西貢海灣會燒烤大王

今次幾個家庭一齊去，根據人數安排燒烤爐，預先打電話預約，問清楚所有細節，去到過程暢順，要用現金付款。入場先買飛蓋手印，可在營業時間內自由出入，取食物的地方近門口，當日假期一點開門我們便到達，安排咗近門口嘅枱，拎嘢食同嘢飲都算方便，估唔到食物refill都得幾快，口味算多又唔會結冰，嘢飲得可樂同果汁，如果有茶就更好啦！麵包有方包同長法包，如果想燒棉花糖同燒賣就要自己買，最夜可以燒到10點，炭都係任攞，朋友吹水冇限時間係最正！小朋友可以喺沙灘玩沙玩水，自備左一啲玩沙工具同埋衣服更換，仲可以放下風箏，時間好快就過。門口聽到一啲Walk in客因為人數問題與職員爭拗，除此之外場內氣氛都好好，特別係晚上開咗燈別有一番風味。

職員態度好差，好無禮貌，唔知發生咩事，黑口黑臉，食物一般般，野飲得d好甜既汽水，個杯又細要來來回回200次，不過最緊要都係人，D職員唔知做乜，唔會再去，差差差差差

服務態度極差！入場要掃安心出行，叫我地俾佢檢查完一次又再叫，問佢點解，佢話自己唔記得睇過！我哋自己買海鮮入黎，有位楊小姐用手捉住我地要我地每枱加300，俾完錢，返左入去，諗諗下想睇下邊到有寫，行返出去就見到呢個楊小姐不停同佢同事訴苦，見到我又唔敢講！問佢邊到有寫，佢開頭叫我去門口睇，之後又話上網，原來搵哂成個門口都無！話叫我去睇海鮮套餐喎！去廁所，個同事完全唔睇人，跑上黎，爭啲撞到人對唔住都無！！

Getting expensive, and pre and post holiday rate getting longer. And in mid Dec, they decided not to serve parties of two.Parking more expensive, from free on weekdays to $20/hr, and from nice pavement parking to rocky unpaved roads. Nearby parking lot is $15/Hr only. Don't feel like there's discount for customers. I left after finding out about the parking, which put me off. Probably not coming again.

今日嚟到呢度倒數，可以燒足好幾個鐘，環境上都幾好因為佢多窗啲煙可以走到空氣都流通，但依家今天氣晚上都有凍嘢飲方面選擇好多除咗汽水仲有蘋果汁或者橙汁，最緊要係有凍水，可以任飲任食。喺食物方面除咗有豬扒牛扒有雞翼雞全翼多春魚番薯，我特別鍾意佢哋有厚切麵包！

西貢海灣會燒烤大王上網見到呢間裝修完，都幾大，任飲任食無限時燒烤場，由晏晝一點食到夜晚十點都得，都值得一去首先每人會有膠碟，膠杯，俾你出去拎嘢食同埋嘢飲，外邊都會有啲手套，膠叉，膠刀，牙籤等等可以拎，醬料方面有蜜糖同牛油，豉油等等，汽水方面選擇比較少，得白事，七喜，橙汁，蘋果汁同埋水，嘢食嘅種類都多，大部份都有，豬牛雞扒，雞翼，腸仔，丸類，豬頸肉，金沙骨，雞腎，魷魚，紅腸都有，方包同埋蒜蓉包都有，性價比都幾高，值得一試入邊最值得食嘅係豬頸肉同埋雞腎，豬頸肉醃得幾好食，又唔會好韌，雞腎都好食😋，總括嚟講，閒日任燒9個鐘$218真係好超值西貢海灣會燒烤大王🏠：西貢大網仔路沙下村9號地下☎️：27920683

1:00準時入塲 係剛剛入塲有少少混亂 食物冇孤寒 不停添加 不會太咸 雞全翼最好味蒜蓉牛油不停添加蔬菜種類少 只有青椒小蕃茄茄子🍆😌不過當日下午己經冇哂🍠汽水、橙汁好鬼甜洗手間🚻好清潔 外邊洗手盤同清潔濟都有添加當日停車場🅿️職員態度好好 👍🏻下次會再去☺️

好多改善空間既任食燒烤未幫襯前睇到好多負評，但由於天氣涼涼地，又玩完獨木舟，地點好就腳，就試下佢，睇下有冇啲評論講得咁差入場：買票只可以用現金，以週末每位238價錢來講，只收現金真係唔係太flexible, 而家唔係咁多人有好多現金在身，地點又唔係近市中心提款機🏧，除非真係非燒不可，否則出左市中心都未必再行返過來啦，入場門口專登整到好細，避免有無比錢既人可以閃左入去時間：基本上係無限時間，下午一點燒到晚上十點，比左錢佢會吸個印在食客手上，即日可無限次出入，食得落既話真係可以食足10粒鐘燒烤爐位置：留意返！成人每位價錢只係最「低級」燒烤爐位置，即係有蓋場內的燒烤爐，如果要坐「露天」/海景位/上層位，係要以每枱計額外加$100至$200蚊，而每枱係只坐4人.......所以呢個額外費用要計清楚。我同朋友都無所謂坐邊，所以就坐最基本個啲枱，即係有蓋的燒烤爐，有蓋既壞處就係無咁通風，左右隔離都係爐，比較易焗住啲煙，蓋頂有會轉既大風扇，所以啲煙會不規則地吹來吹去，所有碳會放在場內一角，唔夠碳就自己拎個膠桶仔去拎，一開始透爐真係唔好咁大火，否則好大煙，好易焗親自己燒烤用具配套：每位價錢包既用具有每

