西貢仔越南餐廳 (已結業)

以前成日幫襯，太耐沒去諗住沒咩人，安安靜靜嘆下湯矇粉問個女店員有沒紙巾好少事，先係成盒扔比我，然後廚房聽到扔野聲，埋單要我受氣番到公司同同事傾開，店主係好有脾氣，但食物係好食既，價錢唔算平但經此一事不會再幫襯。…查看更多

【#越式料理🇻🇳 】#西貢仔越南餐廳 有時候讚一間食肆好食，有人會認為你係打手唱好😑 當你話一間餐廳唔好食，又會比人話你「扮識食」😄 不過我都係唔會理，因為我只係會講我試食果時既狀態😊 大家喜歡就比個♥👍今日超級熱😩 本來打算去深水埗食一間泰式海南雞，點知去到果時佢竟然係開12點半 （正常係12點）🤧唯有轉場，見到附近依間食越南菜唔太貴，無心插柳就試吓😊當然要叫我最愛既 #生牛河，午市$45，仲要凍飲唔洗加錢，天氣熱就啱晒😄#凍檸茶 都算大杯，味道就正常啦。生牛河都幾大碗，份量都算足夠。不過一上檯睇到個湯都幾清，飲一啖竟然好咸🤒應該係清湯加咗唔少魚露既咸，濃味同咸味係有分別。如果話係牛骨湯真係完全飲唔出。河粉比較粗身亦唔夠滑，肯定唔係水河，食落配咸湯都勉強可以食晒🙄生牛肉就😢 基本上已經熟晒，而且去到中後段係碎晒🤥可能係我當黑啦，除口罩果時連條繩都斷埋🤢 自己又冇多個係身，唯有札住行😑依度好處係凍飲唔加錢，唔太貴下份量都夠多，但今次個質素就真係一般，之後一路都好口乾🤢。推介指數：4/10@foodiehck2022 #港飲港食平靚正 #深水埗 #越式湯河 #凍飲唔洗加錢 #食評 #介紹美食…查看更多

間中都會幫襯呢間越南食店，價錢平抵食，份量足，差不多每次都會叫越式酸辣肥牛湯河，誠意推介這間小店，味道不錯的，雖然門面不是十分起眼，但我覺得並不重要，或許本身自己比較喜歡光顧小店吧～…查看更多

話佢係街坊越南美食， 只因不是靠裝潢的店舖設計作招徠，而有點似是傳統越南家庭式經營。第一次來到，剛考下午茶時段，叫了一個雞翼撈檬+咸檸七，雞翼即炸，檬粉料足，酸甜汁都整得好夠味。 本來不餓的我，不知不覺食完成碗。喜歡食越南嘢嘅我，雖然唔係街坊，日後行過都會再嚟食…查看更多

本身諗住隔離餐廳食，但太多人排隊，見到呢間餐廳冇乜人，就入咗嚟食，開頭仲擔心唔好食，但係點知原來咁好味。叫咗個豬手撈矇同香茅豬扒飯，同埋一個串燒拼盤。首先要讚下個撈矇，好多越南撈矇一係整得唔夠味一係就好鬼咸，但佢整得好夠味同惹味，食得好開胃，啲豬手個酸汁都整得好出色，個豬扒飯好足料，好多舊豬扒，個飯啲蔥油都好夠香，呢間真係一間被忽略了嘅高質餐廳。最後仲要讚埋佢個凍奶茶，沖得好甘甜，同一般茶餐廳嘅凍奶茶唔同。…查看更多

原本想隔離2間出名食店，但奈何次次都好多人。見到呢個越南餐廳，裝修好普通，冇打算入去吃，但是實在唔想等隔離2間嘢又見是越南就試試啦。估妳唔到，價錢平得黎仲又質量非常唔錯。下午茶三寶撈檬粉(豬扒，扎肉，雞翼)只是42蚊連嘢飲，正啊。有味道得來，但是又冇味精，好難得。之後好幾次係附近都同老婆入去支持下，次次都好有水準，晚飯都係50蚊左右。我頂，邊度有啊，仲要係好食。希望老細可以一直堅持食物質量同優惠大家。…查看更多

深水埗原來都幾多美食，無意中發現咗間位於基隆街的越南餐廳。點咗火車頭湯河，份量足料，湯底濃郁為牛骨湯熬製，味道鮮甜又好味。越南拼盤小食，款式多份量都大份。另外點咗越南黑凍咖啡，濃郁淳厚，啖啖的咖啡香。…查看更多

今日悠閒的下午茶時間找到了這間越南餐廳吃份小吃~不知道酸辣鳳爪是不是這裏的特色或者招牌，菜單上有它的圖片所以就点了。嘗試之後發現這種酸辣口味特別吸引人，難得能在本地餐廳見到辣味小吃，不而且也不是很辣，口味非常適合我!然後還配了一杯熱飲，享受越南餐廳的空調冷氣，真的特別解暑又舒服!菜單上還有很多推薦的各式菜色，下次還可以來試試👍…查看更多

