誠拉麵 (已結業)

話說係咁嘅當你見到佢咁寫你會有咩聯想？追加一客，正常人都會諗追加一客麵又或者取巧d 咪食完追加一客麵底？！斷估都諗唔到佢係追加一隻蛋或者一串雞軟骨點解要咁 “神秘”？？？唔可以光明正大咁講唔好話俾我聽想d客自己諗？？？如果Marketing 手段咁低裝，不如炒左佢啦又或者係連marketing 都冇嘅 🤔之前都試過幫襯你光明正大明碼實價咪會幫襯而家咁樣我本人以後都唔會再食！仲要荃灣果間一個人雖然有帶手套有口罩但得一條友收錢又係佢抹枱執垃圾又係佢然後再用呢隻手套去攞你碗麵即係咁我見到就唔敢再食

作為日式超市內嘅一間快餐日式拉麵店，味道OK合格，價錢偏貴，選擇少，只有罐裝汽水，沒有熱水熱茶選擇。人均消費都要$80 ，偏貴。主要豬骨，醬油，辣湯底，半隻蛋與一隻蛋嘅選擇，薄薄兩片叉燒。

本來想去對面百芳食便當，但話要等半個鐘，見呢間新新地又冇乜人就入去試下，點知中左伏。7點幾想叫沾麵已經冇，叫左碗赤豚拉麵，等左十幾分鐘先有得食。碗麵好麻麻，個賣相正常但麵質偏硬，啲餸普普通通，湯底好喊，食完要狂飲水。

碗拉麵一擺到面前，完全冇香味，失敗。一試個湯，唔熱，失敗。湯完全冇味，失敗。面硬到似未熟，失敗。去到呢到你可能會話，碗麵清湯架ma好正常姐。係！係好正常，但我嗌既係白味噌拉麵呀，味？睇過？邊到味噌呀？！再黎紫菜，未浸濕部份都淋，失敗。2塊叉燒，份量少，失敗。唔緊要啦唉，好食就可以啦。一咬，彈牙既？！橡筋黎架？仲要係冇味既橡筋。究竟呢碗野有咩係有味，係冇呀！再黎，正常坐低tick紙或者落單，一入去冇人理人執上一枱既碗，我直頭冇位坐呀！去counter嗌野食，嗌完特登同佢講我坐邊佢先識收碗，條友收完碗就返入廚房。。。枱呢？你唔抹架？😦仲有上一手既湯喎，污糟到咁你唔抹架？算啦算啦。。。食完我就俾錢啦，俾張大紙$500佢找錢。店員：冇錢找喎我：(未打開收銀機就知？)下？冇錢？唔會呀？$500喎店員：唔夠100呀(然後打開拎咗6張100出黎數)我：下？店員：(拎起埋唯一既$10)冇呀得$410我(指住隔離張50)：我俾8蚊你你俾$450我啦。個店員找咗錢俾我，我望一望自己銀包，張$500仲係我到。。。唉當幫下你費事俾人話呃錢，提佢未收錢俾返佢，我就走咗啦，以後唔會再黎。。。

呢個算係荃灣新開嘅拉麵店之一，但係我去食嘅時候一個人都冇，坐左5分鐘左右，唔知係咪D人見到我食，佢地先敢過黎食。(笑)睇完餐牌，再食埋，只會覺得lunch先好黎食。叫左一個白豚骨，一個黑豚骨拉麵。湯底唔算濃郁，偏清，湯嘅份量比一般拉麵少，如果你好鍾意飲湯，你會唔開心。唔知係咪冇人排隊/食，煮得比較求其。個麵明顯食得出機製，食落口一條條麵粉嘅感覺。整體唔算難食，但唔應該呢個價錢，個質素係一般food court D拉麵咁，如果佢平D就好好多啦個感覺。不過我唔會再食嘅，繼續努力啦！btw 佢有lunch set四五十蚊，真係抵，反而可以一試！用餐日期:11/4/2019味道:6.5/10環境:7/10性價比:5/10

