藍天使餐廳 (已結業)

24/2我去左黃大仙做D野...做完野就諗住一個人食晚飯，但又唔知食咩...於是上黎睇下有咩食，之後就揀左呢間啦，行到去...見到有埋別府係隔離，個心15/16...最後擇公字決定，最於去左藍天使度食。一行去，佢地門口果人幾好...幾有禮貌...但....好野...原來...完結哂...我一個人...坐低無耐，立刻叫野食，我舉極手都無人有反應，D阿姐顧住吹水....叫左4-5個人...先有人幫我落單，落完單，等左好耐先黎個餐湯同餐包，個餐包度度都差唔多...但個湯...但羅宋湯就好差....好酸...仲完全無辣味...最大問題係有D『宿宿』地.....算啦...當自己時運唔好...唔飲把啦...之後....主菜上黎喇....睇個款都好似唔錯....但...外表往往同內涵係唔同我習慣係食哂配菜先食扒既...我一吉果個炸薯角...吉落去以經知咩事...就係佢個炸薯角係炸左好耐...之後再返熱...一吉入去散左...D雜菜就幾好味...之後再黎塊扒，塊扒係西冷牛扒，5成熟，我本身鐘意佢生D...咁會軟D..滑D...但我一切入去...感覺好硬下...一睇...起碼都7-8成熟...天啊...

平時經過餐廳出面見到d牌好似好抵...今晚終於可以試下~其實兩年前都食過呢間既lunch,好似唔錯的~今晚叫左兩個set dinner,紅酒燴雞扒意份,很快就送上,仲出晒煙....點知一食落口....d意粉係凍架~好似整定左再加汁既意粉...而且沒有紅酒味,雞扒亦似不新鮮~差另一個是芝士白汁焗龍脷柳意粉....等左勁耐都未有~問佢地....初初就話無落到單,後尾又話有,又話焗要耐d~耐到其他人食晒都未上~但呢個意粉就夠熱既,始終焗,味道ok la~兩個餐都有餐包,湯同飲品.....個羅宋湯無咩材料,唔夠濃...叫了凍檸茶,無得自已落糖水~所以好甜~~價錢的確抵既~可能服務,食物質素同價錢有關~~~

上個月同朋友去食飯～之前食過諗住換裝修後應該有改善吧～怎知道１入去問完幾位就唔理人，呆企‥又要避開ｄ拎住野食的人‥等了好耐先安排我們坐邊，之後叫野食。等左好耐先上　呢個都算。　意粉淡而無味，ｄ忌薕湯難飲到嘔。個老闆１０句有９句都講粗俗說話。啞晒。服務又唔好，往後都唔會去食﹗

龍翔中心少有可以選擇的西餐廳，午市去人流不少，很多學生，因為學生餐比較便宜。環境不是太好，比較嘈雜。我點了一客咖哩牛腩飯，牛腩及咖啡汁配合得不錯，牛腩本身亦算嫩滑，不過其他就沒有特別，尤其是環境比找想像中差。整體而言不過不失，在龍翔中心中還算是一個選擇。

入到間餐廳, o個 waiter 話唔夠位, 叫我地出去等等. 之後叫我地拾檯, 好似大牌檔咁.但佢啲食物價錢又唔係大牌檔價. 起碼都 $45 一個餐. 啲食物完全唔得. 我叫咗牛肉粒石頭鍋飯, 朋友就叫吉列豬扒定食.石頭鍋飯超多味精, 啲餐又鹹到咩咁. 仲要杯餐飲 (凍檸水) 我無叫少甜, 但無啦啦變少甜. 朋友嘅叫吉列豬扒定食唔熱, 又唔脆. 好似一早整定放落雪櫃, 有人叫先拎出嚟返叮嘅咁.埋單仲要收加一.佢呢個價錢, 咁嘅食物質素真係唔掂. 係第二度一定唔使囉.

