許祥昌食店

營業中

休息中

位於元朗西巴士總站旁的車仔麵檔, 時不時都去幫襯, 十分抵食 :一個麵底 + 餸 (十幾款餸任揀 -- 無限幾多款, 要晒十幾種都得) 都係10零蚊 :加大 : $17, 大: $15, 小: $13 食物味道掂 !!好味飲品 : 紅豆冰, 涼粉紅豆冰, 紅豆奶茶, 什菓冰 ......一律 $10 ... 抵 !!元朗友, 一定要幫襯下 !!

中學時成日去食因為有我最愛既珍珠紅豆奶茶今日同男朋友睇完戲就去返許祥昌度食好好味既車仔麵冇去差唔多一年 d野食仍然都咁好味不過野飲就由$9加到$10今次嗌左豬紅,豬腸,魷魚蘿蔔油麵當然仲有我最愛既珍珠紅豆奶茶

偶然經過, 見人多多應該都唔差, 緊係入去試試啦,坐落, 望望餐牌真係唔知點叫,但大家都吃得不亦樂乎,只見餐牌寫左好多料,大17 中15 小 13但無話選幾多味,問阿姐先知, 選大中小即可, 佢會幫你夾送,你有咩唔食可以出聲,女朋友要了個小的, 我就要左個中, 見人人一冰, 我都唔執輸, 要左杯紅豆冰少奶叫伊面都唔洗加錢, 真係世間少見,兩碗面一到實在令人興奮, 但經我兩研究, 我地碗內的料都有出入,你鍾意食個樣送多唔多就睇你好唔好運了,小的, 我女朋友都唔係好食得哂, 可能因為佢杯紅豆冰好足料, 紅豆超多, 好飽肚下我得d 豆水飲, 味道都ok,再加碗中既...飽哂.食得車仔都預左有味精的了, 但口感真係唔差,唔會爛容容

03-may-08 5:00pm今日睏極了~一個人返屋企前唸住食d野先, 去到元朗醒起一家老字號車仔麵自己未食過, 就試下啦~之前睇過OR 既 COMMENT, 知道佢有紅豆奶茶冰, 黎到先知原來仲有涼粉奶茶冰, 珍珠紅豆冰, 三色冰ETC...唸到都透心涼呀!! 仲要全部只係 $10 /杯~ 有理無理, 一坐低整個奶茶紅豆珍珠冰 (小甜)refresh 下先!! (好多人都叫)2分鐘唔洗, 大大杯既"3溝"放係面前, 層次分明: 最底係紅豆 +珍珠, 冰又唔多.雖然 只係$10 一杯, 但非常足料! 呷一口, 港式奶茶頗濃香滑,對辦! 珍珠不會煲過龍, 好有咬口. 最好就係佢真係有少甜比我, 旺角o個d 真係啋你有味啦~ 真係一次過滿足晒3個願望呀! (我成日飲珍珠奶茶 or 紅豆冰)跟住再叫車仔麵. 望住牆上餐牌, $ 13 (細) $ 15 (大) 同 $ 17(特大). 見到其他人大部份都叫細, 再問下亞姐d餸點計, 佢話你要 3 樣, 7樣都係咁多$$, 不 過每樣野少d." icic..我唔貪心, 要左3餸 , 自製雲吞 + 蘿蔔+ 冬菰+幼麵. (細)不消 3m

呢間車仔麵, 係元朗都有20年以上既歷史難得佢既價錢, 係今時今日, 都無乜點狂加車仔麵, 分大中細$17 / 15 / 13如果你坐低叫個什麵, 即係乜配料都會有當然, 全部都係最例牌既野, 唔會有貴野例如係, 豬皮, 魚蛋, 蘿卜, 豆卜, 豬紅, 尤魚, 冬菇, 腸仔, 紅腸, 雞翼尖, 豬腸, 鳳爪, 雲吞等等.當然唔會上述十幾樣都齊晒啦, 但七八樣一定走唔甩你亦可以揀要乜, 唔要乜, 適隨尊便來幫襯既人, 真係各個階層都有, 有小朋友, 學生, 情侶, 單身男/女, OL, 師奶, 甚至見到一個八十歲既阿婆添, 當然地方只係一般, 地方亦有垃圾, 但大家來得呢D街坊小店, 都唔係來欣賞佢既豪華裝修, 叫野來到, 各自修行, 食完埋單走人, 讓位俾其他係門口等位既人

我覺得呢道最抵ge就係平.....同埋夠方便~因為我次次去到都係叫什麵....唔洗慢慢揀~其實都算多料,,不過每樣都唔係多~除此之外...我次次都會叫杯紅豆涼粉冰黎飲...都幾好味ge....其實呢間野都開左十幾年喇....由我細細個幼稚園果陣食到而家....都幾好感情!!不過野食就麻麻~

呢間食店係元朗已有十多二十年歷史湯麵味道十年如一日,冇乜點變過湯底係咖哩汁,唔會太辣,配麵夠惹味佢d麵分-大$15/中$14/小$13如果唔想諗食乜就要碗細什就OK而我唔係乜都食,每次都會自己簡餸今次要碗細油麵配豬腸雲吞枝竹翼尖$13泰山媽成日都話呢間奶茶冰好飲,每次來必飲.咁我就試杯珍珠紅豆奶茶冰$10 奶茶係幾滑,我就認為冇茶香及冇茶味,紅豆甜甜地幾好味,珍珠好有彈性,幾乎咬唔爛要成粒吞,最後都係放棄晒d珍珠.環境-快餐式,搭枱食完好走味道-食物調味適中服務-冇服務,冇禮貌可言,總之就快落單快食完快d走啦!抵食-$13細麵都飽晒乾淨-抺極枱都係"立",又有油印,見到醬料瓶口都另願不加醬料