上星期經開荃灣AEON,行入超市,後面有間小店( 唔起眼) 近扶手電梯-誠拉麵, 眼見店內可以坐到大約15人左右; 我們2人就行入幫襯。我們點了: 黑豚骨拉麵, 白豚骨拉麵, 小食: 明太子手羽 < 伙記都出口推介 ! 黑豚骨拉麵, 入口微香黑蒜 ,清一點 白豚骨拉麵, 湯底香濃不太咸  麵質: 口感幼滑, 不會有泥膠感覺,軟硬適中;  明太子手羽 : 冇骨,啖啖肉,又脆又香口, 少辣 正體都不錯, 價錢相宜, 店舖裝修整齊, 員工有禮貌可以再主動一點。 值得推介荃灣街坊 ! 

今日嚟Aeon 辦年貨，順便食埋飯，行行下發現有間新舖開咗，係紅酒部隔離，舖面唔算好起眼，有幾張枱加bar 枱，但感覺地方好乾淨呢到主打豚骨拉麵🍜，只要㨂湯底就得，白，黑or 赤。我地就揀咗套餐，貪佢乜都有我最鍾意佢有張咭特別列唒各種湯嘅特式，等客人了解多D。套餐有沙律同小食，全部都係新鮮整出嚟，所以熱辣辣。明太子手羽咬落去仲脆卜卜拉麵我地要咗白同黑，半熟蛋時間啱啱好，最鍾意流心蛋黃。至於湯，黑色蒜味比較濃，但味道都好好。如果想清清地就要叫白湯。至於麫質，粗幼適中，有咬口，唔錯語錯。其實呢到幾方便，可以食完飯後行街買埋嘢

去荃灣灣景Aeon行街，經過見到新開呢間新開的拉麵店，就抱住好奇心態，同男友試下1) 拉麵套餐 $98黑豚骨拉麵湯底濃郁有鮮味，但不會覺得重味精和口渴；配料有很多，溏心蛋程度剛剛好；店內的調味料也有多種選擇；拉麵時間煮得剛好恰到好處，麵身爽滑彈牙；燒肉大大塊，煮得不會太老，肥瘦適中。+明太子手羽(1隻)明太子的小辣配上香煎雞翼，燒到脆卜卜好夾。+鹽燒雞軟骨(1串)雞軟骨比我想像中多肉，都好好味。+日式沙律男友唔食，我食拉麵食了一碗，感覺是普通前菜，但強烈建議麵後吃，因為感覺更清新更舒服。+罐裝汽水一般都是汽水機多冰，一罐罐感覺真實好多。2) 升級拉麵套餐 $76+25赤豚骨拉麵我覺得屬於是小辣，它的辣並不是搶口那種，是齒頰留香辣，十分特別惹味。+餃子(5隻)餃子5隻份量好多，不會煎得太燶，正。+日式沙律+罐裝汽水話說一來個麵，我倆都怕不夠飽，但食完成個餐，份量是非常足夠。而且呢個價錢出面一定食唔到咁好味，極力推薦，令我們很滿足十分回味。P.S. 我媽咪睇到我d相和我話好味，佢話下次一定要帶埋佢。

