譚仔三哥米線 (已搬遷) 新店位置

由於係附近返學,所以時時同同學都食三哥,大碗夾抵食今次就特登帶男友黎食!叫左個酸辣湯套餐加凍檸茶整體都幾足料.可惜d丸每樣得一粒,扣分!唔係咁鍾意食譚仔/三哥的腩肉,少肉多肥.d湯都夠酸夠辣>>一個套餐兩個人都好飽~抵食!

食過好多間既譚仔唔洗講ssp一定係最好食同最抵既一間不過好少過果邊...想食果陣就係邊間都會食見到依到咁多喊面.食落又唔係喎...同男朋友叫左牛丸同乍醬各一我地都覺份量特多佢有5粒牛丸, 雖然唔好食=p我既乍醬叫左另上,有4分3碗仔咁多!!食咁多次最多既一次!!個味道同其他既一樣..而個湯底我覺得比其他分店麻..但辣就同出面差不多...整體黎講算ok!唔覺得特別差!

過去食過好多間不同既譚仔，感覺都大概保持到水準，唯獨呢一間，試唑３次都係遠遜於其他分店。首先係，最鍾意食既土匪雞翼，食三次，三次都係得塊皮有陣咸＆「火農」味，而唔係其他分店果種湧出唻既香氣！裏面Ｄ肉仲一Ｄ味都冇，簡直就係拆招牌菜。米線，個湯底（麻辣５小）咸多過辣，味精極濃；配料都係偏咸，食過雞肉牛肉豬肉豬腩肉，全部都咸。凍檸茶，冇乜特別，快餐貨色。服務，冇服務可言。而且食晏時間永遠都係好逼夾，坐得極不舒適。試過有次叫我轉枱，一向都唔介意，但佢叫我去張根本坐唔落既枱仔真係太唔合理。仲要轉完枱，佢Ｄ單全部都冇幫我轉，Ｄ野轉來轉去都未唻到我度，雞翼仲落唑之前張枱，要重新做過，遲唑好多先到……呢間分店，真係唔好亂試。

平時食開KT個間譚仔 覺得唔錯咁岩今日係北角見到譚仔所以就試下入到去環境唔錯 地方都好大下.坐低叫左個細土匪. 雞肉乍醬酸辣.同杯凍檸蜜酸辣湯唔錯. 米線幾爽口. 雞肉還可以. 乍醬唔係分開上. 食食下D乍醬就唔見哂土匪雞翼唔熟 裡面仲有少少紅色凍檸蜜D檸檬苦既....同個FD飲完杯凍檸蜜都肚痛要搵WC囉總括而言 同KT個間比....失色很多

係北角新開了一間譚仔分店，我同男朋友即刻走去試下。開左一個月，環境都算乾淨，地方又較寬敞。我同男朋友去到個陣没有多少客人，可能仲係太新的關係吧。我地叫左一碗過橋米線試下，42元大大碗，材料有芽菜、生菜、火腿、豬”月展”、雞肉、豬肉、牛肉、牛丸、墨魚丸、魚旦、腐皮、炸醬，共十二款材料。譚仔共有5種麻辣，又有酸辣俾我地選擇，之前係灣仔分店試過酸辣，覺得麻辣較香口，所以今次我地要左個二小麻辣。湯底有好香的豬骨湯底配上少少的麻辣味，再加上十二種材料，我同男朋友SHARE係岩岩好，十分抵食！我地又叫左土匪雞翼，25元5隻，見餐牌上有推介的符號，佢地應該係即叫即整，我地等左10分鐘左右，終於上枱LA~係熱辣辣的，仲有BBQ 的味道，正！真係值得推介！

地址雖然係英皇道，但實際喺係明園西街。叫咗個中麻辣米線加腩肉同木耳。米線同其他材料都冇乜味道，味道來源主要係靠湯底，個湯夠麻香，初入口唔覺好辣，但食食吓就嚟料，頭皮開始發麻，跟住ｄ汗就好似落雨咁係頭頂流，一邊右手楂住對筷子食嘢，一邊左手拈住張紙巾抹汗，果然勁道十足，刺激得嚟夠晒爽。米線夠咬口，而且份量好多，細食d都會食唔晒。黑木耳爽脆；腩肉肥而不膩，厚薄適中，入口仲帶有豬肉獨有嘅鮮甜味，讚！上一次嚟重試過豬膶同土匪雞翼，豬膶軟而嫩，夠鮮味。土匪雞翼好香黑椒味，唔算太辣，而且火侯剛好，剛剛熟保持嫩滑，兩者皆為水準作。

叫左一個酸辣套餐，另外一個雞肉墨魚丸小辣米線。個酸辣套餐先上，確實幾大碗，两個人食剛剛好。諗住個套餐樣樣餸都有，點知又無落豬肉，又無落火腿，啲湯又無乜味道，米線又太淋。食到有Ｄ嬲。跟住家姐個雞肉墨魚丸小辣米線上枱，家姐話點解得雞肉，一粒墨魚丸都無，得两個餸都比少，係唔係有心想欺騙顧客？ 於是叫個阿姐嚟問下，個阿姐臭哂面，我又話比她知個套餐少左火腿同豬肉。她態度极差咁指住豬干話係火腿，我頂她唔順咁話：阿姐你近視呀？跟住另一位阿姐走埋嚟問發生什麼事，她竟然細細聲咁話：他們自己食左之後又話無。我一聽到火到嚟，我鬧她係唔係有病，旁邊同枱的一個小姐都話：人地點會為左二三片火腿去騙你們，我碗套餐都少左２粒丸啦！個阿姐即刻走開，扮無事發生。另一個阿姐拿出三片火腿比我話算啦，比返你。我仲嬲，我問他有無投訴電話或投訴紙可以寫比他老闆？他連答都唔答我就走開。我真係又嬲又好笑，咁都有？！我以前係深水涉其實識得三哥，我希望他會䏲呢個網頁。你碗米線愈做愈差，我Ｄ朋友都話難食，再加上班阿姐連基本禮貌都無，你間鋪一定做唔長。請留意，班阿姐的態度好有問題。