藍鳥葡國餐廳

營業中

休息中

今日放工同朋友放工去咗一間位於禾輋嘅葡國餐廳．前菜係沙梨頭墨魚餅，墨魚餅炸得酥脆，內裡嘅墨魚味道濃郁，配上沙梨頭醬汁，酸酸甜甜，味道層次豐富，好開胃。．金牌葡國雞肉飯，雞肉煮得嫩滑多汁，配上濃郁嘅葡國醬汁，飯粒都吸收咗醬汁嘅香味．感覺不俗．之後我哋order 東望洋芝士鮮茄焗豬扒飯，豬扒好入味，芝士覆蓋住豬扒，令味道更加濃郁，茄汁同飯粒都好好味，係唔錯嘅選擇．飯後我吔叫咗杯凍奶茶同杯凍檸茶．總括而言，禾輋這間葡國餐廳提供嘅食物，味道地道又抵食，可以一試

呢一間餐廳個牆壁用嘅磚好靚㗎，好似一幅畫咁樣，主要係藍白色有少少似中國嘅青花瓷器，但係又不失時尚嘅風格。初頭呢覺得係中式嘅茶餐廳，但係入到去原來竟然有羊扒食喎❤️❤️真係好抵食呀！羊扒拼意大利粉，有三件大大塊煎到外皮香脆、咬落去一啲都唔騷，啖啖一樣味喺個口度陣陣咁樣飛出嚟呀❤️❤️另外嗌咗一個豬手，仲有得配白飯、意大利粉或者薯菜，三款任君選擇。上到碟嘅時候豬手個皮脆卜卜，好好味㗎，肉質嘅濃度鹹味剛剛好，咬落口都幾淋㗎。如果係男仔嚟食一碟都好夠飽喇，大大碟好抵食㗎。呢度啲員工嘅服務態度好好㗎，當日我見到有一個小姐姐服務一位視障客人，佢好用心呀❤️香港需要真正有靈魂的服務員，向你致敬❤️❤️

放工近近地就行左去禾輋廣場食飯 見到壽司郎多人排就放棄左 揀左間門面好似唔錯既餐廳🫣未食過可以一試 見到佢既價錢都唔貴而且大眾化👍🏼兩個人叫左兩個飯同一個小食😜 金牌焗葡國雞肉飯$65一上枱就聞到好香濃嘅焗飯味 焗葡國雞既亮點就係焗到恰到好處 表面呈現出一層金黃色的葡汁 而翻開入面則是熱騰騰嘅雞肉🐓雞肉嘅份量都好多 而且每件都大大件 食落雞肉嘅口感柔軟 每一件都好鮮嫩👍🏼而且個葡汁個既味道有啲特別 原來係因為加咗橄欖 令人驚喜 香煎豬扒漢堡飯塊豬扒都煎得幾香口而且唔鞋🤤仲肉滑多汁👍🏼推介！塊漢堡扒就正正常常 冇太過出色亦冇唔出色😂飯面上都有淋上一層蒜蓉汁 兩個飯都分別送例湯 而今日既例湯係黑松露蘑菇薯仔湯😗黑松露味都幾重 對比起出面飲開嘅例湯好飲d😜沙梨頭墨魚餅4件$31 雖然得4塊 但係呢個令小編覺得有驚喜😍因為好好食 個墨魚餅都好墨魚🦑味而且好彈牙 會愈食愈上癮 再叫多碟都得🫣紅豆冰 餐+$5好少見特飲只係加$5 即刻叫返杯紅豆冰黎飲下先🥤小編覺得佢既甜度岩岩好而且佢唔多椰味 相反奶味濃d 小編正正就係鍾意呢種比例🤪熱柚子蜜熱柚子蜜表現正常 唔算太甜 係今日天氣稍涼下飲番杯熱柚子

