西貢街頭越南牛肉粉

營業中

休息中

灣仔一帶有好多性價比高嘅東南亞菜 西貢街頭係其中一間我嘅愛將 下午茶仲好抵食! 🤑每次必叫 《海防蕃茄鮮蝦湯檬 》$68 大大碗 湯頭唔算非常濃嘅蕃茄湯底 調味啱啱好 。加入唔少乾蔥同芽菜。除咗三隻煎香咗嘅蝦球 仲有豬紅 鯪魚餅 肉碎同豆卜 屬於小數咁大碗粉麵但我都可以清哂👍 今次試埋蓮藕蝦餅 +$30 爽脆蓮藕夾住彈牙蝦滑 比起炸蝦餅又另一種食法～ 😋跟餐熱香茅蜜有原條香茅 配合蜜糖水一齊飲 非常滋潤😋🥰 📍西貢街頭越南牛肉粉

同仔女飛完髮來呢間晚餐，之前試過茶餐定午餐，仔女都記得好味。晚市冇咩套餐都唔多人，小朋友冇咩胃口試下個清湯火鍋隨意吃一點就好，味道都很不錯。牛肉新鮮，牛腩片煮一陣已經軟身，細細粒牛丸彈牙，札肉胡椒味突出就未有給細路試。外加蓮藕片，生菜，河粉，以及湯底已有的蘿蔔，菜品相當豐富也營養均衡。用餐環境一如既往乾淨，侍應有禮貌服務及時，菜品也很不錯。真係唔輸d日式小火鍋⋯⋯可以再來香茅豬扒飯都好大一份，小朋友都話好味。食唔曬就帶走咯

下午茶到六點，份量十足，我和先生都喜歡當晚餐吃。今天人人一個茶餐加小食加飲品，每人一百元，可以吃到飽飽。主食：🏅海防蕃茄蝦湯檬（$68）🏅越式傳統街頭法包（$56）湯檬材料豐富，有鮮蝦、魚餅、雞紅、豆卜、肉碎和蕃茄。最愛它的檬粉，比一般米粉幼滑。越式法包非常酥脆，沒有法包的煙韌和硬綁綁，更容易咬開。內餡夾有豐富配料，例如扎肉、豬肉腸、青瓜片、醃蘿蔔絲和芫荽，抹上豬肝醬和蛋黃醬，獨特而美味，讓人吃過難忘。小食：🏅清沅蒸粉包（+$28）🏅街頭蓮藕蝦餅（+$30）薄薄粉皮包著肉碎、扎肉、蝦米和木耳等，蒸起脹卜卜，味道清爽不膩。兩片蓮藕夾着蝦膠煎香，蓮藕爽口，蝦膠彈牙，非常惹味。基本飲品：（+$0）話梅咸柑桔水 ~ 超濃郁，我加了2次熱水仍然夠味，酸甜好飲。香茅鮮橙茶 ~ 香茅味較淡，茶味和橙味較重，飲完膩滯全消。

一段時間無食越南野好掛住越南嘅湯粉灣仔呢間午市同下午茶時段都好多人精明嘅我梗係揀下午茶時間嚟啦份量充足，價錢仲平啲✨街頭生牛肉河粉生牛肉放於熱湯之中變成半熟狀態嘅口感係最軟腍配上滑嘟嘟嘅河粉湯底都好清甜，加上芽菜同辣椒同青檸直頭連湯底都想飲埋✨街頭蓮藕蝦餅呢款小食比較少見將蝦肉加在兩片蓮藕之中既爽口又帶出蝦味✨越南雞蛋咖啡加入雞蛋嘅咖啡好少地方飲得到明火保持咖啡溫度味道似焦糖燉蛋，好香甜雖然全場坐滿食客但店員好有效率超快手

下午茶經過，但我連早餐午餐都未食，見這間越南餐廳擠滿人，估計應該可以一試，等幾張枱後終於入坐了。兩個人點了下午茶套餐：順化湯河 $62番茄蝦檬 $68老薑蜜 話梅咸柑桔燒豬頸肉 $40馬拉盞炒芥蘭 $40味道是個人，我就覺得好好味，配料豐富，但我不只一面倒講什麼好服務，好味道，反而有點恨鐵不成鋼，所以有以下兩點而作為食評的作結點：1：湯不夠熱，只是溫暖2：燒豬頸肉最厚部分唔熟希望進步一下，我一定會再來。10%服務費總共 $220

