蘇波記川湘粵菜館

營業中

休息中

周末趁天氣好和家人一齊去長洲, 行到攰就搵間餐廳坐低, 細佬之前食過蘇波記, 佢話都還可以所以我哋就響蘇波記坐低, 揀咗佢嗰啲幾餸一湯嘅套餐, 鑊氣啦都幾夠, 不過呢就唔好要求咁高, 啲材料呢就一般般唔係真係咁新鮮, 但係就大大碟以量取勝囉！ 個椒鹽鮮魷係最好食, 個豪餅就略嫌唔夠香口, 條魚就一般啦, 其他嗰啲菜都係一般水準, 叫咗個辣子雞但係個樣一啲都唔似傳統嘅辣子雞，可以話係另類做法，冇咗嗰種香口， 我個人就一般般， 整體來講喺長洲簡單食個午餐都可以接受!

早兩星期去左長洲一日遊，望完海當然要搵下海鮮食奈何兩個人食海鮮太多限制，又叫唔到太多係碼頭旁見到依間2百蚊鬆啲有4個餸就入左去我地係舖入面坐而唔係街邊，所以環境都算乾淨咁我地就叫左薑蔥炒蟹，椒鹽蝦，蒸魚，蒜容粉絲蒸扇貝薑蔥炒蟹:雖然蟹唔算大隻，勝在有幾多膏，而且肉質結實，蟹肉可以一絲絲咁拉出黎食，相當鮮味蒸魚:條魚比預期大條，肉質鮮嫩，明顯比平時一般在街市買的新鮮好味得多，淨係食條魚都飽左一半啦~~蒜容粉絲蒸扇貝:都幾好，扇貝幾大隻且唔會過老椒鹽鮮蝦:相比起上面三款就有少少失色了，蝦本身細隻，且可能椒鹽味太重蓋過了蝦的鮮味下次可能都係叫返蒸蝦會比較食到鮮味!不過二百幾蚊食到4款海鮮都很好了，尤其蟹同魚都很鮮味，抵食!

行行吓無意中比佢哋吸引左過嚟🤦‍♀️因為佢哋話$218有任選4個餸加送2個飯☺️所以諗住試吓，我哋叫左蒜蓉粉絲蒸元貝，咕嚕肉，聖子，避風塘炒蟹，最好食都係蒜蓉粉絲蒸元貝，好新鮮，所以呢個價錢來講我覺得可以值得一試👍

名為去郊遊，但實際上咪又係為左食😏，不過今次入嚟唔食海鮮，改食家常小炒。呢間川湘粵菜館，所以都有辛辣川菜可點，我地一致認為辣子雞雖然做法改過，雞肉用酥炸生蠔嘅脆漿沾炸，但味道唔錯, 辛辣酥脆；椒鹽鮮魷魷魚質地夠厚肉，粉漿夠薄；酸豆角就非常好下飯，不過無論酸度同辣度都跟正宗湘菜有好大差異，不過當作一道本土小炒還是可以的。條蒸倉魚非常鮮味，鐵板蠔仔煎蛋，足料但味淡，如果調味重啲同再煎香啲就好喇，反而咕嚕肉做得強差人意。不過呢，佢嘅點餐mechanism其實係按人頭算的， 我地六人點六人餐有八個餸，原本怕食唔哂想先點個四人餐有六個餸，唔夠先再加，但店家就話咁樣每碟份量會好少會唔夠食，因為碟頭份量是按人數調節的。🤔🤔🤔，咁其實佢好似上大佛食齋咁，直情講明要計人頭咪算囉，唔使引起不必要爭議添！不過六人餐八個餸其實份量都幾多，所以幫襯前要想想。

今日十一假期諗住同親戚行下長洲食下海鮮，黎到佢話有個6餸餐400蚊，我叫左白灼蝦，黎左得8隻，我地五個人，都睇到眼突突，之後豉椒炒蜆，殻多過肉，每人淨係食到三粒！嬲到爆！

