譚仔三哥米線 (福榮街)

營業中

休息中

深水埗篇(part 1)我同朋友仔好鍾意食呢度既米線, 次次黎食一定會叫酸辣湯底加炸醬, 呢度既米線唔會好似出便咁淋身, 幾彈牙, 個湯又夠酸, 配埋d炸醬一齊食簡直一絕! 連一向都唔好麵食既朋友仔都話正, 除此之外, 佢地既蒜泥白肉都好好味, 次次食完雖然齒狹留香, 但係個口陣味就......-_-", 呢個係唯一既壞處, 不過無辦法, 鬼叫好味咩~

三個人share一碗$31既米線，因為要留肚去松記，哈。碗麵唔抵食，唔夠好，如果叫兩碗普通size既米線share會抵d同飽d。唔會再食$31既米線，食返普通size。

嗰日同男友仔去開深水埗,就試吓去維記同埋譚仔試下啦.一開始我地去咗維記試佢\\\既潤牛米,只係叫咗一個兩份分,因為諗住一陣仲要去食雲南米線驚嗰度係標準雲南米線大大碗,所以唔敢食太多.首先,個潤牛米真係好鮮甜.好有我好媽媽煲既潤水既感覺.加埋個米粉.吸晒d精華,真係好好味.侍應的招呼亦好好.可以再去。之後即刻去咗進攻譚仔記.一入去就問個侍應個米線係咪自己倒料入去既,點知得黎既答案...唔係...好失望!都算啦,叫咗個三餸麻辣米線、雞翼.先黎咗個米線都急不及待試吓.一試之下.太失望勒,個湯底好似剩係得啲辣粉咁.辣係幾辣,但真係可以話係難食.之後等個雞翼啦.唔..個雞翼都算過得去,但個米線就真係不敢恭維勒.只係食得一半..而且d侍應好似祗係傾偈,呢間譚仔記...己被我bad list

好好味呀!!...叫到成"木台"都係野成日去食..食極都唔厭佢d 土"非"雞翼勁好味佢個套餐碗麵兩個人叫都勁飽好多"食送"d酸辣湯好好飲,,好好味一定要去試下啦!!!

清明節下午陪男友到高登逛逛.之後來到一直想試的譚仔.六時半,是全滿的.幸好,兩個人搭下檯都可以即刻有位.土匪雞翼---有五大隻,肉多亦算滑,微辣小,十分惹味.男友一隻接一隻的食,味道相當不錯.竹笙墨丸豬潤米線---只要了清湯,但湯底都幾甜,不會太失色.豬潤不會太熟,唔錯.竹笙有咬口,又甜甜.最好味是它配料的腐竹.魚蛋米線---一般總括:味道不俗,價錢不貴,加3元又有飲品.是非常合理.而米線的份量很多,看見很多人都share的.難怪經常爆滿.雖然是迫了點.但下次經過一定再幫襯.ttl:$62

我同我男朋友幫襯左譚仔一年左右,男友叫佢地做嗎啡米線...事關食極都唔厭XDD我唔食得辣,酸辣湯底就酸味好明顯,後來改左食5小辣, 就覺得酸辣湯底太酸...大大碗,唔係次次都食得晒D米線, 最愛竹笙同腐竹, 浸淋左既腐竹咸酸辣,十分惹味~~以前例必加碟土匪雞翼,外皮脆,入面腌夠入味,而且雞肉嫩滑~後來試過蒜泥白肉之後發覺此菜十分刺激味覺>O<雖然次次食完都好口臭,不過我地都唔理咁多,照食~~睇樣好似好辣,其實一D都唔辣架,D紅油得個樣,反而D蒜泥隱隱傳出辣味~~~白肉切得極薄,一碟都有十零片白片架~~都算抵~樓面AR姐做野都算勤力,好多時見有空碗筷就執,不過就幾乎成日爆,特別是深水保2間鋪,好少可一入去有好多空位....

（1/4）無需要太多，只需一碗熱辣辣的酸辣牛肉生菜米線，及一杯午後紅茶，過程中雖有不少同道中人坐得太過貼身，但我會守住風口位，差不多夠了，以後還會再來！

叫左麻辣腩肉竹笙米線淡左D ...我係特登去試的唔差啦...但未算係好食

豬肉雞肉酸辣米線, 米線夠煙靭, d 餸都夠食, 肉唔鞋, 仲配以少量芽菜, 韮菜同腐皮. 酸辣湯底好輕微辣, 酸為主, 但因為碗湯好熱都真係出晒汗.凍檸茶夠大杯, 足夠解辣同散熱.

Being frequently suggested by my friends to try 譚仔d米線and those GOOD comments in openrice, I went to there after settled down everything in SSP by myself!!!I arrived there @ 2:30pm on 3/3/2006. Although most of the seats were fully occupied, no hardly did I found a comfortable seat! The service was also acceptable despite the dirtiness both on the table and floor. I ordered 1 雞肉麻辣米線(小辣!) and 1 glass of lemon tea(+$3 only when you order noodles which costs above $16). The noodles are so spicy and麻

吃了很多次，還是沒有給予食評，今次還是要評評。酸辣魚蛋腐皮米線，是麻辣以外的選擇，它們的麻辣，不是太好味，酸辣只能叫勉強過關，只是喜歡它的酸味，辣，還是要加辣椒油。伴以凍檸茶，酸辣免費，價錢合適，但這裡的酸辣，還是不及「雲南風味館」般好吃，但偶爾吃吃無妨。評語：吃了全程也是迫迫的，似乎真的很多人因它而來。

差唔多22:00 先開飯。無友人所言咁多人（至少攞到位先啦- 同埋唔好計較佢既衛生環境），但亦都無想像之中咁好食。想叫生菜栢葉米線，無栢葉，唯有叫生菜竹笙米線。湯底okay 清，但肯定有落味精；D 竹笙唔敢想像佢點處理過，有梘水+ 漂白水味...當然預o左D 竹笙係次貨，但都無理由整成咁。一讚既係D 桂林辣椒油炒得幾香，但唔多辣。

收工同個朋友去黃金,順便去埋"譚仔記"食米線.長沙灣老店食過幾好味,尤其隻土匪雞翼.相隔多年,再次光顧,不過就去左福榮街新店.門前依然人頭擁擁,兩個人,不消一會有得比你搭檯,食米線,就係咁上下.米線辣度級數黎講,小辣也勉可過關,今次個過橋米線,索性唔辣,費時同自己鬥氣.明知自己極限去到邊,無謂虐待自己.過橋米線,雙加大SIZE,咩野都有.件頭大,食味一般.朋友個豬潤米,佢都話麻麻.朋友話齌早知去美居對面果間雲南米線啦.)咁又係,我同朋友一致覺得,果間的黃鱔米線才是皇道.好一餐,唔好又一餐.

我食佢其實貪佢d酸辣同麻辣(我食到大辣)做得特別唔多油，加上算平先至成日食。但近期發覺佢d 米線都唔係米線黎o既，似五豐行d江西米粉多d喎，幼到死.............

之前講過土匪雞翼同香草雞翼，前兩日試埋第三種，就係四川麻辣雞翼。相對前兩種，四川麻辣雞翼更加麻同辣，仲辣過小辣米線，雖然四川麻辣雞翼最辣，不過我覺得係三種入面最好味。＊＊之前個位講好迫個間譚仔，根據描述話去完電腦節，似係福榮街107號那一間譚仔。