三個人星期六出嚟食晚飯，叫咗四樣嘢都可以漏咗一樣嘢單，個侍應好似鬼食泥咁都唔知佢講乜，廚房毫無溝通，水都冇杯，叫極都冇人有反應，而家係嚟食飯唔係施捨，一定冇下次，啲嘢又唔係特別平，只係正常價錢其實香港飲食業真係要反省吓，點解可以咁差服务，唔怪得知7:30鐘都唔爆，對面靠得住粥飯麵飯反而生意好好，門口仲有人排隊，見到叫拼盤，都唔識得俾個碗，唔通啲碗真係咁勁貴，要洗多個碗都唔得，真係折墮，嚟呢度好似俾人虐待咁

呢度座位勝在夠闊落， 幾個男同事坐埋一齊都ok。燒醋肉伴越南檬粉檬粉幾爽口，淋上酸酸地嘅醬汁，再配以一啲酸蘿蔔絲嚟食，都幾清爽消暑。可惜醋肉就有啲柴， 好乾身， 我覺得麻麻地， 唔太推薦。 同事話豬扒ok好食， 下次可以試下豬扒撈檬

今次👦🏻話想食越南粉，我地就來咗西貢街頭牛肉粉 食個大大份下午茶當晚餐😋 餐廳嘅環境舒適，座位寬敞。侍應哥哥仲好有禮貌咁提醒我地，仲有15分鐘就過下午茶時間，叫我地揀好就叫佢😊 🔆特色綜合牛肉粉 （生牛肉、牛腩片、牛肉丸）🔆牛肉河一向是👦🏻最愛的食物，今次一飲個湯就話好重牛骨味，超正！同埋呢度嘅牛肉唔係用肥牛，平時嘴刁嘅👦🏻，都通通食晒。🔆會安烤豬頸肉🔆豬頸肉烤得夠香口，醬汁辣辣地好好味。🔆大頭蝦膏炒芥蘭🔆超抵食，$30好大碟，仲要好夠鑊氣🔆順化香茅豬扒撈檬🔆香茅豬扒好夠香茅味，鬆化香口，配料十足，檬粉分量剛好😋🔆凍會安香茅蜜🔆香茅蜜帶有少少薑味，清新可口🤩🔆熱越南老薑蜜🔆薑味濃，配有一片青瓜，有特色👍🏻

今天想介紹一間小編經常到訪的越南菜餐廳。💁🏻‍♀️綜合牛肉湯河這道湯河配料豐富，其中包括了牛丸和生牛肉。牛丸鮮嫩彈牙，而且在湯河中煮熟後更加入味。生牛肉則帶有鮮甜的風味，給湯河增添了豐富的層次感。湯河本身的口感柔滑，搭配著鮮美的牛肉，每一口都充滿了滿足感。湯汁則是以牛骨熬煮而成，濃郁的牛肉香氣讓人難以抗拒。💁🏻‍♀️生牛肉湯河將生牛肉片加入到熱騰騰的湯河中，讓牛肉在湯河的熱力下稍微熟化，但仍然保持著嫩度和鮮美的口感。生牛肉的質地柔軟，咬下去時口感非常爽滑。搭配湯河的柔滑口感，每一口都能感受到牛肉的鮮甜。湯河本身的湯汁則是以高湯熬煮而成，濃郁的牛骨香氣和鮮甜的牛肉湯底相得益彰。

再訪西貢街頭。之前已經嚟過，食物質素有保證。今次再嚟都係叫返同一樣嘢，畢竟我都是專一的🥰 🍅蕃茄鮮蝦湯河 $82呢度嘅蕃茄湯唔係煮到爛曬與湯二合為一，而係大大舊咁上畀你。除咗有三粒非常新鮮嘅大蝦，絕對唔係雪藏之外，仲有手打鯪魚蛋、豆卜同豬紅，非常有誠意，難怪我再訪都係要食返佢。 🐂 生牛肉湯河 $65 相機食先📸 擺盤有心思，牛肉份量多，肉質鮮嫩，湯底味道啱啱好，食到雪雪聲😋😋 🧇蒜茸牛油雖翼(2件) $30炸得好酥脆, 保持肉汁。蒜蓉味出，配埋牛油極度邪惡😈 唔夠喉！ 🫖 話梅咸柑桔水(熱) 和青檸紅茶（跟餐）足料到我飲完想再加多轉熱水，仲有兩粒話梅咁多。青檸紅茶都係有誠意之作👍

如果唔係返工都唔會專登過黎食。午市生意非常好，餐廳都大多枱，唔是啲落去真係好難搵到位。越南野來來去去都係湯河同檬。我自己就鍾意吃撈檬，叫左豬扒撈檬。豬扒份量好足，見到相好多件，不過檬粉嘅份量好唔足夠，我自己唔夠飽。餐茶睇你選啲乜，冷熱同價。香茅橙茶起有驚喜，我自己本身唔好香茅，但呢杯野飲出奇地夾同好飲。餐廳價錢中規中矩，以我呢啲打工仔黎講，偶然食下ok。唔知係咪套餐嘅關係，份量偏細份，男士或要考慮加米加飯或者叫正價野食先夠飽。

