蘭芳園

營業中

休息中

lunchtime食過兩次, 一次坐係新鋪, 一次係舊鋪, 不過無論坐邊都係好迫, 有個waiter仲將d麵潑左落我既朋友度!食物方面, 我食過一次雞扒撈丁, 我覺得味道一般, 唔覺得同其他地方既有分別, 而且咁就要三十多元, 都幾貴喎. 第二次我食雪菜肉絲米粉+厚多士, 其實味道都係非常普通, 我都整得到, 不過都要三十元.飲過佢d奶茶, 個人而言, 真係飲唔出有咩咁特別.

今日去呢間食早餐.個火腿通D 湯有陣雪味....個荷包蛋Ok, 不過格離條腸仔未發育, 奀挑鬼命....個杯咖啡有陣"窿"味......整多個牛利包, 尚算OK, 不過條"利"又係俾人打橫切左一半, 薄"利"多銷, 無晒口感.....埋單三十一, 可接受.

I am not a big fan of meat source dishes, but today, coindentally, I ordered two of them...Obviously, Lan Fong Yuen is trying to make new dishes e.g. after the mixed instant noodle, I've seen something called 2 colored "Gwei Lo" (foriegn) rice. This is on the menu. It consists of 2 sources -- Herbal cream source with seafood (white) & miced meat source (red) then some rice at the middle with an egg on it. Although different herbs are being used in both sides, plus, the herbs being used for the c

同個fd 食luncho黎左呢度食...其實我想食炒公仔麵同奶茶不過我怕肥所以叫左<薯仔蕃茄豬扒湯通粉>同一杯<熱菜蜜>....好好味!!正!!!

當然知道這是定律。一個好多人都會忘記的定律...尤其是掛住傾計既時候。俾伙計半追迫、朋友「口水轟炸」、自己腦部閉塞既情況下叫o左凍T少田（凍奶茶少甜）...唔記得o左佢係用奶茶冰，結果混o左好多碎冰俾我。為o左塞住我老友把口，所以要o左最快食得完既牛脷包，等我轟炸番佢轉頭。（按：牛脷包仲細過老M 既漢堡包，乜都「超標」- 包括血水同沙律醬）

前幾日同一大班同事中午1點已到達, 超多人, 但都只是等了幾分鐘啫........環境有些迫, 但很有懷舊色彩及親切感, 我們選了很多食物, 有蔥油雞排撈丁, 豬扒撈丁, 豬扒包, 心多多撈丁, 薯仔蕃茄火腿通粉, 咖央………全部都超好味, 特別是咖央, 中間夾住一些醬甜甜的, 超好味, 但好肥, 一定要減肥先得啦!!! 還有奶茶一定要飲, 超正正正正正正正正正正正!!!但別忘記一定要行上一條街的天橋, 有一個地鐵特惠站“DO”八達通之後去中環站/香港站/上環站搭車平兩蚊呀!!!

Very small place but ALWAYS crowded. My FAVORITES!!!Chicken Lo DING! Noodles are cooked just right~Pork Chop BunFrench Toast!MILK TEA!!

今年(2006)初次到港旅遊,詢著網頁說明來到蘭芳園,原點了蔥油雞排撈丁,但不湊巧的是沒供應,後只好點了豬扒包+凍奶,友人點了西多士+熱奶,豬扒包整體來說不錯,但對西多士的印象較深刻,麵包香軟金黃,好吃,唯內夾的醬在我的感覺來說稍嫌多了些;奶茶,香,濃濃的茶味,喝了,才知什麼叫奶茶,之前喝的奶茶似乎都成了糖水,蘭芳園的奶茶成了我來香港最大的感動,從此我也成為港式奶茶的fans,我定會為了奶茶再重遊香港的.(阿姐聲音很大,但卻有種莫名的親切感)謝謝!

之前係開飯睇左好多人講, 食就真係第一次, 自己亦都經過好多次不過都無留意, 原來就係街口.星期六下晏本唻諗住食TRIPLE O, 不過呢排睇波捱夜都已經夠熱氣, 突然又諗起呢間野, 就上山一試. 一去到門口並唔起眼, 要轉入條卷仔先入到去, 肥D都真係過唔到, 等左一陣位, 一入到去好似"賓虛"咁場面都幾勁, 兩個人點左撈雞丁, 豬扒包, 凍檸茶, 撈雞丁搵香蔥油撈都幾香好味, 就無之前食友話濕0既情況, 豬扒包就OK啦, 無話特別好味, 凍檸茶就好難整得唔好飲0既, 食到咁上下都唔係好夠, 就追加個西多士, 都幾好食0既, 不過唔夠我之前係新源昌食0既咁厚同中間有層花生醬0既好味, 同埋我都係鐘意奶西多多D.總括唻講我覺得食物同勝香園各有長處, 不過呢度就有冷氣唔係乾煎咁辛苦, 都會再唻0既.

