藏 (已結業)

好好食！！ 可能餐廳就黎落場嘅關係，餐廳客唔多，好靜好舒適。可以坐到吧枱，睇住型仔廚師即席預備食物，同埋會簡單介紹返個食材今次叫左個拖羅壽司飯，廚師介紹佢係野生拖羅，味道會濃一啲~ 拖羅配上蔥，炸蔥同特別芝麻，味道好豐富！但大家又唔會搶左大家嘅味道。我覺得個配搭好好，因為我試過就咁食個拖羅，味道係超濃郁，但食多幾片就會好漏，咁樣配埋配料食完成碗都唔漏個套餐仲包埋沙律，麵豉湯，茶碗蒸同甜品。全部都好有水準餐牌選擇唔多，全部都係set menu，但係咁反而可以好專門做好一樣野。價錢有少少貴，但係質素遠高於佢嘅價錢~~~ 係好抵嘅~~

當日午餐諗唔到食乜嘢，其中一位朋友唔想食咁heavy，所以一行2人行過謝斐道見到有間新開的日本菜fine-dining，就入去試試。我叫咗sushi platter ，我同另一個朋友叫咗鰻魚飯。朋友話碗鰻魚飯好好食，鰻魚好肥美好香，擺相都幾精致。我嘅sushi platter亦非常滿意，我地坐在bar table, 師傅逐件逐件現場做好再serve, 由於d壽司不是平時食開的那幾種，都是一d比較特別的魚，掛住食，已忘記是什麽魚了，反正好好食。最後lunch set甜品有闕餅和雪糕選擇，師傅說闕餅是自家製作，所以要左闕餅。闕餅頗有特色，酸酸甜甜，感覺幾清新。總括而言，服務及食品質素都very good, 希望能保持下去，會再同朋友來試試夜晚的Omakase. 

今日老細請食lunch，同事係銅鑼灣搵左間新野黎試，一個字，叫“藏“門口唔算顯眼，要上1樓。 由門口坐lift上去，好似去左間5星級酒店既餐廳，比一陣陣香芬味包圍住咁。上到去，環境好舒服感覺。睇左lunch set menu，價錢可接受啦，加上老細請，基本唔洗睇價錢去點啦。我既同事點左10件既壽司set lunch。我怕唔夠飽，就點左個推薦既饅魚飯套餐。先上左一個前菜沙律，幾新鮮同味道唔錯，不過西式左少少，有d似飛機餐既沙律。跟住黎左個蒸蛋，蒸蛋好滑又好夠味，個個同事都話正，挖都乾乾淨淨。傾左一陣計，我既致愛饅魚飯到左啦。大大碗，一定唔怕食唔飽啦。最震撼係見到有成4件厚砌既燒饅魚，又肥美又大件。一睇就唔似出面成舊水既普通饅魚飯啦。撈一撈汁同飯，食左一淡，汁既味道，睇落幾濃下，但味道岩岩好，唔會太鹹。 跟住挾舊饅魚食啦，真係又肥又厚，燒到岩岩好，魚皮脆，肉就又滑又入味。好快就食晒，因為太好味。 跟飯重有傳統既麵鼓湯。 最後desert要左個 desert。 真係好perfect。真係要多謝老細。希望老細快d又請食飯啦，一定再揀藏黎食過。希望藏唔會覺得我地太嘈啦，因為大家都食得好鬼開心。

因為想吃一餐豐盛的生日午餐，知道有新日本餐廳開張，已經心癢癢好想試，一直爭扎食omakake定lunch set，最後都係揀左lunch set入面最豪華的Premium Sushi Platter！頭盤是精緻沙律蒸蛋，很滑，味道剛剛好味噌湯，味噌味不錯主菜：Premium Sushi Platter每一塊魚都非常新鮮，有3件是火炙，海膽好靚，10件都各有特色，好回味！食完10件壽司，仲有一條手卷，好精緻，Size好易放入口，魚量亦非常足夠！甜品也很有心思，有手作紅豆蕨餅或綠茶雪糕揀，2款我都試左，蕨餅好soft好新鮮，紅頭大大粒，綠茶雪糕都好好味，好多綠茶味！整個過程都有店員講解，成餐飯都好貼心，值得一試再試！

我同我男朋友都好鍾意食日本菜，見到銅鑼灣新開左間日本餐廳，就決定去試下。餐廳應該係啱啱裝修完，環境好新淨。一出lift 就有職員招待我地，帶我地去吧枱坐。職員仲好細心俾個basket 我擺袋添 ！Set lunch Menu有好多野揀，最後尾都係揀咗食佢既 Premium Sushi Platter，有10舊壽司+1個手卷，仲有包沙律，蒸蛋，麵豉湯同埋甜品。吧枱有兩位師傅幫我地準備壽司，壽司係一舊舊上架，好似置身於築地咁 食材方面好新鮮，亦都包含咗好多高級嘅惜才，例如係深海拖羅，鰤魚，海膽等等。師傅仲好細心，聽到我話唔食海膽就轉左個赤貝壽司俾我 ！我最鍾意食就係個吞拿魚手卷，推薦！甜品方面我揀左綠茶雪糕，隔離仲配埋紅豆，滿足埋我另一個甜品胃Overall 我覺得呢餐係物超所值，絕對會再黎。下次會想試下佢既炸豬扒套餐，因為見到隔離個男士食覺得好吸引，哈哈 ！

