螢壽司 (已結業)

朋友話上個月試左間唔錯的日本菜~~更提到牡丹蝦一食難忘~~咁好評價，就等小妹去試一試~~平日晚上7點半，小店已經坐滿~幸好有預先訂位~~先食刺身、壽司：特上刺身併盤中拖羅、三文魚、油甘魚、海膽、牡丹蝦、赤貝除左擺盤靚之外~每樣刺身都好新鮮~~厚切中拖羅份外滋味~~牡丹蝦果然無令人失望~~大大隻入口鮮甜~~ 真係好味到唔想同人分享~~上壽司併盤：吞拿魚、三文魚、帆立貝、油甘魚、池魚、鰻魚、熟花竹蝦、三文魚籽只吃了三文魚籽軍艦~紫菜脆口，三文魚籽好鮮味~~一粒粒係口裡面爆開~~ 大滿足呢~~然後到串燒、熱食：串燒揀左3種share食~鹽燒牛舌、黑豚肉露筍、汁燒雞肉最推介鹽燒牛舌~ 爽口又唔韌~~而且調味一流~黑豚肉露筍，豚肉脂肪位較多，有少許油膩~好彩露筍夠爽甜多汁~~ 拉回唔少分數~~自選燒蠔4隻分別係：芝士明太子、黑松露、海膽、蒜香 (左至右)我分得海膽燒蠔~~估唔到隻蠔好有份量，味道濃郁~~士多啤梨汁鐵板鵝肝鵝肝放左多士上，而多士底部沾有士多啤梨醬~幾有新鮮感的菜式~~一咬之下，舌頭先食到士多啤梨醬味道~~再食到鵝肝的油香~~hohoho，我覺得算係一個成功的嘗試~~士多啤梨醬帶酸，

今日又帶媽媽食好野, 成日食中菜, 今晚就試下日本野啦! 入到餐廳感覺唔錯, 面積雖不算很大, 但坐得舒服.仲有壽司BAR枱, 感覺好AUTHENTIC!媽媽不好生野, 咁就叫多D熟野就下佢啦, 個鰻魚好味, 肉質鬆化, 另外都不得不讚佢地刺身壽司, 特別係個TORO, 真係好油好甘! 正呀!個小食拼盤亦都好有心思, 我最LIKE個雞泡魚干, 熱辣辣, 好味! 仲有個三文魚較, 我起初以為係墨魚之類既東西, 原來係魚較位, 可以做到咁煙靭, 再加上用左醋做調味, 真係好味又開胃呀!再叫左四隻焗蠔, 分別有不同味道, 由左至右, 蒜蓉, 黑松露, 海膽及芝士, 媽媽最愛芝士, 我就比較重口味D, 黑松露我至LIKE, 不過個海膽就略嫌迅色左D, 不夠鮮.什錦天婦羅, 一黎到己經覺得呢道菜好有藝術感, 有把扇托底, 原來係面條黎, 好香脆, 另外仲有我至愛既蝦同蕃薯, 好足料, 脆粉夠薄! 呢個有質素!極上海鮮鍋, 諗住一人份, 唔太多者, 不過原來都唔野少, 有花竹蝦, 雪場蟹, 帶子仲有蜆同什菜, 食材好新鮮, D蜆仲對識住我伸脷架!黎個CLOSE UP, 仲有蠔添! 都好大隻同鮮味呀

