詩嘉小廚 (已結業)

今日中午食飯去咗食詩嘉小廚嘅兩餸飯，見到門口個招牌話$34兩餸飯，見到咁抵食已經唔使諗啦，就入去試下。揀餸嘅時候見到有唔同嘅餸五花八門，望落個賣相色澤都幾吸引，最後我就揀咗雲耳蒸雞同埋蒸魚，慶幸嘅係咁啱有個比較正嘅魚腩部位，個到啲員工都幫我夾咗，是正的。而且佢嗰碗飯都非常之大碗，比平時喺屋企食嘅飯碗起碼多出1.5倍份量，所以食完都感覺非常之滿足。講吓啲餸，雲耳蒸雞份量都好多，唯獨係多油咗少少，但係雞味好出，唔會食到有啲咩味精嘅味道，都好鮮；另一方面，個舊魚腩蒸嘅時間啱啱好，唔會太鞋，亦都唔會唔夠熟，佢嘅喊鮮度都好足夠， $34食到兩個餸加碗咁大嘅飯感覺係非常之抵食。$34兩餸飯喺宜家呢個時勢真係唔係周圍都食得多，所以可以幫襯嘅我都會繼續幫襯，試吓佢唔同嘅餸，支持下小店！

呢間雙餸飯餐廳幾出名，行過大角咀順便去買幾盒淨餸。每盒$25都幾抵。6點左右去到餸菜選擇幾多，唔少都係啱啱煮起。試咗炸雞翼、粟米魚柳、炆豬手、欖菜豆角、咖喱雞。炸雞翼一份都七隻大大隻。新鮮炸起雞皮仲脆脆地，經典椒鹽口味，雞肉冇雪味。粟米魚柳啲魚柳大嚿又薄粉，份量都幾多。芡汁有少少粟米粒🌽好滑。豬手幾入味，炆得又夠腍。欖菜炒豆角味道夠濃，啲肉碎炒得香。咖喱雞係港式口味，多雞肉少薯仔🥔，味道幾香唔會辣。

有大約15個餸揀，試左咕嚕肉、椒鹽豬扒、魚香茄子、涼瓜排骨，每款都好好食同埋姨姨好好人比勁多餸😆😆 標明用金象米，食落又好似真係比同區既雙餸飯店好食。之前排隊試同區既三x同權x，係比較有鑊氣但係亦都重鹽重油d，同埋d餸份量少。依間雙餸飯真係暫時食過價錢合理又最好食，不過可能位置比較偏僻，感覺上人流唔多。不過今日食完，都吸引左d同事有興趣去幫襯，搞到我好似變左打手😂😂😂😂😂😂😂😂😂😂

🏡家的味道🏡大角咀新開的幾餸飯🍛🍛🍛🍛🍛🍛🍛🤤今次系第2次幫襯 ✅✅上次來嘅時候仲系試業 🥗🥗今次已經上左軌道了😋😋😋叫左4餸飲 盛惠45元💰💰💰其他地方嘅蝦要加錢 不過呢度唔洗 ✅✅店內好多mirror , mirror 迷要來🤣🤣

前幾日懶得煮飯，所以就決定去買啲餸加料啦😍😍😍😍😍😍😍😍呢度嘅嘢食同埋環境衛生企理🥰🥰🥰🥰🥰🥰🥰🥰🥰豬紅超級入味送飯一流😍😍😍😍😍😍😍😍😍生炒骨分量超多，抵食之選🤣🤣🤣🤣🤣🤣🤣黑椒排骨超級惹味，當中嘅薯仔超正😍😍😍😍😍😍😍😍魚香茄子調味得啱啱好😚😚😚😚😚😚😚😚😚😚😚😚😚😚😚😚😚😚😚

詩嘉小廚 (大角咀)大角咀鐵樹街4號富多來商場一期地下16號舖今次試吓食兩餸飯！決定嗌多餸！食5個餸舖頭有成15款以上既餸揀，仲有飯同湯飲！🥰岩哂無飯家庭。想講呢度既地方好舒服，以往兩餸飯都只係得外賣，好少見有得坐，在場仲有好多MIRROR既poster，鏡粉見到會發癲，超多，睇黎老闆娘應該都係鏡粉之一🫶🏻今次嗌左魚香茄子、候柱蘿蔔牛腩、苦瓜排骨、粟米斑腩、鯇魚。不得不說，鯇魚同魚香茄子最得我心，鯇魚好滑，又少骨！好好食，好多肉🥰魚香茄子個質感好正，唔會太淋又唔太好硬，有口感又香❤️粟米斑腩份量好多😝牛腩就炆得好淋，好好食，唔鞋口。排骨個口感都好好咬口、煮得唔會好老。飲左個金銀菜豬肺湯，飲完唔會口渴，亦都好真材實料，唔會無味、唔會好水。下次再食，必試埋個雞翼佢，實在太吸引了！🫶🏻

