詩嘉小廚 (已結業)

搬到喺大角咀既新屋企後，放假同放工都會密悉下屋企附近有咩好食-發現同屋企大約5-10分鐘路程既兩餸三餸飯真係岩晒我呢d 無飯主婦😂😂😂第一次到訪同老公share 左一個叫淨三餸同一個兩餸飯，呢五個餸份量夠康慨，兼且用呢一類既透明膠盒做包裝係老公大讚既一part.返到屋企開飯，食既餸魚香茄子唔太油，兼且椒鹽排骨同咕嚕肉炸皮唔厚係我同老公一致認為不錯的選擇。店鋪既職員個個都好warm, 簡直就比我同老公感覺已經好快融入到大角咀既街坊互動咁樣。希望好快可以再去試更多既餸。

今日路經大角咀， 見到新開左間兩餸飯 裝修都幾企理、仲可以堂食添！兩餸飯$32起，加$3仲可以換飲品～都算幾抵揀咗五款餸返屋企試吓，幾分鐘就拎走～五款餸分別為沙薑豬手丶咖喱雞丶鹹蛋肉餅丶咕嚕肉同埋涼瓜排骨沙薑豬手係凍食，喺兩送飯嚟講算係比較少有，大大件丶沙薑味好夠，好多骨膠原🥰苦瓜落得夠多，少少苦， 都幾好味咖喱雞算係唔錯， 椰香好夠丶薯仔好林，好啱送飯～肉餅夠彈牙，糖醋骨調味啱啱好， 唔會過酸～依家兩餸飯質素相當不錯， 下次再試下其他嘢先！

最近又興起返三餸飯早輪電視影到啲人排晒隊買，因為疫情好多人嘅收入都大減，物價騰貴，如果屋企得兩口子，買三餸飯真係不無道理，而家街市買餸都唔平煮餐飯基本無$100都唔使諗，所以三餸飯簡直係窮人同懶人恩物又唔使煮又唔做洗兩公婆大家都唔使做，少好多拗撬～今次來到大角咀新開呢間買三餸飯來試吓～岩岩裝修好，所以地方好乾淨，同埋店員勁nice買淨餸可以加$10有一盒白飯，叫三餸以上，再加$8可以多一款餸呢到啲款式都超多味道都唔錯❤️推介：麻婆豆腐😋同咸蛋肉餅～