷肉碎拌麵+熱豆漿 及 1條粢飯先來是套餐附送的熱豆漿熱豆漿是用碗上的~~~好大碗呢!熱度是剛好可入口的溫度，不會太燙餐廳沒有加糖，可以嚐到豆香味 我個人很喜歡這種豆香，不過有些人則會覺得有陣豆青味視乎個人喜好了~~^^;豆漿放了一會便見到有腐竹，可見這豆漿有多濃郁五香肉骨飯肉骨大概有3,4條，旁邊還有一些雪菜(拍不到)肉骨炆得頗冧，有點像平時台式的豬軟骨食雪菜甜中帶鹹，十分開胃秘滷肉碎拌麵賣相一般，肉碎也沒有如餐牌圖片那般多意外地入口頗辣，其辣味好像是胡椒 五香粉之類，所以食完會有少許口乾同事覺得這個味道也不錯，只是$34有點不太抵，好像 肉骨飯抵食一些最後到粢飯了可選需要切好的件數，好貼心呀!!用膠袋包裹後，連膠袋一併切，所以拿

其實今次是第2次來了！ 對我來說不就腳架! 第一次來時與兩個女性朋友來， 今次再約番佢地兩個 encore! 這也是證明我們也掛住我們3人第一次試了粢飯已愛上， 還有見到好多客都是要粢飯的! 上次飲薑汁豆漿， 今次試粟米豆漿， 好像食緊粟米粥咁， 我們三人都是叫埋同樣野， 無加糖， 大家異口同聲都讚不絕口