禾輋廣場最近新裝修過，好多新餐廳亦都進駐左😜今日過去行街嗰陣見到呢間藍鳥葡國餐廳，價錢唔算貴就入咗去食晚飯啦💖BBQ醬烤豬肋骨配薯菜豬肋骨烤得焦脆，都幾多肉食，BBQ醬鹹甜適中😚套餐可以揀飯、意粉、薯菜！薯菜係揸到脆卜卜係粗薯條🍟東望洋芝士鮮茄焗豬扒飯呢個焗豬扒飯份量十足，即叫即焗一上枱就聞到好香芝士味🤤豬扒都幾厚，肉質軟腍醬汁茄味濃郁，仲用咗新鮮蕃茄同菠蘿好fresh🤓馬介休白酒煮海蜆蜆肉飽滿，味道鮮甜，重點係無沙😜估唔到馬介休都幾夾蜆肉嘅味道，更加鹹鮮惹味🔥飲品方面，汽水竟然係任飲！店員先會比一隻裝咗檸檬嘅吉杯我地😎所以我地一人飲咗兩杯凍檸樂啊🤩藍鳥葡國餐廳 (沙田)沙田德厚街3號禾輋廣場2樓251-252號舖

今次入到黎沙田禾輋食葡國菜。唔好以為舊式商場淨係得d普通餐廳，呢間藍鳥餐廳好驚喜地比到正宗又好好食既葡國菜味道比我，價錢上仲要非常親民，實屬係難得。馬介休炸薯球(4件) $434粒即炸既馬介休薯球，睇落炸得好靚，每粒都熱辣辣。唔油之餘仲要係脆身，而入面係好香馬介休既香同埋軟軟棉棉既薯蓉。脆皮鹹豬手(原只)飯 $92勁誇張！咁大隻豬手！仲要係脆皮豬手！等左大概10分鐘左右，一隻原隻熱辣辣既脆皮鹹豬手放係我臉前。熱辣辣焗起嘅香味，鹹豬手個樣焗到超級香脆，豬手d肉夠腍身，重點係份量多到可以share一齊食。配埋個酸辣醬汁，超級開胃，完全唔擔心油膩感過多。露絲瑪莉慢烤羊架飯 $138兩支羊架好大隻，成隻手板咁大。羊架個羊肉騷味幾香，羊肉肉味又夠香甜，連埋d黑椒汁一齊食好香好好食。配左個薯菜，薯條都炸得好脆又香。

今日經過禾輋邨探朋友，順路去到禾輋商場搵好嘢食。依家既商場多數都係連鎖式餐廳，但當轉彎見到一間其他地方未見過既餐廳。餐廳內部以藍白色裝修為主，感覺乾淨企理，而且仲可以用平民價錢食葡國菜，一於就入去試吓！葡式雞翼即叫即炸，食落去仲係熱辣辣、脆卜卜，作為餐前小食真係一流！紐西蘭西蘭牛扒飯西冷牛扒好大塊，而且仲有兩件，幾十蚊可以食到呢個份量實在太抵啦！牛扒肉質細嫩，五成熟剛剛好，配埋黑椒汁非常惹味！香草霹靂燒春雞意粉春雞用醬汁同香草醃製，外皮油亮脆口，雞肉好嫩唔會嚡口，好中意佢個醬鎖住左雞肉既精華，而且因為係春雞所以冇乜脂肪，食完唔會有油膩感。最後點咗紅豆冰同埋呢杯檸檬蜂蜜百香果茶，睇得出店家好足料，超多百香果肉，而且唔會太甜，暖暖地飲落肚好舒服，超滿足嘅一餐。😋

禾輋商場好耐冇黎，呢度有間葡國餐廳，地方都大，藍色為主調。馬介休炸薯球(4件）$43我鐘意食嘅馬介休炸薯球，炸起熱辣辣，外面脆入面就好鬆軟，冇油膩感，食落有淡淡的薯仔味。香草霹靂春雞飯(半隻)$72春雞外皮香脆，有蜜糖的甜味，雞肉唔乾，而且半隻雞都真係好夠飽，我飯都食唔晒。濃香砵酒慢煮牛尾配意粉$68長時間的砵酒慢煮牛尾，砵酒嘅酒香，令牛尾嘅肉質更入味和軟嫩，要將汁同意粉一齊，口感豐富。紅豆冰粒粒紅豆冰，呢度嘅甜度適中。老公常飲的凍柚子蜜。

