蘭芳園

營業中

休息中

茶餐廳簡直係香港最偉大既發明！在中環亂碰亂撞，又周圍問下人…終於黎左蘭芳園！星期一既兩點半黎到，唔洗等位，不過地方比較迫。男朋友叫左個蔥油雞排撈丁加凍奶茶…碗丁唔算大，但係見佢唔會好乾身，亦都唔係好油，雞排煎得好靚，薑蔥份量適中唔會令個麵好咸，我試左一啖雞排，見佢煎得幾乾身，但食落一D都唔乾，肉汁鎖住係裡面，而且一D都唔"鞋"口，我男朋友話D雞皮仲好脆添！凍奶茶裡面果然係有一大粒奶茶冰冰，好得意！但我起初仲以為係全部冰都係奶茶冰冰添！我男朋友話奶茶果真好滑，但佢認為都係太興既"冰鎮奶茶"正D…可能因為佢真係連一粒冰都無啦！我見到有沙嗲牛肉包，當然要試啦！事關唔係間間茶餐廳都有得食，要好食既就更難得…今次哩個唔夠沙嗲味，但牛肉都幾多，同埋唔會好似坊間既沙嗲牛肉咁"乸"到"淋"哂又無牛肉味，哩個保留到牛肉味同肉質自然…至於個包就普通D喇…都幾軟，但焗得唔夠香同脆…凍檸水少甜都唔係好覺佢少左甜，但係檸檬夠多，好夠酸又唔澀，好味！員工幾有禮貌，食物上得好快！有樣野好特別…茶餐廳有煎蘿蔔糕食，好多粥店都未必有，有機會都要試下！

吃飯時間, 中環度度都人頭湧湧, 蘭芳園出名, 出面當然排晒長龍。最喜歡奶茶, 很香滑, 用奶茶冰做凍奶茶, 的確好有諗頭, 唔會整淡晒。曾試1- 牛柳撈丁: 撈得有些干,麵有些膠口2- 蔥油雞排撈丁: 完全香港特色-fushion, 意念創新, 雞排又大又滑3- 蕃茄薯仔湯豬排通($29): 湯清清地, 好-好-味!!可轉雞排或公仔麵人多地方當然逼, 但見侍應有心服務, 食時也開心些。

有人請食豬扒包,個包身係似火農火農的豬仔包(魚柳包o個隻),食既時候暖暖地,件豬扒超鬆化, 可以連包一啖一啖食,唔駛用牙扯出黎!個汁份量唔多, 不過個味好夠, 甜甜地咁!我最怕食豬扒包油淋淋, 好彩呢個又唔會太油太膩, 食得過

最後一站,11:50am. 我地只系叫左杯凍奶茶$13,味道系吾錯,但杯奶茶得8成滿,仲要其多冰.$13吾抵飲.

昨日和辣椒女去中環行，本來打算去<一樂園>飲杯靚奶茶，但原來休息了，之後改去這裏飲奶茶。我們叫了凍奶茶、凍咸檸七和傳統舊式咖央西多士。凍奶茶- 太淡、奶味太濃、茶味又唔夠，相信熱飲會好點。凍咸檸七- 咸味好夠，又解渴，這樣熱的天氣飲杯都唔錯。傳統舊式咖央西多士- 炸得好脆、味道很好、又唔會太甜、咖央味也不錯，值得一試！很久沒有來了，只因自已喜歡濃味茶的奶茶。

今日朋友仔帶我一齊去試試出名的撈丁...我地三點幾去到...所以不太多人呢~!當時落住雨,我地拿住兩把遮...入到去已經有人問我地幾位,又幫我地放好把遮在門口,仲用橡筋幫我地扎好,方便我地走o個時唔洗周圍搵tim...入到去伙計都好好招待,D野食都好快黎到...雖然譽為香港第一o既茶餐廳,但係一D都唔"大牌" 呢~~我叫了一個豬排撈丁,朋友仔叫左一個雞排撈丁...再加左兩杯凍奶茶少甜~食第一啖的時候,覺得咸咸地,幾合自己口味呢!(記得撈下佢至唔會有D咸有D唔夠味ga~~)再咬一啖豬排...唔~一點都唔"un"又夠味wor~~真係好好味呢~再加埋出名的絲襪奶茶...Perfect!有機會一定會再去食其他出名的食品ga~"豬dum兜",架央西多士...

