西貢海灣會燒烤大王

好多年無去過呢間BBQ，上一次去已經係七八年未裝修之前，估唔到今次去質素仲差過以前。其實而家好多BBQ場都免費泊車，呢間BBQ泊車仲要$20個鐘，最攞命嘅係呢間嘅食物非常之低檔次，衰過街市買嘅凍肉舖醃製食物。魚蛋、腸仔、芝士腸，牛丸、墨魚丸、金沙骨等平價食物雪咗好耐，食落去好似橡筋咁硬，牛扒咬落去啲根多到黐牙扯唔開，番薯出水。星期六仲要收成三舊水，望到海景，又要加多$100開爐費。唯獨是一樣好，就係個廁所乾淨以及啲燒烤炭比較乾身。相比起其他香港嘅BBQ場地，仲要係西貢比較高級嘅地方，佢啲食物質素真係好差，講到服務質素，職員木口木面，好似機械人咁，所以我已經擺咗No next time menu lu 😂😂😂

為補祝朋友生日，揀左間無限時任食任飲既海邊BBQ場地，場內佈置全人造草地，環境優美，但可惜天公不作美🥺 天氣麻麻☠️ 烏雲密佈☁️ 唯有專心食野😍食盡所有館內食物、飲品----食物種類唔多，主打肉類🥩----‼️私人推介‼️✔️豬頸肉、芝士腸、漢堡扒、黑椒雞扒、咖喱魷魚、咖喱雞翼🤤「蒜蓉加方包」正❤️✖️秋刀魚 (如冇清潔乾淨會腥)✖️紅腸、魚蛋 (無特別不用試)✖️金沙骨 (咬不開)✖️叉燒（味道奇怪）***重點是無乜菜類揀***🥺🥺🥺✨飲品任君選擇✨🈶果汁：橙汁、蘋果汁 (偏甜）🈶汽水：百事、七喜、檸檬紅茶.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌑🌑🌑🌑自私評論：無限時任食任飲係吸引，但場內食物質量唔算高，飲品係自由斟😂 但果汁類偏死甜，唔覺有咩選擇 當日星期日人均288加一🤯 如果唔係海邊位置 相信都未必會揀呢間🤔 當然要視乎個人睇下覺得值唔值 我就。。。😥➖➖ ➖➖ ➖➖ ➖➖ ➖➖ ➖➖ ➖➖ ➖

場內冇服務，起爐要加錢，啤酒要加錢，交通不方便，落車要行一大段路。得一個細露天車場，但泊車位有限，都要$20一個鐘。室內區燒好大煙，空氣充滿燒炭飛灰，十分催淚。室外區燒既話大風到會吹走。食物質素差並且少種類選擇，得雞翼牛扒同腸仔，仲要醃得太咸唔好食，海鮮只有多春魚，居然最好食系燒面包。場內餐具都好多限制，即棄碟同杯按人數量提供，再攞要比$5一個，但杯碟風一吹就飛走。話就話可以燒成日，不過要燒足一日垃圾食物真系不了。定價超暴利，處處收錢，規定要購買場內提供的炭但都要收埋起爐費。埋單要位位$350。無論提供環境和食物水平同樣差強人意。最令人氣餒是收費方式和服務安排，不是一個尊重客人的設計。整體感受極差，唔會再黎。就算係仇人都不忍推薦比佢。

呢間BBQ場嘅位置，真係好似上天賞飯吃，青山綠水近海灘，又有水上活動，西貢市行過嚟5分鐘，地理環境優越，食物以這個價錢，水準是OK的，不過服務態度，唔係淨係差咁簡單。由門口個阿姐開始，成個場嘅人都當正自己係管理人員，而唔係服務人員。門口book 位，安排座位，真係個個都唔笑，俾錢嗰陣時，都好似欠咗佢咁，燶口燶面，肯嚟呢度，真係純粹環境同食物可接受。話時話，有冇其他場介紹？單是服務態度，真係想轉場好耐！

