蘭英印尼小食 (已結業)

每一次行開呢一區, 師傅一定要黎呢度食d野, 因為呢度有一間好細間但好出名印尼燒烤, 所以一串好, 兩串又好, 點都要滿足下, 尋日亦唔例外!去到食店前立即叫左一串花枝丸, 一串豬頸肉同埋一串豬肉! 老板娘即叫即燒, 等左幾分鐘就有得食! 花枝丸絕對係師傅至愛, 一串有四粒, 花枝丸燒得好香, 而且爽口彈牙, 加埋d沙爹汁, 真係好味到不得了; 豬頸肉又係燒得好香, 十分爽口, 好好味; 豬肉反而冇咩特別, 夠鬆夠香, 都好好味!總括黎講呢度串燒真係非常好味, 其他野食例如珍寶腸, 牛肉等都值得一試, 反而佢d飯師傅就未試過, 因為師傅好少機會呢區買外賣, 但如果堂食話, 環境就唔係幾好喇, 係一條後巷, 所以師傅從來都未試過堂食! 不過師傅下次一定會再黎, 淨係為左花枝丸再黎已經值回票價!

九龍城並非只得泰國菜獨大,在九龍城廣場對面,有間印尼小店"蘭英",其燒物也有水準.中午前來,一心為了吃燒雞髀,可惜始終不夠一班國際學校班"嘩鬼"早,差不多將店內的雞髀吃清光,退求其次,要個串燒黃飯.小店模式經營,大多人以外賣為主,如果堂食的話,就要開章張摺檯坐後巷,名乎其實做"後巷男孩".講緊的當然不是我這個老鬼,而是一班十來歲的學生哥而已.串燒當然即叫即燒,自然新鮮滾熱辣.今次的雞肉同豬肉,本身已醃得入味.在電爐上燒時香氣四溢.加些微辣的辣醬,真夠醒胃.其黃飯除黃薑之外,只加蛋絲去炒,非常簡單.味道同樣刺激開胃.連一杯降火的冰凍西檸茶,只不過$22,非常便宜.

朋友仔專登行去買雞脾黃薑飯俾我食雞脾一開四食得好方便皮燒得脆沙嗲汁野味只係略嫌d汁唔夠辣黃薑飯金金黃黃咁既樣好靚加左蛋絲一齊炒唔算好油但就好似無落鹽咁不過overall係ok架

第一次和同事去呢度食lunch....初初向後巷開張枱咁食，嚇左一嚇，但又的確好食！叫左$22 串燒雞黃飯- d炒飯好香，即炒，正$22 什錦黃飯- 幾多餸，咖哩汁都唔錯送青檸茶/芒果茶- 不太甜，good！另外叫左d 雞/豬/牛/豬頸肉串燒@$6燒得乾左d麻麻地....

都係睇雜誌先識來!雖然呢輪加左價,好多串燒已不再是$5串,但依然抵食+好食!因工作闗係,次次去都係夜晚,所以左響後巷食都唔會話太熱~ 食左咁多次,而家通常都會叫雞脾黃飯+花枝丸+雞腎串~雞脾出名好味唔使講啦,老闆娘細心地將之劈為4份,方便進食。真係燒得好入味,配埋沙嗲醬,平日怕肥唔食皮既我次次都忍唔住吞埋塊雞皮呢!黃飯炒得好香好乾身,唔油膩,不俗不俗!而花枝丸同雞腎係我地既至愛!花枝丸好香好彈牙,係出面食唔到既貨色,加上秘製辣醬真係停唔到口!(我地鍾意大辣,真係好辣但十分美味!);而雞腎亦好爽口,好香,同出面好「un」好乾既真係好大分別,必食!至於其他串燒個人覺得都ok,不過最鍾意都係以上所講果d!同埋不得不提既係芒果茶同青檸茶,雖然都係用水開,不過味道好特別,好好飲呀!^^最後要講既係,老闆娘超好記性,佢地去過1-2次果陣佢已經記得我地第1次去係幾時同食左d咩~犀利!

花枝丸$6 very good, must eat!司華力腸$6 good, must try...豬頸肉$5 good鴨腎$5 OK牛肉$5 有點硬...so..so..

行了兩條街，時近三點，餓著肚皮但仍沒頭緒想吃什麼，在商場行個方便時，走出馬路，就見到這檔子，決定在這裡吃個快飯。這裡是街檔格局，牆上貼有多款飯餐，火速選了豬頸肉飯，白飯入口軟熟，用爐燒的豬頸肉不算很爽口，但也有香噴噴的肉味，當然比不上鄰街隆姐的炭燒豬頸肉來得吸引，肉面上帶有花生醬味道的醬汁，杰杰的，用來「醬混飯」的效果不太好，令飯愈混愈乾。而餐飲的立頓牌青檸茶，出奇的好飲，青檸味道不過酸，甜度適中又夠凍，用來化解熱氣，不錯。

$5 四粒大大粒乒乓球size花枝丸串燒, 即叫即燒, 好抵食. 問加唔加辣, 其實是加沙爹醬, 沙爹醬雖然唔辣, 但很香很美味.$5 5小粒雞軟骨, 還不錯, 但相比之下就無咁抵食.還有多款串燒供選擇, 下次再試.外賣自取, 環境幾差都無關係.

