蛋撻王餅店

營業中

休息中

✨芝士蛋撻呢個蛋撻好有貌相，使人有點食慾😋👅芝士味好有鹹香～✨榴槤蛋撻我嫌榴槤太少lah😭😭表面嘅榴槤味好香濃，食落好重味💛而蛋撻嘅蛋香真係偏淡～覺得未值呢個價🧐

回程悉尼前，漫游下香港國際機場，找到香港出名小食........蛋撻，加配茶走，蛋撻2個加一杯港式奶茶，只不過是＄37，非常平宜。至於味道，真沒有想過咁好食，熱騰騰，一個酥皮、一個牛油皮，帶出不同境界，酥皮有層波香濃感，牛油皮超香及滑，蛋撻的蛋黃汁，很香香滑滑，配上一杯地道港式茶走，快活過神仙，點解悉尼沒有這樣好味的小食，蛋撻王..........✌️🉐️快快在世界各地開店啦，你✅sure win and 無得輸💯👍

作為香港人，菠蘿包呢個本土食物好令我引以為榮。一直都鐘意周圍試菠蘿包。朝早8點幾買個餐蛋菠蘿包$18。滿心歡喜揭開個盒，一掂個菠蘿皮，哇，林嘅。完全係買個菠蘿包放喺屋企第二日嘅狀態。但包唔軟熟都算。但擺得耐就對客人唔係咁老實。保證唔到個質素唔好影衰香港地道食物。不如唔好賣。遊客食咗都O咀。只賣蛋撻，做好一樣好過。浪費錢都算，浪費咗個肚仔空位同卡路里quota東涌地鐵有間菠蘿包價錢唔算相宜但質素有保證。

平時喺街見到蛋撻王從來都唔會諗住食，冇諗過今次係香港國際機場度竟然買咗呢一個蛋撻王。我哋買咗一個芝士撻同埋一個鹹蛋黃撻，都係$18一個，唔算貴。我覺得芝士撻如果再熱少少就會好味啲，佢唔算好甜，都OK。至於行鹹蛋黃撻，主要係個面加咗一層鹹蛋黃上去，下面其實只係普通蛋撻，食落口就係好似咸左少少的蛋撻，試過一次就算。反而要讚一讚佢嘅設計，佢設計左一張蛋撻椅同枱，我覺得幾有特色，完全可以吸引更多外國人知道蛋撻都算係香港出名嘅一種小食。

買了三個蛋撻，當中一個是凍的，返轉頭向店員反映了問題，不是要求更換，但店員回應那些蛋撻是放在爐內的熱盆上。熱的二個是好味的，不錯，所以下次再買來吃時，會留意是否夠熱。

第一次食到咁難食嘅蛋撻⋯十蚊一個蛋撻已經係機場最平，拎上手仲要係熱辣辣，點知一啖就出事。牛油皮蛋撻，撻水好淡，冇咩蛋味，皮都勉強過得去。酥皮蛋撻撻皮一D牛油味都冇！甜味都冇，好像食緊一疊塑膠紙，撻水都似白開水唔明點解會咁難食，學校canteen三蚊蛋撻好過佢千倍，仲要係「王」下次都係食m記好過

香港人鍾意去旅行所以知道機場有咩好野食都好重要雖然呢間蛋tart又唔係話真係超好食但係物價高既機場入面有呢種小食店係唔錯呢間舖頭位置大概係27號閘附近地方細細都係takeaway叫蛋tart王但佢唔只賣tart仲有糯米雞等小食但主打當然係tart佢有原味蛋tart 分別有牛油皮同酥皮我就試左榴槤味同咸蛋黃味價錢係再貴點本來覺得幾期待但拎上手發現原來係一個普通蛋tart上面吱左榴槤醬同咸蛋黃醬即刻失望左出爐蛋tart就最好食我食呢兩個唔係剛出爐所以唔夠熱只係暖暖地tart底普通屋邨餅店個d tart有時仲好食過佢榴槤味偏甜我自己都好食得甜所以覺得還好而咸蛋黃味本來估係怪因為我本身唔喜歡又咸又甜既食物但食落又ok鍾意食咸蛋黃魚皮既人可以一試不過因為價錢偏貴所以如果下次再想食我會揀返原味特別口味試一次就夠了

機場禁區開咗一間平民食肆，理應十分感動。由於價錢平，仲有燒賣和蛋撻食，排長龍都係值得嘅。B餐有燒賣10粒加一杯熱飲，都係$30，機場禁區內來講已經算係最平。全部蛋撻標榜係90分鐘內出爐，加上只係$10 一個，冇得唔食啦。眼見都幾多人買上飛機，半打半打咁買。仲有其他產品芝士撻、黃金蛋撻（即係鹹蛋蛋撻）、同埋鮑魚叉燒批（堅係有成隻鮑魚仔）喎，選擇之多，同價錢之平（機場）簡直無懈可擊原來仲有鳳凰卷，可惜唔見有人買喎⋯⋯最後我叫咗一份燒賣餐，另加一個蛋撻，都係$40。可惜無論燒賣同埋蛋撻都係凍嘅😩，好失望，咁大個人第一次食凍嘅燒賣同埋凍嘅蛋撻，完全唔好味。好懷疑佢嘅暖櫃功能，都唔熱嘅！標榜90分鐘內出爐又有乜意思呢？希望可以改善下。最後，奶茶OK！