下班找個地方歇腳，吃個晚飯，選擇到公司附近的餐廳，而這裡因為近地鐵站，走時比較方便，所以大多數時間都喜歡在這條街的樓上餐廳吃晚餐。今的試的是一家樓上日本餐叫螢壽司，在京都廣場六樓，八時到達已經座無虛席，被安排到壽司吧枱，還好吧枱自成一角，還可以一邊看著師傅握壽司。 餐廳入口： 餐牌： 吧枱位置： 由店員介紹點了幾款和食，依次為燒雞泡魚乾、枝豆、上刺身拼盤、花膠雞絲濃湯手打烏冬。燒雞泡魚乾：比一般的日本餐吃到的較厚身，外層微甜帶輕輕的焦香，內裡質感柔潤，配以醋酸牛蒡及青瓜，非常開胃的前菜，佐酒一流。 枝豆：豆莢嫩綠，挺新鮮的枝豆，下少許鹽巴就已經是不錯的清新小吃。 上刺身拼盤：師傅揀了是日新鮮的刺身，左起為油甘魚、三文魚、平目魚、池魚以及鮮帶子，用超厚切的方式呈上，尤其喜歡的鮮帶子，肉質呈透明白色，味道非常清甜；其次是池魚，淡淡魚香而帶甘、口感清爽。厚切： 甘海老刺身：吃過刺身拼盤，見其他客人都有點甘海老刺身，所以也要了一份，蝦身比較大隻，肉質軟嫩，味道亦很鮮甜。 花膠雞絲濃湯手打烏冬：想吃一點澱粉質，見這個手打烏冬挺特別的，上菜後發現原來份量很大

今日同朋友喺銅鑼灣行街行到好攰，就諗住食餐好少少既慰勞下自己雙腳，所以就去咗呢間屬於中上價錢嘅日本餐廳食晚飯! 食日本野又點少得食刺身呢，今次就揀咗上刺身同埋花鮫魚，呢度既刺身全部都係以厚切既形式出場，口感唔錯，亦都好新鮮。而我最中意既就係三文魚，色澤明亮，脂肪比例比較少，雖然未去到入口即溶，但口感細滑。當中比較特別嘅就係花鮫魚，平時小啲機會可以食到，利用小菊花做配碟，襯托左刺身既晶瑩剔透，味道亦比想像中易入口，口感柔滑。平時軟殻蟹天婦羅就食得多啦，但真係好少見到其他餐廳會好似呢間餐廳咁，原隻軟殻蟹切返出嚟！視覺上已經加晒分啦，味道方面就還可以，粉漿唔會太厚，配合埋天婦羅醬，整體感覺唔會太熱氣。冬天既時候就最岩食下鍋物，所以今次就點左一個雜菜牛肉鍋，材料方面十分充足，喺牛肉下面既係材料豐盛既蔬菜，有小白菜、豆腐、冬菇等等，而一併上既手打烏冬亦唔錯，尚算滑身！薄身既牛肉唔會因為煮得太耐而變得粗糙，依然保持到滑嫩。湯底方面，亦有濃郁既牛肉味，加上蔬菜既甜味，味道濃厚！鹽燒三文魚不見天！不見天呢個名就真係夠霸氣啦！原來不見天就係指三文魚嘅腩位，上面清新既蘿蔔蓉配合埋燒得卜卜脆既三文魚，簡直係

上刺身拼盤一共有五款刺身，有吞拿魚、三文魚、甜蝦、帆立貝、左口魚，刺身色澤鮮明亮麗、有光澤、鮮甜味美！上壽司一共有八件壽司(吞拿魚、三文魚、帆立貝、油甘魚、池魚、鰻魚、熟花竹蝦及三文魚籽)，再加六件卷物。枝豆；豆豆很晶瑩而且很大粒，而且很鮮甜！食完刺身、壽司之後就開始食燒物，我們叫了安格斯牛肉、鹽燒厚切牛舌、鹽燒手羽、雞皮花竹蝦。安格斯牛肉；一咬落去超多肉汁、很嫩滑！而且燒的情度控制得剛剛好，還帶有點紅紅的肉色，不是全熟的！鹽燒厚切牛舌(食之前忘見拍照 :upset )；食落去嫩滑得來帶點爽口，一點也不韌。鹽燒手羽；雞翼燒得香口，雞皮烤得很香脆！有點像炸的感覺！雞皮花竹蝦；本來想叫鹽燒花竹蝦，但想想這個好像比較特別，於是叫來試試！果然沒有失望，雞皮香脆，而且花竹蝦係燒嘅過程吸收了雞皮的油份，所以蝦不會變得乾身，仍然可以保持水份及爽口彈牙的感覺。座位方面這裡有數個座位可以看著壽司師父握壽司，下次來我一定選擇坐這邊！