行過見到呢度開咗間新嘅兩餸飯，見到佢貼滿晒Mirror嘅相，於是行入去試吓，又唔錯喎，而且有得堂食，乾淨企理，加錢仲可以要例湯或者凍飲，例湯都好入味，亦足料，唯一就係座位少咗啲，人多時可能要等下位啦，但勝在性價比高！😋

有時番工太忙真係好難煮飯好彩而家越黎越多兩餸飯鋪頭隨時解決呢個煩惱買左五個浄餸，三個餸係既晚飯，兩個餸係第二日lunch5分鐘輕鬆解決煮飯問題😋呢度餸種類都幾多，目測超過10款餸，仲有少見既蒸魚😍😍試左炸雞翼、椒鹽豬扒、蒸倉魚、粟米魚柳同肉餅好嫩滑同juicy, 一啲都唔‘’鞋‘’，送飯一流🤤🤤炸雞翼份量相當充足，入面唔會太乾太老，調味足夠，食落夠香口同惹味，椒鹽豬扒夠香脆，口感都唔柴蒸倉魚口感尚算嫩滑，同自己屋企蒸差唔多，值得試下！

♡‎ ♡‎‎ ♡‎ ♡ 大角嘴 - 詩嘉小廚 ♡‎ ♡‎‎ ♡‎ ♡‎ 雖然放寬咗社交限制🚫 不過有時都糾結緊出街食定係買外賣🥡見到呢間舖新開 紅紙都未拆 一於試下先呢間主打餸飯餐廳比較特別既有得堂食 又可以外賣而且夾餸嘅位置喺室內 冇咁易有太多嘅細菌🦠款式種類都算多今次買咗5個餸：🔹紅酒燴牛尾炆得夠淋身又入味🫢 骨唔算太大舊🔹欖角豬扒 豬扒望落幾吸引 再返屋企微微氣炸無得彈！🔹南乳豬手豬手真係大大件 🔹檸香雞味道酸甜適中 不過炸粉有點多 建議雞粒可以大粒啲🔹辣椒炒牛肉微微辣 牛肉嫩口 雖然無汁但係送飯一流◆*．◆*．◆*．餐廳資訊◆*．◆*．◆*．📍 詩嘉小廚 (大角咀)大角咀鐵樹街4號富多來商場一期地下16號舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee大角嘴🔎發掘同類美食：#ee港式#hkfoodie #hkfoodblogger #instafood #hkblogger

約了朋友係奧海城歎完tea，行返去旺角買外賣返屋企食飯，而家兩餸飯店開到周街都係，而且又平又多款式，好過自己煮。這間在富多來商場的詩嘉小廚，舖仔細細但五臟俱全。目測有超過二十款的小菜可供選擇。菠蘿咕嚕肉酸酸甜甜咕嚕肉，每次都必叫，咕嚕肉啖啖肉而且又腍，應該用了梅頭豬肉，送飯一流。炸雞翼雞翼返到屋企用氣炸鍋焗返熱，外脆內嫩，雞翼不會炸得太乾。椒鹽豬扒豬扒表面椒鹽唔會太咸，亦都無落味精，豬扒略有咬口。蒸肉餅肉餅調味準確，亦都有點豬肉咬口。粟米斑塊斑塊跟粟米完全分開，要的時候才淋上面，所以返到屋企還有點脆口，而且啖啖肉，表面炸漿很薄。

作為一名基層打工仔, 番工搭車係成本放lunch都要盡量食平啲, 咁先慳番啲啲🫠所以呢, 兩餸/三餸飯算係個最經濟既選擇!而家搵兩餸飯店 真係周街都有 唔難搵~但餐餐都買飯盒番office食, 都覺得有啲慘🥲但今日放lunch 行遠少少見倒呢間兩餸飯店🤩真係impress左一下🤩因為佢有堂食座位! 咁我就可以同男朋友一齊出執食平飯喇🤩估計係新開張🙊門面比較新 同埋好企理 算乾淨~由於今日餓到爆, 2個人叫左5餸😂比裝餸EE好體貼🫠佢見我地兩個人食, 其中一個餸叫左炒飯.佢幫我地用兩隻碗分開裝🫣 好細心❤️🍴蜜糖薯仔雞翼個人超愛呢個餸🤤真係好甜 薯仔用蜜糖煎得好香, 雞翼既蜜糖味都好入味.呢盒餸最少有4隻雞翼呀~ 仲要每隻都大隻既.唔係縮水雞翼🌝🍴懷疑係滷水汁豬腸呢個豬腸都滷得好入味, 係隻豬略為有啲肥😂好少雙餸飯店會賣豬腸, 因為淨係洗腸都洗好耐. 所以都算係食倒佢地果份心機!🍴肉碎四季豆四季豆味道都正常既, 唔會話好大浸草青味不過就油左少少🤏🏻🍴大大隻滷水雞髀雞髀算多肉, 大大隻~ 飽肚既😹🍴炒飯估唔到炒飯都係一個餸😹但都幾推介個炒飯夠乾身, 有蜆肉Tim嫁🤩仲有多一味餸~ 就係電視🤤