這陣子對日式拉麵和沾麵也重拾興趣，見到荃灣兩間新開的麵店上星期試了可以一吃的麵屋福，昨天便到一田內的誠拉麵 Makoto Ramen。 拉麵包店位於超市末端位置不易發現，佈陣比Food Court感覺高級一點，12點到來至吃飽走人時亦未見有客人幫襯！ 這兒有比較少有的拉麵套餐，看上去像很抵吃最合較大食的車爸爸！！而我淨叫一碗拉麵已夠！ 車爸爸的正拉麵套餐＄98有日式沙律即是胡麻醬番茄椰菜，爽口的椰菜好新鮮唔錯啦！另外還有可樂一罐偷飲了兩口滿足矣！ 套餐中的小食有明太子手羽，飽滿的賣相很討好，吃下不夠熱燙內餡味道竟像臘腸般，更吃不出明太子的味道！我們各吃了一口放棄了。 反而其貌不揚的八爪魚野菜算更為可口，外層燒得焦香內裡有不少野菜和少許八爪魚，吃下不會一口粉的。 到拉麵環節店家四款口味的拉麵，另有特和正兩種選擇分別在於餸料數量多寡！我們同點了少餸點的*正*！ 而口味我還上赤豚骨拉麵＄76，內已有紫菜兩片、木耳絲、蔥花、半熟玉子半隻和叉燒兩片，先喝一口豚骨湯對我來說鹹味重於香味，將那辣醬拌勻後更重口味！！而幼身的拉麵可自選軟硬度，點了硬麵出來的效果還可以！ 半熟玉子明顯有點過熟，蛋

每逢假日，行超市都會成為我一家大細既活動，相比起千篇一律既港式超市，我更鍾意行日本超市，因為會有好多唔同既野賣。今次呢間餐廳就係開係日式超市aeon入面既誠拉麵。對於血拼完既人，拎住大袋細袋，呢個係十分方便既選擇。今次我選擇左白豚骨拉麵(正)$72，升級做拉麵套餐，+$25配多左5隻餃子，椰菜沙津同埋罐裝汽水。白豚骨拉麵湯底鮮而不咸，相信真係有豬骨係入面，而且拉麵麵質十分不錯，類似一蘭個種，食客可以選軟硬度，可以配合翻個人喜好，叉燒最後亦用火槍燒過，逼出油香，食落肥而不膩。沙津就係椰菜絲,蕃茄配芝麻醬。雖然看似十分普通，但椰菜絲夠新鮮，食落感覺幾清新。餃子雖然肉嫩多汁，但外皮可以更香口。總括黎講，以百幾蚊食到有質素既日本拉麵，而且裝修地點位置都不錯，算是超值。

之前去黃埔都食過呢間開喺AEON裡面嘅拉麵，覺得幾正，今次終於開埋喺屋企附近🥰我地二人各自食左個正拉麵套餐（$98）即任選一碗正拉麵，配明太子手羽、鹽燒雞軟骨（另有八爪魚野菜餅可供二選一）、日式沙律&罐裝可樂餐前食沙律會更開胃明太子手羽帶微辣，無骨所以食落好方便，雞軟骨都燒得唔錯拉麵有得揀個人喜好，即麵條軟硬度；葱、荀絲&木耳絲，選項淨係得不要/少揀，而唔tick就係默認正常份量；仲有揀要唔要叉燒而之所以有個正字係因為呢個係regular size，另外有特字就係加大版，紫菜同肉都會多d。黑豚骨拉麵（單點$76）&赤豚骨拉麵（原價$76）兩者分別之處就係在於湯底，前者黑蒜油味重但唔會遮蓋豚骨味；後者就主要辣喺個醬道，不過係可接受範圍而麵條係幼身，叉燒係燒得勁香，而且彈牙，配上葱等配料更加完美，會常來🙋🏻‍♀️

咁岩係荃灣廣場睇完戲 諗住搵下附近有咩好食點知見到一間新開既拉麵緊係要試試佢佢既位置有小小難揾 唔係咁岩行入去睇下AEON有無咩好飲都唔會見到我覺得地方算唔錯 唔會好迫 因為太早去到所以無咩人1️⃣豚骨魚介沾麵 HKD$88叉燒好淋 除左面頭個2塊叉燒沾麵醬入面都有細細叉燒肉 份量都唔少我覺得麵條的軔度岩岩好，係粗面黎，食落有少少煙軔但又唔會好淋掛湯力都幾強 唔會太咸- 餃子5隻+HKD$25餃子皮邊煎完都幾脆—————————————2️⃣赤。豚骨拉麵(餐) HKD$98哇唔係講笑 個辣醬都幾辣下可能因為我唔食得辣叉燒肥瘦平均 口感岩岩好湯底幾香 但流心蛋就熟左小小 同味道唔夠明太子手羽(1隻)鹽燒雞軟骨(1串)兩樣做小食都唔錯 ———————————————

