裕興咖啡

營業中

休息中

#wings美食分享.🍁鹹牛肉/五香肉丁炒蛋米粉終於去拔草了~雖然不是較有名的招牌三文治，因為還没有勇氣那麼早起床去品嚐，所以就打算先去一試午餐，可試過以後，真的覺得是物有所值，以後要找機會去試三文治！❤️我同朋友各叫了一份，然後share黎食，我地都係比較鐘意鹹牛肉個款，牛肉嘅調味適中，唔會話好鹹而導致蓋過去蛋香，蛋富有蛋香😋~而五香肉丁就比較惹味，可對於不能食辣的我有點嗆了，而且蛋香相較之下亦顯得失色！而且仲有少許菜，感覺上健康左~🙆而飲品方面我地就叫左熱檸水，特別之處在於檸檬係已經篤左先拿過來，很細心~😛當天我地係last order，店主竟送上了一片抹醬多士，店主將一片多士切半，再從中間切半，抹上了煉奶同花生醬，加上外皮脆脆的，簡單地完了我們食三文治的夢~😍感覺這間小店很有人情味，老闆娘會跟客人們閒聊，店要關門了，她還叫我們慢慢吃不用急，非常友善！😙温馨提示~小店只開星期一二四五上午8時至1時！.🌱地點：裕興咖啡中環士丹利街82號舖.價錢：$46滿意度❤️：4/5回頭率👌：4/5..

大老遠跑來早餐，吃了閉門羹，鄰居告知四個月不營業，大家不要跑空了！app信息更新不及時！哭暈好難過呀！！想了好久了哦，超想吃！！！！！下次來不知道什麼時候了！哭哭哭哭哭哭哭哭，就知道哭

三年前係中環番工，同舊同事係裕興既超級擁躉，經常早落樓放飯就衝去排裕興，但好多時都係可遇不可求，由於食品數量有限，好快就售罄。之後同舊同事都轉工了，但依然會相約裕興，直到大半年前裕興張貼通告話暫停營業直到另行通知，之後都成一年無食過了最近得知裕興重開，就相約友人去裕興碰運氣，我突登12點正就到，但裕興的三張桌子都差不多坐滿了人，老闆娘已經要數睇下食材份量預備得夠唔夠先敢接我地單，之後非常好彩，我同友人係最後兩碗！！咁多年我都係叫咸牛肉炒蛋撈公仔麵，每次都係食到光盤，咸牛肉炒蛋永遠都係煎得極香脆，同撈麵好夾，食左咁多年都唔會厭同友人吹下水咁等，完全唔覺等左1小時，聽到老闆娘同其他熟客傾計先知老闆身體抱恙，做埋今日既生意，就要休息治療三個月先會再重出江湖了...老闆老闆娘要保重身體，我地3個月後再見！

今天一早同母親大人出中環，八點十分就到左，比返工更早，為乜？咪就係為左份邪惡三文治囉 因為晏左去隨時賣哂冇得食。而且一般就算有位都要等45分鐘至食倒。今日我地每人叫左一份五香肉丁三文治，我嗰份加左蛋。等左45分鐘，靚女事頭婆拎左一份三明治放響我地面前，可能因為太肚餓，我同媽咪二話不說即刻九秒九拎起就食，食左兩啖就發現點解係咸牛肉加芝士嘅？原來我地食左隔離嗰份，事頭婆即刻sorry 馬上整過份俾隔離。我地都冇所謂嘅，咁樣反而食多一種味，之後份五香肉丁蛋到，比較之下，都係五香肉丁好食啲。佢份三明治有乜特別？咪就係加左椰菜絲同埋花生醬囉。試幻想吓五香肉丁溝花生醬係乜味道 , 总之好好味！唯一美中不足是夏天坐大排擋好鬼熱囉！

之前試過十點黎到三文治賣哂今次專登早d 九點幾過黎食黎到order 左一份烘底五香肉丁蛋治朋友就order 左一碗咸牛肉蛋麵雖然老板娘話要等25 mins但今次終於食到 好感動呀野食黎到見到d 花生醬流哂出黎已經忍五住即刻開動花生醬同五香肉丁既味道出奇地夾 花生醬既香滑加埋五香肉丁既微辣成件事提升左至於咸牛肉蛋麵麵底都係普通既公仔麵同湯個咸牛肉蛋少少脆煎到 幾香口不過我都係覺得佢地既三文治較出色