日本中部之旅後，仍然對日本菜意猶未盡。今天來到這家新開的日本餐廳尋味。餐廳位置銅鑼灣廣場附近的樓上鋪，位置不多。我們被安排坐吧枱，可以稍為高一點點環觀整餐廳。當然少不了近年當紅的日本威士忌~坐吧枱除了可以環顴四周，還可以看到師父整壽司。這是我們的壽司呢~魚生非常新鮮，可跟日本的媲美。吞拿魚入口即溶、甘甜。剝皮魚肉質鮮嫩，配埋面頭的一小撮辣蘿蔔蓉，錦上添花！油甘魚也鮮味十足！三文魚籽鮮甜，但紫菜「淋」的... 蝦也過熟，很韌，蝦味不突出。港人至愛的三文魚在其他新鮮魚生相比下變得普通。連小妹最愛的帶子也很一般，没其他魚般新鮮。玉子薄薄的一層疊一層，甜度剛剛好。還吃到一點點燒過的味道，不錯！自從在名古屋吃過之後，開始愛上鰻魚。今天又忍不住叫了鰻魚飯 小妹見識不廣，只懂得朴葉配味噌，配上蒲燒鰻魚飯又別有一番風味！一開蓋，淡淡的朴葉加鰻魚香氣撲鼻。賣相有點似平時飲茶的荷葉飯 鰻魚肉質結實，非常嫩滑，是小妹喜歡的口感。骨也很細很軟，直接吃也不破喉。若燒汁味道濃一點，飯軟身一點會更惹味！除了鰻魚，明太子也是我的喜愛。平時喜歡配玉子燒，這次來個燒明太子。口感非常有趣，實得來又有點鬆散，但很咸⋯⋯P

去日本旅行已經係成年前既事，有啲掛住日本既野食，所以約左一齊去日本班friend食日本菜試下新餐廳想話回味下日本既味道。餐廳的位置好便利，位於銅鑼灣廣場一期對面，基本上一出地鐵站就見到，行過去都只係幾分鐘路程。一入間店舖感覺地方幾廣，冇小店既壓迫感，環境尚算滿意。一開始我地先試試刺身，點左一個極上刺身拼盤。個拼盤總共有七種刺身，帶子肉身厚非常甜美，白身魚亦都好鮮，只有海膽不夠滿意，到喉嚨時會有些微澀味，未算最靚但都食得出來貨唔平。主食方面令我印象深刻既係叉燒配金麵鼓湯拉麵，麵鼓湯底非常濃郁之餘又唔會令你覺得口乾，叉燒肥瘦適中，唔會過硬亦唔會過度鬆散，拉麵麵質唔會太腍中了我的口味。一問之下員工們向我透露湯底和麵都是日本空運過來，難怪有此等水準。食完拉麵後就嘗試一下另一特色主食花膠雞絲濃湯手打烏冬。湯底非常足料以致香味頗濃，花膠令到整個烏冬質感黏口，配合滑身彈牙烏冬整體感覺好特別，可能之前好少食咁煮既烏冬，未必每個人都會喜歡，但個人認為值得未試過既朋友試一試。最後要講一講燒物，食左好幾樣有兩樣要推介一下。第一樣係西京銀鱈魚，簡單既煮法更顯得到選料既新鮮及廚既技巧，魚肉彈牙香口同時唔會失去鮮

之前都係SOGO附近食過一間都係樓上既中上價位日式餐廳食物質素差唔多，但價錢就貴多多聲自此我就變成呢間餐廳既座上客為左慶祝我做到呢間餐廳既VIP今日要開POST介紹下螢壽司既食物到底有咩咁吸引到我 黎呢到又點少得食刺身既環節呢其實除左刺身，其他既食材用料都好新鮮刺身BAR格離有塊板講返當日有咩特別刺身上刺身拼盤 + 花膠魚拼盤有三文魚、甜蝦、吞拿魚、油甘魚每一款都好新鮮同埋厚切甜蝦質地爽身三文魚有油脂既香油甘魚質地比三文魚爽實鹽燒厚切牛舌、七味燒黑豚腩肉食串燒係唔可以唔食牛舌架!牛舌厚身，唔會過UN肉汁封左係入面咬落去感覺豐盈黑豚腩肉調味其實幾好腩位黎講  肥肉比例係好正常不過我係食肥牛都要挑走肥膏既人所以就...唔係我杯茶黑松露鵝肝燒蠔好香呀 黑松露已經好香再配上煎香既鵝肝更加不得了色、香都齊哂又點少得味呢?蠔好飽滿、睇圖就知我無呃你食落蠔味充足未熟哂，所以有D位口感仲係滑溜正正 雞皮花竹蝦蝦殼已經剥好取而代之既係用雞皮包住燒既時侯有雞皮既香同油包裹住蝦肉雞皮燒到香口、卜卜脆既同時都幫蝦肉提升左鮮味蝦肉都唔需多講雖然唔係好大隻但都啖啖肉，新鮮同彈牙配上雞皮同洒上既鹽粒有咸香，同