第一次来这家越南餐厅，有传统的越南老檬、河粉等，还有公仔面。我点了一份猪颈肉捞檬，猪颈肉很嫩，配的各式蔬菜很新鲜，外加店家自制酸辣酱，很爽口。饭菜份量很足，足以让一人吃得饱饱。品种丰富的套餐价格都很实惠，基本都四十多元，餐厅装修很素雅，墙面挂了几幅越南特色画报，与清淡的越南菜搭配很和谐。这家店让我对越南菜好感进一步增加，以后还会常来，不过今天先点一份外卖带回家。这里很适合喜欢清爽口味和清幽环境的人。…查看更多

呢間越南餐廳應該開咗五個月。之前係因為去食蘇媽，經過見到呢到新開就入去食咗個lunch。今日就一個人試吓佢個晚餐啦。晚餐加錢有飲品，但我只嗌了一個豬頸肉撈檬($45)。豬頸肉份量略少, 但麵底夠多，內有大量蘿蔔絲青瓜絲等，味道還算可以。呢間餐廳嚟咗兩次，兩次感覺都好似去咗一間響大陸開嘅餐廳，完全冇乜感覺食緊越南野, 好似食緊中式越南食品咁。不過客觀啲來講，深水埗呢個價錢同份量算係抵食自選，叫做多一個選擇吧！…查看更多

這間西貢仔越南餐廳，好好味的越南味道，價錢可以用3個字來形容：平、靚、正。店内的服務員，服務態度很好，和譪可親，食物及店內的環境，真是令人感到非常意外，在深水埗這個舊區，可以揾到令人驚喜的越南餐廳。他們的餐廳有各種不同類型的菜式，🐷、🐂、🐐、🐓、🦑、🐟、🦐、🦀都有，結好以上的食物，做出很多美味可口的食物，跟我在越南食的各種食物，可以說沒有十足，也有9成啊。我也會介紹一些好朋友來試試這間西貢個仔的越南餐廳🍴🍽🥢🥣🍺🍷🥃🥤🍻🥂🍸…查看更多

老實說我應該唔會再光顧這間餐廳。這天約了朋友在深水埗行街。本來想去食肉骨茶，但因為突然下大雨，所以要改變策略。在附近都有幾間人氣店，但因為都很多人，所以最後選擇了這間有職員在門口宣傳的越南食店。我見佢有下午茶餐，所以我都想試一試。一進店發覺都幾旺，因為此中有人在門口宣傳。我問姐姐今日有沒有下午茶，佢好似好唔想答我。不過我都無理會佢。見有下午茶餐牌就應該有啦。我再問現在可唔可以叫下午茶，那時已經57分，佢話2點先可以，我都唔太介意。我地點選了一個火車頭和一個小食，因為只想食點東西，所以如果食兩個麵又好似太多。那位點餐姐姐好似都唔係太高興。由得佢點想法。其實我地都唔平。唔知佢咩心態。以下是今次的食物：本人第一次食火車頭，因為這個麵一直編貴，見今日兩個人，所以大膽試一試。一點都唔值$50，超失望。那些肥牛吉野家比佢好食好多，那些腩肉硬得牙都比左佢。份量又細，突然覺得譚仔過橋米線好抵食，價錢差唔多，份量差很遠。那個小食虾餅都算可以，份量正常、口感都正常，好彩選左小食炸。總之點個撈檬就算數啦。價錢差$20份量又差唔多。如果大家有興趣來這裡食下午茶，我建議大家餐飲點特飲，抵飲好多。只需加五蚊，平時淨飲要$20-$30。雖然我這次的兩個特飲一杯沙冰就好快無味，一杯涼粉冰就有半杯都係冰。這間餐廳比我的感覺好茶餐廳，那些阿姐無禮貌，餐廳裝修只係一張張食物相放在牆上，和茶餐廳的普通桌子。一點越南味道都沒有。那個在門口的職員還和那些食客講做街坊生意，唔會出賣味道，一定好好食。我還見到那些姐姐不斷推介那些新顧客食我地那個火車頭河粉囉。我好想同那些客人講唔好中伏呀。我點這個唔係因爲佢好食囉。…查看更多

經常經過呢度 旁邊蘇媽成日排隊 想試呢間越南餐廳好耐，今次去食下午茶 叫左碗香矛雞翼撈檬，味道不錯份量足 價錢超值 性價比極高 小店經營 店內得兩人 人手有點不足！入坐率不高 收呢個價錢怕佢做不長 食後感會回頭…查看更多

深水埗新開越南小店，行過幾次都冇乜人，所以沒有嘗試。今天想去蘇媽下午茶，但耍排隊，所以揀了隔幾間舖的越式小店。老闆是上年紀的夫婦，我叫了一香茅豬扒湯河和椰汁沙冰。豬扒湯河的粉很幼滑。豬扒香嫩。沙冰椰汁味濃，還特別外賣了一盒燒豬頸肉和蝦餅，都很有水準。用心小店值得捧埸。…查看更多