位於屋苑商場 晚上人流不算多不用等位 但食物質素喜出望外送餐湯 羅宋湯還可以南瓜湯出色 既香濃又香甜
脆皮咸豬手 跟飯或意粉＄92豬手皮份外香脆可口肉質幼嫩 BBQ醬烤豬肋骨 跟飯或意粉＄73出色！ 喜出望外 沒想到這個價錢能吃到這個份量和質素街外吃到的bbq豬助骨 常常都是較乾身 這裡的特別多汁嫩滑 整體評分:味道: 4.5/5環境: 4/5服務: 5/5抵食: 4/5藍鳥葡國餐廳 (沙田)沙田德厚街3號禾輋廣場2樓251-252號舖

露絲瑪莉慢烤羊架🐐😋  $138意料之外的驚喜😍竟然有3大塊羊架，羊味重，肉挺厚的，肥瘦適中，而且燒得很好👍所以肉質不會柴和乾，肉質剛剛好😚可選一種醬汁，小妹選了牛骨汁，跟羊架超搭，超讚🥰 葡萄牙原隻咸豬手🐷🍖  $92沒想到不到$100就可以吃到咸豬手，而且份量不少 ‼️而且烤得外皮超脆，肉質緊實🤭醬汁也跟豬手很搭😚性價比超高～～～ 沙梨頭墨魚餅4件🦑  $31肉質彈牙，配上酸甜醬，十分惹味的小食😋 檸檬蜜🍋🍯  （+$5）紅豆冰🥤  （+$5） 餐湯羅宋湯🥣黑松露蘑菇湯🍄小妹比較喜歡黑松露蘑菇湯，因為黑松露和蘑菇味都很濃很香🤩 總結：雖然外表看起來像普通茶餐廳，但食物意外地卻相當不錯👍

沒有來一段時間, 禾輋商場耳目一新, 開了不少新餐廳, 沒想到還有葡國菜 😁 餐廳空間大, 兩邊牆壁採用不同風格, 一邊是由葡萄牙瓷磚, 另一邊則是利用彷苦瓷磚砌成的, 感覺很舒適。羅宋湯湯比較濃稠, 色澤紅潤, 微微的酸, 非常開胃, 如果可以帶點辣就更理想! 馬介休炸薯球 $43既然是葡國餐廳, 自然要點些葡國特色菜, 所以就點這個馬介休炸薯球, 馬介休與薯仔混合再炸, 外面酥脆, 裡面綿滑, 咬開時還有一條條咸魚絲, 咸香十足 😃脆皮炸豬手 $92原隻巨型大豬手, 餐廳利用獨家醬汁醃製, 經過烤焗直至外皮酥脆, 能夠突顯外脆肉嫩的效果 😊 雖然配有酸甜醬, 不過本身味道已經十分足夠, 添加醬汁反而多此一舉 😅露絲瑪莉烤羊架飯 $138總共有三大件羊扒, 近乎沒有羊羶味, 醬汁分別可以選擇牛滑汁, 黑椒汁和咖喱汁, 我們選了最保守的黑椒汁 😆 羊扒肉汁嫩滑, 容易入口, 對我這個不太喜歡羊的來說超讚! 👍🏻餐廳份量比想像多, 性價比十分高, 味道也很不錯, 絕對值得試試!

今晚經過禾輋商場，見到呢間葡國菜餐廳「藍鳥葡國餐廳」，一般屋邨商場比較少有，所以決定試下。餐廳地方闊落，坐得舒服。🍽️ 馬介休炸薯球 $43呢款傳統葡菜小食必試，薯球外層金黃酥脆，薯球內鬆軟嫩滑配埋醬汁好味！👍🍽️ 沙梨頭墨魚餅。 $31墨魚味好香，炸得啱啱好，口感都唔錯！🍽️ D4脆皮鹹豬手（原隻）配意粉 $92鹹豬手外層酥脆，配埋啤酒，好正呀！😋🍽️ 葡汁烤焗田園雜菜 $45香濃嘅葡汁配埋洋蔥、薯仔、胡蘿蔔都好味！

📍藍鳥葡國餐廳係走平民風嘅葡式茶餐廳，位於禾輋商場內，店舖風格係我鍾意嘅青花瓷色系🔹✨葡式鰻魚飯🍱首先鰻魚冇咩骨呢度已經加咗分先，然之後個照燒汁好惹味，太陽蛋🍳又煎得靚，簡直係米飯殺手😍照燒汁腸仔豬扒飯🐷塊豬扒勁大塊！肉質軟腍，食完都唔係太食得落司華力腸🤣馬介休炸薯球🥔表面酥脆內裏鬆軟，仲要有成四大嚿，配泰式酸辣醬💯粟米忌廉濃湯🌽🥣足料濃味，每一羹都食到粒粒粟米🫶🏻忍唔住飲晒成碗。

