蘇波記川湘粵菜館

營業中

休息中

睇到食評都好兩極化，食完之後就明白點解會咁。事緣屋企人平時都會買啲海鮮之後去餐廳加工，咁啱平時去開嗰間冇開門，賣海鮮嘅師傅就介紹咗去呢一間蘇波記。以上呢兩碟豉椒炒蟶子同埋椒鹽賴尿蝦，都係自己買完海鮮去餐廳加工，所以非常好食非常靚，可以話係我食過最好食嘅炒蟶子頭三位，賴尿蝦間唔中都會有好多蝦膏，好吸引，食到舔舔脷。廚師亦都炒得非常有鑊氣，所以好高評分。不過，呢一碟係佢餐廳自己嘅蒜香炒魷魚，雖然外貌唔錯，但係非常之硬身，一食落口就知道唔新鮮，只不過未至於會嘔返出嚟。魚亦都一樣，唔知佢原本條魚質素唔好定係蒸得太耐，食落口好鞋，同埋一樣食得出唔新鮮。如果我唔自帶海鮮去呢間餐廳加工，只係食到咁嘅質素嘅食物，一定會非常唔滿意。不過，唔知係唔係師傅介紹的緣故，送咗一碟炒青菜，反而菜仲好食，因為夠鑊氣。總括而言，我覺得廚師並冇問題，因為青菜 同埋自己帶去嘅海鮮，煮出嚟都好好食。但係用料方面餐廳可能需要改善下，入啲靚貨，如果唔係，客人唔識得自己帶海鮮加工，就食唔到好食嘅嘢食啦！

食物方面 菜炒到老曬又乾又柴又冇味 最後放棄左碟野豉椒炒蜆完全冇鑊氣蒸扇貝勁細舊肉同埋冇味三色蒸蛋就一般般，皮蛋得半隻我地仲叫左碟椒鹽鮑魚 , 食曬其他送都仲未上到枱不過都有四隻細細隻比你 呢碟都算係比較良心啦碟碟都細細份仲有一個奇怪嘅位就係唔知點解佢冇比埋大盆你用滾水洗餐具 , 雖然唔係太大影響環境方面我地入左去店入面坐 , 都算係寬敞同乾淨 , 冷氣啱啱好 , 坐得都舒服 整體啲野比隔離嗰幾間大排檔細份加難食仲要收你一樣價錢總之唔推薦啦

初五入長洲諗住散下心，點知遇上騙子話說落船後肚仔餓，連忙去搵食，去到海鮮街，好多人喺食肆門口兜生意：「2餸$168！」行行下，突然去到呢間蘇波記門口，呢位阿姐大叫「3餸$168！」我就停下，眼見她手上拿住菜牌「2餸$168！」我就問清楚：你個牌寫「2餸$168喎？！」她肯定的「3餸$168！」我再確認一下「係咪真架？」她再肯定的說：係呀！就係咁，我哋就叫咗3個餸：1）蒸扇貝2）白灼花螺3）鐵板蠔煎蛋先嚟鐵板蠔煎蛋還可以；再嚟白灼花螺好細碟，已經食晒，味道: 蠔餅很少蠔, 味道還可以; 螺太少, 味道很淡不鮮甜。追吓蒸扇貝係咪漏單？！呢個時候，個阿姐好大聲夾惡話：你哋$168只係得2個餸！！我火都嚟埋：頭先你喺出面兜客講明「3餸$168！」，我問咗你好多次你都係咁講！而家分明呃人最後，我都唔想同佢嘈，擺低$170走人奉勸大家，千祈唔好幫襯呢間！好離譜！好過份！呃完人仲要態度極惡劣！！後記：呢2碟野點睇都唔值$168！唔怪之得要用呃人手法去兜客

