譚仔三哥米線 (東港城)

營業中

休息中

頭先喺度諗究竟食譚仔定係三哥最後都係決定食三哥 因為佢有得食湖辣叫外賣返屋企食叫咗小米線但係依然勁多我覺得呢個湯底最好食又唔會好辣又唔會好酸加咗份肉醬我覺得仲好食

平時頹食一定揀三哥 因為食開三哥酸辣 諗起都覺得正今次就想轉下口味 叫左個湖辣小辣 唔太辣 件味都幾特別 唔同平時食到既辣 但我最愛都係三酸 無可取代 腩肉照舊唔錯 有2至3層肥肉夾住瘦肉 個湯底辣再配半肥瘦既腩肉 完全唔肥膩 最好都係有得叫少米線 唔使梗硬食 又有得減1蚊 正！仲有次次叫外賣都打定個電話叫佢地整定先 禁就唔使特登落去等！

譚仔係永遠都食唔厭既，每次返工前，總會想食返個譚仔先返工咁岩樓下有一間譚仔，二話不說就坐入去，有好多唔同餸揀，今次決定咩都唔揀，叫左個淨米線同蒜泥白肉，再加杯飲品，我最愛既凍奶茶！講左米線先，湯底冇得揀，但清湯都唔錯，配埋湯入面既腐皮同9菜，都好好食，米線又唔會太淋另外蒜泥白肉真係我既最愛，食每舊肉再加少少蒜泥落去，真係人間美食，重點係唔食辣既人一樣可以食到，食完個口係有d臭，但唔怕啦，最緊要好食！

雖然知道譚仔三哥的麻辣湯底出名好食，但係我平時食譚仔都係好專一地食清湯多，今日朋友係咁慫恿我試下麻辣湯底話好正，咁我就試左佢地既麻辣湯底。令我意外既係雖然係麻辣，但係我覺得係絕對係可以接受的辣度，連我呢個唔好辣嘢既人都覺得OK，而且唔知點形容，我覺得佢既湯底係麻辣得黎好清，唔好好似食左好多辣膏/辣粉入口。而且米線我亦覺得三哥整得好食過譚仔，軟硬度好適中。另外土匪雞翼真係每次必點的小食，百食不厭呀！

每個有小朋友的爸爸媽媽都會好明白，下班後的時間比上班更快過，往往都想爭取在小朋友睡覺前陪伴她多一點，分享大家今日經歷的事情。所以，有時候，我和老婆說好了，如果你累，不如叫外賣吧！要平又要快，我們多數會選擇三哥。無肉不歡的我，選了腩肉炸醬清湯米線。有時候腩肉的脂肪比肉還多，今次半肥瘦的，剛剛好。炸醬的味道令原本淡而無味的米線，多了一種刺激。貢丸及魚腐跟平時街市買的沒有太大分別，老婆最喜歡的是胡辣湯底，多了炸菜的微酸。可惜的是， 米線比以前少了很多⋯

係東港城想搵平平地既野食下,黎三哥都係一個唔錯既選擇因為唔係好肚餓既關係諗住食D野就算一入到去就有位唔駛等諗左陣,就試下呢個要下午3點後先有既蕃茄湯底啦不過由於我唔食辣既關係,叫左唔辣黎到,個蕃茄味幾好,個味唔會好假,有蕃茄既酸甜味如果食厭左清湯既朋友,可以試下蕃茄味,唔會令人失望~~

作為三哥忠粉，食完碗米線絕對可以寫到篇食評今次食嘅係過橋酸辣米線，用料好豐富，有好多腩肉，豬牛雞肉，豆卜，竹笙，豬潤，生菜，牛丸墨丸魚蛋，炸醬酸菜，當然唔少得有芽菜韭菜同腐皮米線好幼細，條條嘅質感都好分明，而且會索啲湯汁，好好食朋友仔病咗，所以唔食得辣，所以食蕃茄湯另一個朋友都選擇墨丸，因為覺得佢唔會太粉，又夠彈牙重頭戲嚟啦，因為太耐冇食嘅關係，都差啲唔知原來新出嘅「一人小食」有豬耳，除咗豬耳，上面仲有苒茜，同埋好幾粒花生有得揀冇咁辣嘅口水汁同埋辣度大啲嘅麻辣汁，因為要就返朋友所以揀咗口水汁不過真係唔辣，比較多嘅係花生醬味同芝麻味，而且豬耳唔多入味，所以要係咁沾啲醬先得。如果要同普通譚仔嘅麻辣豬耳比，睇嚟仲需要俾多啲功夫

喺東港城放lunch諗唔到食乜，見directory有譚仔三哥就入左去嚕。我地呢啲一個禮拜都食兩三次既忠粉，對於自己食到咩辣度同埋唔同辣度個味係點都瞭如指掌，所以今次啲麻辣米線明顯冇我地order咁辣，可謂貨不對版😭我今日叫左圖中左下角既麻辣三小腩肉墨丸米線，但色水同味道頂盡都係五小辣或以下😭 還我三小啊！！！😭 至於飲品同土匪雞翼就正常質素啦，冇野好講。無聊題外話：呢間三哥啲姐姐冇譚仔口音架，想要譚仔口音去第二間啦😂

