譚仔雲南米線 (彩明商場)

營業中

休息中

譚仔雲南米線一直都受後生仔受歡迎，而我就食咗無限次咁多😂由於佢係平民餐廳唔好期待佢有好高嘅服務質素同埋環境😂但環境整體上都係乾淨👍🏻好睇嗰間店又唔夠人手😕😕之前就鍾意食重慶三小，呢排想食清啲多數叫10小辣👍🏻今次我就食咗雞肉韭菜10小辣，韭菜份量勁多🥰一嚟到嘅時候疊到成座山咁🥰10小辣好香👍🏻🍜是朋友食嘅蕃茄湯都好好味！！！好開胃！！！米線份量啱啱好。好味！！！！(另外而家有下午茶套餐，個冇影到相，有興趣可以睇其他人post嘅相，好似抵食啲咁，但下午茶就冇得自己揀食咩餸)

調景嶺 譚仔雲南米線調景嶺呢間譚仔最近搬咗去一個新嘅位置，之前嗰間個人覺得湯底偏咸， 米線質地太硬，唔太好食，一路都冇再幫襯。而家搬咗新嘅位置就去試下個廚房得唔得啦。通常我都係食雞肉墨丸清湯米線， 今次個湯底正常，有鮮味得黎唔會太鹹， 墨丸都一樣爽口彈牙大大粒，仍然都係高質嘅墨魚丸！ 雞肉就普普通通正常土匪雞翼今次比米線來得快，但係唔算好熱 ， 孜然味亦都唔係好夠，係幾香嘅，都有肉汁個人覺得搬左新地方嘅譚仔好食過之前嗰間

舖位搬左。不過依然都係喺2樓。夜晚黎食唔滿人。大把位任坐。不過餐廳入面冷氣唔夠。可能因為商場啲冷氣係涼過餐廳入面。好彩坐多陣就慢慢適應左。全場有3種唔同嘅枱。感覺似係湊湊埋埋啲枱咁。阿姐們依然服務態度好好。又快手。叫左雞肉酸辣同小食雲耳。今次酸辣好似偏辣左少少。芽菜比平時少。不過依然係足以令到人食上癮。雲耳一上枱就覺得好大兜。賣相吸引。可惜味道麻麻。基本調味唔夠。唔夠味。叫左小辣。不過除左辣辣地就冇咩味。