蜜雪冰城

營業中

休息中

蜜雪冰城，無論在香港還是在國內都是一間性價比極高的茶飲店。首先佢哋用嘅材料係真正嘅鮮果，起碼佢哋係用緊真正嘅檸檬，而唔係用緊檸檬加味劑，喺呢一方面嚟講，蜜雪冰城絕對做得出佢所講嘅「果茶加冰，夏天救星」。因為坊間有唔少嘅飲品店，都係用緊一啲嘅加味劑來取代真正嘅生果，嚟製造茶飲，所以呢一杯手搖飲品，可以話係真材實料。今日我就飲咗珍珠奶茶，奶茶味濃郁，珍珠亦都好有咬口。過往我亦都幫襯過蜜雪冰城嘅檸檬紅茶，佢哋嘅檸檬紅茶都好高質，茶味夠，檸檬味亦都重。

位於香港荃灣西如心廣場二期一樓的蜜雪冰城，以超高性價比取勝，招牌軟雪糕僅$5港幣！奶香濃郁且口感綿密，CP值爆燈！推薦經典原味口味軟雪糕，甜度適中不膩口。另有多款繽紛果茶及珍珠奶茶，例如蜜桃四季春、芋圓葡萄，全部十幾蚊有交易，非常吸引，學生黨及工人姐姐至愛。店面簡約明亮，地方寬敞，建議加幾張座椅，方便食客歇腳一下。即點即製，夏日消暑首選，街坊大讚「平過飲水」，路過必掃一支雪糕，銅板價享受簡單快樂！

✨過嚟荃灣西行街，見到蜜雪冰城竟然進駐黎如心廣場，即場已經見到好多人排隊，突然好想食雪糕同飲野，就試吓新嘢。✨價錢真係好平，唔怪得吸引咁多人嚟排隊😲✨蜜桃四季春🍑（$15）：揀咗正常堂、冰，有粒粒嘅蜜桃果肉，都幾大杯，夏天飲真係透心涼。✨新鮮冰淇淋🍦（$5）：食落有啲似雪芭，雪糕筒仲有芝麻，仲好脆添。價錢咁平，行開過嚟都可以逐樣試。