這個早上要到中環辦事，搞掂時已經十點幾，過來裕興碰碰運氣。到達時見食客不多，坐下後數分鐘才見到店員，餓底示意落單，但她似乎忙著照顧其他食客，開頭並沒有理會。又過了一會，有一家大小來到想吃東西，店員連忙說所有食物已售罄，明天請早！餓底此時盤算著是否應該離開，店員似乎感應到，對餓底說：轉頭幫你落單！太好了，有得食蛋牛治！飲住咖啡等呀等，好多食客食完離開了，陸續仍有人來碰運氣，卻失望而回。店員好溫柔同貼心，見餓底抱住背囊，提議轉換位置，那就可以放/掛背囊，坐得舒服些。座位其實是倒轉的膠桶，有特色！等了快半小時，烘底蛋牛治終於到了！😋😋相機食的時候，店員說：疊起來影靚啲架！係喎，影出來又真係靚啲！影完之後馬上吃，嘩！好豐富的味道！烘底，蛋牛再加椰菜，配上濃香花生醬，邊吃邊讚嘆，人間美味呀！要吃就要襯早，而且要耐心等候，但相信餓底，等待是值得的！

這家一人經營的大排檔坐落於中環鬧市中，有別於一般火速上菜的餐廳這家大排檔出的快餐並不快。如果你沒有一個小時的空閒時間，勸你不要光顧了。但是有深度的美食往往是值得等待的。那天我大概等了五十分鐘菜才到。想不到一道簡單的奶醬多士都可以是一道巧手小菜！麵包的厚度剛剛好，烤得脆口得來沒有一點燒焦。花生醬和鍊奶的比例剛好，亦咸亦甜，也可以嘗到花生的香味和奶香味。奶茶苦澀味足夠，不會過甜，所有東西都在恰到好處。在繁忙時間的速度和壓力之下也能保持水準真的很不容易，所以等多久也值得。當人把簡單的事情也發揮得淋漓盡致的時候，一客平凡的多士和港式奶茶也可以嚐出功夫和心機。

🚩中環🥪裕興大排檔-這個小店 我想是會介紹給來香港的遊客一來可以訓練他們早起 九點前到達 因爲他家的三文治在九點前就會售罄!!二來賣相吸引 味道邪惡 更富香港人情味💞-選了炒蛋雙拼系三文治蛋, 椰菜, 花生醬都是鐵膽 然後再選一樣配料跟熱飲共$38 每一份都是一人人手製作 所以每次老闆娘會通知客人等多久( 8:30到達 等了約35-40分鐘)-🥪鹹牛肉+蛋+椰菜+花生醬+芝士($5) 三文治新鮮熱辣辣 烘得香脆 這幾個配料出奇的夾 咸牛肉配蛋一定好吃 但加上椰菜絲解膩及增加口感味道豐富又互不搶味!!花生醬是甜口味 感覺它carry整個包 滿滿的花生醬及芝士邊吃邊溢出來 吃得狼狽又滿足!!(芝士味道不重 為了影相才點吧)老闆娘更提醒可以灑上黑椒 味道更吸引!-🥪五香肉丁+蛋+椰菜+花生醬+芝士($5) 多士同樣即製 香脆可口想不到五香肉丁可以放進三文治辣而惹味 很好吃!!這個大概只吃到肉丁跟花生醬味雖然搶味 我卻更愛這個香辣三文治推介!!!-真的好吃 卻沒有很大驚喜 (可能期望過高)而且吃得太飽 濟了一整天覺得一定要試一次 但又未必再會故意早起去中環吃不過小店人情味濃厚老闆娘很貼心 會