最近興起食兩餸飯但大角咀呢邊好似比較少，最近可能都要去到油麻地／旺角先有今日比我發現開左呢間新野，梗係即刻食佢啦環境都幾企理，食物款式都多，而且一路見佢ＫＥＥＰ住有新野出最緊要價錢唔貴，加少少錢仲可以有埋野飲今次第一次食，要食真Ｄ食多Ｄ餸！蝦醬肉片豆卜雖然睇落白白地咁，但估唔到原來係蝦醬味蝦醬都幾香同幾夾，豆卜索晒味麻婆豆腐味道都唔錯，有少少辣辣地，但又唔會太辣咕嚕肉啖啖肉，岩晒食肉獸魚香茄子食落都惹味，送飯一流少見地有蒸魚，鍾意食魚既必叫啦另外不得不提係佢既飯係用左靚米，呢點幾有驚喜

早前疫情緊張，自己買餸煮飯都好少，大角咀新開的兩餸飯，被它的味道所吸引，打算進入「詩嘉小廚」外賣覓食。飯店可以看到廚師預備給客人的各款食品，提供很多款式，看見師傅的手勢很好。外賣覓食看見推出多款菜式，價格相宜，未食巳吸睛，令我胃口大開。今次買了五個淨餸回家，多款菜式，晚市可以經常外賣都有很多選擇。冬菇雲耳蒸雞口感嫰滑，但又不會韌，冬菇雲耳很香, 蒸雞皮肉有嚼勁，令人心曠神怡，感覺很不錯，帶到另一個新層次。蝦醬炆雞絲蝦醬鮮味撲出來，雞絲肉質爽口，唔會太過熟，恰到好處，仍然保留了誘人的味道，味覺和口感湧現出來，令我喜出望外。炸雞翼炸雞翼香脆，單單看樣子已經令人唾涎，咀嚼後第一個感覺是彈牙有咬口，齒頰留香，值得推介。咕嚕肉咕嚕肉有彈性，口感細膩煙靱，厚薄適中，保持彈性，感覺很好。蕃茄豬扒豬扒實淨彈牙，香脆可口，配上蕃茄醬調味，配搭惹味，享受滿足滋味。詩嘉小廚（大角咀）地址：大角咀鐵樹街4號富多來商場一期地下16號舖

每日想煮飯買餸好悶，一天3 餐，困了2 個多月，與朋友到大角咀番教會。完結後，到附近買日用品，朋友介紹新開的兩餸飯，我就買了五個淨餸，回家煮個青菜就可以偷懶。我們到達的時候是大約五點半，，剛剛推出很多新鮮菜式，準備夜晚晚市外賣 ，來的時間很合適。 菜色很多有咖哩牛腩、梅菜扣肉、粟米魚塊、 魚香茄子、肉碎豆腐、 冬瓜炆雞。 最後我買了$20 一淨餸, 最後揀了5 個餸。欖角排骨， 很少食欖角椒鹽豬扒，很香脆魚香茄子， 可以送一碗白飯苦瓜排骨， 家父很喜歡梅菜扣肉 , 很有家常味,不咸，很入味。

時下潮流的三餸飯開得成行成市，不過不是間間都有質素大角咀最近開了一間新店主打三餸，追著這尋找高CP的吃的潮流小店有幾個位，不過三餸飯外賣🥡回家比較舒適食物三餸$48肉碎茄子份量頗大，超軟稔又吸味的茄子🍆本身就非常適合外賣沙薑豬手非常少見的「餸」，入口爽彈，不像南乳版般稔軟，很適合當前菜咖哩薯仔🥔雞鹹香濃的咖哩醬本來就很適合送飯，配雞肉也是絕配麻婆豆腐微辛帶點花椒麻的豆腐，又是撈飯的上佳菜式蘿蔔排骨有趣的搭配！蘿蔔頗爽口，甜甜的也不俗