虎爺海南雞 (已結業)

開咗咁耐,日日返工見到,竟然係第一次食佢🐽招牌海南雞飯,無骨啱晒我,而且啲肉質好嫩！黃油飯唔係好油,乾身啱哂我好中意點個甜豉油,同雞好夾又好啱我撈飯食個老火湯就普通,有些少咸,整體呢個lunch好夠飽下次再試吓其他款我用openrice訂餐佢好快就預備好,去到即刻可以拎,無需要服務我🤣師傅繼續切佢嘅雞

見客後行過灣仔，見到有呢間海南雞飯嘅隱世小店，可能係我真係好鍾意食，所以一見到即刻入去買咗個外賣返公司食！總結而言，雞好多，同老闆講多飯佢即刻二話不說舀多咗飯，勁啱大食嘅人，啲雞整得十分好，但飯就略嫌乾得制，冇咗油飯嘅感覺，總括而言屬中上之作！老闆繼續加油！

成日經過又見評價不俗，買半隻海南雞加餸。要$88，比灣仔其他店舖賣嘅海南雞貴$10。心諗好食就冇所謂啦。結果有D失望，明明另附薑蓉、泰式酸辣醬、黑豉油，但係隻雞好鹹，鹹到似鹽焗雞！以我嘅認知海南雞應該有鮮味，唔應該咁鹹的，肉質好一般，冇乜彈性，唔知同隻雞唔係即時斬有冇關係。（係一早切好雪住的）

由於太肚餓關係，咁求其就買咗個海南雞飯食，初初連間舖名都冇留意，$48呢個價錢就唔諗啦，買返屋企食，返到屋企一打開，可能太肚餓關係實在太香，食咗一大啖飯先，啲飯好香好有口感，好好食，再飲啖湯試下，花生眉豆煲雞腳，冇揸流攤足料都好好飲，但係就細碗咗少少，再食件雞，嘩可能我真係太肚餓關係實在太好食🤤，好香好滑好軟熟，再加少少醬汁好正，我食唔少海南雞，灣仔來講應該係最好食嘅海南雞，路過真係要試吓，依間嘢唔係好起眼，應該冇乜知名度，但係真係，好好食！！好好食！好好食！有驚喜嘅隱世小店👍🏻👍🏻👍🏻

呢幾日爸爸媽媽去左探親，做左留守兒童👧🏻🥹所以就出去買外賣返屋企食。見到灣仔呢間海南雞專門啲飯咁抵食就試下啦🥳＊＊＊＊＊🍳🐮溫泉蛋日式牛肉飯 $40我叫左個日式牛肉飯，薄切牛肉片加埋甜甜地嘅醬煮好正，撈埋食一流呀🥰仲有隻半熟温泉蛋添，香濃嘅蛋汁配白飯就咁食都好味😋🐥🍱招牌無骨海南雞飯 $45另外幫屋企人買左呢個招牌海南雞飯，啲雞都幾香，份量都大份，好抵食呀😋🧃紙包飲品 跟餐+$5＊＊＊＊＊

-灣仔新開的海南雞小店虎爺海南雞性價比高呢，肚子餓的時候也難抵抗召喚''\^^/''最簡單一盒雞飯連湯45蚊起有交易，完全唔貴啊～-招牌海南雞飯雞油飯有用心調味，飯底有薑黃和泰式香料及雞油香，海南雞肉份量多也算滑٩(๑^o^๑)۶海南雞已經去晒骨，最啱晒懶人雞肉咬落實肉唔霉，咸香也不肥膩。例湯也捉料無味精 (Yummy)-泰式鳳爪跟餐可以加配各種小食趁天氣有D熱熱地，買盒泰式鳳爪解暑就最正 ，鳳爪份口酸中帶微辣，爽口呢。

虎爺海南雞 (灣仔)灣仔灣仔道181號C號舖今日買咗兩個飯盒外賣一個係招牌海南雞拆骨套餐飯$45打開飯合，黃油雞，閃令令，粒粒分明嘅黄油飯，啖啖甘香，雞皮脆滑，肉質鮮甜，嫩滑多汁，點三種唔同醬料，好食非常，真係抵食，必食推介👍👍👍另一合泰式無骨海南雞飯，皮脆肉滑，嫩滑多汁，不在話下，點小小泰國雞醬，又係一番滋味，淡淡甘香，飲埋碗🥣雞腳花生眉豆湯，夠晒火候，味道香濃，甜潤，食過返尋味，極力推介😋😋😋

虎爺海南雞 (no English name) opened recently nearby. It was a takeaway only shop that served mainly Hainan chicken rice. There are other options but it's mostly Hainan chicken rice that costs only $45. As I live nearby, I decided to order takeaway for dinner.Menu is in Chinese only. There isn't any English and there is no 10% service charge. It's also takeaway only. There are no seats available.  They serve various chicken rice dishes along with snacks.  The chicken rice varieties is mostlyHainan chi

位於灣仔的海南雞外賣店，店舖面積不大，只做外賣。環境企理，門口放置了凍櫃，入面有涼拌小食及整隻雞。餐廳供應不同口味的海南雞飯及小食。海南雞：麻辣無骨海南雞飯 海南雞飯，跟一小碗老火湯，可以選擇白飯或雞油飯。海南雞賣相不俗，排列整整齊齊，份量適當。雞皮光鮮油亮，雞肉滑嫩，油飯偏黃，飯粒分明，帶油香。這份是麻辣口味的，所以額外附加了辣醬汁，按自己喜好加添，整體味道變得麻麻辣辣，很惹味。湯水是花生雞腳湯，很足料，清甜，不會太鹹或濃。小食：泡椒雞腳 雞腳醃得入味，而且加了泡椒，所以越吃會越辣。