今日約咗朋友係坑口食午餐，見每間餐廳都好多人等位，咁就選擇最愛食💗嘅譚仔啦。由於今天是9月1號所以特別多學生一齊等位。我問了店員A （只有她不帶編號牌）😑😑😑攞飛No.97，問了她大約要等多少張，她說十張到，所以我同朋友就在外面等一陣，門口位太多人等，而且多人出入，所以我地就企係遠一點嘅位置等，大約企係門口旁邊相間五個人左右嘅位置。我地等咗十幾分鐘左右，我們隱約聽到好像叫No.98，於是我入店內問店員是否叫No.98。店員B（收銀員）：説不知道。店員A 她說：不是。我問她（店員A ）現正叫到幾號左右？（店員A ）看自己手上張綠色紙，說：No.80咁我地再等下啦，我和朋友一邊聊天一邊等。我地剛好睇到之前入去客人嘅飛仔係No.96，👨🏻佢張飛放咗係檯上，而且他之後也放了幾檯客人入去，於是我再走入去問下啦。我說我No.97的，是否快到我地。店員A說：未叫到吖。於是我地就站在門口位置再等😑😑😑等了她（店員A ）叫了幾張多人檯之後店員A 說：No.100兩人有沒有？我地立即走入收銀櫃前跟她（店員A ）理論為什麼我地No.97 兩人還未叫到，現在就叫No.100兩人就有檯？😠😠😠（店員A ）她又看

同友人夜晚六點幾嚟到，直接行入去就有位坐。一坐低就梗係即刻嗌嘢食啦，嗌左個最鍾意食嘅雞肉麻辣四小辣米線，雞肉分量不過不失。味道一如以往冇變過， 唔係好食得辣嘅我亦辣得非常過癮，食完紅都面晒另外仲嗌咗個尖椒皮蛋，呢樣就真係第一次嗌喇。唔好睇佢咁多紅油，其實食落一啲都唔辣（當然亦有可能係我個麻辣米線蓋左個辣味）。最後埋單＄40一人， 以晚市黎講，又食到咁飽已係非常抵食，實在係慳錢之選。

又要開始減肥喇份工焗住要出街食出面d野食油鹽糖一定多避都避唔到個日睇到一個營養師既post話食譚仔可以減肥我就跟佢個方法食左餐喇減肥餐黎講 算係咁啦🙈叫左個雞肉竹笙酸辣 少米線 走腐皮加多杯檸水走甜講番質素先講真係麻麻既雞肉係難食既勁林 冇肉應有既口感重點係有雞騷味😵但減肥既情況下 我冇得揀雞肉係最少脂肪既肉正常我會揀腩肉譚仔豬肉係okay既講緊既係天然肉香竹笙用黎吸酸辣汁 係正既不過都係唔食得咁多湯太多鈉喇😵咁食法 有菜又有肉 碗米線又有味 唔會口淡淡減肥既大家記住走腐皮！一塊都已經好肥架喇留番d quota食其他正野啦😝😝😝

我平時叫開二小辣，當日喉嚨唔太舒服叫個十小辣過下癮就算，點知俾左個二到三小辣黎，顏色一睇就知錯左有問題，我食左五六年左右，一睇就知絕對唔係十小辣。頂唔順，好麻好卑，未試過有間三哥咁，俾錯辣度！好過份，當人第一次食咩？每個客揀得十就十，三就三，一定有佢原因，差咁遠叫客點放心叫呀？呢間好似係新店，質素唔穩定，唔建議去，負評。

晚上，一個人好難搵食，都唔知食咩好？行經商場，見到我喜愛噶粉麵，我鍾意食雜糧，冧都唔冧就入去，愛食辣噶我，當然點左一碗中辣米線。大大碗的過橋米線，份量十足大搵盤，內有五花肉、豆芽、行笙、豬、牛內丸，菜等。五花肉肥瘦適中，豬牛肉丸彈口，有質感，竹笙好爽口，米線夠爽滑，配上麻辣湯底，口裏充滿濃郁雲南辣味，麻辣味道層次分明，麻辣分為大辣、中辣、小辣，配上秘製醬粉，十分野味！～～～正！

譚仔既米線已經食過好多次，已經食到上哂癮，今次終於為佢寫返篇食評讚一讚佢！今次點左酸辣米線，鍾意譚仔既酸辣唔會嗆喉，湯底濃郁，而且酸同辣既比例剛好！最鍾意同fd share呢款過橋米線套餐，份量夠大 ，而且每樣野食都有，可以一次過試哂咁多款，正丫！每次黎都必點既係呢款麻辣皮蛋，皮蛋夠滑味濃，加上少少麻辣既味 ，食完成個口仲留有皮蛋既香味同少少麻既感覺，完全刺激味蕾，一試上癮 ！最後當然唔少得既係好出名既土匪雞翼！雞翼外趣內軟，咬落去勁juice，而且啲黑芝麻味令人齒頰留香，土匪味十足，食兩隻完全唔夠喉！總括黎講譚仔絕對係好味價錢又親民既米線，適合任何時間去食！

終於都考完試啦，梗係去食番d好野啦好野既定義對於我黎講就梗係我最愛既三哥譚仔入到去，親切的譚仔特色就係講得一口唔鹹唔淡既廣東話識食一定係食性價比高既 過橋米線＋湖辣份量多唔洗講，我最鐘意就係食個炸醬，一啖米線，一口炸醬，一口甜酸菜刺激口腔既味蕾個嬸嬸仲問要唔要小四（即小食）（唔鹹唔淡腔）今次就試左個口水雞翼，佢將雞翼斬開成一件件更容易食，更入味口水雞揀左個唔太辣既口味而且細細件唔係舊舊有骨，食起黎可以一啖一件，好方便