首先只收現金已經唔太方便，咩年代仲邊有人下下袋咁多錢出街架，限制d客點點點，但佢地又唔憂做咁，安排位置壞風扇都照比客坐，咁當時都好友善同職員講係咪冇開風扇，點知果職員話2日前壞左，咁我就問有冇其他位置喇，佢就話呢張8人檯呢架，咁果場咁大就冇第二張檯喇咩？仲衰過未翻新果陣，冇下次可言！！

首先d員工態度差由其一個短頭髮嘅女人好似爭佢好多咁 問乜都串串貢野食種類吾多肉類偏咸 蒜蓉蒜蓉要加錢㗎🤭農曆2百幾蚊入場費乜都吾包 乜都加錢個場無乜人連坐海邊都加錢吾好以為坐海邊有風 嗰日咁啱無風 同d員工講可唔可以拎風扇嚟又唔彩我地D風扇放晒係門口吾知吹邊個🫠趕客 10點收9點半已經趕人走

看完其他人評論，真心有點卻步，但最後與朋友決定一試。平心而論，以這個價錢食到呢啲燒烤食品，真的很合理，基本的肉類，丸類及瓜類也有，埸內衞生企理，燒烤沒有時間限制，任飲任食，我覺得值得一試。到達後只需登記付款便有專人帶你入場，燒足一個下午，慢慢食，慢慢嘆！正

天氣開始轉涼，疫情放寬，公眾燒烤星期四開放，立刻諗起想book燒烤場地燒嘢食。我男朋友打咗電話去呢間話有海景嘅西貢燒烤場。不過佢話聽電話嘅職員有啲奇怪，佢話俾咗個Number佢，強調唔記得個Number就唔可以入場今日係星期六，我哋約咗個朋友三人一齊去燒嘢食，喺門口俾咗兩張500，找回104元。價錢3個人，不過好奇怪，三個人除唔盡嘅，唔知幾錢一個呢喺門口就已經俾咗呢堆嘢我哋，好似有幾個紙碟，塑膠杯三個同一盒紙巾，唔知係唔係要計錢嘅呢我哋下午1:30到場，個職員開頭叫我哋坐右上角嘅位置，話已經開咗個燒烤爐，但其實成個場都冇人嘅，咁我哋就諗住坐右下角張枱，個職員好不情願咁話要重新開多個燒烤爐，仲以為佢哋個場將會好爆，嗰啲位會好緊張嗰種情況我哋打嚟book位嘅時候已經詢問知道要比紅酒開瓶費50元，咁我哋就再同啲職員溝通，出咗去俾錢門口嗰度俾錢開紅酒🍷，會附帶冰桶一個，當然我哋自備左紅酒杯添唔知會唔會因為係星期六下午嘅關係，我哋由一點幾燒到五點，都陸續有人嚟，不過10張枱都唔夠，但係嗰10張枱就迫埋喺一個圈度。因為嗰個範圍都唔係好大，變相有少少太陽你都會覺得係超級熱，所以唔好諗住呢啲天氣嚟呢度

一入門口啲職員已經黑口黑面，入到去夾嘢食更加唔使講，全程好似睇犯咁𥄫實你，令人超唔自然。全部職員態度差劣，問吓佢嘢，佢哋都呼呼喝喝，諗住同屋企人輕輕鬆鬆放下假，氣氛完全比佢哋影響晒！價錢又唔係平，但係又冇乜嘢食嘢飲選擇，嘢飲竟然係好似便利店嗰啲自由斟，個個用完自己隻杯走過去斟野飲，極度唔衛生。停車場又細又狹窄，以往去開其他燒烤場泊車都唔使錢，呢一間燒烤場停車場費好貴。呢間燒烤場永遠唔會再嚟，簡直係俾錢買難受！