終於來試豬扒包和雞扖撈丁，兩點幾來到都坐滿。豬扒包餐($32 凍飲加$2) 磨菇omelet - canned磨菇，味道ok，始終新鮮熱辣，雞蛋也沒有煎過火，好難造得好難食。豬扒包- 麵包雖不是自家製的朱仔包，但都焗得皮脆鬆軟，豬扒味道不錯也不會過乾，但不免有些少鬆肉粉，整體來說質素仍高，我覺和澳門出名的大利來豬扒包相比也不失色。 雞扖撈丁餐($32 凍飲加$2)薑蔥多，丁麵乾身不油膩，醬油味剛好不過鹹，雞扖外皮煎得香脆可口，但內裹仍保留肉汁，又沒有雪味，好好。見鹹牛包($11)好似幾好吃，又試試，果然不錯，比豬扒包更好食。同場加映三位食家之間的對話- 坐在我們旁邊的兩女一男在講食經，當然豎起耳朵聽。一女推介元朗大坑渠佳記附近的糕餅店說在元朗區算相當不錯，有得食好過無得食。另一女說不夠好的話情願不吃也不將就，但表示試過誤信飲食男女介紹，去旺角一間叫什麼御品的食店超難食。ok收到。臨走還見到名模李嘉慧來光顧。

二人, 早餐:撈丁加凍茶不過不失

我都去食過2次,2次都食豬扒包同飲凍檸茶,豬扒包真的很好味,豬扒不太厚也不會'UN',可以一啖咬開,不似一些豬扒包咬時只咬到包但件豬扒仍然原封不動的,咁食法好無趣姐.杯凍檸茶呢我就覺得勝香園既鮮味一點,但呢度水準都好好喇,仲見到好多人食撈丁,但用蔥油來撈個人覺得怪怪的,anyway見的人食得好enjoy,相信都係唔錯既.

都已經第三次食啦, 味道依然很好, 叫左個雞扖撈丁, 晚餐洋蔥豬扖飯, 豬扖飽, 兩杯冰凍奶茶, 都係八十蚊左右, 好飽滿, 雞扖豬扖都好新鮮, 好香脆,撈丁味道好濃, 好爽口, d同學真係冇介紹錯!

星期六約左FD黎，想試牛利麵，點知新鋪冇開，試唔到。好掃興呀，唯有試下聰油雞扒撈丁雞扒幾香口，麵都OK，可能自己唔好蔥油，THEN整體覺得個麵唔係特別吸引。THEN因為唔甘心，今日我再去過，終於食到牛利包LA，真係好好味，個麵鬆化得黎又脆，牛利配埋沙拉醬同蕃茄好得呀！加埋COLD奶茶，正，不枉我咁遠走去食

內地有人到訪... 梗係搵d地道o既食物喇,絲襪奶茶係其中首選.. 上次星期日冇開檔,呢次星期六終於試到.. 叫左咖央西多士,唔使糖漿都咁好味.仲有當然係熱奶茶,好濃,有dd苦澀味.奶油多,奶醬多,厚o既,好脆..沙嗲牛面,都好..仲有三杯凍飲..一共87蚊, 唔平唔太貴咁喇..

睇過電視同好多食評介紹,終於找到呢度! lunch時間勁多人!!叫了\"心多多撈丁\": 有雞翼, 蛋及五香肉丁,味道偏咸, 而且唔食得辣唔好叫, d肉丁好鬼辣,感覺上好似好唔健康咁...食咁多咁快餐\既野落肚...同埋好似有味精....食完好口渴!!豬扒包: 好正!!! 果然係招牌!!!奶茶: 好滑好香!!~唔錯!!~最搞笑係男友同桌撞到小學同學!!哈哈~~~呢度果然出名....

都有好一排無來食, 今次食朋友提議去, 我當然無所謂啦!要左叉燒汁豬泵"dau"撈丁. D丁好淋, 唔知點解感覺上唔似出前一丁. 至於D豬泵"dau"就好咸, 加埋個橙色的汁, 整體上水準好麻麻, 結果係食唔晒, 三十幾蚊感覺上唔抵食.最搞笑係我地要左兩杯凍檸茶(一少甜, 一走甜), 兩杯係分前後上的, 拎來的時候都有講明係少甜定走甜, 結果原來係調轉左的...以前間中都會幫襯佢地的撈丁同厚多士, 希望今次只是一次"意外"呢~~

7.1之日，咩住部機通街跑在幾個鐘，跑到成身濕晒之後，諗住過開呢頭，順路啦。點知原來水記、勝香園、同埋成條斜路都休息。將就將就咪走入去蘭芳園涼冷氣。門口果個摺橘位，我只係夠放個肚上去。先黎個凍奶茶，加個蕃茄豬扒蛋通，蛋煎得香口，正合心意，最怕D煎完都係白雪雪的所謂煎蛋。無邊的，點算係煎蛋？豬扒炸到乾左，有D鞋。5顏6色的粒粒就凍添。幾草野食個茶餐，一個字講晒：低！