屋企冇煮飯，返屋企前叫咗一份海南雞外賣。是但叫咗個泰式無骨海南雞飯，肉質鮮嫩，口感好好。不過雞翼尖唔係無骨嘅三色醬汁各有特色，一雞幾味，好似一次過食咗三款餸咁尤其係酸嗰款唔太辣，好啱我嘅口味。另外兩款都正正常另外香油飯都好好食，飯粒分明，唔會太實唔會太糊，同埋好啱配埋海南雞。除咗海南雞，呢間店嘅湯都好好飲。花生眉豆雞腳湯，雖然細碗，但一個人食好夠。湯底清甜，啲眉豆、花生同雞腳都煮得好腍滑，忍唔住一飲而盡而且佢寫住無味精，飲落去都唔覺得口渴。個碗嘅公仔好可愛我仲點咗涼拌麻油海蜇頭，啲海蜇頭爽脆，配上麻油味道香濃，令人胃口大開。調味恰到好處總括而言，呢間海南雞專門店嘅外賣餐好出色，價格都好實惠。原本諗住留返少少比屋企人返嚟都試吓，但食下食下我已經食晒

環境5分：外賣店地舖細細間，有個飲品雪櫃同收銀部，有隻老虎達摩同招財貓做裝飾，簡單企理可以畀滿分。衛生5分：所有食物即叫即做即包，包裝穩陣又乾淨，一樣畀滿分。服務5分： 收銀爽手唔囉唆，態度好好，電子消費種類多，服務都可以畀滿分。味道4分：招牌無骨海南雞飯份量都幾大，Ｄ雞同飯分開格，油飯薑味唔會太重又唔會好油，D海南雞皮光肉滑，三個汁都好味。跟餐碗花生雞腳湯味道好濃好入味。抵食3分：$45個午餐大大盒飯有無骨雞又有靚湯，灣仔正常價。

灣仔道有唔少餐廳同埋外賣自取小店今次經過見到依間海南雞飯門面睇落去乾淨整潔餐牌食物價錢非常吸引😎😎無骨海南雞飯都只係40幾蚊🤩【泰式無骨海南雞飯】估唔到盒飯嘅份量都幾大又真係好抵喎👍🏼👍🏼海南雞份量都算多雞唔算肥，雞皮好薄雞味都幾重，係幾好食😋黃飯粒粒分明，又唔會好油膩好岩我口味❤️買飯仲有湯附送今次係花生眉頭雞腳湯😍湯嘅味道濃郁，好好飲！所有配料都非常入味，好有家的感覺😊😊

成日煮飯都頭痛食咩好，有時返工太忙，都想做一下「無飯家庭」，當然食兩、三餸飯就最方便，但就有點委就自己，於是有時心思思，都會想食下車仔麵、海南雞等香口菜式。呢日經過街市無買餸，行過「虎爺海南雞」，決定買少少外賣返去屋企一試。呢日我試嘅係麻辣無骨海南雞脾飯（$50）、麻辣海帶（$18）同 (細)泡椒雞腳（$22）。麻辣海南雞飯嘅雞肉軟腍，雞皮爽薄不肥有雞味。而個油飯粒粒分明帶油光，亦有濃郁油香，配埋個麻辣醬汁，辣汁味重，香口好吃，好快就可以KO完一盒飯。至於麻辣海帶好有咬口，而泡椒雞腳就好入味，最後飲埋碗花生雞腳湯中和一下濃濃辣味，食完成餐真係好滿足！虎爺海南雞 (灣仔)地址：灣仔灣仔道181號C號舖

今日去車灣仔開會，買外賣上去朋友到食，見到呢間外賣海南雞專門店，有泰式、又有麻辣😍😍，即管試試。買咗半隻海南雞$90，小店用上三黃雞，半隻份量都唔少，冇骨。三黃雞肉質特別細嫩，味道鮮美，雞味、香氣十足。走地雞嘅關係，脂肪唔算多，啱晒我😋😋😋😋加左2個雞飯$15盒，份量好足，大大盒，用上雞湯煲成，雞油味香濃而不肥膩，米飯粒粒分明，香料香氣突出。朋友唔食辣，鍾意食辣嘅我，下次一定要試試麻辣無骨海南雞😌

比起連鎖餐廳🍴其實我更愛支持小店灣仔道真係啱晒我日日幫襯一間都有排食虎爺海南雞🐯🐔好生臉口 似乎係新開嘅門口有個易拉架$45海南雞飯仲送例湯咁平點可以唔食花生眉豆雞腳湯❣️真心煲到好濃 仲要係冇味精㗎淨係飲碗湯都值回票價花生眉豆全部都好淋啲湯渣好食到全部食晒係屋企嘅味道呀海南雞飯全部都係無骨嘅想食雞髀嘅話可以加錢轉點咗一份豪氣嘅雞髀 一份正常因為唔知啲油飯會唔會好膩所以一份要白飯一份要油飯感覺冇咁邪惡油飯食起嚟重香茅味唔會好油啱晒我雞肉份量好多食落好滑 海南雞飯就跟醬油、薑蓉、辣醬麻辣雞飯個麻辣醬真係好好食又夠麻又夠辣仲要好香口其實仲有好多小食賣下次要幫襯下佢個茶葉溏心蛋先😎