西門町台灣麵食 (已結業)

等位都照等...終於終於可以試咁多人話正o既西門町喇, 都真係幾好味!3個人叫左個3人餐($198), total連drink同甜品(桂花糕)係有8樣唔同o既野食! 入面o既野食可以轉, 加返差額就ok最滿意:1)雞絲粉皮- o個ｄ好似河粉加埋足夠雞絲同埋佢ｄ汁就黏黏地,好正好特別2)鳳尾蝦撈(應該係)蛋黃漿好好味, 蝦又多肉3)肉燥飯- 幾好, 但多ｄ肉燥更好4)金香奶茶(凍) - 有ｄ似台灣o既奶茶, 但茶味唔夠香...如果再甜少少就perfect紅燒牛肉咸左少少醉雞都ok紅油(雲吞)其實味道都唔錯, 但我覺得幾辣(我唔食得辣)食完勁飽, 試到咁多野好滿足

去年ｓｕｍｍｅｒ　ｖａｃａｔｉｏｎ，我要番學校補課，家姐又要上班，所以阿媽阿爸只帶ｏ左細佬去台灣．．．真可惜，一件台灣美食都無放過入口今日經女人街，見到西門町台灣麵食，就入去試ｏ下ｏ剌研究ｏ左好耐，最後要個ｓｅｔ　ｌｕｎｃｈ，有花蓮鹽水雞，肉臊飯，＆一個小食任揀，我要ｏ左鹽酥雞球一開始有ｄ驚食ｏ吾晒，後來發現肉臊飯原來頗細碗．．．好彩ｄ肉碎味道濃，甜甜ｏ地鹹鹹ｏ地ｏ甘，伴飯真係最ｏ岩鹽水雞表現平平，係有ｄ水，但又ｏ吾係鹹ｗｏｒ，而且無論外表﹑味道或口感都同白切雞有９９％ｏ既相似度．．．鹽酥雞真係訓ｏ係到都贏鹽水雞九條街，佢外皮脆，內肉非常嫩，又香又ｏ吾太鹹

我己經成為這店的fans了....最近經常來食..試過很多新食物呢...補番食評要推介以下食物:老水拼盆:抵食架..38蚊有豬頸肉..鴨腎..蛋..豆腐同雞翼...份量好多...個味亦好好..我好怕太咸呢..呢個唔會架..個味又香又唔太咸...正!!老肉乾麵:麵質幾好..老肉好味..大大碗..好好味呀..又唔會太油..!!雞絲粉皮:好開胃..唔係太多麻醬..唔太溜..好香口好creamy...總之就係好味百香果紅茶:本身我好buy百香果..其他地方好多都整得好甜..但呢到唔會..好好味呢

可能係因為抱住個太大o既期望去, 所以食完後個失望都幾大... 我同女友兩個人去...叫左1. 擔擔面: 湯底ok, 麵同湯好似未融為一體, 個麵無乜味道2. 魯肉飯: 好普通, 唔夠汁, 呢種味道好多地方都有3. 腐皮蚵仔卷: 味道都係好普通, 好多油, 蚵仔d味被其他料cover 哂, 大排檔d蠔仔餅好食十倍有多雖然好多人都話好好食, 但我唔會再去囉...

星期六中午, 到了此店叫了一碗五香牛肉麵, 一碗香辣牛筋麵, 涼伴茄子, 鹵水豆腐蛋, 蜜桃綠茶, 泡沫咖啡。因二時後入座, 套餐只需$22(減了$2), 另台灣飲料加$4, 小食半價。兩碗麵的味道均不錯, 湯底夠濃, 麵也可以, 涼伴茄子只有四件, 也不錯, 鹵水則入味, 豆腐很嫰; 飲品也很道地。下次會再來。

見她的好評不少，便去試試。點了脆樂雞扒麵，到了先知原來所謂的脆樂雞是好似麥樂雞的東西。不過樣子雖一樣，味道差幾倍。她沒有麥樂雞脆、沒有雞味、肉是太『林』，沒有口感。食麵，真的好正！麵身是爽的！加上十分彈牙，簡直是美妙！下次都是點另外的東西，這個雞真的不行，相反麵就高水準，早知如此，定不點這個。

西門町，名字很明顯，是台灣菜。兩年前左右試過一次下午茶，昨天是第二次，輪到晚餐。暖暖叫牛筋飯，我叫肉餡魚丸擔擔麵，兩者皆不俗。加$8叫了一藍莓紅茶，好難飲，好有藥水味。卡位好迫。你望我我望你，講o野都唔方便。見對面檯叫的涼拌茄子像很吸引。下次可以試。

本人係呢門野既常客,食開既朋友都知咩事,昨晚同女友本來想都此用膳,怎料一到門口,發現唔對路,小左好多人,當時都只不過係8:45,再望一望門口張新Menu,發現全部餐都加價,仲要加得好勁,根本就係趕客,平時2人餐都係$108,而家一加就138,仲要無埋牛食肉,老細話你可以再加錢轉,講就好以好互動,實情就再加價,簡直離譜,佢d 野真係幾好食,但加得咁勁就直情當我水魚,又無service,又無環境,最後我去食d 再貴d既野都唔入去ar,,,,,,