上次經過食左花枝丸, 好正!今日二人專登再來試下...串燒花枝丸,花枝丸有質感,依然好好味,串燒豬就普普通通,雞肶黃薑飯,飯粒粿粒分明,夠熱,即粆真係唔同,好香口又好味,反而雞肶比較乾,相對又唔夠香同熱...送杯香芒茶,雖然應該係香精茶,但都好味...當日巷仔傳來陣陣異味,看到後巷大廈有很多排污水渠,當堂甚麼好吃也無用,因怕會有好像淘大的水花水氣飛沫問題, 未飽都即走人. 結帳30大元真係好底食, 但係衛生問題存在極大隱憂,另如帶朋友一同,要考慮朋友是否能接受環境問題!...經多番思量,衛生問題不能妥協,不得不給個劣評!希望店主能夠快快另找一個合適地點...

走到這裡, 在熱辣辣的爐邊, 等雞脾黃飯及青檸茶. 沙嗲醬, 因未試過, 保險地要小辣. 不一會, 就可以開餐.雞脾, 未烤得足, 若多烤一會, 可更香口, 而所下的醬, 小辣只係小小辣. 黃飯方面就幾滿意. 飯是即叫即炒, 好爽身, 顆粒分明, 黃薑粉香味飄飄, 好味.青檸茶, 在這種天氣下, 就略為欠凍.基本上這是滿足的一餐. 下一次, 沙嗲醬要大辣.

記得每一次搭車落去九龍城都會經過呢度，有時仲見到有人响門口排隊等買串燒，前一輪雜誌仲有報導介紹添，好似幾得咁，就去試試...又有一班學生哥係門口等緊，橫掂都唔趕時間，就等等la..本來想堂食，但實在太熱嘞，卒之要買走，叫雞牛各一串試吓...肉切得算幾大嚿，醃得算入味；醬只係叫小辣，味道温温吞吞，普普通通，有D後悔冇叫到大辣。都係小辣椒D串燒比較啱我口味...

今日又再黎食過，可惜老闆娘行開左，得老闆一個做唔切，唯有較慢個燒烤壚慢慢燒，方便自己做第二樣野，結果燒得唔夠香口，有Ｄ失望，另外試左燒花枝丸，味道幾特別，值得一試，貪心Ｄ再加個巴東牛肉黃飯（套餐＄２２蚊包埋野飲），巴東牛肉香腍入味，好有牛柳feel，個炒黃飯粒粒分明，煙煙韌韌，食到底連油都見唔見滴，雖然白飯改黃飯加５蚊，但係即炒得咁好食就乜都抵返，相信都係工多藝熟之故。今次個沙嗲汁唔辣，不及上次個辣沙嗲汁咁好味，同官塘華苑印尼餐廳比串燒類蘭英贏晒，巴東牛肉就各有千秋，如果比較埋價錢，蘭英就真係抵食到冇野好講咯。

九龍城食串燒相信唔係乜野新奇野，而比較有代性既串燒店有小曼谷同泰式燒王，蘭英大部份串燒賣5 蚊一串，價錢比人平，而份量亦細少少，正確Ｄ講應該係薄少少，難得既係燒得剛剛好，唔太乾，醃料唔太多，食得出有肉汁，今次試左：雞肶，皮脆肉嫩，加上味道好特別既沙嗲醬，11 蚊隻雞肶絕對超值，另外串燒豬肉有肉味，豬頸肉薄薄地唔肥膩，全部都好正，相信原因係老闆娘燒得好心機，睇得好緊，絕不馬虎了事，你去小曼谷門口睇下，一個人燒幾十串，一路燒，一路用較剪剪左黑色部份，咁既出品邊講得上用心機？而對家泰式燒王個肥仔大廚一個人負責燒烤又要䏲埋廚房，質素亦時有失手，加上兩間味精都落得好重手，食完勁口乾，而蘭英既串燒就冇咁既問題。蘭英個沙嗲醬汁極有水準，味道深沉有餘香，同市面上一係勁甜一係勁辣既沙嗲比正得多，我見Ｄ街坊最多人幫趁印尼炒飯，22 蚊一個餐，跟兩串串燒同一杯飲品再加一個即炒炒飯，冇錯，真係唔講得笑，order 一個炒一個，情願不停咁炒，都唔會預先炒定一大煲貪方便，呢種敬業精神，保持出品水準先係小店成功原因，可惜知易行難，除左蘭英又有邊間肯咁做丫？小店雖然款式唔多，基本上連座位都冇，祇係o係巷仔開左兩張檯

　　呢度主打係印尼串燒，地方十分淺窄，坐低食就真係爭ＤＤ，因為係後巷嚟。企定定或者外賣都會係一個好選擇！　　我去開九龍城都會幫襯，有好多選擇：豬肉、豬頸肉、雞肉、雞軟骨、雞腎、雞翼、雞肶($11)、牛肉、煙肉腸仔卷．．．　　尋晚外賣咗10串，承惠$50，都好抵食！食得辣就要試試個魚露醬，辣到噴火^^"正！

九龍城有咁多間串燒店,喱間燒得比較好,試過燒雞翼, 燒花枝丸,燒豬頸肉,可算是皮脆肉嫩,不會過分油膩,沙爹醬好香,好滑,更是一絕.另外又有位坐,雖然係坐o係後巷,但坐o係度望住九龍城街景,幾有懷舊風味.