星期六嚮中環附近上完堂, 在大街上行行下天色變得昏暗, 好似想落雨. 路經此食舖. 聽講呢度有兩樣野最出名: 蔥油撈丁同埋奶茶, 於是我就點呢兩樣, 睇下係咪名不虛傳. 結果原來又係得失望兩個字.地方細唔怪佢, 去得大排檔就預左會係咁. 但就真係十分多人, 竟然要等位, 我都未試過食大排檔要等位. 不過我當時諗如果好食既話等下都係值得既. 唉... 撈丁D麵已經浸太耐, 淋哂身. 仲見到碟底有灘丁既湯底, 有冇攪錯!! 我要撈麵呀, 大佬!! 如果要湯不如叫普通出前一丁! 奶茶初時飲落都對辦, 但係一耐左就原形畢露. D牙表面鞋"sap sap", D奶茶都係唔合格. 埋單三十四, 當買個教訓.

之前去深水埗既柏園茶記食過撈丁，覺得唔錯，於是俾了一個笑面佢。或者食上癮，家陣每次去茶記都搵吓有冇撈丁食。今日要去中要辦事，完事後已經好累，唔想都約人食飯，於是自己一條友走去蘭芳園食。去到蘭芳園，梗係要叫佢出名既蔥油雞扒撈丁同奶茶啦！佢冇印象中咁好食。個撈丁加埋蔥油太咸，雞扒亦冇咩特別，奶茶都ｏｋ，算幾香滑。總括來講，唔係話佢差，不過就冇咩驚喜呀！下次都係唔好懶，寧願行多幾步去勝香園。

想黎好耐，琴日端午節有假放，所以專登黎食…比預期無咁好食…心多多撈丁+ 豬扒包+ 凍奶茶x2心多多撈丁(雞翼肉丁蛋撈出前一丁)- 味道普通，雞翼就炸得好多味，無乜特別…豬扒包- 個包熱辣辣，但係塊豬扒細得可憐囉(唔知係咪因為係下午茶餐o既關係)，但係都整得幾好味，幾淋！奶茶- 失望！淡而無味！(枉佢仲係用奶茶做生招牌)※下次會試「勝香園」，本來今次係想去「勝香園」架！但係搵唔到，咁o岩又行到「蘭芳園」舖頭前面，同樣出名，咪諗住試下呢間先囉…點知…唉…(一.. 一")

端午節假期原本想去蓮香嘆茶，不過結果都係趁無乜人嚟蘭芳園試吓。11:00左右到，真係大把位。叫咗兩個早餐：(1)碎牛肉庵列+厚奶油多；(2)薯仔蕃茄火腿通粉+奶油脆豬仔包。奶茶出名，當然跟熱奶茶。呢間嘢果然係有質素，食物足料好味，其中老婆尤其鍾意豬仔包，相當香脆。反而我哋偏好濃茶，所以雖然佢哋杯奶茶夠香滑，不過未算好合心水。呢餐brunch夠哂飽又抵食，好滿意。

琴日晏晝食完勝香園後，順步行過呢度，同女友嘅姐夫提起呢度嘅絲襪奶茶出名，佢就躍躍欲試，我就帶佢入嚟試吓。查實之前己經係灣仔金鳳飲咗杯奶茶，真係驚飲到攪肚我平時係唔會嚟飲嘅(因覺得好多度好飲過佢)，過今日一盡地主之誼，OK la...叫咗兩杯熱奶茶，照舊無乜茶味，亦夠滑，淡"mou mou"，女友事後問我同响澳門紅街市嘅咖啡明飲嘅點比較，唉...真係講都費事....

在soho食完brunch總係覺得到喉唔到肺，草根真係草根，都係食d layman o既野o岩d。轉個彎落到街市，聞到蘭芳園o既茶香真係好香，想飲杯。我同男友等都要等o個個要"mou"o既位，終於等到﹗要一杯奶茶少甜，真係冇得頂﹗忍唔住仲叫個奶醬多，好正呀﹗我地仲搵人幫我地影相，人地以為我地係遊客﹗