假期同朋友去咗長洲玩,因為嗰日係我朋友生日,所以決定夜晚食海鮮,長洲好多地方都有得食海鮮,我哋諗緊究竟去邊間食嘅時候,咁啱見到呢一間唔算好多人,所以決定入去,坐低冇耐阿姐就畀個menu我哋,我當然比生日嘅朋友揀食咩啦,我朋友見到menu嘅椒鹽瀨尿蝦就流曬口水, 所以我哋揀左椒鹽瀨尿蝦,椒鹽鮮魷,椒鹽豆腐,蒜蓉蒸帶子,同埋豉椒炒聖子首先嚟到嘅係我朋友最鍾意嘅椒鹽瀨尿蝦,瀨尿蝦唔算好大隻,唔係好多肉,但整得都算香口之後係椒鹽豆腐, 炸得外脆內軟,點喼汁食好好味之後係豉椒炒聖子,炒得好有鑊氣,聖子都幾惹味之後係蒜蓉蒸帶子,帶子得一蚊咁細,帶子本身嘅鮮味無乜,但蒜蓉連埋鼓熟油加粉絲食都ok最後係椒鹽鮮魷,魷魚炸得好爽口,炸粉唔算落得好多,但唔係好濃味,要點多啲喼汁食先ok食完都唔算好飽,可能食海鮮就係咁,整體來說不過不失!!

好朋友來到香港，打算帶他們試試長洲的海鮮餐，之前隨便入一間味道都唔錯，價錢都差唔多，點知今次入咗黑 ☠️ 心店！我哋五個女仔，食量唔大，於是打算叫個四餸餐 $218, 點知個老闆黑晒口面，話一定要叫叫六餸餐$399!! 但入嚟之前，門口啲阿姐冇講話最少要叫幾多個餸囉，而且加兩個餸竟然要加近＄200？ 我哋都諗住息事寧人，就話不如改叫五個餸啦，個老闆依然好唔滿意，黑晒口面！ 奇怪嘅事情發生啦，個蒜蓉蒸扇貝一碟竟然只有三隻？ 於是問個老闆，佢就話你哋叫二人餐呀嘛，系得咁少㗎啦！ what ? 我哋叫五個餸都係二人餐？按佢呢個比例，我哋五個女仔其實應該要叫十幾碟餸先啱數？之後又不斷有啲阿姐嚟嘈我地，話你地想要多幾隻扇貝？得！加多幾十蚊囉！講到好似你哋比唔起錢咁，仲要大聲到好似鬧人咁，大聲到成間餐廳都聽到！ 真係嬲到同佢講，OpenRice 見啦！🤬 呢間野真心黑 ☠️ 店，我帶啲朋友嚟食嘢，真係影衰晒我哋香港嘅服務業囉！長洲咁多間海鮮餐館，奉勸大家唔好食呢間啊！

近碼頭一帶有好多酒家，但大多做海鮮套餐吸引遊客，味道麻麻。今次食到一款新做法的海鮮……薑葱蟹，蟹有肉汁蜆辣辣地，又夠爽加埋勤菜又幾好食喎炸得香脆可口，唔會得舊脆漿新鮮，有魚味，夠滑登..登..登...椒鹽鮑魚用椒鹽整應該會好乾身,但佢整得好脆,鮑魚保留汁,嫩滑,微鹹

中午食完酒店自助餐，食到飽飽，再搭船入長洲行吓，影吓相，睇吓日落，真係一樂也。日落後又天黑囉，又要揾地方醫吓肚，不其然又向興樂進發，點知竟然發覺興樂唔見左，唔係呀話。隔離蘇波記疑似老板娘話興樂逢星期三休息，蘇波記就用埋佢d地方開舖，到蘇波記休息，興樂就用番佢d地方，佢話兩間好老友喎。疑似老板娘開張枱俾我地坐近海一邊，好，又試吓呢間囉。睇吓菜牌，跟住叫左四個餸嘅套餐，兩個人實夠食喇掛。首先嚟嘅係薑葱炒蟹，賣相唔錯，可惜蟹太细，冇乜肉食，焗住將葱同洋葱當蔬菜食囉跟住嚟個豉椒炒蟶子，味道都OK嘅。再嚟個椒鹽鲜鱿，味道同口感都唔錯。最後呢個鐵板餅係疑似老闆娘介紹嘅，熱辣辣，大大碟，幾好食，我地幾like,但兩個人食唔晒。以218價錢食四個餸算抵，當然要求唔會太高，基本上附近嗰幾間都係咁上下價錢。唔係假日入嚟客唔會太多，間間都喺門口拉客。

