西塔老太太烤肉拌飯 (新都城中心二期)

營業中

休息中

放工去食呢間位於將軍澳新都城二期新開無幾耐嘅烤肉店，皆因店內做緊套餐優惠價，西塔熱銷二人餐都只係$368(原價$568），但已經有5款烤肉食材，再加1菇1湯1甜品，肉類質素非常好，絕對性價比極高。開爐前先奉上小食前菜，有沙律菜、泡菜、醃蘿蔔及薯仔蓉等，夠晒開胃。再來碗熱騰騰的海帶湯，湯底清甜不油膩，昆布極多。將他們芝麻味極香濃的秘製醬料攪拌好，就可以開始烤肉啦。老太太特色肥牛油脂極豐腴，放喺爐上火光熊熊，入口軟腍兼夾多汁。香瓮鳳梨牛排肉色亮麗，燒起黎肉香四溢，呢兩種牛肉配搭生菜及蒜片、辣椒醬包住食，真係勁味。而果汁豐富的鳳梨片經過烤製更甜香，但要注意火喉及時間以免燒濃。同樣需睇實的還有烤杏鮑菇，燒到略為收縮變軟即可，健康又美味。厚切三筋肉都切得幾大條，它是因連住三條筋腱而得名，肉質軟中帶爽脆。秘制豬頸肉燒完姒後爽口彈牙，邊位部分燒到少許焦脆就尤其好食。秘制雞爽肉肉質嫩滑細緻，經醬汁醃過後食起來甜甜地，香味濃郁。最後食埋好Cute的甜品喜柿多多，賣相打卡一流極有賀年feel。

我最近去咗將軍澳新都城中心的《西塔老太太烤肉拌飯》，以山西風味美食菜式為主，餐廳地方闊落，卡位坐得舒適。二人餐只需$368，連埋加一都只係$405，包左好多野食，有一碟肥牛、一碟牛肋條、三筋肉、杏鮑菇、豬頸肉、海帶湯、喜沛多多、雞腿肉、白飯，仲有一堆沙律、蔬菜，真係好健康，食燒肉嘅同時又減低罪惡感。老太太特色肥牛薄切，好易燒熟，配埋特製醬汁或特製芝蔴醬，隨你鍾意，yammy。等待過程中，啲前菜亦可以食吓，個薯仔球零舍好味，唔知有冇得免費添加，因要留肚食主食，就冇再問。"香甕鳳梨牛肋條” ，造型特獨，增加食欲，自已燒的鳳梨，多汁鮮甜美味，牛肋條油脂豐腴，味道濃郁；而秘製雞腿肉亦都好好味好滑嫩，係食材本身好，或者係我燒得好呢？兩者皆有吧至於杏鮑菇，最初唔係太識，燒得太耐燒老咗，後尾係咁易燒一燒，就好好食啦；造型似柿子，寓意“柿柿如意”，祝睇到呢篇食評嘅你，你，你，大家都事事如意吧。

其實呢一間烤肉餐廳，我經常上深圳都會食，貪佢款式又多，醃製嘅烤肉味道亦好好味🤤今晚突然口痕痕同朋友想食烤肉🍖見到近近地喺將軍澳又有間，就過嚟一解口痕之癢🤭餐廳除咗散點之外，亦都有好多人氣套餐之選，無論一人，二人，六人餐均有得選擇，而且份量都非常豐富。入到去環境寬敞舒適，見到好多情侶，老夫老妻，閨蜜都點呢個西塔熱銷套餐。我地都跟風🤭一下。套餐嘅份量真係食到飽🈵肉類🥩-老太太特色肥牛-秘製豬頸肉-厚切三筋肉-香甕鳳梨牛肋條-秘製雞腿肉最欣賞就係佢嘅香甕鳳梨牛肋條，用原個新鮮菠蘿🍍加上油花均勻嘅厚切牛肋條，就算烤到外層焦脆，依然保持內裏肉汁滿滿，再配合鮮甜嘅菠蘿圈一解油膩感，食多幾嚿都唔怕滯。另外推介佢哋嘅厚切三筋肉，爽脆有口感，但又唔會韌。隨餐仲有海帶湯同米飯🍚，海帶湯超級足料，即時可以解下燒烤熱氣。開爐前還奉上前菜小食，沙律菜，薯蓉酸蘿蔔，好味開胃🤤而我最喜歡就係佢哋嘅特製醬料，其中一款製成雪糕球一樣嘅麻醬花生醬配加入蔥粒及醬油，味道勁濃，令到肉類更添惹味。