26/9/21 13:00左右食，無咩人。服務態度ok種類都好多，單係雞翼已經有四種。飲品係任斟，不過最後尾都會揀飲水或者pepsi。七喜根本係有氣水，蘋果汁又有怪味，橙汁太甜，得返水係正常d...炭露天放，自己攞，無咩好講，係裝炭個桶太細，攞唔得多。環境好正，我地食到4,5點開始日落，個位比太陽西斜，不過都好靚。豬扒，芝士腸好好味青椒，牛扒都好食cop左印仔，可以自由出入，食飽可以睇時間去沙灘行下，返黎再食過。

甚少寫留言，忍唔住要黎劣評，以免有下一個受害者！.1.服務態度非常差！唔單止係一個職員服務態度差，係所有人都好差！.事例1: 8:30就宣布9:00停止供應食物聽到宣佈後8:30即去汽水機禁蘋果汁但係已經冇晒蘋果汁，問職員可否refill蘋果汁職員答：你依家係咪一定要飲蘋果汁🤷🏻‍♀️.事例2: 未到10點就熄燈趕人走（由8:30開始，你會不斷聽到廣播宣佈叫人走）.2.熱到不得了成個蒸籠咁，三張枱先有一部超細嘅風扇風扇吊到超高、冇乜風！封頂設計，令到熱氣冇辦法散走所以坐入面真係瘋狂爆汗.3.嘢食種類少+吾新鮮未試過燒烤係食唔飽，最後要去便利店買麵包食.我唔明點解會有49個笑當初見到有幾個劣評，都諗緊去唔去食好但又見49個好評，就比一次機會佢。點知好後悔！如果你睇完我呢篇評論都諗住去食只能夠說祝你好運😅

真係好小會特別寫評論，真係忍無可忍，服務態度差到極點，好似得罪d店員咁，正常食個BBQ好地地，店員質素真是好差，問咩都唔答，加錢要風扇要野飲野食都西口西面，特別有個呀叔，唔想做就唔好做啦，行去拎野食又遠都算，食物質素差都算，服務差真係忍唔到，一次就算，嘥錢買難受，希望班店員會改下啦，唔好再對客人咁差了，唉，一日好心情就咁無左！另外，野食種類很小，放出黎俾客人既數量都很小，一陣就無曬，叫佢加返，十問九唔應，燒一轉都唔知要等幾耐先有野食，俾錢加風扇，個風扇開左好似無開咁，好過份，叫佢換又唔理，如果你見到都仲要入去食野就要留意下啦，真心！

停車場肥姐冇禮貌，態度不可一世，又唔係唔俾錢，唔知咩事泊隔離鴻運重好，有禮貌又平燒烤場門口個幾個人好心唔想做就唔好做都未入黎食已經黑口黑面好似我突登俾錢黎收你氣錦最好禮貌既員工就係負責開爐既叔叔食物一般，選擇少食野個陣同隔離枱好近，幾乎可以食到隔離枱啲嘢

門口收費員態度嚴重惡劣，收費分级別海景加200風扇位又加100.，究竟係咩玩法，燒烤食品沒有太多選擇，普普通通。地方總算乾淨總結:服務員態度極差，食物方面普通，價錢貴，绝對沒有下次

朋友求婚，選擇了呢間野果度果個沙攤，但沙灘不是屬於呢間bbq, 初時我地唔知，諗住求完婚，朋友係到攪個bbq, 成班朋友開心下，點知門口果個阿姐，態度惡劣兼沒有禮貌，我地已購買30張門票，要風扇位，人頭每位加$100，海景位再加人頭每位$200，好過去搶，所謂風扇位，只不過是天花的吊扇，離晒譜，俾完錢，叫人開爐好似去問人借錢咁，個個口黑面黑，十問九唔應，差到極點！野食普通，無乜選擇，無炭自己去拎炭，0 service! 完全中伏，不會再去！

今日係公司活動所以先黎BBQ, 好彩吾洗比錢，比錢一定吾黎。每人入場費已經200幾300，之後坐望海景位要加200一個爐，自帶海鮮仲要加300一個爐。。。計埋成400蚊個人真係去食自助餐好過。仲要自己去夾炭，基本上開爐後就冇咩服務。佢d食物就普通，都係雞翼腸仔丸果d, 我冇咩點食就吾評論，每人就得紙碟一隻食野，發泡膠碟一隻比你夾野食，同一隻膠杯斟野飲。。。最好自己帶定多d去, 一係比錢現場買啦門口個姐姐態度十分惡劣，睇下場話吾比 都係想睇下加100蚊，加200蚊同吾洗加錢有咩分別姐。。。老細比緊錢想同事入場先又吾比，我地就一堆人塞晒係門口等。不過場內個哥哥ok好人ge,肯幫我地影大合照廁所ok，算乾淨。