蛋撻王 (樂富市集)

營業中

休息中

本人一直都係蛋撻王fans, 過去2年都有keep住買佢既蛋撻食! 不過就一直都冇試過佢既其他食物...上星期去到蛋撻王個陣同平時一樣想買蛋撻...不過突然心血來潮想試下個北海道牧場牛乳樽...最後埋單...原味蛋撻X2 北海道牧場牛乳樽X1蛋撻就唔洗多講啦..keep住高水準..好味!個北海道牧場牛乳樽有4個味…我就買左黑芝麻味! 牛奶味好香..黑芝麻味都夠濃…因為自己本身都好鍾意黑芝麻..所以非常滿意! 其實我都想試埋朱古力味…不過一個人食唔晒咁多….下次先買!

常言道，簡單就是美，吃，最反映此道理。蛋撻者，香港美食之表表者，市面上以蛋撻為名的產品，不計其數，配上各種新奇的配方，成為多款新產品。而在下卻獨愛傳統，滾熱香口的蛋撻已經是人間美味。蛋撻王之撻，變化之大冠絕同行，但我只偏好傳統酥皮，酥皮鬆化，配合蛋漿的濃郁蛋香，咸、甜適中的口味，確實叫人再三回味。今天，又不自覺吃了2個。

前幾日係公司附近間蛋撻王買o左個"北海道牛乳撻"~ 之後幾日都念念不忘佢香濃o既牛奶味!!! 尋日唔駛OT,經過屋企樓下間蛋撻王 見到有北海道牛乳撻即刻買左半打番屋企同屋企人share. 同上次一樣,個撻牛奶味好出同好滑 仲要牛奶味唔會遮哂d蛋味. 個size又夠大隻,真係抵讚呀!

經過蛋撻王門口，見倒個凍櫃入面有西餅，魔珠蛋糕呢個名，其實有少少唔明點解會有呢個名呢? 唔通上面粒藍莓就係等如魔珠?揀左芒果仙子，睇真D原來啫喱面入面有D珠珠，(好似係台式飲品或者Frozen yogart o個d，係咪叫水晶珠珠?)芒果好甜，慕思軟硬度唔錯個蛋糕分三層，啫喱慕思海綿蛋糕不過我覺得如果曉明大哥的分量可以少d，慕思多番d，會再好食d。

不嬲都覺得蛋撻王d野係有d貴但係講好味又一般,,記得岩岩開果陣買左好多5同味道既蛋撻!係幾特別既!不過就味道就真係一般...買左2個葡撻返屋企食,,睇樣係幾好既,,,但食落就...麻麻...葡撻上面果d焦糖5夠多...亦都5夠"火農"...似食緊蛋撻多d...冇乜特別!睇黎下次都係買返傳統既蛋撻好d...

豆沙燒餅 $3 餅身好軟糯, 又好有彈性, 搓圓壓扁都得 豆沙香濃, 豆沙茸中還夾雜住紅豆碎 而且唔會太甜, 唔"漏"$3細細個, 唔熱的, 不過即使放上半日亦一樣好軟身還有另一款黃色皮綠豆餡的, 樣子好吸引, 遲d會試下

下午2點半開始(好似至到6點)曲奇皮蛋撻同埋酥皮蛋撻買一送一!!!$4.5有2個蛋撻~好抵~可惜~我的lunch time冇咁晏...所以~我食的~係正價嫁~哈哈~唔知係心理作用定係分店味道唔同~我真係覺得觀塘嗰間好味d呢~不過依家d蛋撻有暖爐~唔洗一定等佢出爐先食~都真係方便左~另外佢地有個迷你雞批~真係好迷你的~$3.5一個~都貴貴地~但真係好難食呀!!!!!!!!都係食返蛋撻算啦~

呢間鋪第一日開張我就幫襯咗，因為以蛋撻王為名，當然要去試下啦！其實個蛋達就唔差嘅，不過$4.5就係貴咗少少啦~~都不妨一試嘅~不過想一提，個蛋就好滑，而個餅底的牛油味好重！而且仲有其他包，味道上都唔差啦......睇到太公咁講，其實作為樂富的居民，見到咁多變遷，都好無耐架啦......不過希望愈變愈好啦(雖然無咩可能)

自從領匯大肆裝修樂富商場，不少食肆結業；難得看見有這家蛋撻王新開張 ，自然要飛撲埋去一試。既曰「蛋撻王 」，當然要一試其蛋撻；可惜，酥皮雖酥脆，蛋汁也滑，但蛋香完全欠奉，空有口感，食味全無。這隻姿色平庸的物體，還要索價$4.5，想起豪華、快樂等較之廉宜但又美味得多的出品，心裏禁不住浮起這一句：「唔好去搶？！」領匯大裝修之下，街坊價錢，平實質素的店家沒了，取而代之竟是此等虛有其名，價貴質素也見不得好之連鎖店，實在教人不勝唏噓；連這屋邨商場的面貌和通道，都變得愈來愈陌生。不知在附近的老街坊，眼見這一切的轉變，作何感想？