西門町台灣麵食 (已結業)

bf睇見咁多笑叫我去食~冇期望~但台灣野o黎講真係幾好食~我食肉燥豆腐飯~肉燥好夠多而且幾香~又唔會乾身~bf的五香牛內都好好食~2點去到都好爆~2個人坐一邊卡位~好迫~又怕腳會踢到對面~坐得好唔自在~食完即走(相信店主都係想咁~)真係唔好坐~冇乜必要唔會再去~

order左一個4人餐+炸魷魚總體黎講每一碟都唔錯我最鐘意就係涼拌茄子至於比較差既我就覺得係個肉燥飯不過都係當白飯食，所以都冇乜所謂建議叫套餐，有包野飲，否則一杯野飲要２０左右一個４人餐包４杯，就已經８０蚊套餐＄２４８　魷魚＄２８

星期六喺豪雨之中嚟到，兩個人叫咗一碗牛筋牛肉麵、一碟腐皮蚵卷、一個餐包括涼拌茄子、一碗椒鹽雞球拌麵同飲品。牛筋牛肉麵個湯好味，牛肉又腍又入味，好快食晒成碗。拌麵好似港式撈麵咁，有碗湯俾。都幾好味。茄子有四小件，味道唔錯。可能我自己鍾意食腐皮卷之類嘅食物，所以覺得個蚵卷都唔錯。杏仁奶茶同珍珠奶茶都合格，珍珠煙韌好味，仲好過好多煙漬癌。店員態度依然係咁好，係呢間舖最吸引人地方。

之前見食評唔錯，所以就找一日去試下!試左之後都唔錯!價錢不算貴，反而因店細而等了很久才有的入!整體而言都好好!個紅油扁食都唔錯!

實習的最後一天，約埋阿sir一齊去這兒食午餐。因為下雨，人客不多，入去就有得坐。點了紅燒牛肉飯，好快就到，見到佢真係好大舊牛展，非常厚。咬一口，覺得牛展非常『林』，簡直係食過的牛展中最好的幾間。特別的是她厚厚的，食了兩三舊個胃已經開始有點脹，食不下成個飯。下次再食都係選麵會好一點。

今天要出旺角, 出門前先查查OPENRICE, 發現這店有好多笑臉, 試試吧有食友話店子好迫, 但我又唔覺喎, 在旺角女人街來說算幾好, 光猛企理坐落唔覺唔舒服. 當然唔適合長坐慢慢談天啦叫左個豬扒麵, 香酥珍珠餃, 芒果雪香. 豬扒不是齋炸的, 而係有特別的香料, 味道不錯, 麵條也不會太淋或者簡水味, 湯不會有口乾的感覺. 香酥珍珠餃, 聽個名以為係好似茶樓點心, 原來係炸豬肉球, 雖然出乎意料, 但食落又覺得幾香喎. 芒果雪香大大杯, 足料又好飲, 十分滿足.台灣餐廳一向對我來說都是等於「求其」, 因為肉燥飯呀, 魯肉飯等等太容易造了, 一街都係, 今天終於食餐好既. 西門町不是那些好味道要冒名而來的餐廳, 但經過旺角, 又想食平平地既, 他是一個好選擇!

星期六來吃中飯, 獨行的我等了幾分鐘就有位.點了肉燥飯+百香果綠茶+素雞(小食一齊叫半價)上菜非常快肉燥飯有大量的肉燥, 但我嫌飯太lum, 味道ok百香果不錯素雞像蛋豆腐, 味道普通總體來說, 是一家普通的食店.

好少見到台灣野有咁多笑臉，今晚就同另一伴一齊去食下，話哂都同另一半嚮果邊生活左幾年，去懷念一下都好。去到7點幾，正如我所料，要等坐...唉...熱死人啦..好彩唔係等好耐者。坐底左..叫左一個麵一個飯加一個小食同兩杯野飲。擔擔麵$24 --> 麵就夠煙un(台灣叫"Q")，個湯底就好有麻醬味，不過真係唔係叫好食又唔係叫差..好一般既一般啦。鹵香豬扒碗飯$26 --> 即係台灣既排骨飯啦，一黎到..似模似樣wo..一拎開塊豬扒，e???唔係珍珠米???係長米黎既???即刻變左一碗好普通既豬扒飯，唉..即刻唔似台灣啦..汁又唔夠..又唔夠味...總之用長米就即刻唔似台灣野啦，塊豬扒都幾好既，同台灣果d差唔多，總括黎講，如果佢用珍珠米真係會差好遠。椒鹽香穌吊桶$28 --> 又係一般貨仔...講唔出特別，只係味道中規中矩啦一杯蜂蜜綠茶，一杯荔枝綠茶各$8 -->蜂蜜綠茶冇咩，幾正宗...反而荔枝就真係好大獲，甜到想連平時鍾意飲汽水既我都接受唔到..反而另一半就勁愛，不過係超出左個甜度，扣!!!!d裝修又幾好既，特別d服務都好好，又冇加一，令人加分，好!!!!再

廢話少講啦~叫左一個係餐黎既, 有:椒鹽雞球肉燥乾麵- 我覺得好好味, 幾惹味咁, 但男友話個魯肉飯好味d涼拌茄子(小食, 得4件) - 都ok一杯飲品, 我要左青apple 綠茶另外,x廟口魯肉飯, 唔係我食, 男友話好食鳯尾蝦- 正!腐皮蚵卷- 都ok, 有d蠔味整體都有4星以上, 價錢又抵, 如果唔洗等位等咁耐仲正!等位都唔係問題, 不過要係女人街既橫街窄巷到等就真係好辛苦!!題外話: 大家等位千其唔好企過隔離間日本野到, 因為會有d 女侍應出黎趕你走!我果日去食等等下, 仲有個著住水鞋凶神惡殺既人出黎鬧人話d 人阻住佢做生意!! (其實, 佢邊有生意丫), 我係西門町等左半個鐘位都未見有人入/出佢間鋪...