路過銅鑼灣搵食，見到一幢全新裝修嘅大厦，即刻俾依間日本餐廳吸引到一入大堂就有 receptionist 接待㩒𨋢去餐廳樓層上到去就選擇咗壽司吧台坐，揀咗個 Premium Sushi Platter 嘅 set lunch原來師傅會續件續件壽司上師傅十分健談友善，好用心整每一件壽司，仲會介紹每件壽司嘅名同特色服務員嘅服務都好周到，賓至如歸 壽司中有好多高級食材，例如海膽、深海拖羅、赤貝等簡直物超所值，絕對會再嚟食

朋友推介過話好味，咁我就去試試。總括黎講，食物係好高質，服務同環境都好好，非常對得住個價錢。聽完師傅同侍應介紹個menu後，決定試下個日本雲丹海膽伊勢海老丼。一開始上既係沙律同茶碗蒸。茶碗蒸蒸得好滑，有濃濃上湯味。沙律就正常發揮，菜好新鮮爽口，總之材料唔係hea。主菜等咗一陣先上，因為師傅話係新鮮龍蝦，要即劏，所以要D時間處理。主菜一上檯就俾個presentation驚艷到，同行友人表示好羨慕。至於味道呢，龍蝦肉爽口鮮甜彈牙，龍蝦箝全部已經拆曬肉，一啖咬落個龍蝦箝度，感覺超奢侈同滿足！輪到個北海道馬糞海膽，好甘好濃好鮮甜，入口即溶，少少腥味都無。仲有旁邊碟龍蝦膏，又係唔洗自己拆，可以一羹羹咁直接擺入口，真係好嘆好爽。而個酸薑都好特別，侍應姐姐話係師傅特別處理過，加咗柚子落去，所以酸酸甜甜好清新，平時唔特別食酸薑既我都食咗好多舊。最後甜品我揀咗師傅自家製蕨餅，食完真係有大滿足既感覺。總結一下，呢間餐廳係幾有heart做，師傅好有心機同你講解D食物，全程傾得好開心，侍應都好有禮貌，環境又舒服。齋睇個餐牌你未必覺得平，但食完你會知D食材有幾堅幾新鮮，其他餐廳同一質素相信可以再賣貴好多。希望k

一入到去，環境就好有格調，服務員帶左係位後，好細心咁介紹餐牌，仲俾咗個我裝手袋🤗🤗今次坐係sushi bar，叫咗一個日式海膽龍蝦丼一上菜，被龍蝦的外型吸引😍😍😍一睇樣就覺得好吸引，好好味，仲要係完全幫手拆埋骨。仲有海膽，味道超級鮮甜。👍🏼👍🏼👍🏼👍🏼👍🏼配埋日本茶，簡直係超級享受。食完超級龍蝦海膽丼，就到甜品的時間，有綠茶雪糕同蕨餅揀，今次就試下蕨餅，配埋紅豆醬，味道非常夾。

初次到訪，點了天婦羅定食，看看師傅工夫。前菜不久奉上，是沙律與蒸蛋，水準紥實，蒸蛋綿滑暖胃，是個滿意的開場。用過前菜後主菜很快上桌，時間配合不錯。主菜包括天婦羅、飯、麵豉湯。天婦羅有兩隻蝦、野菜三件、沙咀魚、還有鮑魚。炸蝦吃時脆衣沒剝落，足見師傅對油溫掌握到家，時機恰到好處。野菜中的蕃薯很「粉」，很有咬口，頗為驚喜。鮑魚也不韌，和脆衣配合，外脆內軟。總的來說，天婦羅炸得脆而不膩，海鮮野菜亦很新鮮。甜品是紅豆蕨餅，據店員說是師傅自家製的，難怪質感特佳。最後說說環境。裝潢恬靜精緻，枱與枱之間空間很足夠，不會有壓迫感，私隱度高；店員招呼恰如其分，有需要時亦樂於講解。心滿意足的一餐。期待下次再品嚐其他菜式。

