譚仔三哥米線 (晨光大廈)

營業中

休息中

以前好鍾意食三哥，覺得好過譚仔。點知而家湯底大不如前，配料都唔阿連仔好食，糊辣湯底已無炸菜，唔知其他分店係點，觀塘呢間已，多年都無改善，配料同米線都好少，已放棄三哥。食其他好過！！！！！！！！！！！！！！！！！！！！！！！！！！！！！！

老人家食嘢濁親，職員即刻遞杯暖水關心，服務貼心周到，令人暖心。送餐迅速，職員有禮，態度親切專業，令人印象深刻。米線邊爐湯底濃郁鮮美，食材新鮮，配料豐富，辣度適中，令人回味無窮。份量十足，性價比高，無論是聚會還是小酌都非常合適。環境整潔舒適，氣氛輕鬆愉快，絕對值得一試。會再幫襯，也會推薦給親朋好友，期待下次再來品嚐其他口味！

啲人態度唔好 啲呀姐坐哂係到 人哋叫落單 都可以唔理人落完單 個米線要半個鐘頭先到 次次嚟食都係咁 等候時間非常穩定 趕時間就行多一條街 食其他米線啦 好失望 咁大間店 得幾枱客都可以咁差服務

行開觀塘有啲肚餓，想整碗譚仔見到呢間咁特別嘅特色譚仔三哥主題店今次選擇三哥米線，配料仍然選擇我的最愛雞肉加生菜🥬酸辣湯底，見到好多酸菜，芽菜都好多米線軟硬適中，唔會煮太腍

平日唔係午飯時間，外賣要等20分鐘up，人超少，得一兩個，都唔知整咩整咁耐，我仲要係菜底，唔使煮麵了已經，都要咁耐，D姐姐態度又差，真係唔明。唔會再有下次，實在等得太耐

黎左呢到夜晚差唔多3，4次，都唔明點解次次咁少客人係店入面都要等勁耐，無論係落單定係到餐都係慢，今次仲要等左足足半個鐘先有，等到啲嘢食一望真係嚇死，成兜野就好似垃圾湯渣咁，真係見到都想嘔，明明嗌清湯但個湯底勁濁，轉左芽菜低，但係啲芽菜仲少過彩明定係都會駅果間三哥，完全係唔足份量，啲牛肉仲要勁un,野食唔好味之餘又浪費哂啲時間，期望呢間鋪位可以有新食鋪，比其他食店做仲好，呢間分鋪令我對譚仔三哥好失望

好難想像一間晚市都得六七張檯有坐人的快餐店，一份普通嘅清湯米線要等成半粒鐘先上到，仲要d菇好似唔係咁新鮮，難怪冇人黎，周圍咁多嘢食，平靓快嘅大把，第一次上黎以後都唔會再黎，唔想再餓到一肚氣

成日唔知食咩就會去食三哥平日12點左右 唔洗等位今次叫咗2個餸$49 普通酸辣 炸醬+鯇魚 轉薯粉味道幾好😂薯粉煙煙韌韌 份量都算幾多🤩鯇魚都好食😍但如果份量再多啲就好了👻

以前一向食開三哥糊辣，味道好好。去觀塘睇完醫生，特登行十分鐘過去，搵返譚仔三哥食米線。今次叫咗碗過橋米線糊辣小辣湯底…結果完全失望，以前喺藍田嗰間食開嘅糊辣湯底， 湯底係會有"掛碗"感覺，味道非常濃郁,但今次...一味得個辣字，而啲湯好似水咁，一啲濃厚感覺都冇，食落去完全唔係嗰回事。請問係咪轉咗師傅所以搞成咁？？同埋我落單嗰陣同阿姐講明唔要酸菜，但結果係酸菜連肉碎一碟攞嚟，肉碎得果少少雖然我唔食，但都唔想浪費食物囉。土匪雞翼係正常。㗎啡都算係正常， 但係唔夠奶囉。 米線湯底真係強差人意，都應該冇下次！

三哥都係我其中一間好鍾意食嘅米線店，因為我覺得佢嘅蕃茄湯底係整得特別好食，比較鮮甜～😋😋除咗蕃茄湯之外，今次重點咗佢期間限定嘅鮮魚片，真係超級Perfect match呀😋😋蕃茄湯底做到提鮮嘅作用，同埋佢嘅鮮魚片一啲都唔腥，而且仲好滑添啊，正呀🤣🤣簡直好似飲緊阿媽煲嘅蕃茄魚片湯咁！😂😂//仲有就係佢嘅土匪雞翼，孜然粉嘅味道好足夠，我個人就係好鍾意孜然嘅味道，再配埋黑芝麻，成件事真係好香口

3哥呢排成日出新湯底，搞到每次一新款就黎食已經變左常態啦! 今次就係食螺酸湯米線配海螺片及麻辣豬皮。可能本身冇食開，真係唔太習慣呢種咁濃烈既味道，海螺片似平時罐頭食到個D，麻辣豬皮就一般般啦!不過小食黎講，口水雞係幾唔錯，有單骨雞翼，同埋其他大部分都冇骨的。個汁又調得唔錯，唔會太辣。

～ 午餐．煳辣米線、椒麻涼拌魚爽肚 ～🍜 煳辣米線 👉🏼 香料抄到接近燶但又未燶個種味好過癮，勁香，米線唔太腍，有彈牙感覺，豬潤睇落好榎但食落好爽脆，但厚啲會好好多，墨丸好腍，無個種爽彈感，網友建議唔好叫墨丸係有原因，另外配菜有木耳絲、芽菜、韭菜、腐皮正正常常。🐟 椒麻涼拌魚爽肚 👉🏼 魚爽肚本身冇味所以配麻辣就一絕，另有青瓜粒墊底。㊙️ 個人評價 👉🏼 煳辣好過麻辣，唔會死辣，米線份量好多，食完一碗已經食唔落小食💸 埋單 👉🏼 ＄76🏡 地址 👉🏼 觀塘康寧道1-9號晨光大廈3樓

係咁凍嘅天黎一碗熱呼呼嘅米線真係絕了好嗎 無辣不歡的我 今日點左個麻辣小辣2 過橋米線 真是夠味 有D食物色香味俱全 開始吃之前 就已經讓人產生美味的感受 那就是我 每次食三哥必點的就是土匪雞翼 口感脆脆的 又有點很微小的辣味 次次食完雞翅都會有令我想舔手指的衝動 但是依家疫情未好 都係唔好咁做啦 總之讚啦 👍 還有不得不話 舖頭里的座位 也是比較寬闊的 可以舒服的在這裡享受美食 在這個冬天的夜裡 带上喜欢的人 趕緊來一份米線吧 ～ good night

今餐自己一個食諗唔到有咩就上去譚仔三哥發現有新菜式，唔想諗就叫呢個啦一上枱，嗰陣酸味香氣撲鼻湯底冇令人失望，非常濃郁轉左紅薯粉，都同個湯底好夾豬皮好大塊，湯入哂味螺片亦都好大塊整體來講，樣樣材料大件夾抵食不過上菜太慢，等咗20分鐘追兩次單先有

🍭平時返工lunch唔知食咩好，我都會去譚仔三哥食個米線腩肉墨丸麻辣米線三哥嘅腩肉真係好正，平時唔會食肥肉嘅我都會食，而墨丸都唔錯，唔會有異味同埋好粉，所以呢兩樣謎都係我每次食三哥米線必叫嘅，真係好好味，再加杯凍檸茶