西塔老太太係內地人氣爆燈，好彩香港都開左，唔洗山長水遠返去先食到。西塔熱銷二人餐$368，真係好抵食！包兩碗飯、前菜（沙律菜🥗、花生🥜、醃蘿蔔、薯仔蓉，仲有海帶湯，加入好多蒜頭海帶，味道濃郁，飲落好舒服！* 老太太特色肥牛: 呢個肥牛質地嫩滑，入口即化，油花分佈好平均，食落去好有滿足感，配飯真係一流。* 三筋肉（厚切）: 厚切嘅三筋肉份量十足，肉質結實又有嚼勁，味道濃郁到令人回味。* 秘制豬頸肉: 秘制醬料好有層次，豬頸肉軟腍又帶點彈性，仲可以沾韓式辣醬，加埋蒜頭🧄用生菜包黎食，超惹味！* 烤杏鮑菇: 烤杏鮑菇香氣四溢，食落去有種天然嘅鮮味，而且非常juicy!* 香瓮鳳梨肋條: 鳳梨嘅酸甜同肋條嘅鮮香混搭得天衣無縫，肉質軟腍入味，值得一試。* 特味雞腿肉: 雞腿肉 juicy 又多汁，特製調味食落去好開胃。外層微焦嘅口感同內裡嘅嫩滑形成對比，超正！最後仲有甜品造型非常可愛既喜柿多多完美收尾！

呢日黎到新都城呢間西塔老太太烤肉, 我地坐左係卡位, 呢度D 位置都幾大幾舒服! 我地叫左一個西塔熱銷二人餐, 入面有老太矣特色肥牛, 香燒鳳梨牛肋條, 三筋肉厚切, 杏鮑菇, 秘制豬頸肉, 海帶渺, 秘制雞腿肉同埋甜品係喜沛多多~ 真係好多野食! 佢個三筋肉厚切好好味, 好有牛香味又唔油~ 食到我地停唔到口, 另外香燒鳳梨牛肋條, D 鳳梨燒完再食感覺好好, 解左肉既膩感~ 個餐仲有沙律, 食落好fresh! 夠哂好味! 一流!!!!!!!

Barbecue is always a delightful culinary experience. With a menu boasting a variety of mouthwatering options, I was eager to dive into the flavors of their offerings.LaoTaiTai Boneless Short Rib SlicedThe LaoTaiTai Boneless Short Rib was a standout. The meat was beautifully marbled, yielding a tender and juicy bite that practically melted in my mouth. Marinated to perfection, the sweet and savory glaze complemented the rich flavor of the beef beautifully, making it a highlight of the meal.Secret

西塔老太太烤肉拌飯｜將軍澳食肉獸天堂！必試爆汁「菠蘿牛勒條」如果喺將軍澳想食高質韓式烤肉，西塔老太太真係隱藏版王者！唔似連鎖店咁公式化，佢哋嘅 「菠蘿牛勒條」 絕對係驚喜之作——厚切牛肋條油花靚到發光，放上鐵篦「滋滋」烤到外層焦脆，一咬肉汁直接爆出嚟！最正係夾住烤到微焦嘅新鮮菠蘿圈，酸甜果香即刻中和油膩感，食完三串都唔滯～必點「老太太特色肥牛」：用特調麻醬醃過，烤完唔使點醬都超惹味！拌飯神助攻：轉芝士烤飯，拉絲效果+焦脆飯焦，夾烤肉一絕！建議點套餐（包3款肉+海鮮湯），兩個女仔食到捧住肚走～溫馨提示：爐邊蛋&泡菜小食免費任加，醃蘿蔔清爽解膩必encore！主打：菠蘿牛勒條、麻醬肥牛、炭烤魷魚價錢：（份量足，肉質對得住價錢）回頭指數：（烤盤抽風勁，食完唔會成身油煙味！）食肉獸注意：牛勒條每日限量，想食就早啲衝～ 記得留肚試埋冰糖草莓，冰鎮士多啤梨配糖漿，飯後清味蕾一流！

