藝餐 (紅磡)

【九龍城區】【藝餐】又嚟 1am紅館系列，今次又係講紅磡置富都會 food court，喺入門口第一檔嗰個位開咗嘅韓國嘢。有睇開呢度嘅讀者都知我一向唔太喜歡韓國菜，真係好少食。有時會食嘅話，大多數都係因為同啲朋友一齊，半推半就之下就去咗食，而唔係自己嘅選擇。咁呢個系列我係為信念而做嘅，所以更加能夠排除萬難，就食吓佢。撳自助點餐機嗰陣見到有 $65 嘅「人參雞湯」半隻就即刻叫咗，因為係難得我對韓國有好深印象嘅嘢，當年喺首爾食過好正。呢兜就一般啦，配埋個白飯令件事冇咁貴囉，當過吓口癮算。嘢飲就加 $12 飲「甜米露」，唔係白色樽嗰隻，呢隻太甜。之後我再叫咗 $40 嘅「韓式魚丸湯」，有四串韓式魚丸，味道認真麻麻，一次就夠。反而嘢飲我又加 $12 要埋「韓國梨肉果汁」，都幾好飲，仲有啲果肉。埋單 $129，都係為咗寫嘢而食㗎啦。。。（地址：紅磡都會道6號置富都會8樓FS01號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

【九龍城區】【藝餐】又嚟 1am紅館系列，今次又係講紅磡置富都會 food court，喺入門口第一檔嗰個位開咗嘅韓國嘢。有睇開呢度嘅讀者都知我一向唔太喜歡韓國菜，真係好少食。有時會食嘅話，大多數都係因為同啲朋友一齊，半推半就之下就去咗食，而唔係自己嘅選擇。

咁呢個系列我係為信念而做嘅，所以更加能夠排除萬難，就食吓佢。撳自助點餐機嗰陣見到有 $65 嘅「人參雞湯」半隻就即刻叫咗，因為係難得我對韓國有好深印象嘅嘢，當年喺首爾食過好正。呢兜就一般啦，配埋個白飯令件事冇咁貴囉，當過吓口癮算。

嘢飲就加 $12 飲「甜米露」，唔係白色樽嗰隻，呢隻太甜。之後我再叫咗 $40 嘅「韓式魚丸湯」，有四串韓式魚丸，味道認真麻麻，一次就夠。反而嘢飲我又加 $12 要埋「韓國梨肉果汁」，都幾好飲，仲有啲果肉。埋單 $129，都係為咗寫嘢而食㗎啦。。。

（地址：紅磡都會道6號置富都會8樓FS01號舖）

#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #1am紅館 #紅磡 #置富都會 #藝餐 #人參雞湯 #白飯 #甜米露 #韓式魚丸湯 #韓國梨肉果汁 #1am1818 #1ambackup