西貢街頭越南牛肉粉

營業中

休息中

下雨天最適合來碗熱辣辣的湯河。特地跑去灣仔吃越南菜，果然沒失望。大大碗金邊粉，生牛肉嫩滑、牛丸紮實，湯頭香濃；香茅豬扒湯河也好正，肉汁多又不油膩。春卷超香脆，配上羅勒、青瓜、醃蘿蔔，再用生菜包住，一口咬下，滿足感爆棚。還點了炒通菜，用蒜蓉魚露炒得剛剛好，脆嫩又惹味，吃得出菜的鮮甜。兩杯飲品都免費！話梅鹹柑桔水清潤解膩，老薑蜜暖胃又香濃，完美結尾。生牛肉牛丸湯金邊粉（$62）香茅豬扒湯河粉（$62）春卷（+$22）蒜蓉魚露炒通菜（+36）話梅鹹柑桔水（$0）越南老薑蜜（$0）

中午去到食，周圍都多人唯獨呢間勁多吉位，2人4人枱都好多吉位，其實都估到有d伏，繁忙時間都咁少人食我一個走入去都要你搭張2人枱對面，我即走，你話無位要你搭無得講，成堆吉位仲要你咁迫明趕客走，永久blacklist

今日黎到灣仔搵食，係呢個區啲物價較高，但都比我地搵到比較親民既餐廳，環境都唔錯，裝修好優雅，就入去試下。首先我地點左個順化香茅豬扒撈檬，枱上有一瓶酸味醬汁，係用黎撈檬粉食，令味道更加提升，而且份量都好多，一大碗，重有一大塊豬排，真係非常有誠意，味道都好好。最緊要一定要用酸味醬。真係無得輸。另一款係街頭生牛肉湯金邊粉，生牛肉既份量都算多，湯底係魚骨湯，好香濃，味道非常正宗。重有啲配料芽菜，令口感更加提升。不錯既選擇。另外再叫多杯牛油果沙冰，香濃既鮮榨牛油果🥑，真係好健康，而且唔會好甜，味道岩岩好。沙冰🍧打到好細沙，入口即溶。呢個真係好值得一試。我個人十分喜愛。

灣仔大街特色越南菜，我地星期日晚8點到餐廳，兩個人被安排坐卡位，位置都舒適，食物亦都不錯。不過建議午市同下午茶時段去，價錢平一截更抵食。🔹會安烤豬頸肉 $90豬頸肉份量算多，厚切豬頸肉咬落都好腍，不過略嫌覺得佢烤得唔夠焦脆，如果佢再燶少少會好食好多。味道方面就淡左啲，但係加埋佢嘅越式辣醬，就變得好惹味😋🔹街頭生牛肉湯檬粉 $75比想像中大碗，不過食落好多都係湯嚟。生牛肉好鮮嫩，食落去唔會好柴，牛肉湯嘅湯底亦都好清甜，好有牛味。如果唔鍾意咁重牛味嘅話，可以加埋佢另上嘅青檸，中和返味道更加出色。另外佢嘅檬粉似米粉，比米粉粗少少，但都好好食😍🔹順化香茅豬扒飯 $86香茅豬扒煎得超好，肥瘦適中唔會太乾，調味都好出色🤤不過就油膩左少少。另外仲配咗兩件蒸雞蛋，有別於一般般蒸蛋，佢係有少少木耳同粉絲係裏面，口感幾特別。

餐廳：西貢街頭越南牛肉粉地點：灣仔克街菜式：越南菜餐牌：茶市套餐有傳統撈檬，湯粉，法包，米飯，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。順化香茅牛肉撈檬 $58 另加一順化香茅牛肉撈檬大大碗，有十幾塊牛肉，味道口感都唔錯，幾惹味，好多肉食，啖啖肉。伴有生菜，青瓜絲同酸醃紅白蘿蔔絲，薄荷葉，中間加左蔥花同花生碎加脆脆，伴有青檸半件。檬粉係幼身白色，滑溜有口感，可以自己加枱上既魚露，酸酸咪咪好開胃。街頭生牛肉湯粉 $56 另加一街頭生牛肉湯粉大大碗，生牛肉五六片，生住上枱，呈粉紅色，食落非常粉嫩，唔會太薄。湯粉可選河粉，檬粉或者金邊粉。我地選左河粉，係幼身兼非常滑溜，其他配料有洋蔥圈，蔥花，同芽菜，個湯味道都唔錯。質素係幾好。另配青檸同辣椒比你自己調味。可以用優惠價錢加小食。酸辣鳳爪沙律 加$38 另加一鳳爪一共十幾隻，好爽脆。配菜有西芹，洋蔥，紅蘿蔔，車厘茄，個味道係幾辣，不過都好食。抵食啦。蒜蓉牛油雞翼 加$28 另加一蒜蓉牛油雞翼一客兩件，炸得脆皮而肉嫩，牛油味適中，如果蒜蓉味濃d就更好。伴有酸醃紅白蘿蔔絲同椰菜絲沙律。跟餐包基本熱凍飲