椒鹽鮮魷：脆漿太多，下次有機會叫蒜蓉蒸5/10咕嚕肉：大碟夠味 8/10白灼蝦：一般，不夠彈牙 7/10羅漢豆腐：多菇，茨汁太多 7/10蒜蓉蒸扇貝：從未食過如此細粒 6/10豉椒炒蟶子：大粒，不夠味 7/10蠔餅：蠔仔大粒，不過少。蛋溝水太多，淡味 6/10清螺：細粒冇肉食，湯底可以 6/10整體688八個餸還可以，只要識點菜。現場有位樓面阿姐不停爆閙，有點嘈。點菜哥哥有禮貌。隔離枱椒鹽賴尿蝦好大碟，可能係散叫。

人生經歷了大傷痛後，藉著生日，家人陪伴往長洲散心，父王更請我食這餐廉價海鮮餐。第一味蒜蓉蒸蝦，這個餸是我自己推介的，我認為是整餐最好的一個餸，但其實蝦的鮮和彈牙仍有頗大的改善空間，都是自我安慰的一句：一分價錢一分貨。薑葱炒蟹，普普通通過下口隱豉椒炒蜆和炒蟶子，吃得出很重的芡汁，完全不新鮮，尤其是蟶子最後：油鹽水浸瀨尿蝦，這個尚可，無乜肉，可以再鮮啲食物質素中下，平靚正中只滿足到一樣。學父王所說，有心吃寧願吃精不吃量。這天是和家人好好相聚的一晚，大家要珍惜眼前人啊！

話說放大假星期六就同女朋友入長洲膠遊遊食下海鮮，三點入到長洲，行下行下都就快6點，諗住星期六一定多人，所以就早小小上OpenRice 睇下邊間正皮多，本身想去隔離興X菜館，但因為無冷氣位所以行左過隔離蘇波記。一坐低就有個靚仔哥哥招呼，4個菜好似19x成個餐牌任叫，嚟到長洲當然係叫海鮮，叫咗椒鹽鮮魷，䜴椒炒蜆，椒鹽賴尿蝦，清蒸倉魚，䜴椒鮮魷即叫即炸，正！䜴椒炒蜆啲肉大大粒不離殼 ，應該叫新鮮，小弟平時出街唔會食䜴椒炒蜆，因為覺得唔抵食， 但蘇波記冇得頂！椒鹽賴尿蝦就差左少少，因為太細隻冇乜肉，清蒸倉魚等左15分鐘就上台，正正常常冇咩特別，後來因為食海鮮唔飽，所以叫多啲白灼海蝦，上枱接近10隻，啖啖肉。加多個啤酒白飯埋單都係二百六十幾。絕對值得推介！

今日男朋友生日，唸住帶佢入長洲食海鮮順便行下。到左徬晚我地去到海鮮街，俾門口姐姐半推半迫入到一間叫「蘇波記」既海鮮酒家。食物方面唔算食街入面最平，$218 4個餸，但光看旁邊枱既食物賣相什至覺得有中伏感覺。蟶子無鮮味，醬汁一d都唔惹味蝦大約得10隻，少得可憐但尚算新鮮彈牙。蒸黃立倉算係較ok既一道菜，算新鮮。扇貝無豉油 ，要求店員俾豉油都無人理我地而且肉同殻分離，頗肯定殼重用，肉係用冰鮮帶子最重要係餐廳衛生既問題，食完呢間餐廳我總共肚痾左兩日！以後都唔會去，免費都唔會去！

首先，今日係星期五，我8點3入去坐，2個人叫左4個菜，蒸扇貝幾分鐘就上枱，份量唔多、扇貝唔熱、味道一般。係長洲食晚飯，特別係海邊個啲檔口，味道方面其實間間都差唔多，款式亦大致上一樣，價錢相差幾十蚊，所以去到眼花撩亂，十五十六。叫左兩個飯，足足坐左一個鐘，9點幾，飯都凍晒，其餘個三個菜完全無黎，中途催左三次！係三次！都完全唔理。當晚客量唔多，呢啲服務真係有待改善。味道唔敢講，因為食得一碟，但都唔算好食。最後埋單70蚊，一餸兩個飯，過左隔離食算，呢間無下次。下次去到盡頭個間好似仲好...

其实并没有漫步。。。中午大雨中入到长洲，放下行李吃了个快速下午茶定好晚上要吃海鲜就回去休息到八点，小伙伴到齐就开餐。三个人点了二人套248蚊四个送（咕噜肉，香辣蟹，豉椒圣子，蒸扇贝），再多点个生炒菜心，豉油王炒面，啤一啤，吃完要散半个钟先得。抵吃有镬气，就系d蟹有d唔新鲜，其他都好ok