譚仔三哥米線 (福榮街)

營業中

休息中

昨天是星期天, 適逢深水埗正舉行電腦節, 我也想購買電腦產品--USB drive。到達後已接近下午二時, 尚未吃午飯的我便想起同學曾介紹過附近有一間「譚仔雲南米線」, 米線很好吃! 我便去試試! 電腦節果然帶旺了附近的食肆, 我發現多間食店都人頭湧湧, 包括「譚仔雲南米線」, 好不容易才找到一個座位(要「搭檯」)。我點了魚蛋米線, 另加三款餸(竹笙、生菜、雞肉), 清湯底(每碗米線附送少量配料:韭菜、腐皮等), 共26元(飲品另加三元), 價錢尚可接受。我覺得這碗米線「很大碗」, 材料足(配料份量稍嫌少), 湯底鮮甜, 我吃得很飽(筆者是女孩)。不過環境卻太擠迫(因這天此店生意甚佳, 插針不下), 我吃前不方便往洗手間洗手(因我單身在此吃米線, 擔心離座後便被人佔了座位), 吃時又坐得不舒服(因我與同檯食客距離很近, 持筷子的手很容易碰到他人), 吃後又要匆匆離去, 故此要扣「環境」分! 整體來說, 食物水準不俗, 我下次定會再光顧!

上次和細佬來過一次, 試過米線套餐, 剛好友人想吃米線, 就再帶他來回味一番今次叫了牛肉豬腩肉米線, 仍是要5小辣湯底, 我真的不吃得辣呢, 我的朋友叫了雞肉墨丸米線, 在我強烈警告下他只叫了4小辣. 另加一碟炸醬. 湯底仍是很正, 米線得煙un, 但我真的吃不了辣, 5小辣已經吃到我出哂汗, 反而友人就覺得4小辣不夠辣, 下要叫辣點wor.埋單50蚊, 飽飽的, 抵!!

我叫左一個麻辣(小)竹笙豬潤米線, 原來小辣己經好勁, 我食到流哂鼻水, 不過好好味, d竹笙吸哂d湯, 好辣, 豬潤好爽. 男朋友叫左清湯生菜墨丸米線, 個湯都幾好味, 墨丸普普通通.另外加左個土匪雞翼, 20蚊5隻, 我覺得味道唔係唔好, 不過好似普通煎雞翼加d黑芝麻咁, 4蚊一隻好似貴左d.個米線好大碗, 食唔哂. 所以下次去都唔加雞翼.

呢度食米線出晒名，我都係第一次o黎，真係大鄉里。兩個人叫了一個米線套餐，每款材料都有。其實" 食送" 好唔好食都係其次，因為多數都係來貨。佢打正麻辣，當然會試下佢湯底正唔正啦。要了中辣的麻辣湯底，阿姐立即話" 好辣o架" ，心想真係咁辣?但都沒有改變自意。車!中辣?冇錯係有辣的感覺，但不止於係好辣，後悔冇叫大辣。不過平心而論個湯底算不錯，除了有辣外，麻的感覺亦重。

有冇人知譚仔記間總店係邊????今日又係灣仔要轉車黎深水埔,今日就食米線,譚仔記好似係香港有好多間分店今次係第一次黎幫親,就叫左個雞翼米線,清湯底,事關都咪食過雲南吾知佢係港式定正宗,好食就算雞翼肥大有肉,米線做得吾錯.員工個個都做到吾停手,服務手腳快

近兩星期去左兩次福榮街近昌華街既譚仔雲南米線，比起永隆街同深水步，呢間譚仔人少好多。講番野食，一次食左竹笙雞肉米線（麻辣小辣），另一次食左魚旦豬肉米線（酸辣），兩樣各有特色。麻辣湯是名副其實的「麻」，小辣已經舌頭麻痺，望落去碗湯冇話好似一般麵店紅色，但食落勁度十足，如果驚小辣都唔掂，可以要2小辣、3小辣、4小辣或最輕量級的5小辣。至於酸辣湯，冇大中小辣之分（一個級數），不過我只食到酸，辣味並不太重。每碗米線都有少量芽菜、腐皮和韮菜，不過韮菜就有少少老喇。配料方面，個人認為只是普通，豬肉同雞肉有鮮味但係唔滑，魚旦係爽口不過味道一般，但係佢唔係專出魚旦，都OK啦！另外，呢兩次都有食雞翼，一次食香草雞翼，一次食湖南土匪雞翼，兩種其實好相似，不過可能我唔多喜歡香草陣味，所以我覺得後者好味ｄ。價錢方面，米線單送$16，每樣送加三蚊，辣湯加三蚊，份量唔算好大，一個人都足夠，雞翼就$20有5隻，中等抵食。環境來講，呢間分店人流少，坐得鬆動，唔似深水步要頂背。＊＊＊

自己並唔係一個太識食既人, 而呢一間米線都係介紹先知(都幾大鄉里-_-|...). 響出面要排隊攞籌, 唔通真係咁好食?!入到去叫咗個炸醬墨丸腩肉5小辣米線, 已經食到成面紅晒. 我建議食之時先飲啖辣湯, 激呀! 土匪雞翼個樣我覺得有啲嚇人, 好多黑芝麻響上面好似有好多蟻響上面, 食落都幾香口, 可能係芝麻既關係, 撇除咗啲芝麻其實都係一隻煎雞翼啫~~~下次試下4小辣, 睇下自己頂唔頂得順先?!

