譚仔雲南米線 (海富商場)

營業中

休息中

忽然想食米線同小食，行下行下就見到譚仔，就食下依間，我覺得雞翼係必食之選，味道同口感都有驚喜。酸辣湯米線雖然稍為普通，但整體質素仍然唔錯。如果想試一餐地道又滿足嘅小食同米線，呢度絕對係一個好選擇！1. 雞肉 乍醬 生菜 酸辣湯米線雞肉嫩滑，份量十足，配上乍醬嘅獨特香氣同生菜嘅清爽，味道層次豐富。酸辣湯底帶點微酸微辣，刺激味蕾但又唔會太辣，對於唔太食得辣嘅朋友黎講啱哂。2 豬膶 酸辣湯米線湯酸爽辣香，中辣口感溫。豬膶切薄嫩滑，無腥味，吸滿湯汁鮮美十足，推薦愛酸辣與內臟的食客，試試小辣更刺激！3. 土匪雞翼 (5隻)五隻雞翼份量，醃製得非常入味，烤得外皮香脆，內裏保持嫩滑多汁。調味帶點微辣同香料嘅風味，食落好惹味。作為小食或者配米線都好適合，幾好食，強烈推薦！

今日嚟到大角咀海富商場 食早餐， 商場 入面都好多間 食店有做早餐， 喺商場行咗個圈最後揀咗譚仔雲南米線， 店內 乾淨企理 側邊有卡位 ， 中間枱櫈 坐得唔係咁舒服， 最後我轉咗去卡位坐😅，可 能商場食肆競爭大我見入面都唔係咁多人， 但係佢嘅價錢相對比其他店舖平。我叫咗個 最簡單嘅 早餐A, 牛油多士 炒雙蛋 火腿通粉, 炒蛋 我覺得炒得比較熟晤夠滑， 多士 如果 烘得耐啲會更好食， 我最欣賞係火腿通粉， 雖然火腿份量好細塊 ，但佢個湯底 好濃郁嘅雞湯味，正👍

作為常客，呢間譚仔基本上一星期都會幫襯一次。平時通常堂食，今日因為有嘢忙，改咗用手機落單外賣。落單同平日相若，都係爽米線，因為以往試過無自訂，米線上檯時係淋晒。另外叫咗小辣。返到屋企，一打開見到血紅色湯底，已心知不妙。成個紅海咁都叫少辣。更加驚喜嘅係爽米線係未煮熟嘅，極其量都係三成熟，真心條米線真係硬過我條命，差啲要搵側田坐陣。最終我要用蒸爐蒸咗兩次5鐘先叫做有七成熟Conclusion, 唔知今次係咪時運低還是不宜外賣，希望下次再幫襯會順順利利。希望今次只是個別事件

好日都唔食一次譚仔，但係見佢新出左下午茶好抵食， $60唔使可以食晒三款雞翼，梗係試一試～.連姐姐都話我識食，叫晒三款雞翼。平時啲雞翼咁貴，呢個下午茶餐可以滿足晒咁多個願望😋.如果淨係可以叫一款，我每次都係叫土匪雞翼，一如以往都係好香好好食。相對來講香草雞翼就比較普通，如果散叫我就應該未必會再叫。反而麻辣雞翼有啲驚喜，因為味道真係麻辣而唔係普通啲死辣。平心而論，呢三款雞翼都好好食，因為唔乾身仲有少少汁水。.至於米線方面，就真係冇平時咁大碗，但係對於我呢啲本身食得唔多嘅人嚟講已經非常足夠，不過男士們可能就會覺得有啲少。但係以呢個價錢嚟講跟埋三餸，仲有嘢飲包埋，已經冇咩可以挑剔。呢個下午茶簡直係譚仔今年嘅最佳之作！只係個Menu就有啲難睇啦，要諗諗佢😀

譚仔出了新的下午茶餐，但睇個menu真係好難睇得明，但店員說如果想食雞翼，就一定抵。於是點了雙併加四隻雞翼，另外想食豬潤，所以另外選了三餸米線，米線爽口，豬潤，牛肉同豆卜都煮得好好，雞翼外脆內嫩, 好味，食得很飽，很滿足。

今朝情緒有啲Blue，所以行云幾間食早餐既鋪頭（美心mx/意樂/譚仔/廚坊/海富等等@大角嘴海富商場）想搵啲新鮮感過一個Happy Friday，千挑萬選都係想食啲好耐無食嘅嘢，於是最後揀咗N年無食過既譚仔雲南米線。店舖裏面都有啲客人，卒之揀左個近廚房既單人枱坐低。熱情有禮既譚仔姐姐即刻走嚟幫手落單，亦細心解釋同介紹番可以order豬潤同公仔麵組合既餐俾我。最後我order左個鮮牛肉豬潤出前一丁餐連熱好立克。熱好立克先上，味道可以-唔太甜。後上嘅係鮮牛肉豬膶出前一丁。未開動就駭然發現，碗邊竟然黐住左兩小條疑似乾左既芽菜葉，乾到要用手指甲刮幾刮先甩。（見圖）説時遲那時快，嗰個眼利嘅譚仔姐姐見狀，即刻1秒1就走近我身邊同我講：「哦！呢啲係菜嚟㗎唧」。。。吓！菜嚟㗎唧！我order嘅係鮮牛肉豬膶出前一丁喎，點會有遇上芽菜葉既機會先。。。於是最後決定先將用手指甲刮落嚟既芽菜葉「放置」喺張單據上面以作紀錄。（見圖）本住換左可能會加料既「小人心理」下，最後都係食曬成碗鮮牛肉豬膶出前一丁。鮮牛肉碎上有少少韌，份量唔多亦唔大塊。豬膶始終係hot item，味道可以亦唔會太差嘅。食完成碗麵都無任何菜類出

