譚仔三哥米線 (西洋菜南街)

營業中

休息中

本人對譚仔真的又愛又恨，本身我對於清湯底的米線都很愛，譚仔的味道也算是我特別喜愛的一間，腩肉也是不二之選，味道我不會挑剔，　對於譚仔．唯一我最不也的，　是譚仔分配客人到枱度的，我真不敢恭維，　一張平常六人枱可以迫到八至九人，一枱人可能七個都不認識大家，　我真有點食得很不自在．我會比ｏｋ分數．味道我一向都喜愛，四分．環境我只能比一分，　或許如果少人的話，我會比高些少，　但我以正常時間食飯每一次都要迫埋唔同人一齊食，　所以一分是必定服務亦因為太多人，而慢了，　兩衛生及抵食我會比三分，　沒什麼可挑剔的．譚仔是一間又愛又恨的食店對我而言，　因為想食又要食得辛苦的話，　是一件不愉快的事．

有一天晚上行街 和朋友唔知道食咩好就去左旺角譚仔食飯 平時都係去荔枝角長沙灣果幾間我叫左一碗中辣雞肉炸醬(另上)米線 $25 + 大土匪雞翼 $23 + 凍奶茶 $61ST: 中辣雞肉炸醬(另上)米線 好淡味 辣得黎好無味道 又無麻的感覺 而且雞肉份量唔係好夠 不過米線仍然都幾好咬口2ND: 大土匪雞翼 最唔滿意 完全無味 3RD: 凍奶茶 算最滿意 因為佢地D茶靚 茶味濃而香 甜度適中 我諗唔會再黎呢間. 其他分店比較好

今天我叫了一碗魚旦生菜米線,小辣$26勁多芽菜,但是沒有去掉芽頭,要扣分本人自問都好食得辣但這碗小辣面卻令我吃不下去全個湯底得個辣字如果我是叫中辣還可接受,小辣就真的無可理喻魚旦亦無怎特別,真的不明白為何可以得獎,失望!!!

這食評唔係我騙食評為湊夠數目，而係n個月前寫過這間食評我承諾了若日後再幫趁時覺好味會俾返個笑臉佢的，that's it！最簡單我喜愛配菜的鐵三角：腐竹+竹笙+豬肝腐竹、竹笙索汁不嬲都好味的，反而平日我不鍾意食豬肝的人又覺得豬肝幾襯個汁底，口感仲幾爽很甘香添！土匪雞翼每次個外皮都香脆內嫩，平日不愛食雞翼的我都忍唔住食返一兩隻哩！湯底酸辣都唔會辣都係個名而已，我自己會另加少許辣椒油，真正的辣—麻辣我係吃不消的。這裡的米線口感雖滑但較爽，溫馨提示記得要咬稔啦！^3^服務我覺得不錯。

十分同意樓下3位板友的評價，這間譚仔的旗艦店水準好像下降了上幾星期叫了一碗例牌的雙拼清湯底雲南米線，清湯湯底已經失去了昔日的鮮甜；只是一碗水準普通的米線，也談不上可口鮮甜的招牌湯底去了那裏？？雙拼的豬肉牛丸則尚可，沒有甚麼特別評價本來想叫多一碟土匪雞翼吃，但也沒有胃口了我起初以為只是個別的水準失手而已，上來Openrice 一看，肯定不是偶然了連埋小弟的這一篇，已經是四連食評了從上次光顧所見，雖然店內仍算客似雲來，但如果連招牌貨也失色，恐怕食客亦隨之而去

我同樓下人兄一樣..覺得真係唔同咗味道今日一眶醒就想食譚仔,之後等咗好耐好耐(當時早上11點幾,.入而得幾張枱,出面無人等,同無人叫外賣).ok.我想食您,我就比d耐性.到回到始創鋪頭就即刻食啦,oxo 我以為自己叫錯野,因為我叫中辣.但就好似清湯咁無味道.又唔辣.我食咗一半就唔食,.真係好後悔用咗呢$31同時間>m<

六點半入到去, 見到有幾張吉枱, 已經很奇怪, 究竟發生咩事?? 平常想搵個位都難, 現在竟然 任君選擇……….好, 照叫嘢食, 一樣係 炸醬 雞肉 豬潤 大辣…..呷一口湯, 咦, 啲辣同痳 去咗邊呀, 無可能咁淡, 又無層次, 再飲多兩啖, 痳香欠奉, 喂大佬, 究竟咩事, 我食咗 十幾年 譚仔, 個味一定唔係咁嫁………….. 唔好 話俾我聽, 佢而家開始變呀, 我會顛嫁…………….