喜歡他下午茶份量不會太少🧡而且供應時間蠻久，從14:00-18:00！🔸蕃茄蟹肉湯檬 $68裡面有兩顆丸子、三片札肉、還有一個蟹腳🦀️還有很多蕃茄蓉。配料都ok~ 但蕃茄超鹹🍅：0！湯底很重重重鹹。🔸生牛肉湯河 $52蠻多片牛肉，牛肉不錯！相比蕃茄湯底蠻有那麼鹹！喜歡他還有很多樣可以選，例如奧巴馬粉😍之前在越南吃過一次就愛上的美食。飲料款式也蠻多！有牛油果沙冰💚小菜加$30也有蠻大一盤的炒菜！

環境典雅舒適 座位寬闊有距離😇😇裝修非常有越南嘅感覺 有卡位坐主打越式飯類/湯河/撈檬/小食等之前有喺下午茶🫖時段嚟食超抵食人均$100食到主食+飲品 仲可以升級+小食😊晚市如果都有埋套餐可以叫會更加親民😅🐮生牛肉牛丸湯金邊粉 $79碗生牛肉牛丸湯金邊粉道經典又美味上嘅時候仲係嫩粉色 之後浸湯慢慢變熟外觀樸實無華 但係牛丸同金邊粉質感細緻生牛肉片有油香味 牛丸彈牙又鮮😀😎帶有濃郁嘅牛肉味道 金邊粉滑溜可口湯底鮮甜濃郁 落暖胃又飽肚👍🏻👍🏻🐷香茅豬扒撈檬 $72濃郁又開胃嘅豬扒撈檬😋😋豬扒色澤金黃 煎得香脆 鮮美帶點肥膏香茅嘅香味融入其中 令味道更加豐富配上酸酸甜甜嘅魚露汁 有種酸爽嘅風味更伴有生菜+青瓜絲+酸醃紅白蘿蔔絲中間加左蔥花+花生碎+青檸 撈埋一齊食好正‼️檬粉幼身滑溜有口感 夏天食真係唔錯🤩🥠清沅粉包 $65簡單卻美味嘅小食 粉包皮少少偏厚咗✨粉包煙韌滑溜 塞滿咗豬肉+沙葛+紅蘿蔔+木耳等餡料味道清爽不膩 配埋魚露汁更鮮尤其適合喜愛輕食嘅朋友😌😌

#搞串個pantry呢排天氣又濕又熱🥵，係時候又出動食啲甜甜酸酸嘅東南亞菜😋。今次嚟到一間位於 #灣仔 嘅 #越南菜 餐廳🇻🇳，食下越南湯河，同埋啲開胃小食😛。🐮特色綜合牛肉粉（生牛肉、牛腩、牛肉丸)($62)生牛肉上菜嘅時候仲係好靚嘅粉紅色😍，之後浸湯慢慢變熟。牛腩🐮食落肉質唔會黐牙，反而夠嫩😆，而且仲有油脂嘅香味。牛丸☄️都係正宗越南風、細細粒，而且肉味濃🥳。🦐海防蕃茄鮮蝦湯河 ($68)一上菜首先係聞到蕃茄湯嘅香味🍅，之後仲有好濃嘅蝦膏、甲殼味出嚟🦐，好有層次。而且河粉好索湯🍜，連帶蝦膏嘅香味每啖都充斥喺個口度👅，好正！🐥酸辣鳳爪沙律($35)好有東南亞風格🤩，真係集甜、酸、辣於一身💕。蒜蓉辣醬嘅味道好濃郁😝，每隻鳳爪都好刺激好辣🌶️，好彩我哋有嗌珍多冰🧊，可以中和下刺激嘅感覺。

香港真係好多越南餐廳 競爭好大 我好鍾意灣仔呢一間 西貢街頭餐廳 地理位置方便近地鐵站 地舖店面又好大好多位坐 感覺好舒服 而且價錢好親民 好高質素 所以我都成日嚟 坐得好舒服 裝修非常有越南嘅感覺 又有卡位坐 食得好舒服 pho粉麵價錢唔過一百蚊到就可以食到 所以覺得好抵食 今日食咗個生牛肉牛丸湯金邊粉牛肉量非常之多 湯底好鮮甜 牛骨味重 唔覺得有味精 牛丸都好彈牙好香 套餐加錢可以有個小食 芥蘭大頭蝦膏 蝦膏炒真係好香 芥蘭好新鮮感覺好健康跟餐飲品選擇好多唔知揀咩今日飲咗個 話梅咸柑桔水 感覺好解暑下火 好好飲 呢度嘢食質素好高冇得挑剔 真係值得介紹