譚仔雲南米線 (已結業)

同kwai去mk行街,又去譚仔仔到食,不過喱次唔同係喱間唔係三哥呀~!因為2個人食,叫左個過橋米線套餐,要麻辣湯底5小辣~!過橋米線,好大碗,有齊咁多個餸,2人都食唔晒,雖然只係要5小辣,不過都好辣下呀,可能因為我唔食得辣.......不過都係味道唔錯的~!個炸醬好味呀~!蒜泥白肉,又係like,食落好入味,又有蒜香,唔錯呀~四川青椒皮旦,食落凍凍地幾,都唔錯不過又係好辣呀~!

真係未食過d咁難食架米線同人去食, 自己食酸辣雞肉腩肉米線, 叫左杯凍檸水湯底無酸味又無辣味，簡單ｄ講就係無味，有色素架滾水米線非常之淋，　好似食梗糊仔。。。雞肉腩肉近期來貨一定非常之貴，所以成碗都係得幾片。。。凍檸水，　果然係水，　嗎味都無，　我同阿姐講，　阿姐完全無反應我好肯定一定唔會再去ｌｏｒ

8:00p.m到去到 等左一陣就有位 2個人叫左過橋米線套餐,蒜泥白肉同土匪雞翼 譚仔既奶茶同檸茶都唔好飲 就飲凍檸樂大大碗咩都有好抵食 好中意食炸醬 撈米線好好味好多蒜 食落好香 但好多油

同朋友第一次幫視呢間譚仔, 基本上食物都ok 但係服務態完全唔得, 理由是: 1. 一入門口我同個阿姐講話兩位, 佢邊做邊講入面啦, 我同朋友是但搵個位坐, 但比d 阿姐點黎點去坐呢度坐果度2. 落單阿姐落完唔覆單而且落錯, 到食物送黎時, 原本我要特辣變左大辣, 我同姐講, 佢仲問我係咪我up 錯?? 仲要check 我張單又問其他同事呢個情況點做?!?!?!?! 都算啦, 落錯咪換返囉! 但佢仲要同我講: """""其實大辣都已經好辣架啦!!! """""唔係嘛? 落錯單仲推比個客哽? 咁都得? 3. 係咁送黎無order 食物好多次, 擺明落錯單..呢頭同個姐講話無, 呢頭又黎..阻住食野!我認為譚仔應該要多d 訓練員工! 唔指食物要做得好, 其實服務態都好重要!

其實我地成家都係三哥fans, 我家姐更加由三哥第一間舖食到上三哥三嫂屋企打邊爐.我本身不是太受辣, 但由於三哥米線有很多不同口味同辣度選擇, 使我都食上癮, 一有時間就心思思搭車去食.近日見三哥又出新招為慈善出力--徵文比賽(他買紙巾都有為奧比斯籌款), 一定大力推介試一試個煳辣啦!一試之下, 比同一辣度既麻辣更辣但無咁麻, 不過有好濃好鮮既肉醬味, 近似三哥既秘製肉醬, 不過愈食愈辣但係又好味到唔捨得放低筷子, 那個簡直係三哥又一傑作, "愈食愈辣, 愈辣愈食"

今日同老婆來到傳說中的譚仔， 中午3點唔需要等位元元~ D阿嬸都好熱情叫我地坐低。。我叫左個 腩肉 + 金針菇， 老婆叫左豆腐蔔+墨魚丸等左幾分鐘 D野食終於到啦。。食落去， 我覺得麻麻 都唔系好特別者。。。但系太大份， 我老婆一個人根本無可能食得曬見到隔離有2個人叫左 樣樣有， 果個好似岩我地食唯有下次試嚇啦。。地方有D逼， 洗手間有點邋遢之外 其他都可以既~

今天是2010年12月20日（星期一）下午5.00我到了譚仔三哥線旺角的地鋪坐了下來,想了一陣叫了優質扭紋紅薯粉(小辣)很快就有一大碗色彩繽紛的湯粉在了眼前於是我開懷的吃下去但是腦中想起了二十六年前在北國的小吃，吃到一半時又叫了一杯凍奶茶思想抽離了身體，靈魂飛出的湯粉就這樣，去到了靈空。感覺很放鬆。很寧靜就快吃完時，才聽到大堂有很多人說謊非常熱鬧，這時我的靈魂才回到了優質扭紋紅薯粉(小辣)。感覺放鬆了很多，比其他任何享受都靠譜比去旅行，去公園去圖書館等都有實際的真實感覺我在這裡大大提醒朋友們在中午下午或是晚上，都來譚仔雲南米線來享受這裡的鮮，香，濃，辣和一種空靈的感覺比吃任何山珍海味更要有經濟實惠。李太2010年12月20日星期一於旺角譚仔雲南米線地址：旺角醬油街104B地下(近仕德福酒店)電話27823633

腩肉墨丸上湯米線腩肉得4-5片,勁小墨丸有4粒,唔彈牙仲有陣怪味米線好硬,似未夠熟唯一得佢個湯底係冇變真係未食過一間譚仔好似呢到咁難食,我唔知係唔係因為新開冇幾耐,但我一定唔會再去呢一間,勁肚餓咁入去,食左幾淡之後會有一種唔想再食既感覺,真係食咁耐譚仔真係第一次LO