見到佢o係open rice好懷參半,都即管試試,點知一試把幾火,我地兩個人叫左兩個鐵板,一個肉眼扒,一個西冷扒,都係叫左七成熟....首先,兩個羅宋湯,得個咸字,冇味...跟住女朋友個肉眼扒黎左,但係就好黑,成舊炭咁....同個waitress講,咁佢就話換個份,咁ok la, 等左5分鐘...佢換左返黎,好返小小,冇咁黑,但當佢淋d 汁上去o既時候竟然冇"炸"一聲,我地同個waitress講話鐵板凍架喎,佢就話因為放耐左所以凍左....,跟住我問佢咁點呀,佢話"呀..係呀"跟住仲走埋,之後叫左個四眼經理,同佢講左呢個問題....跟住佢又話"係呀",我地話如果係咁你不如用碟上啦,跟住佢話"一係同你再煮一煮佢啦",我地就話再煮咪老哂(而且而家係鐵板唔熱,唔係個扒唔熱),跟住佢先話再做一份比我地......而個份西冷扒,我叫七成,佢就熟到好似牛肉乾咁.......仲聽到左邊個家人話唔會再黎,而右邊仲搞笑.....個waitress話落錯單,算多左佢地$7,但係就唔諗住改返張單,淨係同個客講唔好意思,但個客又好人喎,聽到佢講"費事人地要改返張單啦...."

自從啓德花園無左椰林閣後, tea要食焗意粉就要去返blue angel, 因blue 下午茶的肉醬意粉只須 $22, 加一後都是 $24 (不包餐飲), 是即叫即焗, 夠熱又足料!!!!***茄汁肉醬 + 肉碎 + 芝士舖滿意粉面***當維苑的肉醬意粉每況愈下, 現只有blue才能keep住水準!!!食完還送返張coupon, 等下次tea再用 (只限平日用)

2009-07-25，星期六，下午五時三十五分~我到達藍天使餐廳，由於之前食過，所以我二話不說就叫了下午茶的肉眼扒~五時三十七分，凍可立克已經到~六時正，野食未到~六時十分，向經理投訴，他回覆我三分鐘到~六時十五分，野食仲未黎，我就出去取消份餐，跟住趕時間走人~走之前佢地仲收多左我兩蚊：(凍好立克 $16，櫃台收銀收左我 $18)~唔知係咪因為我剩飲，所以收多我兩蚊...我本來心情大好的去吃東西，卻換來一肚子氣...決定之後永遠唔去!!! 因為我要食野，唔係要飲杯野空肚走，仲要比廿蚊!!!!

好日都唔會嚟呢一個商場~但因為要去交通銀行~先搭一個站去黃大仙呢~順路舊同事時~佢推介呢一間~又抵又ok咁話~一到門口~真係抵wo~28-40內有餐wo而餐係有湯有包有嘢飲wo半場以上係學生~真係學生都負擔到的價位呢~好笑的是~有一枱十幾個的外國人~有大有細應該係去完黃大仙廟過來的~點解會入呢間咁平咁屋村的茶餐廳呢?好可能係...見到水牌寫住係cafe~而且~餐牌有英文(ps...平的lunch set有英文...佢地只好叫正價嘢~)羅宋餐湯不差~包又熱又軟的~便當沙律啱我~好似大食會嗰種~哈哈~仲要有生果wo~而個七味豬頸肉~真係軟得嚟有咬口~味ok~唔太過味精~真係ok嫁wo偷食左同事少少葡國雞飯~都係唔差嫁wo~呢個價錢呢個水準~算係咁啦唯一最大的遺憾係...我叫了一杯凍檬茶少冰~佢嚟到~冰係ok~唔太多但真係甜到根本飲唔到我飲左2啖....放棄了...我好似飲緊糖水咁...未開稀的糖水..............................唉~又唔好意思叫佢俾過杯我...算啦...唉~