媽媽推介的海鮮餐之前一直聽媽媽推介呢間長洲海鮮店，所以放假就去試下，食了椒鹽鮮魷， 咖哩炒蟹 ，鴛鴦骨 ，椒鹽瀨尿蝦 ，另外，仲外賣咗兩碟椒鹽瀨尿蝦返屋企晚上加餸。椒鹽鮮魷 既鮮魷味好新鮮， 外脆內軟。咖哩炒蟹就比較多汁 ，用了肉蟹都幾好味。鴛鴦骨就比較淋身 ，食到醃製時加咗梳打粉令到霖身D, 個甜酸汁都幾好味。椒鹽瀨尿蝦係屋企最喜歡的， 所以必定叫， 第一次食就覺得瀨尿蝦比較細隻，但都算新鮮，整體都算唔錯，因為呢間差不多最抵食。平均每樣每碟海鮮$80多。都係長洲抵食之選了

未試過食間餐廳食到咁嬲.大家小心中伏一入餐廳.店員非常熱情我同女友點左餐牌上2餸(蒸扇貝及+$30蒸沙巴魚)點知一上菜.扇貝得2隻.蒸魚本身話即劏.黎到就散件上仲要極難食。嬲到即刻質問店員.店員只講2人餐係咁呢兩碟嘢夠膽收成$198，嬲到直情想上消委會投訴，希望各位唔好中伏，第一次寫食評就係因為呢間實在太唔老實。最後專登去格黎鋪頭問,同樣既價錢,一碟會有4隻的扇貝,係雙倍既份量,一心諗住入長洲放下假,點智食到一肚氣。

688餐同488餐份量一樣的坐低店員sell$688 6個餸，聲稱份量比488 6個餸份量較多但眼見全部枱都系同一份量個人覺得味道還可，但水煮魚加30蚊轉斑球份量都系小得可憐大家去食只選平價餐便可！

趁秋意涼涼地，同男友長洲出走一下，環島行左個大圈，六點鐘我地帶著倦意經過碼頭一帶，見有不少海鮮店，價錢間間差唔多。最後揀左呢間有香辣蝦嘅蘇波記一試。好彩早一步入座，遲多陣已需要等位。點了二人套餐$268任選四道小菜，有蒜蓉扇貝、椒鹽鮮魷、豉椒炒聖子、香辣蝦。蒜蓉扇貝得三隻扇貝，明明二人餐單數扇貝確實唔夠細心。扇貝舖滿蒜蓉同粉絲，帶子肉肥美，不過殼肉早已分離和無左裙邊，感覺似將帶子肉放上去再蒸，但就幾好食嘅。椒鹽鮮魷鮮魷處理得幾好，煮得好淋易咬，不會太韌，點埋喼汁好味，一條又一條食唔停，分量幾多食極都仲有。豉椒炒聖子整碟無乜豉椒色彩，雖然面前聖子50隻都有，但聖子細隻肉薄無口感，又唔夠味，呢碟令人失望。香辣蝦我最期待的畫面終於出現了！真係有驚喜，一放上枱陣陣川香撲鼻。好多辣椒伴碟，蝦殼好薄炸到脆卜卜，基本上可殼連肉食，辣味完全滲透蝦身，每啖都充滿麻辣味惹味非常。伴碟嘅花生好香脆，有索晒辣汁嘅芽菜墊底，中意食辣嘅朋友不要錯過呀。除了豉椒炒聖子外，其他整體都滿意，店員服務殷勤，會主動換碟，傍晚對住海景食海鮮確係幾寫意的。

