角落

營業中

休息中

幫襯左幾次，午市晚市都食過幾次，午市定食大份而且好食又送凍飲，晚市雖然選擇唔算多，但賣相同味道真係一流，特別要試下串燒同鍋，清酒仲要買一送一 同埋樓面小姐姐又nice又靚女 ,期待會加多啲款式可以揀，會keep住幫襯

中午同朋友去咗這間日式餐廳，食咗午餐西京燒銀鱈魚同吉列豬扒定食，真係好有驚喜！銀鱈魚外皮煎得金黃香脆，魚肉嫩滑得嚟帶住淡淡味噌甜香，一啖咬落去鮮甜多汁，完全冇腥味。吉列豬扒同樣出色，外層炸衣薄脆鬆化，豬扒厚切但炸得恰到好處，肉質軟嫩多汁，配埋酸甜開胃嘅豬扒醬同清爽椰菜絲，簡直絕配。 餐廳環境簡約明亮，座位寬敞，坐得好舒服。店員服務親切有禮，上菜速度很快。兩個人食到好满足，下次有機會會再嚟試其他菜式。

聽friend講附近新開一間日本餐廳同個friend走去試吓啦有驚喜 啲嘢食好精緻睇得出係有用心做食物好味價錢都唔貴 老闆又有禮貌 笑容又好宜家出來食嘢 有服務 有禮貌真係好少😄嗰日應該係星期五夜晚，我見到都爆場我推薦（雞白湯煲）（牛舌）（壽喜燒）（炸蝦）其他都好味 2個人叫唔到咁多 食左好多野🤤 下次介紹多D朋友來不過位子唔係好多 建議大家打電話book位喔希望老細保持呢個水準 有禮貌有笑容香港真係需要多D這類餐廳食嘢 食得開心啲

第一次來到餐廳見新開嘗試一下，估唔到嘢食好高質有驚喜，食咗鯖魚定食😊鯖魚食落好好味，油脂平均一啲都唔嚡平時出邊食嗰啲燒到太過Over會好嚡，但係呢間燒得啱啱好👍🏻👍🏻下次會再encore😋😋仲要有個前菜沙律同埋麵豉湯都高質食曬最後仲有個蒸得好滑嘅燉蛋入邊有一粒好大嘅帶子同埋蟹柳😍😍足料呀環境都好舒服寧靜老闆娘仲親手調配左柚子蜂蜜飲品好好味👍🏻黎緊會帶屋企人過嚟試埋其他菜式同埋定食😋

壽喜燒湯底甜而不膩，烏冬煙韌爽滑，鰻魚飯肥美又唔滯，好食😋😋😋😋😋午餐套餐前菜好多，又有沙律又有味噌湯又有茶碗蒸，好豐富。嘢飲都好好飲，泰式奶茶聞起身有小小雲呢拿味😌😌而且主菜都好大份量，三個人嗌兩個完全食得飽！！！！食完之後唔會口渴。真係扁住嘴入，扶住牆出咁😆😆😆前台細心留意顧客需求，即時提供協助👍🏽👍🏽👍🏽雖然位置偏僻但係裝修好靚，餐具擺盤都好精美，適合打卡！！！位置都算闊，唔使迫迫吓😆！

店舖名稱已代表地點，在東大街中小巷的角落，裝修帶出earth tone的優雅。內裏似台日風，椅子舒適，十分適合談心。食物也十分出眾，食材一點也不馬虎，很多都採用日本地區特式食材，如花魚一夜干，一點也不差，多肉滋味，送酒一流。串燒也有不少特色食材的而且不太濃味，食完不會口乾。最驚喜是小鍋，簡直有家的感覺與味道，我嘗過雞鍋，清甜好味，連湯也可飲。老闆娘自製飲品：手打檸檬茶，原汁原味！再加上老婆娘溫柔健談，帶給全店親切感！