灣仔上班一族🙈今日早咗收工 好肚餓🤤呢條克街好多餐廳選擇 今日想食濕濕的粉面 仲有下午茶時段套餐 以前同同事嚟開呢間嚟食 牛肉粉同法包都好好味 新裝修好的店舖更光亮 環境更舒適 大部分都是卡位 下午茶時段套餐選擇好多 花多眼亂🫨🔆生牛肉牛丸湯金邊粉 嚟到牛肉仲喺半生熟 湯底都仲喺好熱 浸一浸牛肉片就好快熟 牛肉片數量好多 一啲都唔吝嗇 而且牛肉切得夠薄 質素不錯牛丸都有4粒 而且咬一啖就見到必晒油出嚟 喺我喜歡的牛丸 而且鋪滿芽菜、九層塔等香料 湯底清淡不油膩🔆馬拉盞炒通菜不能夠沒有菜 通菜炒得有鍋熱 微微辣🔆話梅鹹柑桔水一大粒話梅加上柑桔 最喜歡熱飲👍🏻解渴

好友約我去位於灣仔克街6號廣生行大廈C座及D座地下4-6號舖的《西貢街頭越南牛肉粉》食下午茶餐，環境舒適，坐得舒服。我地點左：📍保寜雞絲扎肉湯金邊粉 $62：湯底清甜，雞絲扎肉份量不少，金邊粉軟硬適中，好味又好食。📍越南咖啡豬軟骨配米飯$68：豬軟骨煮得軟腍入味，咖啡味濃，似中國的薑醋，伴碟有件好味蛋餅。📍越式傳統街頭法包 $56 ：餡料豐富，有越南扎肉、青瓜、秘製豬肝醬、芫茜和蛋香醬，法包香脆可口。📍熱越南老薑蜜（跟餐）：清潤好飲。

係灣仔食晏，想食pho就嚟咗呢間西貢街頭，點知大排長龍，差唔多14:00點先入座點知錯有錯着，14:00下午茶開始，餐牌同午餐一樣，份量一樣，但係平啲。叫咗碗生牛肉牛腩片雙拼越式金邊粉，賣相幾好，方便走青走洋蔥，加少少青檸汁，飲落個牛骨湯幾濃牛味。牛腩片勁正，生牛肉都好嫩。另外加個越南春卷，新鮮炸起熱辣辣，跟足傳統有生菜俾你包著食仲有啲腌菜同埋酸汁點添。最後飲返越式滴漏咖啡，咖啡味濃，成個人醒神晒。

依間餐廳算係咁🙏🏻是我第一次幫襯環境乾淨✅員工有禮貌✅員工衣着整潔✅碗碟乾淨✅碗筷櫃桶乾淨✅帶位員工任我自己揀位員工是有禮貌的可見公司培訓唔差員工面帶笑容衣着整潔我係叫咗個豬扒飯不過不失唯一啲飯可以再熱啲豬扒是新鮮的熱飲叫咗青檸紅茶冇青檸味紅茶唔夠濃唯一係杯熱飲差啲最後食唔晒，叫咗個外賣盒打包員工係有禮貌的回應食客要求盒是乾淨的整體算係咁✅😊會返嚟再幫襯😄建議營業時間開早啲例如開10:30或者11點😄

餐廳：西貢街頭越南牛肉粉地點：灣仔克街菜式：越南菜餐牌：茶市套餐有傳統撈檬，湯粉，法包，米飯，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。順化香茅牛肉撈檬 $58 另加一順化香茅牛肉撈檬大大碗，有十幾塊牛肉，味道口感都唔錯，幾惹味，好多肉食，啖啖肉。伴有生菜，青瓜絲同酸醃紅白蘿蔔絲，薄荷葉，中間加左蔥花同花生碎加脆脆，伴有青檸一件。檬粉係幼身白色，滑溜有口感，可以自己加枱上既魚露，酸酸咪咪好開胃。街頭生牛肉湯粉 $56 另加一街頭生牛肉湯粉大大碗，生牛肉五六片，生住上枱，呈粉紅色，食落非常粉嫩，唔會太薄。湯粉可選河粉，檬粉或者金邊粉。我地選左河粉，係幼身兼非常滑溜，其他配料有洋蔥圈，蔥花，同芽菜，個湯味道都唔錯。質素係幾好。另配青檸同辣椒比你自己調味。可以用優惠價錢加小食。會安烤豬頸肉 加$38 另加一呢個會安烤豬頸肉份量一客八片，伴有酸醃紅白蘿蔔絲，墊有椰菜絲沙律，另上甜酸醬。面頭灑上脆脆。燒得外脆帶少少燶邊，肉質彈牙，暖暖地好正。蒜蓉牛油雞翼 加$28 另加一蒜蓉牛油雞翼一客兩件，炸得脆皮而肉嫩，牛油味適中，如果蒜蓉味濃d就更好。同會安