中環鐵皮屋裡的裕興排檔，他的早餐不是容易食到的。一來佢八點半成九點先開工，二來由於每份多士都是老細收到order先開始製作，等上半個鐘是等閒的事。如果要返九點準時，基本上係無可能食到。今日有會議喺呢頭開，特登過嚟試下佢有乜吸引力。呢張餐牌係幾年前影的，而家應該加咗價了。鍾意重口味嘅我叫咗『炒蛋雙拼三文治』配鹹牛肉，加椰菜，盛惠$36蚊。隨手搵張膠凳坐低，靜候佳音。等足25分鐘後，終於可以開餐。烘得微脆嘅麥方包中間有誘人嘅咸牛肉炒蛋，夾雜椰菜絲，同埋『流心』嘅花生醬。一入口，熱辣辣要飲返啖凍奶茶。如果唔係裕興，我大概唔會知道炒蛋、椰菜同花生醬係可以擺埋一齊的。事實證明，咁多年嚟都無第二間食肆做到佢嘅味道，抵佢要等咁耐。

【早起的鳥兒有蟲吃🐛】芝士鹹牛肉炒蛋三文治🥪（$45）等左九個字先有得食 好多白領幫襯 三文治用了麥包 不普通喔 再烘的 有椰菜🥦花生醬🥜芝士🧀鹹牛肉🥩炒蛋🍳 聽起來就覺得很豐富 ❤️花生醬超多 一攞上手就流晒出嚟😱喜歡花生醬的人必食 呢個組合好夾😋不過就同想像中嘅味道差唔多 不算太大驚喜 下次會再試佢啲麵🍜呢度仲有炒蛋公仔麵都好出名😌不過如果好早好早到 建議大家食咗三文治先 因為上次 #🍋👧🏻 10點鐘到已經賣晒 凍奶茶提議少甜☺️仲有一點要提提大家就係⚠️呢度一星期只開四日營業時間係八點至一點四十五分－－－－－－－－－🍴餐廳名稱：裕興咖啡 (中環)📍地址：中環士丹利街82號舖

同朋友講左好耐好耐 一直都好想試裕興於是一早出去 8點半決意食佢早餐8點半已經好多人係度落完單老闆娘話要等一個鐘唔緊要啦 應該值既我地叫左招牌菜午餐肉炒蛋出前一丁午餐肉非常脆口 炒蛋份量十足好好食!另外叫左花生醬咸牛肉多士估唔到甜咸咁夾架 所以好好食多士好香好脆咁早黎食係值得架 我會再回頭

數中環早餐，裕興相信係最特色之一，終於夾得啱個時間黎試試。傳聞中嘅特色就係慢功出細貨嘅多士三文治，而今次試食結果亦乎合其他食評嘅口碑，加我自己少少個人意見，就係鹹牛治幾鹹，除此之外別無挑剔。新鮮出爐嘅多士夠脆，餡料夠多花式夠爆汁夠温度，有咩好食得過呢份坐等左40分鐘先等到嘅新鮮熱辣香噴噴三文治？仲有果杯凍檸啡，實在係驚喜，估唔到係可以咁夾。以食物質數嘅角度，43蚊係超值，但係食嘢並唔係唯一嘅重點，因為食嘢10分鐘，等待係40分鐘，呢40分鐘點運用就係另一個重點。好在有秋天涼爽嘅天氣，否則相信街邊檔環境坐40分鐘並唔會咁好受，呢個天氣啱啱好，一邊啜檸啡，一邊感受同其他一齊都要等幾十分鐘嘅朝聖者果種眼神上同精神上嘅連結，就好似一個集體街頭冥想嘅聚會，素不相識嘅人，焗住要圍爐幾十分鐘，各自修行，自尋仙境。有情侶打手機game而爆粗，有OL静讀有關compliance嘅study notes, 有眼不離手機嘅上班族少少心急咁等嘢食，仲有好有禮貌又出貨好有條理同次序嘅一腳踢姐姐，當然仲有好多路人。冇人催促要快d, 因為一早講明要30,40,什至50分鐘。食好西，就係要花時間，心甘情願先好坐低。叮

