蘭芳園

營業中

休息中

7.1之日，咩住部機通街跑在幾個鐘，跑到成身濕晒之後，諗住過開呢頭，順路啦。點知原來水記、勝香園、同埋成條斜路都休息。將就將就咪走入去蘭芳園涼冷氣。門口果個摺橘位，我只係夠放個肚上去。先黎個凍奶茶，加個蕃茄豬扒蛋通，蛋煎得香口，正合心意，最怕D煎完都係白雪雪的所謂煎蛋。無邊的，點算係煎蛋？豬扒炸到乾左，有D鞋。5顏6色的粒粒就凍添。幾草野食個茶餐，一個字講晒：低！

昨日在一支公中環唔知食咩好, 行行吓終於又去番蘭芳園. 一向不太喜歡食撈面, 但妤想試吓其他嘢, 呢度薑蔥雞扒撈丁咁出名, 決定試吓, 果然好正, 薑蔥好新鮮, 雞扒肉質鮮嫩, 皮亦炸得好香口,可惜我唔食雞皮而放棄, 麵汁亦好惹味,是下午茶的好選擇.

20050703 2pm晏o左起身, 跟男友在此午餐. 2pm o黎到都依然90% 滿座.2人吃-* 我食- 薑荵雞扒撈丁, 食過不下數十次的至愛食品之一. 今日呢個可能比人話得多, o的油落少o左, 個麵撈出o黎有o的削, 好彩雞扒依然惹味.* 男友食- 蘑菇汁豬扒撈丁, 豬扒一般, 蘑菇汁亦係一般, 咁樣計的話叉燒汁豬頸肉會好味o的wor.* 凍奶茶x 2 - o的普通冰落得多得滯整到淡晒wor老細.* 奶友豬仔包x 1 - share食, 男友嗜甜, 最鐘意呢個, 包香脆, 煉奶甜, 都可謂無敵組合. Total $75.個笑面係送比奶油豬o既.

睇完戲後, 去擺花街一陣, 之後去蘭芳園食野...我當然係試招牌豬扒飽& 奶茶啦!奶茶- 一個字形容"滑". 豬扒包- 用左有芝麻漢堡飽, 豬扒肉質鬆軟, 再加蕃茄及沙律醬, 唔錯!

好味道ar!!不過無上次咁想再去食個下衝動la，好惹味，but 我嫌個size 細左d ，but 個雞扒幾多，食完覺得自己好肥...都值去ga!!

星期四上午在灣仔上課,12時放學,心血來潮到這兒吃牛脷包。午飯時份人自然多,一坐下已催我叫嘢食。叫了牛脷包及凍奶茶。牛脷包用上某家傳户曉牌子的芝麻包,入面夾着沙律醬,蕃茄片及薄薄的牛脷。牛脷有點硬及靱,完全無特別。包亦烘得不脆，頗失望。凍奶茶茶味不夠濃,奶味亦不重...末夠火喉,快餐廳還好一點。總括來說很失望,只做宣傳而不下功夫保持水準是失策的。

包只係烘熱左既嘉頓芝麻包(麥香雞用果隻)，豬扒炸左冇乜油，幾好，不過唔覺有乜特別，佢只係一塊滑滑地但冇味既肉都係果句，廿二蚊咁既質數，好難過關

We need to take a walk to climb all the way to here, but the food is worth the walk.1.豬扒包:9分2.豬仔包:9分3.薑蔥雞排撈丁:8分4.凍奶茶:8分Among 2 signature dishes, I like 豬扒包more. 豬扒very soft. 豬仔包is another nice choice. and it would be the best to end the meal with a nice 凍奶茶here. maynot be the best, but already a pretty nice iced milk tea.

前兩天出開中環,終於試到啦,因為睇過黃德如的專欄話牛脷包($10)好用功夫整,好好味,於是就嚟試吓,入到去又想試埋佢個豬扒包,便叫了凍奶茶,豬扒包和牛脷包,其實對個豬扒包有D失望,因為係用嘉頓漢寶包而不是硬豬包,但好在有烘熱,豬扒亦好稔...不錯~ 奶茶第一啖覺得甜咗D呀,但飲飲下又OK,如果下次我會叫少甜囉因為見唔到個餐牌同牆上的報道有講到牛脷包,便問佢"係咪有牛脷包架?" 佢話有跟住就打電話叫牛脷包,好奇怪呀,才知道原來佢有分店响隔兩間店,牛脷包他們這裏不做便打去order了! 總之塊牛脷真係好正,好稔好香好軟,一定要試,仲好味過豬扒包架!!

