影片
要知道而家平價飯買少見少， 去坑口村、富寧花園馬路旁附近就有一間小店，專賣外賣！相信都係做附近街坊生意嘅。之前有朋友既「抵食推介」，已經食過兩三次，今次食終於記得同大家分享！ 以我所知放飯時間就會有好多學生哥排隊買飯，如果唔想露天排隊咁多人，我建議吃貨要避免學生放飯時間去買啦門面小小，並不起眼，因此更值得推介，幫忙支持小店！店內得一人工作，無冷氣，係炎熱既夏天煮好飯餸等待放飯既學生哥，平平地$28就有一份雙餸飯，格外多加一份既人情味今次都唔記得第幾次食了，最深刻就係佢既栗米班塊，大大件且唔多粉，啖啖肉，粟米汁為芡汁。其次就係麻婆豆腐，豆腐十分滑，帶點輕微既辣味，十分惹味！佢每次都會有不同既餸選擇，例如吉列豬扒、茄子、節瓜炒豬肉、咕嚕肉、涼瓜炒豬肉、四季豆拌肉等等等等，每次都好似去撞手神咁，有肉亦有菜，唔洗擔心唔健康。正好我今次食，都遇到兩種既最愛佢顏色未必好吸引，但的確美味，有住家飯既味道，推介附近居民、學生一次，包你食完滿意
繼續閱讀
上星期去完坑口村食lunch 發現都有好多食店係果邊今次再去覓食見到好多學生哥都排呢間店我又去湊熱鬧原來因爲學生買有飲品送而且都唔使$30對學生黎講都係恩物我就跟住佢地買個兩餸飯兩餸飯都有五至六個選擇有炸豬扒、咖喱雞、粟米班塊等等我就保險啲揀咗咖喱雞同粟米班塊咖喱雞有好多薯仔太重薑味會蓋過咖喱嘅味粟米班腩不過不失記住如果想食晒啲飯就要叫多啲汁多數飯嘅份量都好多但餸嘅比例有時會唔平均Lunch黎講都幾好價格味道都ok
繼續閱讀
呢個鋪位之前都係做食店，但就係賣小食串燒為主，而家呢度就賣小菜為主，夜晚六點後就多d菜式。以四川上海菜作為主打，咁多嗰菜式之中最鐘意口水雞，因為嗰醬好可口又獨特，不過今次就無嗌，今次淨叫左乳鴿同水煮魚。乳鴿味濃，但size就較為細隻，但以性價比黎講係ok($32／隻)。上星期試過七點幾去到d野就賣晒，要等一陣先煮好同拎得，所以時間許可嘅話打電話去落單就安全啲。屋企無飯開又想食川菜嘅朋友，可以考慮下。
繼續閱讀