裕興咖啡，是港島區少數碩果僅存的鐵皮茶水檔，隱身在毫不起眼的陋巷內。是日到訪，眼見茶檔外恆常有排隊等候的人龍，老闆娘説：「要等一小時，可以嗎？」坦白說，等一小時為一個早餐，很多人未必接受得到，但一場來到，那就等吧！老闆每天只營業至中午時段，只供應早午餐，今天早餐時段，早在九時許就結束了，令不少遲來的食客模門釘！老闆有幾大堅持，堅持人到落單、不設留座、不設外賣，及堅持每份早餐，由老闆自己一人用心制作，所以即叫即做，是需要點時間及耐性！咸牛肉炒蛋三文治(烘底)這裏的烘底不另收費的。三文治賣相澎湃，烘得十分金黃香脆，咬下去咸牛肉的肉汁流出，而且不會過鹹，炒蛋更是剛好到位，沒有過火，夾雜著花生醬和椰菜等配料，層次複雜，但味道出奇的夾，多了椰菜絲，令整件三文治多了一份均衡，少了一份膩感，整個配搭確是不俗。唯一敗處是進食期間，花生醬不停擠出來，吃得有點失儀狼狽，幸好老闆娘提點吃完可以在旁邊洗手，這是貼心的服務，值得加分！裕興的三文治即點即製，這份新鮮以及特別的食材搭配，是值得特意造訪的。加上老闆出品均屬誠意之作，值得支持！

中環邪惡炒蛋雙拼三文治 🥪· 大排檔真係買少見少，聽聞呢度既三文治堅好食，所以要來見識下，大約9:30已經到，好彩有位唔洗等，聽同枱老顧客話我地好好彩唔駛等，好多時都會好多人，一坐低，二話不說就點左個招牌炒蛋鹹牛肉椰菜花生醬三文治加芝士烘底，由於得老闆一人製作，落單前都會通知聲要預40分鐘先有得食，同朋友傾吓計啲時間就好快過，咁岩同枱既都係老顧客，佢哋話平均一個星期來都會幫襯1-2次，我地唔洗等半個鐘就有得食，比預期中快好多，未食睇個樣已經流晒口水，啲芝士慢慢咁樣流出嚟，已經忍唔住要快啲試吓，冇諗過喊牛肉配花生醬個味道係咁格夾，夾左椰菜，又幾好喎，記住要加芝士呀！味道非常豐富👍🏻👍🏻👍🏻👍🏻👍🏻👍🏻👍🏻👍🏻👍🏻—————————————————————呢度除咗啲嘢好食之外，真係要讚下佢地幾服務態度，雖然小小既大排檔，但非常之貼心，上三文治時，提議我們要加少少黑胡椒食，味道會更香，果然真係好好味，雖然炎炎夏日，又沒有冷氣，但這份美味已掩蓋一切，正當想走之際，正下著大雨，唯有等細雨啲先走，老闆娘(👈🏻我估係掛）竟然話免費再幫我地加啲檸檬茶，叫我地慢慢飲等停雨先走，真係好窩心😍·如果想食好西

[ 超邪惡早餐 | 訓少兩個鐘都抵😍]••記得仲係返緊學個時，男朋友成日叫我陪佢食早餐，我都唔願早起身🙅🏻‍♀️到到依家變返我叫佢陪我食早餐，就係為左食裕興👅逢星期一佢都係上環返工💼佢返十點半都會陪我八點去食早餐😚⋆ ⋆ ⋆ ⋆ ⋆🔹三文治炒蛋餐($40/凍飲)⭐️9.5/10呢度既三文治用麥包，烘底後特別脆口🥪我揀左咸牛肉，另外加芝士(+$5)🧀預設有椰菜，食落爽口，仲有重點花生醬‼️熱力令到啲花生醬同芝士溶住咁流出黎，勁吸引🤤花生醬真係無論配咩都係咁好食架🥜真係好好味，訓少兩個鐘都抵❤️-🔹一丁湯麵餐($48/餐凍飲)⭐️7.5/10我地揀左炒蛋系🐣配料揀左司華力腸+五香肉丁🤤其實係變左司華力腸炒蛋，蓋住五香肉丁，肉丁唔係平時咁一粒粒，而係一絲絲🐷司華力腸炒蛋煎得好靚，都幾好食👍🏻不過一丁煮得有啲淋，我比較鍾意硬身啲😌-▫️望見隔離食餐肉炒蛋，好似好正啊👅PS. 好鬼大碗，同男朋友兩個都食唔哂🙊-🔺一人製作，即叫既整🔥我8:15am去到，好少人都要等大約20分鐘以上，所以要預早時間去食😴-📢由於小店會不定期休息，我摸過兩次門釘📌有人提我可以睇佢地fb page，休息會係個度講💁🏻‍♀️-