放工時間黎,原來冇乜人,幾好.叫左薑蔥雞排撈丁+凍奶茶,$34.薑蔥雞排撈丁,撈丁味道唔錯, 麵身本身似乎已有淡淡的鮮味,可能用上湯煮.雞排係炸既,皮脆亦唔太乾,幾好.只可惜實在太多薑,連鍾意食薑既我都要掃走一部分薑先食到.凍奶茶真係用左奶茶做冰,不過得兩粒,其餘都係普通冰.味道濃郁,亦夠滑,同金鳳既冇冰凍奶茶真係不相上下.P.S.呢度7:30pm就收,要黎就要早D.

今日又來個即興外賣蘭芳園，一嚐豬扒飽威力！兩個月來都有幫襯過一兩次，近兩次的奶茶變得不「滑」了，到底出了什麼問題呢？！外賣更加是「重手」，過份甜，連吃開甜的同事也覺得重手，莫講這個忌甜的我。至於首嚐的豬扒包，無疑比起一般的「鬆」，相信全賴忌廉汽水功勞，味道也很好，老實說不太有驚喜；反而，令我掛念丹麥那塊平平無奇，硬實的豬扒哩！亦小試熱狗，用上我至愛燒烤雞肉小紅腸配超勁芥辣醬，不愛芥辣和食開廚師牌腸的朋友一定不大喜歡，但總算過得去。菠蘿雞式試人家什菌豬扒撈丁，一直以為什菌多數是白汁，誰不知是洋蔥汁，試了小小，主角豬扒是招牌貨，但不要抱太大冀望，個人認為是一般的．．．再者，不知是否名氣升，人多價錢又略貴，若水準再下調．．．看來要下一城找找第二間好吃下午茶之選罷。

服務態度又唔係好友善D 奶荼其實只係比外邊好小小咁多啦。

上兩個星期六，心血來潮想吃牛包，因為好耐冇食過。星期日約三時來到，極多人排隊輪候，好不容易才等到位。坐下後便打孖要了兩個，加一碟雞撈丁，牛包真係好好味，不過今次塊牛冇入口即溶的感覺，不過芝麻包焗得極軟熟，冇得彈！撈丁不過不失咁啦，今次麵條淥得太夠，有點腍。進食期間，聽到有很多人叫豬扒包，下次試先！請各食家注意︰6 號舖逢星期六休息，而舊店是沒有牛包吃的，若欲一試，請不要在星期六前往，以免摸門釘。

食過咁多美食，當然要運動一番，於是用捷徑上堅尼地道懷舊一番，然後向西行，經過不少中學，例如波記、蕃薯、醒祖洩、舊樹懶等等，不經不覺到左半山，還見到十年前的靚女同學，樣貌依舊咁索，而自己已經得又老又殘又肥又乜咁，不過問題不大，因為乜都睇化曬。經過肥彭食tart的店舖，依舊排長龍，經過路口落少少便是上次出guide時組員介紹既食店，當時係買左杯外賣凍奶茶，諗番當時早的黎openrice，份assignment可能會做得好一些。有幸再坐一會，當然唔會放過它，一來就來過凍奶茶，可能諗緊食乜小食，唔記得叫佢走冰，不過味道還沒有受到太大影響，冇苦澀味。為了身子好一些，打消點撈公仔麵的念頭，轉戰豬扒鉋，沒有期望之中的過得去加好少少，豬扒還不夠鬆化，飽有些少脆脆地。不要太下下執著期望，便是美好的開始。臨收舖時依然人頭擁擁，可見受歡迎的程度依然不減。今日返工時先知坐我後面同事，同一日也來過這裡幫襯。

完全體現港式創意的食物。「撈」，混也。「丁」，日本即食麵，出前一丁是也（不，不是殘酷一丁）。「撈丁」，簡潔而富有引人入勝的魅力。名氣大，味度如何？雞排尚算軟熟，麵與蔥油混在一起，嚼起來，不能不想起白切雞，只是一件件和一條條確有分別，有點怪，有點保留。絲襪奶茶名震江湖，一呷，濃淡得宜，好。