影片
剛剛寫完泰豐廔食評﹐提及榨菜肉抹及叉子燒餅﹐便想順便寫一個虹橋的食評。虹橋我幫趁過很多次﹐基本上一般菜式都是平平無奇﹐甚至有些會令人失望﹔而服務也不行﹐本沒甚麼好寫﹐員工們更是標準馬迷﹐故絕不建議賽馬日前往光顧。現在要寫的﹐只有四樣﹐是百吃不厭。擔擔麵。這是很個人口味的﹐我很喜歡吃擔擔麵﹐雖不知道何謂正宗﹐但我心中擔擔麵沒有正宗不正宗﹐只有好味不好味之分。虹橋賣的﹐麵幼細湯香濃﹐沒有刻意多餘的花生肉碎或醬料﹐只是簡單的一碗麵及湯﹐卻頗對我的胃口。二十多元一碗擔擔麵﹐並不算便宜﹐但我還是久不久會來這裡坐下淨吃一碗。榨菜肉末。這味則是我太太的至愛﹐在香港吃遍東南西北﹐不分貴賤大小﹐還是這裡做得最對口味。肉末及榨菜切得夠細但不失香味﹐即叫即炒﹐絕不乾身﹐帶一點點的肉汁﹐才配合本身相當乾口感的叉子燒餅。叉子燒餅。香﹑脆﹑厚薄適中﹐做到這些條件﹐不太難。難就難在要把叉子燒餅中要來填餡料的空間做得好。在這裡﹐多數都烤得不錯﹐真正有一個“袋口”形狀的空間可放進肉末而不用勉強去“橇”一個洞而弄得滿手都是芝麻及餅碎。好此道者自然知道箇中奧妙。上海烤大餅。這味一向都是我喜歡的小吃之一﹐過往在黃埔舊店時﹐每次經過總會買一個來吃﹐個人而言較為喜歡甜的﹐但鹹的也很香口好吃。後來搬了店後因面對大街據說不會再賣﹐有點失落﹐後來不知甚麼原因﹐那個大爐又搬了出來了。不理甚麼原因﹐有得吃就行。未吃過的﹐要試試了(建議先吃鹹再試甜), 只是幾元吧﹐絕對有益過吃炸魚蛋。這個食評的評分﹐是給上面列出的四寶。不計上面四樣﹐還可以給一個"OK"的﹐但如果賽馬日去﹐怕要給喊面了。其它的﹐沒有甚麼可以介紹。再講下去﹐可能就要投訴虹橋的服務了.另外一提﹐虹橋的大廚休息時水準會差很多﹐連上面講的幾樣也未必會做得好﹐打算前往的朋友, 祝各位好運。
繼續閱讀
唔係話唔好食, 不過食了數次午飯, 一次晚飯, 次次都計多錢, 又唔見佢會計少喎... 係唔係有d奇怪先!? 晚飯過次仲係全餐廳得我地一台。計多左, 話比佢聽, 佢仲大聲問幾個伙計, 好似我欺佢咁。對唔住都無聲。晚飯過次, 又收埋過套餐牌, 等我地無端端叫貴左, 宮保雞丁同棘子雞丁, 來錯了, 算啦照食啦, 後來發覺價錢差成8元, 物同佢講聲, 叫佢改番張單, 佢就一聲唔出, 搶左碟餸話叫廚房做過, 碟野我都食左成半喎, 叫住佢都唔啋你, 佢完全唔理你感受。我得兩個人, 三碟餸, 你地三個伙計, 呀事頭婆你都埋我張枱幾次啦, 邊有可能計多個雲吞雞呀!佢午飯要收加一同茶錢, 晚飯兩個人仲要擺低兩碟小食... 嘩... 你响紅磡區做附近寫字樓同街坊生意, 唔好咁大咬啦, 我擺明係附近做野, 唔好當我遊客咁劏喎。四個客飯, 你有要計多個醉雞... 仲要毫無悔意, 你真係好野!
繼續閱讀
星期日同媽子飲下午茶前經過這裡，竟然見到有個人用碳爐燒緊上海大餅，媽子看見多年沒見的景象，便停了下來，果然如在上海的做法一樣，把粉團貼在碳爐內，好像很正宗似的，我們便忍不住買了一個吃，是咸的，很香很脆，六蚊便可使她懷念一番那種味道也不錯啊！但她說味道較正宗的多芝麻及帶有較多甜味！下次有機會試試其他菜式，是否正宗上海菜。
繼續閱讀
呢間飯店仲未closed, 只不過搬, 而且環境比以前細一半. 叫三一湯套餐+ 花雕醉雞.- 花雕醉雞- 雞肉十分嫩滑, 好香花雕酒味!- 糖醋魚柳- 個汁唔錯, 送飯一流, 但魚柳有D腥.- 蝦仁炒蛋- 好少蝦, 比較咸DD...- 腿茸津白- OK啦!- 酸辣湯- 雖然好辣, 但好多料.- 砂鍋菜飯- 比較油膩.食飽後問侍應哥哥有冇糖水送?(以前舊舖有糖水送)佢話冇, 咁就算啦! 之後叫部長叔叔埋單後, 佢好識做, 問我地食唔食豆沙鍋餅?? 佢咁有誠意, 無謂拒絕人啦^O^...抵我下次再!
繼續閱讀
冷盤- 有五香牛展﹑海哲及肴肉﹐味道頗淡﹐而且雪得太凍﹐肴肉入口時仲食到少少冰碎﹐冷盤變左冰盤。腰果雞丁- 腰果炒得唔脆, 雞丁﹐可能雪得太耐唔夠新鮮﹐完全無雞味﹐肉亦無彈性﹐軟趴趴。砂鍋雲吞雞- 唔夠料﹐味濃但只鹹不夠香﹐而且明顯食得出有落重味精﹐食完好口渴. 蝦仁炒蛋- 蝦比較少﹐而且唔爽口回鍋肉- 當晚其中一樣失敗菜式。炒得太鹹﹐完全唔辣﹐菜太多﹐肉片及豆腐乾各只有寥寥數片。糖醋排骨- 呢樣最好笑﹗原來糖醋排骨就係一碟類似炸排骨的肉條,都唔係骨﹐再另上一碗甜酸汁。味道算過得去﹐但感覺太馬虎﹗擔擔麵- 湯底色深但味淡﹐味道主要係來自碗底的少少花生碎及醬﹐否則其實等如陽春麵(即淨麵) 一碗,麵好淋好難食。又唔辣.
繼續閱讀