西貢松記車仔麵

營業中

休息中

早前天朗氣清...一早起身就搭車入西貢...lunch打算食久違的車仔麵...「西貢松記車仔麵」早一兩年食過...印象中味道OK...一般人會係「福民路」嘅正門入去...但因為店前有一級...輪椅使用者入唔到...加上驚阻街+食環突擊...所以老闆唔敢喺店外擺枱...都明白嘅...唯有改由「敬民街」入....行前多少少...食店係右手邊...呢一級相對矮好多...手推/電動輪椅使用者比較容易應付...入到去再搵老闆娘...佢就會安排食店外唯一一張枱比我吔坐...一般食客怕熱會選擇入店內坐...所以呢張室外長枱唔需要等好耐就坐低...不過呢張枱亦有缺點...就係放腳位置有一級...因為咁而會頂住輪椅嘅前轆...令到輪椅使用者唔能夠完全泊埋枱食嘢...咁唯有自己坐出少少...就一就張枱...坐呢個位可以望到廚師埋頭苦幹煮麵...非常忙碌...呢間食店嘅老闆娘爽快又好人到不得了...因為其中一位同行煮係老人家...老闆娘特意換咗一張有背椅...好等老人家唔會失重心又坐得安心...大家都愛食香口嘢...先order一碟炸魚皮（$18）好食...好夠脆！滷水豬大腸牛筋腩（$35）+ 冬菇（$10

首先，攻畧非常重要。如果有兩個人，一個先搵位，另一個人排隊落單，咁就靠得住啦。罗白牛筋腩，必試吧。見紅腸大大件，又煎過，加餸。萝卜甜，不过有少少渣。牛腩切得整整齐齐，夠腍。腩汁亦非常浓郁。萝卜菜，猪皮猪红。猪皮爽口，猪红可口。有时满足就是这样简单。记得加杯咸柠七，下火。

上星期六入左西貢行下 夜晚未算好肚餓 又見呢間車仔麵檔由晏就到夜晚都好多人排隊 就滿心期待去試下啦...誰不知 伏已中唔講服務 齋講食物質素都夠輸 就算幾攰都要打埋呢篇野 因為真係唔想其他晒錢我就叫左牛筋 雞翼同蘿蔔，牛筋同啲牛腩同一盤 啲牛筋係林到爛晒 好似食緊嘔吐物咁 仲要好大陣怪味 我試左一啖就無再食雞翼都算係有樣無內涵 入面係無味既成餐最正常都係蘿蔔 都算甜無"咋"我係食米線既 個湯低同滾水淥無分別 無味！好喇 最過份係我男朋友碗豬皮 嘩！啲毛多到呢...仲要深黑色一條條 真係見到都無胃口再食我地仲加左碟煎讓四寶 佢地可以完全唔反炸唔整熱比你 擺左成日係凍既 我完全覺得自己係比錢買難受 呢間野 以後都唔會再食！

今日難得過黎西貢，終於可以試試朋友介紹嘅呢間車仔麵，因為我地比較早，去到已經有位，叫左個三拼麵，不過價錢都不便宜，成$50大元，但份量算多。叫左豬皮，豬腸同雞亦，個湯底就真係好正，有膠質，D豬皮就不過不失，但豬腸就好正，好入味，又爽口,最後是雞亦，大大只，又好味都真係幾正，見到隔壁左右個個食豬手，都幾吸引，期待下次再來

老闆娘年代已經幫襯，而家服務態度唔好，從老闆到伙計無一個有禮貌，呼呼喝喝，欠佢一樣。嘢貴，貴左當然好多原因，但大鑊既唔好味！排隊揀餸，一味催，根本無咩機會睇清楚D食物，最慘係揀完餸最後個殼汁，無論你揀咩餸，都係一隻味。。。車仔麵的餸，應該樣樣唔同味，冬菇蠔油味、牛腩柱候味、豬手南乳味、雞翼尖豉油味。。。當我揀唔同既餸，就次次都有唔同既味！以前老闆娘時代絕對可以做到。而家，隻隻餸都已經無咩味，仲強制加汁，即係：無味+一隻味+服務差+貴=各位慎重考慮去唔去！最可惜係犧牲左老闆娘多年心血！