以前最鐘意食台灣野．．．因為台灣正宗既真係好好味．．而ｏ係香港．．呢間水準算係最接近．．．而且價錢算經濟．．尢其佢ｄ．套餐．．絕對啱小情侶食．．不過坐得迫ｄ＾＾．．．佢ｄ擔擔麵．．同魯肉飯好好食架．．．大家有幾多時間係唔駛等位架？

上食過後驚為天人..今日再來一趟..同樣叫套餐..個餐幾好..可以自己改任何菜式..補錢upgrade..自由度大..抵讚..金牌拼盆:酥炸糖醋雞..好好味..酸酸甜甜..炸粉唔太厚..五香排骨..夠味又淋..正..雞肉串燒..較為行貨..都ok..墨魚蝦沙律卷..呢個好味呀..墨魚包住青瓜同蝦..開胃又鮮味..鴨胸沙律..一般..但幾醒胃腐皮蚵仔卷:外面好脆好香..入面好多蚵仔同配菜..超好味..一客有八件..幾抵食牛根腩:呢個真係鎮店之寶..真係超好味..牛腩好淋好入味..牛根有咬口..蘿白好鮮甜..好好味..魯肉飯:唔多介紹..總之好味擔擔麵:係我食過最正既台式擔擔麵..湯又濃又杰..麵有咬口..一定要試呢飲品:唔太甜..又唔會似茶軒d有一舊舊粉..好好味豆沙香蕉酥:我叫套餐都係為左佢咋..呢款小食無得散叫..要跟餐送..上次食過真係好好味..所以今次為左再食而叫餐..果然無令我失望..超好味呀服務:待應幾醒目..小店來說算好有心serve你..落單快..一叫即到..真係抵讚..可能我本身鐘意食台灣野..所以個人很喜愛此店..一定會繼續幫襯呢

第一次去吃，點解唔覺你地講到佢咁超級好味~~不過都唔錯咁解~~~叫左個二人餐1.茄子-個醬幾好，但超油，好後悔食左四舊咁多2.醉雞-都幾好o既3.鳯尾蝦-如果佢攞出嚟吸下啲油我會buy 啲4.小肉燥飯-okay5.小膽膽麵-個底係好花生醬，但係啲麵硬左啲6.珍珠奶茶-同仙乜仙物嗰啲差唔幾，原來佢散都係咁貴7.芒果綠茶-友人話好飲，但係我覺得特甜8.甜品-荳莎香蕉so，個皮太厚雖則唔係差，但係我應該唔會再去...不過值得讚下係個老板都幾好人，好落力...

23號夜晚第一次o黎呢度食，見食評好多人讚，加上都鍾意食台灣野！同朋友兩個人入去，我地張本身留座，店員見冇位就拎開"留座"個牌俾我地坐。有好多麵可以揀，仲有d小食，我地兩個唔知食乜好，於是問店員，佢幾nice，d服務唔錯，晌果邊o黎講，簡直難得一見！我叫左四寶擔擔麵，飲品就要蜜桃紅茶。個四寶擔擔麵唔算大碗，但係好夠料，湯底好"杰"，好香花生醬味，未食過咁好食o既擔擔麵！杯蜜桃紅茶好有蜜桃味，甜左少少。朋友叫左個香酥豬排擔擔麵，我試過一塊都唔錯。呢餐晚餐十分之豐富，令人一試難忘，一定會再去！

老公0向呢間同friends食過兩次都話正。佢喜愛怪味雞。今次我地食lunch，set lunch，包飲品，叫台式飲品另加$。款式有台式麵、飯選擇。麵好似有0的特色，但飯就普通雞翅、豆腐飯。好味道，幾好！女仔食份量都夠包！

噚日同肥b去mk行街街買衫,成日去親mk都食樂園,肥b話上網睇下先,見呢間咁多笑笑,話可以試下,可能係lunch時間,唔係好多人,可以坐卡位,不過間鋪就細d,如果夜晚我諗都幾逼,我叫魯肉飯,魯肉夠多同入味,有半隻蛋,再加一片酸蘿白,份量好,凍藍莓紅茶,好似黑加侖子糖味,好醒胃同幾好味,不過甜d,肥b叫蘇炸雞件魯肉併乾撈麵餐,雞件都幾多肉汁,個面夠"趣",個麵有d似上海麵,但又好食d,唔會好粉,又唔會好水,撈埋魯肉食,唔會好乾,好食,個麵有湯跟,不過可以唔用撈麵,個麵都好好食,個湯都好飲,唔係好味精,另送涼伴茄子,少少辣,凍凍,好味,奶茶就普通貨式,以台灣講都ok,肥b話起碼所有都正過易牙妙手!

尋日一點幾放學..同frd出左旺角..o個時未食lunch..鑑於之前同男朋友去食過覺得唔錯...所以介紹朋友黎呢間...我地都叫左擔擔麵同凍奶茶..擔擔麵仍然好有水準..好有麻香好好味...湯底一入口唔覺得辣...吞左之後舌頭先開始感覺到辣...雖然我唔食辣...但都忍唔住飲個湯...杯凍奶茶大大杯...同行ge朋友覺得好好飲..同出面茶餐廳ge奶茶唔同...杯奶茶係珍珠奶茶ge奶茶..所以比一般奶茶甜...其實唯一不足之處係間餐廳入面好多人煲緊煙...