上次同friend打賭，要黎譚仔食雙特辣，食完之後差啲以為自己見到走馬燈，而且我覺得雙特辣有啲失去食米線嘅初衷，事關佢啲辣粉係多到沉澱曬喺碗底，濃稠到以為係撈麵咁款，所以大家都係食翻三小辣算啦，咁先係真米線

琴日睇ig知道譚仔出左個麵 係撈麵！！！成日食譚仔都覺得湯麵好濃 襯夏天試番個撈麵用左麻辣底撈汁加上大量炸醬 講真 真係好入味 好新鮮既體驗今次輪到3哥頭痕 可能未來都會跟出撈麵唔出奇佢有大約4-5塊烤雞 ， 不過雞就唔太特別 只係撈左汁醬味道，唔算吸引。份量來講， 如果大家正常都食晒一碗譚仔唔洗小米的話， 可能今次撈麵相對份量小d,因為冇左湯 感覺上小左， 可能要加份小食先夠候。佢今次同時間都出左兩款特飲 其中一款係海鹽凍檸樂 不過就未試到，下次試左再同大家講！

有沒有人同我一樣，自從食左譚仔雲南米線嘅麻辣味後，就一發不可收拾。好彩屋企對面商場有間譚仔店，每日送仔仔上學後，得閒就可以去吃。今日都係叫左一杯奶茶，少甜。咁味道就啱啱好，不會甜，總有茶啲香味。餸我都吃素，叫左3樣：腐皮，豆卜，酸菜。我食量少，又吃得辣，所以大部分都係少米線，麻辣中辣。豆卜可以浸內湯底，吸收左麻辣湯啲辣味，咬一口好香好麻，在吃一口酸菜，酸酸麻麻，超級正。而且分量俾得十足，就算叫少米線，都係好大一份。每次都食撐。

今日超想食雲南米線，中午特地走到海富中心食個米線午餐。譚仔米線有二家做米線同樣出色，我喜歡這家的米線比較爽口。今日選了酸辣湯底驅寒又醒胃，配軟滑蛋香魚腐及硬了一點沒有豆香的腐皮，最後加 $10 換了四片脆肉鯇魚，鮮香爽口。👍$47 一頓豐富米線午餐

明天便是母親節了，最近不只一次看見朋友在網上提到「譚仔雲南米線」最新推出了專為母親節呈獻的「蟲草花雞湯米線」（$42），評價不差。這天家居工作過後，還未吃飯，想起這「蟲草花雞湯米線」，正好一試。這「蟲草花雞湯米線」的材料有四件雞卷，一隻竹絲雞蛋、蟲草花、雲耳、杞子等物，湯味不錯，連皮無骨雞卷也肉滑不嚡，配以橙色的蟲草花、黑色的木耳、紅色的杞子和綠色的芫茜，顏色挺豐富的，感覺也健康，但烚雞蛋與廣告照片不符，沒有開邊，蛋黃也太熟，就只是一般。點這米線可加 $8加配原價 $10的「椰汁紅豆糕」一客，不過我這天不想吃甜品，只想喝點甚麼伴米線吃，見餐牌上有原價 $15杯，加配價 $10的「柚子利賓納」可供選擇，便決定來上一杯，緬懷一下小時候偶然也會喝的利賓納的味道。這杯加入了柚子做賣點的特飲，味道沒原味的利賓納那麼酸，不過也沒太濃的柚子味，味道是可以的，也夠解渴，不過就不算十分好味。明天母親節，有子女會帶母親去「譚仔」吃米線當是慶祝嗎？午餐或下午茶是可以的，晚餐嘛......就難免缺少點誠意了。

今早同父親及母親大人食早餐，媽媽選了呢間座落大角咀既譚仔雲南米線享用早餐。媽媽說是因為譚仔係只有星期六及日供應早餐。我們一行三人安排坐左卡位，餐廳環境開揚。我們分別點了早餐A（$31）, 早餐C（雙拼$33，凍飲另加$2）及早餐F（$31）。早餐A, 牛油多士、火腿通心粉及西煎雙蛋，味道正常。早餐C，出前一丁早餐，餐肉及煎蛋，正常。早餐F，鮮蕃茄豬膶火線，味道可以。三份早餐，一百蚊內埋單，以同區早餐價格比較，價格相對相宜，可以一試。

第一次光顧海富苑這分店，可能是新開的，全店很整潔，坐位亦寬敞，空間感十足👍🏼上星期各大米線被驗出鈉含量超標，譚仔雖則榜上無名，但我深信她也有相對的問題。但深愛食譚仔的人一定顧不了那麼多，食左再算，是嗎😂我最愛食譚仔的重慶麻辣，湯頭除了麻辣外，還帶有酸味，混合起來味道一流。還記得我首次點選這湯底時，一上檯便被這碗紅卜卜的米線嚇了一跳，心想死火，紅成這樣子會不會辣到入不了口，怎知喝了第一啖湯便上癮了，外表雖然嚇人，但內裡卻親切可人😆絕對不會辣到入不了口。今次點上腐皮，芽菜同魚旦，材料依然新鮮，魚旦爽口，以連鎖店來計，譚仔的味道，材料及價錢算是取得平衡。$42一碗，份量十足，材料新鮮，怪不得譚仔那麼多年仍然屹立不倒，果真老少咸宜😄