影片
呢間餐廳都算隱閉，開係油塘中心1樓，地下門面又唔多起眼，係因為Check 左 Openrice 我先知喳 其實油塘中心係好"up doub"的，我住係油塘區都好少會踏足呢個商場。午飯啦，但見到之前只得一個comment，唔知得唔得，但本着大無畏精神，就步入去試下啦....下午食飯唔算多人，好易揾位。呢間蘋果餐廳俾我發現其實係前身係金加利，只不過是改左名。午餐其實唔算平，最平都差不多$40蚊落樓，路線似椰X閣同花X餐廳...餐牌上有好多Choice，看左好一會擇左 - 黑椒汁芝士焗龍脷飯 配 羅宋湯、凍啡 ($42)羅宋湯 - 算整得唔錯，材料都好足下，好味道 黑椒汁芝士焗龍脷飯 - 賣相好得，份量足。除左有龍脷肉仲有d雜豆同椰菜絲tim，感覺健康d 可惜係d雜菜弄得偏生，口感怪怪而蛋炒飯底做得偏淋唔乾爽 黑椒汁龍脷肉就普普通通啦，可以。凍啡 - 唔掂 開粉的... 我自家沖還好喝呢 係油塘區難揾到坐得舒適嘅食店，食物過得去。10分滿分我俾6.5分，ok啦... 。p.s. 收銀機旁還有Magazine供享受呢
繼續閱讀
星期一仲要開工真係草菅人命，做完野lunch亂打亂撞下去左呢度食飯﹗地點都幾隱秘，在油塘中心上面，成個商場本來就好似死城咁款，會行上一層真係出奇。裝修帶餐廳格局，幾盞小吊燈高掛，兩旁卡位寬敞。餐牌咩都有得食，有扒餐有飯餐又有咖哩，見佢一個牛扒餐都係34蚊，包湯又連飲品，就叫左個來試下﹗羅宋湯味道濃郁，蔬菜品種多而豐富，酸中有辣，好喝﹗$34的牛扒沒有什麼要求，是兩塊薄身的美國牛扒，帶點點傳統餐廳鬆肉粉的味道，入口雖未至軟熟但也不韌，蒜蓉汁發揮佢既效用令牛扒添花，ok啦﹗包埋餐茶，呢餐都幾滿意，至少坐得舒服食物又不算差。
繼續閱讀