誠拉麵 (已結業)

行完Aeon超市，見到有間新間嘅拉麵店，做緊9折優惠，就入去試下😬呢到係用點餐紙點餐餐牌都幾多選擇，有套餐又有小食呢個雞翼餐幾吸引，價錢又幾抵，$98包一個拉麵，雞翼同雞軟骨各一串，沙律一客同一罐汽水。雞軟骨燒得幾香，味道不錯🙂雞翼入味有明太子，少少辣，雞翼外層燒得幾香口😋正豚骨拉麵，有一隻唐心蛋，叉燒都幾多塊，湯底夠清夠味，唔會太多油，不錯😬跟餐嘅沙律普通另外叫左個沾面加餃子餐 $110餃子一般，味道正常。沾麵叉燒幾足粒，一碗有三四塊，麵底份量適中，麵條軟硬度適中。魚介湯味濃，略厭有啲稀，啲面沾唔到啲湯。總括，呢到食套餐都幾抵，夠飽。

今日經過荃灣AEON入下貨先，順便食個lunch。見到有間新鋪，誠拉麵，好似幾吸引，食個拉麵都好喎。坐低睇吓有咩食先，單叫一個拉麵有得，跟套餐亦都得。跟餐有沙律有飲品。豚骨魚介沾麵，湯底濃厚美味，麵條韌度足夠，爽口彈牙，兩片大大塊叉燒配半隻溏心蛋，好味又夠飽，套餐有三隻餃子，皮薄餡靚又多汁，好味味。赤豚骨拉麵，辛辣既湯底，濃郁嘅香味，彈牙嘅麵條，一啲都唔俾沾麵遜色，呢個餐唔跟餃子可以跟叉燒丼，啱晒大胃王，正！