聖誕節臨近，好友從英國回港探親，順道約我聚舊，我帶他去灣仔漫遊，順道去位於灣仔克街6號廣生行大廈C座及D座地下4-6號舖的《西貢街頭越南牛肉粉》食越式下午茶餐，環境舒適，坐得舒服。我點左個 順化香茅豬扒飯 $58，好友點左個 街頭香茅牛肉飯 $60，另外點左 越式傳統街頭法包 $56，蒜茸牛油雞翼（2件）$30，餐飲係 熱越南老薑蜜，凍話梅咸柑桔水。順化香茅豬扒飯好味道，香茅豬扒香口肉嫩，伴碟還有2塊蛋餅（好味）；街頭香茅牛肉飯牛味香濃又好食；越式傳統街頭法包香脆好食；蒜茸牛油雞翼十分好味；熱越南老薑蜜潤喉好飲，話梅咸柑桔水清爽。

今日12:50 到, 等一陣就有位, 13:10食完個餐, 跟收開始飲埋杯野, 侍應就收O左枱上碗後, 不到4分鐘, 13:14 就同我講, 出面好多人, 可否盡快交枱, 我答佢好, 杯野只係飲佐1/5, 唔夠1分鐘又叫我走, 有冇人咁做生意! 入去前後都無半個鐘, 食慢D/飲慢D 都唔得?  大佬熱飲點快呀?  LUNCH SET 已經都要加1, 仲要咁服務, 香港的確多謝你! 

灣仔好味既越南菜餐廳店內光猛舒服 坐位寬敞💯餐牌上有越式湯粉,地道撈檬粉,法包同粵式街頭小食等種類都算多 而且整得好好味😋🌟海防番茄鮮蝦湯檬非常濃郁嘅蕃茄味湯底🍅檬粉吸收晒湯底嘅精華 加上爽彈既蝦,豆卜,豬紅等口感層次好豐富 食落好開胃!🌟生牛肉牛丸河粉湯底鮮甜濃郁 生牛肉被湯底輕灼熟帶濃郁牛肉味兼嫩滑口感 牛丸亦結實彈牙加上滑溜既河粉 💯🌟會安烤豬頸肉豬頸肉肉質爽脆 醃得夠入味亦燒到好香口👍🏻

咁啱過開灣仔返工即刻搵返都係喺附近返工嘅朋友黎個lunch gathering🥰佢就介紹食呢一間餐廳，話好多時都要排隊嘅關係，所以我哋特登早啲去到 當日真係好好彩！竟然唔使排隊即刻入得！呢間真係人流非常密集既越南餐廳目測九成人以上都係食越南牛肉河但我當日想食light d!所以叫咗個既係🧑‍🍳廚師推介又係🥦素食之選嘅🥑牛油果法包🥖Avocado & Mixed Veg French Bread (Avocado, Cucumber, Lettuce, Pickled Vegetables, Mixed Greens, Mayonnaise)呢個法包真係好清新首先個法包焗到脆卜卜再搭配埋新鮮蔬菜同配料~食落去非常開胃！

灣仔午市時段滿座不出奇，奇在連下午茶時段都有人排隊，足見這家越南餐廳很受歡迎。取飛等了一陣，終於可入座了。我們點了香茅豬扒湯金邊粉和綜合牛肉湯金邊粉，湯底清香可口，豬扒嫩滑，牛肉則包含牛丸、生牛肉和牛腩片，層次感十足，而且份量和正價一樣咁多。下午茶餐送兩杯熱飲：香茅橙茶和香茅老薑茶，前者清新爽口，後者則暖胃提神，搭配粉麵，十分合適。我們還叫了蒸粉包和香茅豬頸肉作為小食，粉包軟滑，包着肉碎、扎肉、蝦米和木耳等，味道清爽，搭配豬頸肉的香口，簡直絕配。整體來說，這頓下午茶餐不僅味道出色，加一後性價比仍相當高。