今日放假同老公去西貢行下街食下野，今次再幫襯松記，因為個車仔麵真係吾錯，叫左個3拼油麵加支裝可樂，有雞中翼，豬大腸同牛腩，雞中翼好大隻好滑，豬大腸好爽，仲有個湯底好濃，有膠質囗感！ 再配埋可樂，真係好夾！ 下次去西貢都會再黎！

很多食評都話服務差, 其實都唔算丫, 會幫你搵埋位, 會問你杯野黎左未, 埋單會提你要找錢等等, 都顯得員工老闆是很有人情味食過好多車仔麵, 淘大, 元朗, 利東村, 灣仔立食等等, 呢間係我最鍾意食既一間, 雖然價錢可能比其它車仔麵貴少少, 但其實佢既份量係好足既.佢地會有好多唔同既麵底俾你揀, 包括出面比較少有既銀針粉同伊麵. 我去親都會食牛筋腩, 都會係炆到好腍好入味, 東菇又係好入味, 蘿蔔, 豬手等等, 都係值得一試既餸. 有時仲會加埋紫菜. 佢個湯底係好好味既, 比較濃 (但拉麵我係鍾意比較清既湯底 XD ).埋單多數係大約五十蚊一碗左右, 四個餸, 飲品就十幾蚊, 鍾意食車仔麵既朋友不妨去試下喇

每次去西貢到會幫襯松記，因為我鐘意食車仔面由佢地每張大圓枱到現在去一次比一次差，食物又貴服務又差，比較多人食的食品全部設每碗最底收費，再由每款餸加上去，租貴人工貴食材貴裝修貴你加價到正常，但係你們加價連服務差到呢﹗

同媽咪去食車仔面，我唔太肚餓就叫淨餸叫左淨豬腸同牛腩，無留意佢淨餸係每個20蚊 叫左先知兩餸要40蚊，但係我大意，所以都無得怪人。問題來啦- 40蚊兩餸 出黎竟然係3舊細豬腸同3舊牛腩 ！ 哇真係天價。但咁多人排隊，我心諗一定有原因既！食完感覺：同其他店一樣，無特別出色。人地話以前佢有獨家醬料，但而家好似係出面買醬料番黎。40蚊食左碗極小分量又冇特色既野媽咪食左豬皮，豆卜，牛柏葉同菜。點解我咁記得呢？因為佢叫4個餸，松記收左5個餸既價錢仲唔認數！ 媽咪碗既份量係屬正常，豬皮都ok，如果鍾意豬皮既人可以食，食落係爽口。其他就不過不失，豆卜吸左湯都唔錯（似魯水湯底）講番服務態度，我地同松記職員講番，佢地一口咬定係我地記錯，又問下其他侍應知唔知我地叫咩，又話要check番cctv。真係好失望咁樣比佢屈錢最到後無人理過我地，雖然係5蚊，但真係食得唔開心。總括而言：服務態度差差差，食物味道普通，不過不失

態度好差囉 2個女人 表現得勁5耐煩 我隔離位都話揀餸又5比揀得耐 語氣又差 無耐嘅 5想做5好做啦 成日叫人行前行前 但我行到比錢位 我個碟嘢仲未有餸 想點牙大姐 玩哂啦 😒😒😒 負評 啲湯又咸又貴仲巿又5系特別好食喎 下次真系5食呢間嘢