今日同老公去銅鑼灣試咗朋友極力推介嘅「藏」。舖頭空間舒適，私隱度高。同老公坐咗窗邊二人枱。前菜鴨胸沙律清新醒胃，蒸蛋香滑濃郁。叫咗店員推介嘅Seasonal 炙燒魚生飯。入面有爽甜象拔蚌、肥美拖羅、充滿蟹膏香味嘅蟹肉碎、鰤魚、鰹魚、深海池魚，非常豐富睇得出、食得出好新鮮！佢啲飯都好特別，有紫菜香菇漬物，食落好香個薑係有柚子味，好特別甜品有紅豆抹茶雪糕同蕨餅，蕨餅餅師傅親手整嘅，咬落好鬼煙靭經理姐姐仲推介咗生燒鰻魚、海膽龍蝦丼，下次一定會來試！

餐廳內的環境好乾淨，餐具的放得好整齊，坐係入面感覺的確舒服，好有燈光氣氛格調👍🏼👍🏼好細心的服務，落單前仲會問有沒有食物敏感👍🏼👍🏼👍🏼成個sushi set 都好新鮮，每款的魚生都好好味，有最肥美的拖羅🍣🍣🍣🍣同埋我最愛的海膽，好鮮甜呀😍😍😍坐係Sushi bar 望住d 壽司一件件上碟，好貼心的服務，好幸福呀🤩🤩到甜品仲有好好味的綠茶雪糕，正正正👍🏼👍🏼👍🏼

今日中午口痕想食下日本嘢，呢一間位處銅鑼灣市中心既日式料理幾有驚喜。我試咗嗰嚴選10件壽司+1件手卷 (Premium Sushi Platter)嘅lunch set，講得嚴選其實已經有啲期望。壽司到之前，先有兩款開胃前菜:煙肉沙律和茶碗蒸。沙律新鮮好味開胃，煙肉有味而不膩，為沙律點睛。至於壽司呢，最欣賞當日師傅喺你面前慢慢一款一款壽司整比你食，就哂你食速。等你食完一款先再整下一款，食得慢嘅朋友就唔怕食物一次過黎哂放得耐而影響食物質素。所以壽司飯恰到好處，不太熱不太凍，亦顯得出師傅細心位。每一款壽司都有心思驚喜位，例如蝦壽司上面加上黑松露點綴，其香味令到鮮蝦味更豐富。自己最鍾意就係鰤魚壽司，口感一流，油脂比例滿分！其實每一款壽司嗰口感都好唔一樣，但係同時又好豐富喎！雖然呢間餐廳唔算便宜，但食得出食材係高質，喺香港少數可以有呢個價錢食到呢個質數。值得我下次再試。

銅鑼灣謝斐道好搵食一d 都唔難 但要搵一間較正中 ，日本餐廳都唔易 ！今次就試呢間「藏」，裝修設計時尚， 環境舒服坐四人位一d 都唔會迫，服務員態度好好，一入到去就話比個攬我擺袋！我揀咗香蔥吞拿魚生飯定食，套餐入面有沙律、蒸蛋、麵豉湯、甜品！ 服務員超細心 ，佢會將你所點嘅菜解釋一次 ！先講個蒸蛋又滑又滑，麵鼓湯亦都唔似平時嗰啲味精湯咁鹹，有豆腐粒😍！ 魚生飯上枱嘅時候太開心🤩成碗飯都鋪滿左香蔥吞拿魚比一般魚生飯分量為多 ， 吞拿魚生好新鮮入口即溶，一啲都唔腥平時食魚生我都怕腥會放好豉油同Wasabi， 今次完全唔使😍日本飯軟硬適中唔會太淋！ 甜品係我最愛紅豆黑糖醬黃豆粉缺餅！ 呢個午餐太完美

兌現承諾午市去多一次。待應仲認得我。今次揀左個呑拿魚魚生飯試下。前菜蛋都係正常野。不過今次個魚生飯真係唔錯。因為坊間吞拿魚飯都一般係垛成魚蓉狀態。根本唔知食左咩落肚。有時仲會夾雜有根(？)定纖維(?)。藏依個吞拿魚飯切成一條條。或者接近條狀。本身已經淋左醬沖。唔駛我地亂淋魚生豉油徙左個飯。份量新鮮度十分滿意。食落感覺至少立體有效果。。。飽肚感差左少少。可能餐廳堅持日系8分飽。。。不過真係好味嘅。今次終於有雪糕食。

上次同老公係度食過晚飯好好食，今日帶幾個朋友來食lunch幾個人坐係左係大台，環境好舒服靜靜地傾計。叫左個premium sashimi platter, 總共有7款唔同既刺身，上菜後店員好有心機會逐一介紹。剌身非常新鮮，同夜晚嘅水準一樣咁高！成個餐包左salad, 蒸蛋，湯同白飯，食完之後仲有甜品，蕨餅好味，我本身唔食太甜既野，味道岩岩好。 值得一讚係店員非常細心，會主動加茶同豉油，仲會周不時問你有咩需要。係銅鑼灣咁高質既食物，環境同服務絕對值得一試，下次再帶多d朋友來先～