軍訓式燒烤日當日嚟依間嘢燒嘢食嘅經驗由打電話去問開始，到燒嘢食期間同埋離開嘅時候，成個體驗都係非常之差。相信唔係住西貢嘅人入得西貢都係因為想遠離繁囂，chill下relax下…享受一下度假嘅感覺🥺當日就是因為跟朋友book左WM hotel住一晚，晚上就到餐廳燒嘢食。晏晝打電話給時候係一個女人接聽，聽電話嗰個女人大概講咗三次叫我哋一定要帶定現金過嚟俾錢，同埋留枱只係留15分鐘其實佢講一次嘅話係冇問題但係佢係不停重複，最少三次。其實講嘢嘅態度溫柔啲同埋冷靜少少 成件事可以好唔同。電話入面佢話： 「記住帶現金，我講多次記住帶現金 」，「第一個到嘅人就要比晒全部人嘅錢一次過…係全部錢」留台只會留15分鐘講咗最少2次，但其實最後去到全場只有5台客。晚上七點去到嘅時候，入座率大概只有10-15% 。其實個場大到飛起 我相信肺炎嘅問題一路唔改善根本無可能會滿，唔明點解打電話book枱要咁緊張。第2點係…想坐近海邊小小嘅枱係要加$400…l根本個場係冇人😂我哋最後冇加就坐喺入邊小小嘅位置 當然都係好熱好焗啦（識做嘅餐廳見根本咁少客其實可以安排我哋坐近海邊啲嘅位置，因為入邊真係好焗，但當然佢就冇off

星期一基本上都唔多人，但因為方便佢地自己做野，個塲咁大係都要將D人堆埋一齊，大佬BBQ呀，D爐距離咁近，熱到pk，門口個阿姐D態度又唔係咁客氣，以為自己係衛生局檢查，語氣有D似命令式，同埋佢係做緊服務性行業架，唔該比D禮貌啦，最離譜係佢地標籤嘅海景係要加200元開爐費，買個網要70元，218元1位已經唔係便，下次寧願坐的士去大埔D燒烤場好過，起碼有啤酒任飲，都唔洗200元!以後唔會再幫趁👎👎👎

本身好地地book左枱bbq佢地話10點收野食可以坐到11點點知去到最後9點收曬野食，無任何員工提示。問可唔可以分多少少 一樣野食都唔比變左300蚊一個人 咩都收唔到泊車又收識錢20蚊個鐘本身地址都夠衰 渣車入去依家泊車都要識收錢錢就識搵，野就唔比人食。Cutoff 都講聲丫。 至少收野前比人拎曬啲野食先收場就識趕人走。垃圾到x 街一世都唔會嚟 警惕世人 唔好再嚟咁多場都唔知點解會嚟呢到以為可以舒舒服服坐低食野。最後就係得比人趕走又唔盡興。

一放假我就好鐘意來西貢BBQ，好鐘意望住個海邊吹吹風~～又可以任燒，又可以出沙灘玩~ 慢慢燒冇限時間，真係可以由早上燒到晚～～超級HEA既一天, 離開煩惱既公司, 慢慢燒烤都幾開心

第一次嚟到燒烤大王，$218/位，每坐近海邊加$200🤷🏽‍♂️人一支叉一隻杯一隻紙碟一隻發泡膠碟，十足十犯人放飯咁。都唔緊要啦，諗住拎個燒烤網燒得冇咁累，原來燒烤網成$70/個，錫紙都同你計，拎野肉係冇支裝/罐裝野飲 每次都要拎個杯隻係咁行係咁行去FILL野飲，啲汽水冇汽嘅 啲果汁甜到不知所謂。食物質素又唔係好，全部都冰晒，啲野食又咸，風扇擺位錯晒，將所有熱風吹晒去中間（正常係所有風扇向同一方向吹，呢間就集中吹埋去中間），總之不知所謂 試過一次唔會再中第2次伏

擺放食物的地方污糟邋遢，所有食品過度醃製，咸到飛起，嘢飲可以話冇得選擇，紙杯紙碟迫住再用，坐海邊又話要另外收費，啲食物好唔新鮮，要個鐵絲網又係要加錢，除咗啲炭好燒之外就咩都唔掂！