車仔麵的味道比永年差好多....個湯是好淡的咖哩味,d全是得一種味....成個地下都係垃圾,但無人掃....冷氣唔夠,勁熱.....個舖又細又窄又迫.....點解重要去食?因為它的必殺技是平,重係好平果隻,$14.5有一碗大什麵(細什麵$11.5都好多),好多好大碗,加一杯紅豆冰都係$9.5,又係好大杯,味道真係好一般,但當無乜錢的時候,都是一個好選擇

過呢間食過好多次,今次第一次俾食評。近日天氣好酷熱,去幫襯時一定要坐入面,但冷氣十分之唔夠。我一向好鍾意食車仔麵,尤其係油麵麵底,但呢間油麵係劣級貨色,比一般粉麵店油麵幼及硬身,覺得十分之唔好食,及無厘口感及味道。車仔方面,我最鍾意食豬腸,我覺得好【梅】又切得細舊,唔好味又係冇口感,完全唔掂。另一喜愛蘿蔔太,唔新鮮又唔甜...渣!咖哩汁唔似咖哩汁,只似落好多糖味精茨汁,湯底就更加唔駛講,都唔知點形容,唔掂囉又係!都唔明點解咁多人幫襯,我只稍為覺得涼粉冷叫可以,其他飲品以麵檔講都算ok!但真係冇一種衝動,令我會成日想去食。但元朗其他麵店我就會成日去食,例如『好到底、勝利、彪記、永年、榮興、許記及嘉麗園等~』,呢間麵店感覺服務混亂,好多阿姐不停講,加埋客傾偈,有少少街市feel 囉!

聖誕番香港時, 朋友帶過我黎呢度食!即使以前係香港長住時, 都有好一段時間無食過車仔麵!好, 今次我同朋友都叫左碗細雜麵!唔記得係12定14蚊!不過都好大碗, 湯底係咖哩煬, 好夠味!而且d料亦好足!豬血好好味, 其他野都好焾而入面! 唔錯!比錢時, 因為身上得一張500蚊..而呢d地方食時總係唔會超過20蚊..所以靜靜雞問阿姐500有無得找, 點知佢好好笑容咁話有! 完全無黑面! good!!不過呢度環境就差d, 但咁既態度, 食物質素都值得令人耐唔耐去一次!

9蚊一杯冰(係大杯裝)，點溝都得。小弟第一次品嚐，見隔離食得津津有味，就叫姐order個一模一樣，原來先之後才發覺叫左一杯名“咖啡涼粉紅豆冰”好似心之不妙，會唔會攪肚痛呢！(因為要搭長途車)但係又幾好飲，好彩都冇咩事(每個人体質都唔同，我就冇問題)，又幾match。不過，個車仔麵就普通d，都ok！

其實..好食ge話..我覺得始終比唔上永年士多ge車仔麵好食...但係呢度真係好抵食!!!一個麵...分大中細三個size...通常細size 都好足夠! 一個麵可以有齊晒所有送(有7-8樣)都係$12(細size) 所以真係好抵...唔同永年~三個送就$15...要多樣就逐樣加....順便一提...紅豆冰...唔錯!

又是一間吃了好多年，久不久就會想念的食店。平日只管叫它橋底車仔麵，這間食店的名字，老實說我從來沒上心，不是寫食評也不會刻意去留意呵!　看見大家對它有很不好的評價，覺得替它有點不值呢!一間食店可以經營那麼多年，其實水準不會差得去那裡。任人揀餸(揀幾多款都可以；又懶的可選雜麵，即甚麼都有)揀麵底，即叫即製，兼有濃濃的咖哩湯底，售價只是細的$12、大的$14、加大$16，還可以要求甚麼?　最近天氣轉涼，我每隔兩、三個星期就會想來吃一碗細幼/油麵，加上一杯足料涼粉冰($12)，感覺非常滿足。　比較差是食物衛生。都試過吃到豬腸不乾淨，更有朋友吃過麵中有甲由呢!不過近一兩年衛生都改善了，店內還有紙巾提供。所以每次去食客都不少。我也會繼續支持!

同幾個朋友係元朗游來游去，最終選左食車仔麵作晚餐，估唔到咁夜都咁往場。店內分小(11元) / 大(14元) / 特大(17元)，3個價錢，只要說出麵和"食送"，選以上小、大、特大便可，超級抵食。我同朋友就選左雜錦(大)，貪佢每樣"食送"都有D，大大碗真係食唔晒囉！而且食完唔口渴，味精份量OK，比起MK出面D車仔麵檔，食完行出門口轉個頭又買多支水灌喇！另外，配埋波蘿冰好好飲，用新鮮波蘿...9蚊雞又唔貴！值得一試^_____^

早上四處找地方吃早餐，不想吃麥當當，想到池記吃粥但又怕熱，最終選擇到許祥昌來一客車仔麵。這裡最吸引的地方是「平」，小妹吃一碗細車仔麵，再加一罐可樂亦只是17.5元而已，可惜食物的水準和服務只屬一般，不過，能以這樣的價錢吃到一碗有差不多五、六款配料的車仔麵，還是感覺便宜而可接受的。經常見到這店有人等位，但老實說，如果要排隊等位的話，小妹情願去找另外的食店好了。