友人家在附近, 我地簡唔中都會來食下米線.土匪雞翼係指定餐點, 都試過其他2款chicken wing. 都係覺得土匪雞翼好味d, 可能有黑芝麻係面比較香口.米線方面可以有湯底選(麻辣有不同麻辣程度及如果唔係好食得麻辣可以選酸辣)如想食麻辣, 初頭試小小辣好, 費時太辣食唔到碗米線就浪費啦.配料方面都有幾多選擇, 至愛"足"笙同豬腩肉. (有芽菜送架) 如果想一次過試全部配料, 可以叫一碗什錦米線, 不過係大胃王先可以食清.(我地2個人都食完)仲可以1/2價叫野飲(冷熱同價). 一定叫檸蜜. 咁又完成一餐晚餐. 真開心!!!

家姐推介黎食,於是上星期就同朋友黎試下. 由於怕辣, 於是叫左個清湯米線, 要雞肉同腐皮.除左米線幾煙un之外, 其他的都唔好食. 雞肉好少,而且好淋& 無味, 食左落口都唔知係咪雞肉. 腐皮就有好多,食極都食唔曬, 加上個湯"清" 都無味, 食左一半腐皮就唔想食. 最可惜係連配菜都少過人, 個人覺得米線既配菜好重要, 但佢呢度只有幾條芽菜, 成碗米線都無味...朋友要左酸辣湯底的, 味道好d, 但我們都一致認為雲貴川的米線好食好多!!

深水步好出名的譚仔記同其他絕大多數所謂雲南米線都吾係真正的雲南米線.,呢的冒牌雲南米線其實就係香港人自創的車仔面而己.,祗不過面變了米線.,而食法就係"車仔面"。這些加了麻棘的車仔面式的雲南米線是不存正雲南的。真正的雲南米線的肉類,米線同湯三部份是分開上的。而肉類一定全是生的.,而湯一定是正宗雞湯., 因為罐頭雞湯不易做出雲南米線的效果.,家裏煲雞湯會有一層油浮在湯面上,我們多數叫媽咪弄走這層雞油,但這層雞油正是正牌雲南米線的精要所在。在生雞肉,生牛肉,生羊肉同米線分別送到我們面前時.,待應會將所有生肉放在米線內再將滾雞湯送來放滿那碗米線，因為雞油有隔熱效果.,所以在幾分鐘內是不能進食的.,太熱了.,待生肉類吸收夠熱能.,熟了.,而整碗米線溫度才會降到50度以下.,這時才能進食.,極品美味的雲南米線就是這樣.,我估計香港不會多過10間正宗雲南米線。

呢間都幫襯過幾次唔知係咪開多左分店關係,質素真係每況愈下d米線仲係幾煙靭,幾好口感,但係其他配料真係份量少得可憐,雞肉淋到爛咁制,連無牙BB都食到,仲要得幾塊,腩肉切得好碎,肥膏同肉既比例係4:1,好似唔洗俾人食咁,韮菜同芽菜得果幾條,個湯底唔夠濃香總括黎講,可能譚仔利字當頭,所以從配料同份量落手土匪雞翼就真係一流好在深水步店唔收湯底錢,同埋好在加三蚊有杯凍飲平時唔係行開都唔會幫襯譚仔,麻辣米線始終都係四川好食

酸辣米線真係好正，配料我就最like墨丸、豬潤同雞肉。次次食都差唔多飲晒d湯先收手ga!

我同老公2個成日都黎呢度食!因為實在太好味!!!!由朝到晚都咁多人~~仲開到11:30~真係岩晒放工黎~~~~~最鍾意食呢度d炸醬~~出面係搵唔到ga....不過我又唔食得辣~所以次次都叫清湯~~~竹笙~腩肉我都極力推薦!!!!!因為佢每碗都送好多韭菜~芽菜同腐皮~所以唔洗叫呢幾樣做'送'~~炸醬另上比地落碗ge份量多!真係好正!!!!!加$3又有野飲~~~好抵!!土匪雞翼絕對係推介!!!!!!!!!!!差唔多個個都會叫的!!!黑芝麻ge味sum晒入雞翼入面再煎~~超入味!!d呀姐真係好忙~~但態度都好好~~整體都好滿意~~我會繼續成日去!!!

每次來這裡都很多人，阿姐也很忙碌，辛苦晒﹗酸辣竹笙鷄肉米線，好味呀﹗上次同同事試了土罪雞亦，都唔錯，不過我個人喜歡香草多dd﹗因為都幾辣，所以次次都食到出汗，如果冷氣大d就好喇﹗

試過長沙灣既四川麻辣米線,都算唔錯.又見過好多食評話譚仔記都唔錯, 所以就來試試...叫了一碗竹苼、魚蛋、酸菜麻辣米線, 中辣...可能佢地整錯左卦...真係唔係好辣..而且米線唔夠爽口.仲叫左一碟紅油苦瓜...辣椒蒜頭炒香鋪係苦瓜上面,味道都ok,只不過底層既苦瓜比上層的咸了點。