突然好想食米線, 就去左食譚仔啦, 早d 食唔洗排長龍。今次破例食左十少辣既套餐米線, 唔洗諗,咩都有‧$40 , 辣加$1。平時只係清湯, 只係朋友話唔會太辣先試試。食落真係比清湯好食d 哦! 呢隻辣接受到! 下次可以升至9 少辣。如果真係接受唔到, 可以俾$3 加個清湯, 過一過。套餐有魚旦,牛ball, 墨魚ball, 竹笙, 豆卜, 腐皮, 生菜, 牛肉, 腩肉, 豬潤, 芽菜, 9菜, 雞肉, 2 個人食就岩岩好。突然愛上食辣!!

由老公第一次帶去呢間譚仔三哥米線店食lunch起, 家陣差唔多真係個個星期都會黎食番次先安樂的. 最鐘意墨丸 + 腩肉的五小辣米線, 好夠味. 米線內一定有的腐竹真係好正呀. 如果配料可以再多d選擇就會更理想, 而家都係略為少左d. 至於土匪雞翼真係完全食上癮的了. 不過可能製作需時, 有時order左都要等幾耐先上到菜的.食店環境當然就一般啦, 有時真係太迫了. 一張細圓枱d阿姐不停叫人坐埋d咁, 其實真係迫唔落咁多人囉, 就算坐得埋一舉筷食野就會整到隔離位o既人

兩個人去食，叫左個$40的過橋米線套餐小辣，材料豐富，勝在咩都有，加多杯凍檸茶。叫完睇真D個MENU，原來小辣已分五隻級別的椒，若叫小辣的話，理論上已是第六級了。因為沒有聲明麻辣或酸辣(侍應亦都冇追問清楚)，最終來到的是一碗麻辣的湯底。吃下第一口，不妙了，我倆真的不吃得辣，吃了幾口舌根已有麻痹的感覺，欲問店員可否拿一碗清湯，豈料一碗細湯要加兩元。加辣已加了一元，湯又要加兩元，這是怎樣的營銷手法?因份量不多，最終多叫一罐可樂，慢慢把它吃光。

今日同家姐出街~~帶左家姐食我最最最鐘意既譚仔~都唔記得幾時開始愛上譚仔lu因為我自己本身好好好鐘意食辣野佢用既唔係辣油,係辣椒粉...所以碗野唔係好紅色..其實已經好好好辣..正!!!!!!!!譚仔Ｄ米線又好正!所以好鐘意!如果佢可以係荃灣同上水開分店就好喇><家姐都話好味^^

第一次去譚仔既時候 =]再一次去既就 =[酸辣米線(牛+雞) 。唔酸唔辣了! 。賣點只剩配料方面夠多土匪雞翼 。外表依然斯文,, 。但味道已經.. 大不如前!凍檸茶。沒什麼特別失望的一行。期待下次見面。

小妹本身食唔到麻辣,反而酸辣就好ok喇,呢到d 酸辣湯底我真係好鐘意,成日都心思思要返去食ge x)平時鐘意叫竹笙同冬菇，d 竹笙爽哂d 湯底真係好入味架...d 面都okay 啦,記得之前有一排d 面係勁差勁難食,而家又已經好返喇..唯一唔好係唔同地區唔同價,沙田19蚊碗咋!

今天行過這一帶,雖然說這裏是旺角,但往往總是想不起有甚麼餐廳好食又抵食.於是雖然天氣非常凍都來到這裏吃碗米線我們倆毎人吃了個套餐加一個土匪雞翼.套餐非豐富,所有食送都有,雞,牛,豬,竹笙,火腿,牛丸,炸醬,酸菜等等等.雖然我覺得食送及湯底沒有荃灣的米線店那樣出式,但這裏勝在款式多,總是令人吃得非常開心.但我最喜愛的就是這裏的雞翼,雞翼燒得非常香口,再加些黑芝麻,令人有點吃不停的感覺.這裏還有一種新疆雞翼,下次一定要來試價錢方面每人三十元,算ok啦.

今次係本人第二次去譚仔,用nanonavi搜索完一輪之後,終於搵到旺角店的位置啦~~即時order番個炸醬米線~~好配料同好多炸醬呀正!!!同埋呢度個炸醬唔算好辣~~~~至於個蒜泥白肉就真係好麻麻因為份量少得驚人,d肉係煮得太老,醬汁成個錯晒,以為係"辣椒油浸肥豬肉"見到都唔開胃以後都係食番佢d米線好啦~~