沙田新城市就去得多原來商場一出去 天橋接駁住天橋就會行到去禾輋廣場沿路可以見到瀝源邨同禾輋邨既風景🌃餐廳全日精選🍽️[ 可選擇：白飯 / 意粉 / 薯菜 ][ 醬汁可選擇：黑椒汁 / 咖喱汁 / 牛骨汁 ]奉送餐湯 / 奶茶 / 咖啡 ( 如選擇凍特飲+ $5 )▫️紐西蘭西冷牛扒飯🥩 $82西冷牛扒有兩塊 好大塊 有肉地食落7成熟 肉質夠嫩配黑椒汁 辣辣地🤤▫️露絲瑪莉慢烤羊架🍖 $138不得不讚 羊架有驚喜👍🏻羊架用左百里香同迷迭香調味 配埋牛骨汁冇煎到全熟 保留左羊騷味😋一碟都有三件 大大件～ 配埋薯菜 好夠飽！▫️馬介休炸薯球🥠 $43傳統葡國菜既小食～一碟有四件 的的式式外皮炸得香脆 內裡係薯蓉點埋酸酸甜甜既醬汁 香脆惹味～▫️飲品🍹紅豆冰 + $5檸檬蜂蜜百香果茶 + $5飲品甜度岩岩好～🔸總結．餐廳大 坐位數量多 枱與枱之間都有適當距離 坐得舒適，牆上裝潢用左葡式磁磚設計 帶有復古美感．餐廳食材新鮮 價錢比較平價，份量大份 抵食👍🏻．待應姐姐態度好好，會介紹菜式 推介食物，亦主動提醒羊架餐醬汁可以另上 避免薯菜變得腍身，值得一讚～

沙田西歐風 藍白花瓷磚大藍鳥餐廳🐦藍鳥萄國餐廳🐦 性價比極高環境優美 寬敞整潔 卡位大很舒適 ✨服務員態度和藹親切 ☺️介紹招牌菜給我們後還問我食後感🍬選擇豐富 價錢親民 份量大 味道好🫕黑松露忌廉湯 滿是黑松露味 令人很滿足羅宋湯誠意滿分💯雜菜多🥬 濃郁開胃🪽葡式雞翼即叫即炸 熱辣辣 外脆內軟 超好食🤤🐷葡萄牙原只鹹豬手 嚴選脂肪較厚的豬手 外皮烤至焦香酥脆呈現出皮脆肉嫩的口感 必食之選份量大 調味汁送飯一流👍🏻🐏露絲瑪莉慢烤羊架性價比極極極高 親民價竟然有三大塊羊架每塊羊架都肉厚而且羊味濃郁 肉汁鮮嫩喜歡吃羊架的朋友不容錯過🍋檸檬蜂蜜百香果茶解渴降火 十分潤喉 味道酸甜開胃🐦藍鳥萄國餐廳📍沙田德厚街3號禾輋廣場2樓251-252號舖

禾輋居民都好幸福， 禾輋廣場有好多平靚正美食， 澳葡餐廳都幾特別，除咗門口廚師精選多款美食之外，主餐牌仲有好多主食同小食選擇露絲瑪莉慢烤羊架 $138三大嚿羊架好肥美，肉質軟腍，肥嘅位置仲烤到脆脆地。可以揀飯、意粉、薯菜，牛骨汁好濃郁濃香砵酒慢煮牛尾飯 $68牛尾大大嚿啖啖肉仲好腍，砵酒汁唔會太鹹，啱晒送飯檸檬洛神花(凍）$5檸檬蜜百香果(凍）$5跟餐轉特飲只需加$5，兩杯都有檸檬酸酸地好清新馬介休炸薯球（4件） $43溝咗鹹香馬介休嘅薯蓉好綿滑，外皮炸得酥脆，配個甜酸汁好開胃，重點係大大粒都算抵食