4點幾諗住同父母去食車仔麵，我地3個L字咁坐，剩番一個L字比人坐2至3個，藍色制服哥哥大大聲過來叫我地坐埋一邊，極度冇禮貌我地留番個L字位比人坐，大家出入都方便，我兩個老人家移來移去，玩咩要自己出去買野食，去買野食個阿姐都係粗聲粗氣，真係貼錢買難受講番野食，湯底極鹹，牛肚唔入味，蘿白唔諗既，3個人食左100唔係貴但一肚氣下次一定唔會再幫襯，以為自己係西頁冇咩食一定要幫襯你

我是好少玩手機既中坑，我download open rice 呢個apps都就係為左對呢間黑店表達我既不滿。西貢我成日入去玩，松記亦唔係第一次幫襯，廿年前佢出名，係因為即使佢開係後巷都叫幾乾淨，啲枱呀，調味料盤都唔會油立立。食過幾次，唔叫好味，價錢都唔平，叫做食得飽。最近果次，火都來埋。正常，車仔面，！一個面餅，之後要咩餸，逐樣加囉，比喻，十蚊一個面餅，豬皮，羅白，各樣七蚊，咪夾埋廿四蚊囉，全世界食車仔麵都係咁計架啦。啱唔啱先。我問牛腩幾錢，揾匀門口全個餐牌都無。我問個師奶服務員，又唔想答。之後收錢個師奶話：“五十”，(準確價錢我唔記得，因最反感係佢既手法)吓！牛腩幾...錢呀。佢話：“你而家叫一碗牛腩面加魚蛋，豬皮，羅白呀嗎。咪廿幾加廿幾囉。餐牌價錢鬼鬼鼠鼠。你牛腩貴，標明都好吖。你咁樣倒轉價錢來玩。算喇，好食就得，仲激氣，無味，(味精味除外)，無餚過，無用花椒八角焖過。可能用現成醬料來煮。無車仔麵應有既味道，仲衰過七仔。問佢攞杯水都話無。又贵，又唔好食，招呼差，坐得唔算舒服。不會再去。

松記車仔麵係西貢非常有名門口放滿勁多餸 先比你係門外跟姐姐講聲要咩餸 要咩麵 之後就入內坐 姐姐會為你送上熱辣辣既麵你要咩餸都可以任選 超多選擇今次係我第2次黎食啦。。。我覺得佢既醃既餸同鹵水餸係勁入味。。例如豬手，雞翼，牛類等等雞翼超入味又林 好正鍾意食雞翼既必要試下豬皮都醃得好入味 又彈牙 口感極佳豬手林，有膠質，仲勁入味第1件真是唔多夠喉金錢肚就入味 唔錯唔錯是次lunch十分滿意 下次再黎西貢都一定會再黎食返碗麵

到西貢行街, 見到這間車仔麵有好多人排隊選食物, 就好想一試.選了幼麵, 每碗有2個麵餅, 所以好夠分量. 餸就選了豬皮, 豬紅, 魷魚, 牛腩.首先, 麵質好, 軟硬適中, 配合湯底剛剛好.豬皮味道好, 好有口感.豬紅沒有怪味, 口感也不錯.魷魚也不錯, 都是用水煮, 所以應該唔會失手的.牛腩好入面, 不過有小小硬, 如果再林D就更好.整體不錯, 豉油湯好好味, 全部湯飲晒. 食物是可以, 但價錢就有點貴, 4個餸再加一杯凍檸茶要69元, 西貢區來說是比較貴, 在銅鑼灣的X記也是這個價錢, 但銅鑼灣租金貴, 所以也明白, 在西貢來說就是比教貴了.

行山前 食飽d 做隻飽鬼先上路路經松記 聞名已久 入內一試馳名豬手根腩麵 $33麵到 嘩 真係見到 根呀 腩呀 豬手呀件件閃閃令牛根 大件 唔太淋 夠香牛腩 大件 入味 有小小楂豬手 香軟入味 膠質豐富 不過冇咩肉食幼麵 正常味道整體質素唔錯 可以再戰