去長洲梗要食海鮮啦，嚟之前做咗啲功課，聽聞蘇波記幾好，咁咪去試吓囉～Book咗5:30，買咗啲海鮮去加工，另外再加咗啲餸，加加埋埋都有6個餸～第一道：粉絲瀨尿蝦第一次咁食瀨尿蝦，比想像中好味，瀨尿蝦新鮮，湯底清甜，最後啲湯都差啲俾我飲晒🙈 重點係飲完都唔會口渴，應該無味精🥳第二道：水煮牛未埋到嚟已經聞到佢嘅香味，牛肉勁鮮嫩，煮到剛剛好，而且好入味，底下仲有好多粗薯粉，夠晒煙韌，而且辣得好過癮～不過我本身唔食得辣，如果唔係我都會再食多碗😋第三道： 尖椒皮蛋又係第一次試嘅餸，碎上嘅尖椒加勁多嘅蒜蓉，整體上除咗加咗炒香咗嘅芝麻之外，仲有一層砂糖剛剛溶～ 而本身嘅醋汁嘅酸甜度剛剛好，再加埋少少甜味層次再豐富咗😙第四道：蒜蓉蒸開邊蝦本身我對蝦一般，所以我唔特別寫啦～但啲蝦好大隻同埋有膏，食落啖啖肉🤭第五道：涼拌魚皮本身我係麻麻地呢味菜，但聽到朋友話一定要試，所以就的起心肝試試佢，點知一試番唔到轉頭🙈，成碟差唔多我食晒🙈🙈🙈魚片切成細條，好好咬口，但味道好吸引，愈食愈上引，係我鐘意嘅醋汁味道，加埋蔥絲食好夾，搞到我好想外賣走🤪仲有其他好味嘅餸，但因為湊住個女影唔到相🤦🏻‍♀️呢度仲有個好處，有ike

趁一連4日假期，走左入長洲爬爬走😎天朗氣清、陽光普照、風和日麗☀️☀️最適合一家大細去郊區遊一遊。行完一圈長洲大街，最後去左蘇波記食海鮮套餐。套餐價可選3、4、5或6樣餸，我地一行3人，好似餓鬼咁咩都想食所以叫下叫下叫左5個餸每個餸份量其實都唔算多三個人食剛剛好😋整體黎講 服務非常有禮但得呀姐一個人一腳踢要自己寫好菜單食物一分錢一分貨味道不過不失3個人食左5餸椒鹽尤魚 脆卜卜蒜蓉扇貝 淡左少少🤏多多少少粉絲就更好白灼蝦 都夠甜唔錯水煮牛 入面有好多薯粉，麻辣薯粉又麻又辣，加埋牛肉一齊食真係好正本來叫豉椒聖子，但黎錯左變左豉椒炒蜆。炒蜆就真係一般、好多都無開、無得食。但正體黎講食海鮮黎講都算係咁，唔貴。每人$150有找坐係海邊食海鮮都真係幾有風味

📍#蘇波記川湘粵菜館📍So Bor Kee #SoBorKee.🇭🇰香港長洲北杜海旁道11C地下🇭🇰G/F, 11C Pak She Praya Road, Cheung Chau, HK.人均消費: HKD142.味道: 👅賣相: 👀👀價格: 💰💰💰💰環境: 🌹🌹服務: 👨🏻👨🏻性價比: ⭐️⭐️回頭率: .其實一向都覺得長洲啲海鮮麻麻哋，但入到嚟唔食又好似爭啲嘢咁😅今次睇#OpenRice 睇#蘇波記 好似幾多好評咁咪試下囉，就中咗招喇🙈長洲好多海鮮餐廳都係幾人餐幾個餸咁，平均4人餐都係HKD5XX，係真係好抵食，我哋都係叫咗個HKD568六個餸嘅四人餐.Ⓜ️#椒鹽瀨尿蝦 椒鹽味做得幾好幾惹味喎！其實瀨尿蝦一啲都唔新鮮，隻隻都直身(新鮮瀨尿蝦煮完應該喺曲的) ，不過無異味都可以.🤮#薑蔥炒蟹嘩！真係好少好少會食到臭嘅蟹😅佢應該一炒炒好多枱，因為我食到蟹蓋臭，但蟹身就好啲，同埋兩隻蟹有六個蟹鉗😂食咗啖蟹蓋差啲嘔咗出嚟！蟹肉口感好散唔實肉.Ⓜ️#椒鹽鮮魷椒鹽鮮魷喺唯一好啲嘅菜！上菜好熱辣辣，口感爽，魷魚唔算新鮮但可以接受.🤮#豉椒炒蜆喂！好明顯叫辣椒油炒蜆啦！完全唔喺豉椒炒！小朋友完全食唔到！