平日都有到這間譚仔光顧，愛吃辣但又不能吃太辣的我一向都是吃十小辣的，昨晚如常叫了一個牛肉米線十小辣，但好像沒有平時那麼辣，我相信不是我進步了，反而應該是它的辣味不夠，希望它們能夠留意一下，否則下次我不知道應該叫十小辣還是五小辣了，不過土匪雞翼依然很好味，值得一試！

對上一次食譚仔已是半年前!以前次次都是去深水埗店, 今次就試一試旺角店啦!今次叫左兩樣東西兩個人share食 酸辣過橋米線 $40大大碗, 又多餸, 兩個人share就最o岩!其實米線和餸都沒特別, 最重要是湯底真的做得很好! ! !酸度色中, 最重要是另外上的酸菜, 加埋入個湯到食, 正 !唯一可惜是酸辣湯底沒有辣度選擇, 想要辣一點都不能。 土匪雞翼 $25/5隻三款雞翼中本人獨愛土匪雞翼, 又香又入味, 如果外皮可以再脆一點就更好。 凍檸茶走甜 $5個檸檬完全唔出味! ! !

少少失準的譚仔午餐單拖去譚仔食酸辣米線，一向喜歡他們的多酸少辣，份量勁大，但酸得令人開胃，有時同同事一齊仲可以食埋個3隻庒的土非雞，不過今日就唔得，我豪叫了4個餸餐：牛肉、豆卜、雞肉、腩肉，總值:$33。牛肉:老了點，但不像筋豆卜:有豆味雞肉:老了點腩肉:幾好，爽口、有豬味米線:今天有點over....淋了點整体:一般

下午5點半o黎食, 唔多人, 入到去已經有位座, 但唔知係咪o個度o的職員食飯時間, 眼見得兩位職員做野, 一個收銀, 一個落單, 其他職員就坐晒o係最入兩張枱,叫野食都要花少許時間先叫得到~!雖然個職員好忙, 但佢都好有禮貌咁同我落單, 唔駛等好耐, 大約5分鐘都無就有得食, 食落口入味, 其實之前我都去過其他幾間分店食過, 包括: 葵芳, 荃灣, 油麻地, 太子,但都係覺得今次呢間最好食!之前幾間食落去好似係將o的野整熟就一次過攞出o黎咁,但今次食落覺得佢係將o的麵同餸一齊煮, 味道濃好多, 好味好多!

臨近睡覺不想吃太飽，兩人點了一碗酸辣粉和土匪雞翼。酸辣粉：餐牌推介的紐紋紅薯粉，第一次食，幾特別，外型似出前一丁，有紅薯粉的咬口。另外加了魚蛋，墨丸和豬肉片，魚蛋爽口。湯底雖看似清淡，但已夠味，再辣一點更好。土匪雞翼：一客大的，有五件。雞翼大大隻，肉質滑，面上有些黑芝麻，好香，又熱辣辣，正！值得推介！

之前聽人講譚仔宜家有紅薯粉食, 諗住去試下啦。一心諗住間間分店都應該有, 原來唔係囉!今日黎呢間竟然無得食, 好失望呀!咁唯有叫返個竹笙魚旦十小辣米線黎食$27好耐無食, 水準keep住, 湯底睇個樣唔辣, 但食落都幾勁呀!真係唔知點解ma 辣愈食愈上隱。竹笙吸左d 湯, 正!魚旦彈牙既, 好味!一大碗既米線, 最後只淨下少少湯!

上星期五晚, 師傅放左監就出左旺角, 最主要係幫培哥攪下寬頻, 結果當然係攪到一身大汗同埋好鬼肚餓啦, 但一支公又唔知食咩好? 兜左好耐最後師傅都係想食米線, 但素來師傅都覺得旺角冇出色嘅米線店, 就如佐敦冇出色嘅車仔麵一樣, 所以都唔知去邊間好?師傅喺冇咩選擇下加上米線大過天嘅情況低下, 唯有屈就一下, 見到呢間食店都焗住要食啦; 其實師傅最唔鍾意呢間食店嘅係食辣都要加錢, 雖然一蚊雞已經唔係咩錢, 但硬係覺得冇道理; 呢個情況就等如食雲吞麵落浙醋, 食壽司加wasabi, 所以絕對冇理由囉! 不過既然要食唯有比啦, 於是師傅柯打左牛肉, 墨魚丸同埋炸醬配酸辣湯底, 再加多杯凍檸茶!等左一陣, 酸辣米線就擺左喺師傅面前, 於是第一時間試下個酸辣湯底, 酸辣湯底係酸酸地微微辣, 幾開胃仲會追住飲, 呢下都幾過癮, 味道唔錯; 再試下牛肉, 牛肉未算好老, 但幾韌而且有根, 牛肉水準都算差, 所以唔算好味; 而墨魚丸有三粒, 入口都幾爽口, 加上墨魚丸有墨魚味, 頗香,算唔錯; 至於炸醬少少辣, 呼道尚算搶口, 不錯啦; 而配菜有腐皮芽菜, 芽菜爽口, 份量又多, 腐皮就好香, 好入味;