同朋友喺深圳某個商場見到“西塔老太太”，想食時已經冇位，後來朋友話我知原來我哋香港都有嘅，所以係個好特別嘅經驗，竟然係喺深圳睇到，香港食到😜上openrice睇到證實香港有2間西塔老太太，一間喺尖咀，另一間喺將軍澳，呢日入將軍澳做嘢，咁就順便喺將軍澳食吧，慳番車錢✌️✌️“西塔熱銷二人餐”，話得熱銷，肯定多人食，應該唔會差啩，就等我哋來試一試，個餐有“老太太特色肥牛”，“香甕鳳梨牛肋條”，“三筋肉”，“烤杏鮑菇”，“秘製豬頸肉”，“秘製雞腿肉”，“海帶湯”，甜品“喜沛多多”，可謂材料豐富，肉類多多，喜歡喜歡。特色肥牛薄切，好易燒熟，配埋特製醬汁或特製芝蔴醬，随你鍾意，yammy。等待過程中，啲前菜亦可以食吓，個薯仔球零舍好味，唔知有冇得免費添加，因要留肚食主食，就冇再問。"香甕鳳梨牛肋條” ，造型特獨，增加食欲，自已燒的鳳梨，多汁鮮甜美味，牛肋條油脂豐腴，味道濃郁；而秘製雞腿肉亦都好好味好滑嫩，係食材本身好，或者係我燒得好呢？两者皆有吧👍至於杏鮑菇，最初唔係太識，燒得太耐燒老咗，後尾係咁易燒一燒，就好好食啦；甜品造型似柿子，寓意“柿柿如意”，祝睇到呢篇食評嘅你，你，你，大家都事事如意吧。

今日黎到寶琳新都城，呢個商場入面有好多食肆，但呢間位於二期地下中間位置好令人注目，新裝修、闊大嘅門口，擺左幾個抵食嘅餐牌。二人餐只需$368，連埋加一都只係$405，包左好多野食🤩 有一碟肥牛、一碟牛肋條、三筋肉、杏鮑菇、豬頸肉、海帶湯、喜沛多多、雞腿肉、白飯😎 仲有一堆沙律、蔬菜🥬🥗 真係好健康，食燒肉嘅同時又減低罪惡感😝好用心嘅位係包左好多小菜、漬物，全部經精心調味，好特別，好難喺其他餐廳食到，非常值回票價👍🏻😎牛肉油花超靚，啖啖肉好滿足，仲有菠蘿Refresh一下口腔🤣 多重口感體驗～～杏鮑菇燒左之後都好好食😋 海帶湯超多海帶😳🤯 真係冇同你慳，好足料👍🏻 呢個二人餐超抵食啊🤓🔥

今晚去咗寶林呢間新開嘅韓式烤肉店，環境幾舒服，裝修有啲韓式風味，幾有feel！我哋叫咗個二人餐（$368），真係食到好滿足！🤤首先，個老太太特色肥牛，肥瘦比例啱啱好，肥牛入口即溶，油脂豐富，但係唔會太膩，配埋佢哋個秘製醬汁，簡直係絕配！😋 鳳梨牛肋條就更加特別，牛肋條嘅肉質嫩滑，帶有少少嚼勁，同鳳梨一齊燒，酸酸甜甜，好解膩！🍍厚切三筋肉真係幾厚，但係燒完之後都唔會韌，肉汁豐富，好有口感！👍 秘制豬頸肉醃得幾入味，肉質爽脆，唔會太乾，燒完之後仲帶少少焦香，好好味！🐷 秘制雞腿肉都一樣醃得好好，雞肉嫩滑多汁，唔會乾柴，好juicy！🐔杏鮑菇就係我哋嘅配菜，燒完之後好香，口感爽脆，吸晒啲肉汁，好滋味！🍄 海帶湯就係個暖胃之選，湯底清甜，海帶滑溜，飲落去好舒服，可以中和一下食肉嘅油膩感！🥣總括嚟講，呢間烤肉店嘅肉質新鮮，醃製得宜，而且份量都幾多，性價比高！服務態度都幾好，環境又舒服，係同朋友聚餐嘅好選擇！推介指數：⭐️⭐️⭐️⭐️

今天來到將軍澳新都城中心的《西塔老太太烤肉拌飯》，以山西風味美食菜式為主，餐廳地方闊落，卡位坐得舒適。開始烤肉前可以品嚐到幾款前菜，包括沙律菜、薯蓉、酸蘿蔔絲等。【西塔熱銷二人餐】老太太特色肥牛~肥牛嘅脂肪比例較高，燒烤時份外搶火，肥美的感覺食落特別可口；香瓮鳳梨肋條~利用菠蘿醃製，酵素令牛肋條肉質更加鬆軟，菠蘿肉另上，烤肉配合燒菠蘿令味道更上一層樓；三筋肉(厚切)~牛肉味香濃，肉質嫩滑；秘製豬頸肉~烤得香香，肉香汁多，食落口感豐富，既有嚼勁又不油膩；特味雞腿肉~ 肉質嫩滑，雞皮烤得香口；烤杏鮑菇~好快熟，唔需要烤太耐。海帶湯~大量海帶，加入蒜頭好香。米飯(2份)~食烤肉最好配白飯。喜柿多多(2件)~這個甜品外皮煙煙韌韌，凍凍的，非常可愛。嚟到西塔老太太烤肉，一定有特製醬料，雪糕球般大，麻醬花生醬味道勁濃，加入葱粒更覺美味。