原本想去舞鶴，但被包場，見這店都多好評，便來一試，入店內見場面冷清，現今生意真不易做 !叫了自選12件壽司，太太就叫了牛肉烏冬+刺生+炸雜菜餅。幾件白身都不錯，拖羅不夠魚味，三文魚子不及加藤壽司，海胆也淡味，但也不是平貨，不會有怪味。蝦新鮮彈牙，好味，每隻蝦頭加了$10再炸，也不錯，當然同上月東京早乙女哲哉的炸蝦頭無得比。帶子正常。赤貝都不錯。炸雜菜餅 - 多料加好味，好喜歡番薯溶溶地的口感。炸物可以，但不會是頂級

BF揀了這裡慶祝他的生日一早已經book好檯，所以去到唔駛等位就入得。刺身拼盤: 有7款唔同刺身，款款新鮮美味，師傅擺放得好靚，啱晒相機食先嘅人，三文魚同吞拿魚仲要係厚切添 (wasabi略嫌唔夠辣)燒鰻魚: 個燒汁做得幾好，唔會太甜or太鹹!特上壽司: 有10款唔同壽司，如果有埋珍寶帶子壽司就完美了刺身連壽司共有3隻牝丹蝦，加$10就可以煮麵豉湯，但原來係$10 for一隻牝丹蝦，感覺有d貴原先以為佢地會醒目，見到我地2個人應該3隻蝦頭一齊煮，之後分兩份上。點知佢竟然分開3碗上豚肉露筍: 燒得恰到好處，露筍依然鮮嫩。炸軟殼蟹: 必食剛炸起的軟殼蟹外脆內軟，一d都唔油膩，點埋醬汁真係好好味。師傅仲會砌返個蟹形先上碟

今晚同家人去左螢壽司慶祝生日，餐廳裝飾得好有聖誕氣氛而且感覺好warm我地點左好幾款野食，分別係海膽三文魚子冷豆腐，感覺好鮮甜，頭腐好嫩滑什錦壽司拼盤，各款壽司都好鮮甜，wasabi都係師傅即磨嘅，所以好香，唔太辣銀鱈魚西京燒，魚燒得香得黎好嫩滑有油香燒雞泡魚干，燒得好香又唔會好乾，好味燒牛舌好彈牙 ^^蒲燒鰻魚，好香好好味黑豚肉露荀卷，肉好嫩露荀好爽脆燒明太子，味道偏咸，可能送酒會好d海膽炒飯，味道一般蟹肉忌廉餅，炸得好脆，蟹肉都算多牛油炒蜆，呢個真係必食之選，好香牛油味最後點埋燒三文魚飯團，幾香但脆味道一般我地都覺得呢度嘅野食大部份都幾好味，而且waiter都勤力幫我地加茶同換碟，態度親切，下次會再過黎試其他野食 ^^

2015是特別的一年 跳出confort zone 最大得著是認識這兩位好朋友 朋友從日本遊行帶給我們一點手信 跟店內的佈置相映成趣 首先點了一個海鮮窩配手打烏冬 待應上菜時已濃香撲鼻 飲第一口湯非常鮮味 手打烏冬彈性十足 海鮮配料營養均衡 有菜有蝦有豆腐 正合我心意 因朋友剛到日本旅行吃得太多魚生壽司 所以今餐以熟食為主 鰻魚飯盒賣相精緻 在燈光反射下相片專業得彷似宣傳照片 而內裏的鰻魚飯亦有質素 醬油咸甜度剛剛好 鰻魚亦煮得軟諗 好好食啊由於午飯吃得太飽 加上這兒的壽司標價進取 所以只有隨意點了少量 我吃了甜蝦及左口魚 尤其喜歡甜蝦 食完後鮮甜的味道仍揮之不去 總括而言 價格不算便宜 但質素不錯

