蘭芳園

營業中

休息中

因為同事中左獎,所以請大家食下午茶,既然係請蘭芳園,我梗係除左食物之外,仲點杯熱奶茶啦!人人都話出名喎!不過咁,我唔知係只係今次定係點,我飲落唔覺得特別美味,個原因係太甜...滑係滑,但真係甜喎!我諗少些糖會好好多!至於食物方面,ok啦!就算外賣雞翼薯條都好香好脆呀!

had lunch here today~~went there at 1.30pm but still lots of ppl..tried 雞扒撈丁and hot tea!the tea is very good. 香濃~and my friend tried 豬扒撈丁, also good!and the service wasn't bad as a 茶餐廳really recommendable!

期待已久既蘭芳園，下午茶時段迫爆，店內人頭湧湧，食客一個接一個。三人ｓｈａｒｅ咖吷西多士跟茶走和蔥油雞扒撈丁跟茶走。奶茶超棒！！雖然很多地方既奶茶都好滑好好味，但這裡的奶茶口感更細緻！！無敵呀！未飲過咁好味既奶茶～～！！咖吷西多好味但唔係勁好味果ｄ，ｓｈａｍ　ｓｈｕｉ　ｐｏ維記好食ｄ～好耐無食過維記既咖吷西多喇．．．．撈丁又係好味但唔係勁好味果ｄ，一人份量＄３２好貴，不過咁出名，試一次無妨～雞扒很脆很脆！！

老婆仔特登請左半日假，為左同我玩番日，真好。佢一收工，就帶我黎呢間成日在電視見到的蘭香園。老實講，呢Ｄ舖頭，我都知佢會係快來快去的舖頭，好彩去到都點半，食得時，都無乜人等位。老婆仔食雞扒撈丁，佢食過一次啦，我就揀燒汁豬撈丁......因為無理由食同一樣野。好多撈麵都係用豉油抄，但係呢度就唔係，都算特別。雞扒+薑+撈麵，都算少有煮法，老婆仔好欣賞......因為好香。其實對食物的感覺，真係因人而異，有人喜歡濃郁，有人喜歡清淡，有人鍾意清炒，有人鍾意吉列。呢度都一樣，其實我地覺得唔錯，有人不屑一顧。據說奶茶好飲，雖然我真係一年飲唔夠十杯，都叫了。有Ｄ奶茶冰，都叫別開生面啦！34蚊，你話唔抵？中環算一般，不過地方來講，梗係差啦，迫丫嘛～！

知道呢間野，都係從openrice一班網友介紹才知，尋日放假，既然去開國金睇戲，於是的氣心肝去搵吓呢間野，試吓個撈一丁係咪真係咁掂...可惜搵咗成個鐘，周圍問人至搵到(原來由中環街市搭電梯直上就係...><)由於行咗好多路，加上未食午飯，所以非常肚餓，三點幾入到去，除咗一班工人睇緊馬經，很容易就找到坐位，二話不說就叫了個馳名o既雞排撈丁，加杯凍央(因為小弟不喜奶茶)，唔駛一陣間就送到。感覺上，佢啲野係幾新鮮同埋係即整，麵質很爽，不過係咪真係咁掂...我諗又係啲雜誌佬誇張咗，因為佢o既秘製...其實自己o係屋企都做得到(薑葱+雞扒+出前一丁+濃縮湯粉)，如果唔係肚餓到死...成個餐34元，真係賺死佢...而果杯凍央...都係果句，肚餓就乜都好食。

星期六中午約中環前輩遊走第一站去蘭芳園試了出名的雞排撈丁和奶茶雞排夠香口,味道一般奶茶-茶多奶少,不是本人喜歡的總結:普通,經過的話,可以一吃

今日早食LUNCH,所以專登去食,之前都想去試下,但十世都搵唔到,終於向我上次買東甩行錯路時發現到佢,今日買蔥粒雞排撈丁+ 凍奶茶,SET$34-,返到OFFICE,第一時間飲啖凍奶茶,奶味+茶味都幾濃,不是太甜,OK 蔥粒雞排撈丁,蔥粒夠多,唔會好咸,雞排份量都好多,無乜味,雞都滑滑地,唔鞋, 但丁丁食落唔係好似丁丁,全部撈理食,又唔似出面D茶餐廳咁味精,食完都唔會好頸渴,但就好鬼死飽.

星期日特意去蘭香園試一試.約下午四時半左右到達,非常多人.即使不用等也一定要搭枱,舖位面積少又要勉強擠下很多枱椅,有點水泄不通感覺.冷及熱奶荼滑是夠滑,但味道也不是特別的好.偶爾也可以在其他地方飲到的好奶茶味道.想叫公司三文治,可是因為是繁忙時間所以沒有.吞拿魚三文治又只有舊舖有.於是叫了牛肉蛋治,麵包夠軟,牛肉與蛋炒在一起,平平無奇.整體有點名過於實.待應能在這麼多客人的情況下也保持了一定程度的客氣.可是好像那樣,明明人多到爆店也繼續叫人進來拉客.令原本店內的人好像一定要一吃完就要立即離開的樣子.

同男友原本想去九記, 但見經過, 又話好似好出名, 咁就試下啦, 我男友就叫左個雞排撈丁, 雞排就煎得幾香, 但撈丁就無乜特別, 仲覺得有d過硬既感覺, 唔值賣得咁貴囉, 而杯凍奶茶就真係幾好味既, 好有茶味, 不過如果只係為左杯奶茶, 我諗我唔會再o黎幫襯囉.

下午茶餐三文治+奶茶<--三文治覺得好普通，奶茶好香滑！

每次黎差不多都是叫雞排撈丁，最穩陣ma，第一次係試豬排的，很乾身很嚡口，唔係幾好食，之後都是叫雞排撈丁，雞排煎得幾香口，但d薑蔥咸左d，個撈丁幾爽身，不過都幾多油，耐唔時食一次好啦反而呢度出名既熱奶茶又唔係次次飲到，上次黎既時候tan都凍晒先飲，真係浪費晒，唯有下次試真d啦

去完擺花街, 經過蘭芳園, 見佢咁出名, 忍唔住要入黎試下佢個凍奶荼, 一飲之下, 口感濃郁, 但唔夠滑, 都係一杯好正既奶荼, 同天后既祥利各有千秋, 蘭亭園變左我飲奶荼既second choice了!

小弟飲得出D奶茶味道較濃，比出面好飲，野食就真係冇乜特別，又貴過人，除非口渴經過，冇下次

來吃午餐\\\. 人好多, 幾迫, 還看到有外國來的攝製隊.叫了豬扒蛋通+熱奶茶豬扒幾好食, 奶茶方面, 同意樓下的說法, 跟其他地方的一點分別都沒有.走時看到幾個人在排隊!

lunchtime食過兩次, 一次坐係新鋪, 一次係舊鋪, 不過無論坐邊都係好迫, 有個waiter仲將d麵潑左落我既朋友度!食物方面, 我食過一次雞扒撈丁, 我覺得味道一般, 唔覺得同其他地方既有分別, 而且咁就要三十多元, 都幾貴喎. 第二次我食雪菜肉絲米粉+厚多士, 其實味道都係非常普通, 我都整得到, 不過都要三十元.飲過佢d奶茶, 個人而言, 真係飲唔出有咩咁特別.