{西塔老太太二人餐 - $405}最近將軍澳區越嚟越多老太太😂除咗坑口嘅上海婆婆同埋泰國婆，寶林最近再嚟一個西塔老太太，主打韓式燒烤拌飯！二人餐性價比唔錯，值得一戰！坐低冇幾耐先嚟唔同嘅前菜同埋海帶湯，前菜幾好食，海帶湯都超級足料！打開本麻甩的味蕾！♦️老太太特色肥牛但係有少少的筋膜，肥瘦適中，烤起來火氣十足，配搭秘製的牛肉麻醬，味道一流！♦️厚切三筋肉脂肪分布均勻，厚切得來嚟有肉肉的快感！用生菜包埋一齊食，本麻甩可以食六碟😏♦️香甕鳳梨牛肋條賣相一流，真係用原個鳳梨裝住牛肋條，牛肋條有鳳梨汁醃製之後，肉質鮮嫩多汁，係成晚最好味嘅一碟！食完美味嘅牛肉仲可以烤埋啲菠蘿食！♦️秘製雞腿肉雞腿肉肥美嫩滑，醃料製作非常入味，烤起來令雞皮變得酥脆，值得一戰！♦️秘製豬頸肉烤肉除咗用牛肉之外，豬頸肉實在不可或缺，雄雄的烈火將豬頸肉燒至金黃色，咬起來有勁，豬肉的油脂亦充滿邪惡感！♦️杏鮑菇薄片杏鮑菇，快速用火燒一燒，塗上醬汁，超好味！餐廳整體坐得好闊落，通風系統都唔錯，將會係將軍澳區烤肉大戰嘅必到之處！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍📍#西塔老太太烤肉拌飯 (將軍澳

🔥🍍🥩 點咗個招牌熱銷2人套餐包括特色肥牛、秘製豬頸肉、鳳梨肋條、三筋肉、特味雞腿肉、仲有杏鮑菇、海帶湯、米飯同甜品，超級豐富！**鳳梨肋條（必食！）** 肉質軟嫩，帶微微甜香，烤完後鳳梨嘅果酸滲入肉中，超解膩！ - **Tips**：鳳梨可以烤到微焦，焦糖化後更香甜，夾肉食超正！ **秘製豬頸肉（爽彈之選）** 醃得夠入味，烤到邊緣脆脆哋，口感爽彈唔油膩。 **特色肥牛（油脂香濃）** 油脂分布均勻，輕輕一烤就肉汁爆發，再蘸少少燒肉醬就夠晒味！ **三筋肉（口感驚喜）** 比較少見嘅部位，肉中間有層筋膜，咬落去有嚼勁，肉味濃，適合鍾意有口感嘅朋友。 **特味雞腿肉（穩陣之選）** 醃得幾入味，肉質嫩滑。 ***杏鮑菇**烤到外皮微焦，清新平衡肉膩感。 最後食埋打卡一流的cute cute 甜品喜柿多多👍

有人經過寶琳地鐵站，出口嘅商場有間燒肉，座位全部都有卡位，二人都坐四人枱，好闊落。店舖內幾光猛，兩旁都有風景畫。二人餐有肥牛，鳳梨牛扒幾大塊，黑色墨魚腸，豬頸肉，蘑菇，海帶湯同甜品。墨魚腸燒吓都幾香口，仲燒到金黃脆脆地。鳳梨牛排真係放喺個菠蘿入面，半個菠蘿上枱，仲有三四塊菠蘿可以慢慢燒。牛排醃得甜甜地幾入味。豬頸肉唔算肥膩，配上生菜🥬，可以食多幾件。海帶湯清清地可以消膩。甜品係一個橙色甜柿嘅樣，食落係糯米包住cream作一個完美總結。

服務質素差食材垃圾一人烤肉套餐＄138啲肉又韌又唔好食：牛肉完全冇牛肉味，都唔知咩肉嚟，感覺恐怖，誓死唔會再幫襯，而最好笑就係問職員拎芝麻醬同燒汁竟然有個着西裝友同我講晚市先至有得提供，午市冇喎