入長洲一遊晚餐求其揀左間餐廳叫左6餸 388仲有咕嚕肉同蒜蓉蒸蝦唔記得影咕嚕肉我覺得係咁多碟最好食蝦好細仲要開邊 味道不過不失整體黎講 服務非常有禮食物一分錢一分貨4個人每人唔洗一百可以叫到幾樣海鮮 就唔好expect 會有超好食既感覺 。但亦唔會覺得中伏。因為唔貴。普普通通食一餐當感受下海邊食飯都okay ge

最近剛剛過了休魚期，與好友太耐沒有相聚見面，大家約埋週未一齊入長洲行下，食下海鮮🦞。當日4點左右入到長洲，太耐未試過咁少自遊行，好自在地周圍行下，過一個休閒嘅週末。之後去左一間海邊小酒吧，一邊飲生啤🍺，一邊食烤蝦乾，一邊吹著海風，一邊與朋友吹水。到了7點左右，去了預先訂好位的蘇波記食飯。好在之前訂左位，可以坐在店內有冷氣的地方，我地一行6位，叫生猛海鮮再加工煮，有芝士龍蝦（2斤幾）伊麵、豉椒炒蟶子、薑蔥炒蟹、蒜蓉粉絲蒸扇貝、白灼海中蝦、椒鹽九肚魚、湯粉絲大蜆，最後叫左碟小菜 焗魚腸，每樣菜式都煮得非常入味，因為海鮮夠新鮮。下次再入來長洲，一定會再來蘇波記👍🏻

長洲除左大魚蛋，糯米糍出名外，其實海鮮可以話係非常抵食，每次行過海旁便會見到好多人拎住餐牌叫:$1xx幾個餸，$2xx幾個餸，再送湯俾你！！令人不禁覺得係咪身在香港，因為價錢實在太平了🤣🤣🤣一行3人，叫左8個餸，送左一碗湯。湯是送的，不要有要求了，味道看相不難猜到😰薑蔥炒蟹，一碟有差不多兩隻蟹，幾十蚊價錢很抵，味道普通。避風唐瀨尿蝦，蝦很細隻，味道麻麻。粉絲蒸聖子，粉絲味道怪怪。。。失望白烚蝦，蝦比較少，味道很難會有問題。。粉絲蒸扇貝，同樣地粉絲味道非常怪。椒鹽鮮魷，不過鬆脆，醬汁味道怪。豉汁蒸鱔，鱔很貴其實非常抵食，但味道普通。炒通菜，全晚最好味

山長水遠黎丁長洲，當然要食抵食既海鮮！海傍沿路一帶有成十幾二十間大排檔，而且大部分都係sell 緊199$$ 3道菜既抵食套餐！都唔知點選擇好！最後就簡左間唔太多人，唔太迫，個名改得幾攪笑既so波記！英文名so boring (我朋友幫佢改）同朋友叫左個套餐，三道菜都簡海鮮🦞，當中以蟶子最抵食夾大份，隻隻都鮮甜彈牙！不過碟底係用蟶子殼墊底就唔太美觀啦⋯⋯又擔心d 殼會唔會唔乾淨⋯⋯粉絲扇貝得四隻，兩啖食哂相都冇影到！

本來想單叫每款海鮮，店員介紹吃套餐。真心吃過最難吃的海鮮餐，蟶子係急凍的，蜆勁鞋，明明叫油鹽水蜆，佢又俾咗胡椒湯蜆，帶子勁細隻又不黏殼，似係舊肉另外加上去。最好已經係白灼蝦，但係得幾隻，真心差。非常之失望！其實之前喺長洲食過其他海鮮都覺得感覺不良，同南丫島嗰啲冇得比！有其他食評食套餐係送兩碗飯，但係問個侍應佢話冇飯餸。似乎係呃我地😰係因為咁啱落大雨所以先至入去呢間，如果唔係真係唔會揀呢間餐廳。平時喺屋企樓下街市食嘅比呢間更好吃！