久不久也會和同事怒奔去銅鑼灣的樓上餐廳吃飯, 就貪那邊人少, 價錢又比中環便宜。雖說計起車錢來差無幾, 不過怒奔起來, 又覺得頗刺激好玩。今次來到駱克道的另一幢食大廈 - 京都廣場。又是琳瑯滿目的選擇! 最後揀了最近頗為炙手的螢壽司。果然是近期的新寵呀, 每一次來到銅鑼灣都鮮有見到的「滿席」, 竟在這裡出現了。幸好還有兩個吧枱的位置, 才不至於要去等位。打開菜單, 可謂是豐儉由人。由五六十元的蓋飯到百多二百元的刺身定食都有。嗯, 既然坐在吧枱位看著師傅準備一份份的午市定食, 就無謂點熱食了。來個刺身飯吧!定食配送的茶碗蒸及味噌湯不怎麼好吃。茶碗蒸比較稀, 也有點咸。豪華的刺身定食是同事所點的。種類尚算豐盛啊, 而且無一例外地是以 厚 切 出 現。口感真的很好呢。新鮮度也很不俗, 同事也吃得滿意。但是, 比較起來我更喜歡自己所點的海瞻雜錦魚生飯。海瞻雖然不算多, 但勝在尚算鮮美, 甜甜的吃到口中, 也可以止癮。魚生的部分沒有刺身定食的來得厚, 但種類要多得多。帶子、八爪魚片、甜蛋都很不錯呢。雖然相片沒有拍到, 在白飯和刺身中間, 還撒了一層的漬物 - 吃下去甜甜的, 似是菇菌類。還有紫菜

突然想吃日本菜, 是身體缺乏甚麼而發出的訊號嗎? 還是我快將在月尾前往日本, 等不到要先食一頓日本菜呢? HAHA.今餐點的菜式可謂好壞參半, 主要是海膽令這頓飯大為失色...而其他菜式是水準以上的.例如甜蝦刺身非常鮮味、清甜, 少少黏口感, 其實一人也能吃5隻, 因為實在是好味~ 朋友說蝦頭都夠鮮味, 絕無腥味, 必吃之選!在香港要吃到高質素的海膽刺身真的不易. 螢壽司的海胆刺身就讓我失望了, 略嫌未夠creamy, 有少少苦, 雖未至於入口要吐出來, 但那苦味慢慢滲出來, 不太好受.色澤亦都不夠統一, 若以紫菜裹著吃, 味道會好些少, 但愛吃海膽的, 應該是每件放入口慢慢品嚐, 質素高下立見.滑滑的豆腐應該是好多女生的至愛, 所以我都點了三文魚籽海胆冷奴.朋友的筷子功了得, 能夠夾得這般完整地放在我的碟上~ 海膽...也是同以上一樣, 略帶苦澀, 撇除這點不說, 基本上這款小食是挺好的, 醬汁應是日本甜醋, 跟豆腐也很配合.吃完幾款凍食, 我一人獨享這串黑豚肉露筍串. 黑豚肉切得過薄, 雖然燒得夠惹味, 油香仍在, 但薄薄的部份則過脆...什錦天婦羅, 大概有6-7款, 天婦羅漿太

Read many good reviews on openrice, guess with high expectations this turns out to be a pretty bad experience!At first wanted to order the 12 pieces sushi lunch set. At 1.30pm on a Saturday, 2 kinds of sushi that I chose were sold out and I asked if I could duplicate for some kinds? They said you can't, only 1 per kind. Fine, I changed that to the 8-pieces sushi set. The 8 pieces of sushi include salmon, scallop, tuna, minced tuna, shredded crab meat and hamachi, etc. The scallop and tuna is qui