6
1
1
港鐵銅鑼灣站 D2 出口
繼續閱讀
營業時間
星期一至日
11:00 - 16:00
18:00 - 23:30
以上資料只供參考, 請與餐廳確認詳情
今日不想外出吃飯, 所以我倆選擇叫外賣。今晚點了幾個點心和一個炒飯。原隻鮑魚燒賣皇原隻小鮑魚令燒賣賣相討好, 鮑魚是罐頭那種, 燒賣餡結實, 蝦肉彈牙, 亦沒太多肥肉, 整體味道不錯!黑松露蘑菇包很香黑松露味道, 不錯! 造型亦可愛, 唯一缺點是包皮太厚實, 不太鬆軟, 整體普通。XO醬牛柏葉很焾, 還算入味, 不過有點油膩。鮮蝦瑤柱百合餃吃到蝦肉和百合, 但瑤柱則吃不到; 而且外皮太厚, 有點吃粉皮的感覺, 整體麻麻。沙嗲金錢肚金錢肚很焾, 醬汁味道不錯, 但汁料太油膩。招牌蝦兵蟹將炒飯足料! 有一絲絲蟹肉和切碎的蝦肉。味道方面, 炒飯味道一般正常, 跟外間的炒飯其實差不多。但略嫌太油膩, 整體中規中矩。整體而言, 食物水準中規中矩, 偶爾想吃點心, 也可以是一個選擇。
繼續閱讀
Its very nice ;) very nice Chinese restaurant in Causeway Bay. Nice dim sum and services !! 鮑魚燒賣，真心，燒賣好食過abalone，當大家都食左粒abalone時候，我反而俾下面ge燒賣吸引左，撈左少少肥豬肉，醃味岩岩好，唔會太濃味。黃金蝦，好脆，隻蝦好大隻，味道唔太咸岩岩好。隻豬仔流沙包係signature ...一上枱大家都讚好得意，係咁影相。不過味道無咩特別，唔算特別outstanding! 留意番，間餐廳唔算好大，可能要book位。質素不錯。
繼續閱讀
姐姐推薦過多次但都未嘗試，終於有幸今日到訪。一行4人。環境清幽，佈置簡潔，餐桌疏落，至愛大窗口，坐了個多小時，才有多2枱客人。點心精緻，味道不過不失。女侍應招呼態度都很好啊！至害怕嘈雜的我們就更喜歡死了。難得我們可以坐了2個多小時候，下次一定再來啊！
繼續閱讀
還記得《賭俠1999》一幕，飾演化骨龍的張家輝，收左江湖大佬柯打，去接剛剛刑滿出獄的老正阿King (劉德華飾演)，陪佢食餐豪嘅，抹走啲衰氣。「化骨龍， 帶阿King食餐勁，鮑魚、魚翅、燕窩一定唔少得，呢度有啲錢，搞掂佢！」 江湖大佬一句到尾。「 梗係啦 ，大佬，但係…… 得幾舊水點搞呀？起碼都幾叉野啦！」「 咁就梗係有難度先叫你做啦， 冇難度使乜搵你！」大佬有佢既道理。化骨龍，唔使擔心，今時今日有得搞。點搞？ 搵「蝦兵蟹將」啦！😂😂蝦兵蟹將位於銅鑼灣黃金地段， 鄰近崇光百貨，你估流㗎！蝦兵蟹將室內裝修舒適，望住希慎廣場，你估流㗎！蝦兵蟹將最近推出《燕鮑翅套餐》，有魚翅，鮑魚，燕窩，你估流㗎！清湯菜膽翅足一兩半翅，你估流㗎！南非鮑16頭，夠件頭，你估流㗎！冰糖燉燕窩，足一兩燕窩，你估流㗎！食哂魚翅，鮑魚，燕窩全套夾埋都係$338，咁抵，唔係流㗎！呢個$338《燕鮑翅套餐》已經賣咗一個月，都不知幾受歡迎。化骨龍見價錢咁抵，再叫多幾款點心，同埋一個水煮海鮮大燴俾King哥歎吓， 仲叫埋佢個妹(疑似朱茵飾演) 坐低一齊食，希望King哥食得開心。「點呀King哥，啲餸菜可以嗎？啲魚翅，鮑魚，燕窩粗粗地啦，我化骨龍做野ok㗎，唔係流㗎！」 化骨龍開始鬆毛鬆翼。「 你就真係流啦，流緊嘢嗰流呀，個流沙包你食到流哂出嚟啦！」老正King一句炳得好應。「 冇辦法啦King哥，嗰豬豬流沙包好鬼Cute 嘛！！」其實：以上有關化骨龍和King哥的對答：係流嘅。以上有關蝦兵蟹將HK$388 《燕鮑翅套餐》：係堅嘅。觀眾：做乜呢輪news feed 啲廣告咁長㗎！撥走佢啦！😂😂
繼續閱讀
值得一讚的食府。 果日放假，行完 Sogo 攰攰地，又肚餓未試下lor. 嘩! 試咗佢地個鮑魚燒賣，雞紮， 流沙豬仔包， 味道一流， 絕對唔喺普通茶樓味道， 碟碟都好精美。我地一班同事，一定去呢間食lunch。仲有一定要讚下個員工， 佢叫Dodo非常殷勤， 又親切有禮。 相信應該喺主任，佢 d服務好似酒店咁。價錢合理, 十分公道。而且環境都好舒適， 用我最愛紫色為主題 。 下個月我地成間公司book 場做自助餐同卡拉ok。
繼續閱讀