唔行都唔知有間新拉麵店，見佢都有幾款湯底就試下佢，仲有套餐，價錢先等於出面d八九十蚊拉麵，食到好飽，係不錯。首先黎左沙律，芝麻醬夠幾好味。我點左個豬骨味噌湯拉麵，配雞翼小食套餐。要唔要配料，同麵質都有得揀，黎到賣相不錯，溏心蛋好靚，味道不錯。湯底比較濃，岩偏重口味人士。叉燒比較驚喜，我個人唔鐘意太肥，佢肥厚適中，仲要係厚切，抵讚！而小食就揀左明太子雞翼同雞軟骨，雞翼啖啖肉無骨，軟骨爽口調味剛好！友人則點左豬骨湯底，味道剛好唔會太濃會一啖接一啖。同樣溏心蛋同叉燒與我有相同評價，唔好蛋ge佢都食左兩啖，厚切叉燒正。而我亦發現兩個湯ge麵底都唔同，分別係白麵同黃麵。餃子樣子平平無奇，反而係最有驚喜，佢皮薄唔粉，多汁，而且配ge醬汁亦好襯，下次要再點！調味料都好乾淨，很好。

荃灣Aeon新開左間拉麵店，新開張做緊9折優惠，一於試試：D 可以單點拉麵，亦有幾款套餐，都幾多選擇～先選豚骨魚介沾麵，湯底濃稠，粗身麵條非常掛汁，麵質煙韌彈牙，煮得剛好，不會過淋或過硬。叉燒油脂濃香不膩滯、溏心蛋有流心效果。套餐選了明太子雞翼及鹽燒雞軟骨，另還有日式沙津及汽水～已去骨的明太子雞翼帶微辣，非常開胃，新鮮熱辣啖啖肉，賣相很不錯。雞軟骨外酥內脆，燒得香口又具嚼勁！好友選了(特)黑。豚骨拉麵，香濃的湯底味道濃厚豐腴，加入黑蒜油，帶有濃濃的蒜香，麵條煙韌爽口，掛湯力適中，叉燒入口鬆軟，溏心蛋流心狀態賣相一流。拉麵升級餃子套餐，配日式沙津及汽水。五隻餃子非常香脆，皮薄多汁，香氣十足。

今日黎到荃灣aeon買野之前，黎到aeon地下呢間誠拉麵食lunch。位置唔多，不過因為我地2點先黎食，所以好快就有位喇！坐低既時候望望餐牌，然後就開始畫點餐紙。見到有拉麵套餐，當然就簡佢喇！首先就叫左一個味增豚骨拉麵，另外再升級做餃子套餐拉麵。每份套餐都會有份沙律 湯底濃厚，溏心蛋係半流心狀態，無失望！除左湯底，仲可以簡麵既硬度、配料既多少，好flexible。  夾起麵，再一啖濃湯。我自己本身就鐘意硬麵，食落去爽口d，而且唔怕浸得耐會變得太淋。餃子套餐有三隻餃子，餃子皮幾彈牙，夾起亦唔怕會散開，一口咬落去，都幾有肉汁朋友係叫呢個黑豚骨拉麵，亦即係加左黑蒜既拉麵。比起味增拉麵，湯底望落比較清一d，不過黑蒜味道重，所以都好香呢。由於係雞翼套餐，當然唔少得雞軟骨同埋明太子雞翼喇，去骨既明太子雞翼，咬落去啖啖肉，明太子鹹鹹地既味道再加上雞肉，味道上更加有層油。雞軟骨既表面都燒到金黃色，很不錯呢！最後就係跟餐飲品，有幾款簡，我地就簡左可樂同雪碧喇。總括黎講，拉麵既湯底濃厚，而且套餐既內容都好豐富，最推介既小食係明太子雞翼，真係好好食呢