夜上，約了朋友去食飯,突然想食台式野,睇過食評呢間餐廳好多笑面,所以就去左位於女人街既西門町喇,位置不好找呢，但最後都找到我們點了二人套餐,套餐包括有涼拌茄子、酥炸鳳尾蝦、花雕醉雞還有肉燥飯、擔擔麵,2 杯飲品及甜品,食物方面以涼拌茄子& 肉燥飯做得最好雖然呢度既味道尚算可以,但始終唔能夠與台灣相比,but 當掛住台灣美食時,來這裡止止癢也可以的~~~ p.s: 值得一讚的是這裡服務唔錯,雖然係小店,但服務都算貼心的

好耐無同老ti見過面, 所以今晚便約了她。我地成日食來食去都係0個d野, 所以今次想搞搞新意思, 試d新野我地叫左個二人餐($138). 二人餐有幾個item選擇,要左: 1.金牌拼盤--> 轉0左滷水拼盤2.香芒汁炸蝦3.酸辣粉皮4.細鹵肉飯5.甜品(桂花馬啼糕) 6.台式飲品1.滷水拼盤: ti:"最好食係豆腐!", 蜜柑寶寶:"最好食係鴨腎!" 其他都無0羊特別2.香芒汁炸蝦: 炸得幾好, 但隻蝦無0羊味,得d油味3.酸辣粉皮: 好味, 但可以酸d, 辣d同凍d4.細鹵肉飯: 無特別5. 桂花馬啼糕: 無其他選擇, 好硬, 無0羊味整體來說, 無特別, 正常, 二人餐($138)對女仔來說, 可以係三人餐。

中學畢業後都好少食台灣野, 因為平時的台式連鎖店真係無咩好食, 不過可能係就黎去台灣既關係, 朋友居然心血來潮search openrice, 結果俾佢搵到呢度. 真係一個surprise.貪方便, 隨便要左個二人餐($138). 二人餐有幾個item選擇, 要左:1.金牌拼盤2.腐皮柯卷3.酸辣粉皮4.細鹵肉飯& 擔仔麵5.甜品(桂花馬啼糕)6.台式飲品呵呵, 好豐富. 食物都真係幾好食, 金牌拼盤有幾樣野食(蝦仁玉蘭中卷, 鴨胸沙拉, 炸魷魚, 豬軟骨, 雞肉串燒). 未食過蝦仁玉蘭中卷, 原來係用魷魚筒包住蝦仁同青瓜, 夠爽脆, 係幾好食既冷盤. 另外豬軟朋都好味, 好淋, 味道很好. 雞肉串燒都唔錯, 有炭燒的味道.腐皮柯卷剛炸好, 熱騰騰, 外面相當鬆脆, 可點茄汁, 不錯!酸辣粉皮彈牙, 好食!細鹵肉飯& 擔仔麵: 好食, 不過已經開始飽咧….桂花馬啼糕: 係我最鐘意既甜品, 一小件, 小食多滋味嘛!台式飲品: 基本上叫咩都得, 不過要珍珠, 胚芽就要加$2. 我地要左百香菓綠茶& 紅柚綠茶.始終係女人街, 鋪頭比較細, 坐位係有d迫. 晚上繁忙時間都有d想催你快d食完快d

在旺角﹐一係就食咖哩﹐一係就食車仔麵﹐一係就打冷......早陣子看到這間西門町﹐很多笑面﹐當然要一試......點了一個2人餐..醉雞﹐肉爍A菜﹐炸鳳尾蝦﹐2碗肉燥飯﹐甜品......一杯蜂蜜綠茶及珍珠奶茶.....醉雞﹐花彫酒香﹐淡淡卻入味得很...雞肉嫩滑﹐很好..鳳尾蝦﹐OK...肉燥飯的肉燥﹐味道真的很好。一粒粒的肉燥﹐每粒都很入味。是的。綠茶及奶茶的茶味亦很香值得一試的餐廳* 也許在旺角﹐可以多一個選擇了

好肚餓!昨晚叫左個二人套餐，我點了雞絲粉皮、花雕醉雞、炸蝦尾做小菜，仲有擔擔麵、肉燥飯。d 野好快就上齊，但睇落，碟碟都好細，噢!但食落原來好夠食!醉雞，正!(有足夠的花雕酒去點)炸蝦又正!(再熱d 更好!)雞絲粉皮，just ok ! (好飽口、有d滯)食到飽飽，都係每人$70, 都ok!

今日放學同友人黎呢間餐廳度試下..我要左個肉燕餃擔擔面真係麻麻地, 個湯好杰, 好漏, 味道有少少怪(可能我要唔辣), 但係d 餃味道幾好, 相對其他食物, 呢個餃係好清, d 面既口感都唔錯。男朋友要左雞球乾拌面餐, 真係名副其實, 的確好乾, 不過味道都ok。仲有個涼拌茄子, 個汁好香濃, 幾好食。飲左杯朱古力珍珠奶茶, d 珍珠好味, 朱古力味好重, 正!!整體意見: 食物味道方面比較濃味, 比較鹹, 食完好口乾, 唔係成日食都ok 既。飲品真係不可或缺, 如果冇野飲, 呢一餐應該會好苦, 同埋d 飲品真係唔錯, 愛吃珍珠的朋友就一定要試試。店員有禮, 貼心, 服務值得一讚。