許留山 (已結業)

許留山算是兒時回憶，所以係依家咁多甜品店既時代，間唔中都會返去幫襯下，不過今次真係好失望。比門口大大隻招募會員既廣告吸引，見做會員好抵，原價46既多芒小丸子，會員價只係28.. 滿心歡起諗住做會員。點知坐低揀完，一問先知無得申請，原來係，佢哋無晒會員卡，當場有點被騙既感覺，好心無會員卡就收埋出面啲會員登記表格啦😒 啲職員態度亦都好差，一副咁你仲食唔食既表情好了，照叫左個楊枝甘露，真係好失望，芒果粒變芒果蓉，都唔知有幾多粒係新鮮芒果，圖文不副得非常緊要

許留山的甜品是十分出名的而且我最愛是買一送一的飲品我最愛飲西瓜蘆薈爽 第一：鮮甜及使用真生果因為鮮甜的西瓜十分解渴及可以令到整個人更涼爽而且都十分開胃再加上是一個十 分健康的喝品 所以很喜愛而且蘆薈都很甜而且數量都多又健康喝下時使整個身涼涼地又容易吸收是夏天必要的佳品

晚餐後想食甜品坐下，又見唔洗等位就入左去，點知張檯未抹，仲有剩餘食物！叫店員抹先係咁意抹走左，坐低後發現檯邊仲有甜品滴漏痕跡！因為已經叫左野局住食埋先，叫左個凍餅撈船，menu個圖兩個球體原來唔係雪糕，似綿花冰同雪芭之間，味道不突出又不討好，底下個凍餅。。。唔睇返個menu真係唔知係咩黎，食到一半，冇辦法唔徒左。。。而且座位仲對住廚房，入面兩個男人其中一個竟然對住一個攪拌機既液體（唔知咩糖水）影相！走既時候，仲聽到自己腳步係「㗩㗩」聲---個鞋底俾個地板黏住再離地所發出既聲音！而家回想都有啲寒。食物本身唔啱口味已經唔重要，我以後對「許留山」任何分店都會慎重考慮，想食甜品到發癲都唔會再去！

話說我，朋友同我男朋友3人坐低咗都好耐下都冇人過黎問點嘢食..跟住我好難得等到一個肯黎問下我低想食咩。跟住我嗌咗個新出品霖住試下，好似叫咩方塊乜乜乜咁嘅...我揀咗綠茶同奶茶兩種口味的jelly,同芒果汁底.等咗好耐都唔黎（唔知係咪唔記得咗我地）。終于都等到啦，一睇，唔多對路，我冇嗌加水果盤，黎咗個水果盤嘅...仲以為係送嘅...算啦，睇下新出品先，點知係豆腐同奶茶味的jelly woh, 都算啦，男友話趕時間，就唔好換啦。fine, 試下個芒果汁底，點知芒果汁冇芒果味，凍就夠凍嘅...再試下個jelly,冇味道..唔知食緊乜咁..最后搞到我成個晏晝都冇精神....都唔係我嗌的甜品=.=....

今日食完晚飯突然想食糖水，就去左許留山啦~我同2個朋友, 一個食唔知好似紫米加丸子(唔記得左個名係咪咁)一個食左多芒小丸子我食左個好普通ge單撈椰汁底另外仲叫左個小食-xo醬蘿蔔糕個碗紫米丸子(?) 見到個樣都古古怪怪的...朱古力色..haha 個味就普通喇 紫米唔夠香, 同埋好似比較淋身咁....多芒小丸子, 有芒果味, 不過略嫌小丸子好似唔夠煙UN, 中間仲有D好似煮唔透咁仲有D粉粒咁, 不過夾住D芒果汁食, 都算係咁喇個單撈椰汁底, 望落賣相吸引, 食落都幾好, 香椰汁味, 不過塊奇異果好似有一塊林左.....整體都唔錯. 我下次會叫返呢個食, HAHA個XO醬蘿蔔糕真係...等到我地食晒, 佢都唔黎, 連我地早過隔離台黎GE, 人地碟野都食完, 我地問個侍應, 如果係漏左單我地就取消....點知佢即刻拎左一碟出黎~~係即刻!!! 但係好可惜碟野係唔熱GE!!! 嘩~~真係....我地一人食左一件 就無食了....最嬲真係呢樣野.....

許留山不是成日食，但都好buy！是日去左旺角，悶悶地走入去食d野如是食左個咖哩船，好重咖哩味！魚蛋又好爽！不錯！再叫左客甜品一式三小客都是芒果的制品雖然少少地，但勝在唔寡！以前甜品只能食死一樣依家一叫就可以有三個配搭好fresh，而且多選擇！有另外的驚喜！許留山是歷久常新的！！

原本同朋友打完邊爐就去食糖百府冰（因為去完台灣回來，很掛念雪花冰）點知要排成個鐘先有得食，　我吔當然唔等啦～結果去咗附近果間許留山啦叫咗芒之戀＆另外一個唔記得（但係新出既，有類似涼粉既東西係焦糖味呀）芒之戀有一粒糯米糍，芒果小丸子，生果盤　（佢既芒果糯米糍好好味呀）其實味道係好架，但３ｘ得咁少，就覺得唔值囉所以我有得揀都唔會去許留山鍾意芒果既人就無辦法呀．．．

吃過中午飯，有同事發起去許留山食甜品，也好。數一數手指，都有好幾年沒有幫襯呢個品牌，若不是同事說，就連這品牌也差不多忘掉。來到許留山，一定要吃芒果產品。翻開餐牌，見到有一款叫芒之戀，是由三款迷你芒果甜品所組成的。既然一次過可以滿足晒三個願望，就點這個吧！第一味是芒果小丸子，芒果茸味道不夠濃郁，小丸子是沒有餡料的，外皮韌而不軟糯，並不出色；另一款是芒果糯米滋配鮮芒果肉，旁邊的鮮芒果肉還好，起碼不會很酸，但糯米滋的皮又是不軟糯，死實實的，芒果餡帶不出鮮甜味道；最後是芒果雪糕配類似大菜糕的，這個幾清新，我倒欣賞，是三款之中最好。同事單點了一個芒果小丸子，其實和我的那個一樣，只是份量大很多。佢話好好食，吓?! 唔係卦！今次輪到同事俾錢，多謝晒！