當日和男友行龍翔中心時經過這間 Cafe 見門口的餐牌之下午茶有合心水的款式,,所以便入去一試 ; 我們叫了以下兩款 : ~(1) 蕃茄蘑菇奄列@配餐茶熱杏霜 這個相當好食, 蘑菇大大片, 個奄列都好大件,, 內伴有蕃茄肉濕濕地唔係乾身和油淋淋的~~~食落份外滋味.(2) 豬軟骨串燒拚粟米沙律@配餐茶凍奶茶 最差就是那串豬軟骨串燒,又燶又乾毫無肉味肉質可言, 好覺得係隔夜後再翻熱的~~~~簡直係食之無味 ; 棄之"不"可惜...差得離譜 唯一令人有點驚喜就係那沙律旁竟然有兩片西瓜, 而沙律都係一般蔬菜生果粒, 至於碟小粟米就比較乾身沒太多水份的.P.S. : 以下午茶的價錢都可以一食

blue angel開業至今, 都是近期先做$28 set dinner$28再加一, 包牛油餐包, 紅湯或白湯, 及熱飲 -- 這些質量與正價一樣 今次選了豬扒焗意粉--全場爆滿, 等位等左10 min, 而此意粉係即焗關係, 亦要等十幾分鐘--茄汁唔會過杰, 正! 有芝士, 甘荀, 洋葱. 跟維苑焗豬扒飯個汁好相似--意粉唔會焗到過稔發脹, 正!--主菜豬扒好多, 多到食唔晒. 雪藏豬扒都可以做得好食, 外層醃過後煎香再焗, 內層肉質夠軟且保留少少豬肉味, 雖然肉味仍淡但已比好多連鎖快餐店出色. 成日出街叫豬扒食的人就會明白到要雪藏豬扒做得好食真係唔容易 朋友仔每次都叫鰻魚大碗飯, 今次賣相都唔錯, 可惜朋友仔食食下面有難色, 佢話今次做得好差, 鰻魚, 飯, 鰻魚汁全部都唔熱, 以前食過咁多次都係熱騰騰的, 今次放涼了. 可能一多人廚房就忽略了質量, 鰻魚一唔夠熱就會好腥. 而且紅湯羅宋湯亦較淡, 溝多左水, 無以前咁濃.

可能黃大仙食肆越開越多, 競爭大左, 所以長期有special dinner set$48 再加一: 石燒穀殼牛柳配薑炒飯 + 牛油餐包 + 羅宋湯 + 熱飲 (凍飲 + $2) 食唔出穀殼牛有咩特別, 都係普通牛肉, 係好稔, 不過係落左梳打粉之故, 仲係落得幾重手, 有d苦 (本身對梳打粉的苦澀味好敏感) 薑炒飯有好香薑味, 仲有蛋絲, 配埋d牛柳燒汁, 甜甜地幾好味 這兒的凍啡一向夠濃又多奶, 好飲過好多茶餐廳N年前都係這兒食過石鍋牛柳粒炒薑飯, d牛無現在咁難食如果係靚牛柳, 何必落咁多梳打粉? 可惜!

未食lunch之下...入左去食下午茶被安排到卡位坐...呢度卡位坐得幾舒服杏仁朱古力: 要了涷的...但上台竟然係一杯熱而有冰塊既涷飲個味道怪怪....係杏霜加朱古力....杏霜味差不多蓋哂朱古力味...呢個特式系列既飲品絕對要比個差佢茄茸海鮮炒意粉: 呢個上台係熱既...好彩menu寫係茄茸..但眼見只有茄粒..味道一般...同普通茶餐廳無異如冇意外..冇下次

blue angel晚上爆滿, 無他既, 因有精選晚餐, 最平的dinner set都係$38 (再加一), 有湯, 蒜蓉包, 餐茶 ---- 算抵, 不過就唔可以用$10 coupon 鰻魚飯:--鰻魚厚身, 肉身軟綿綿, 入口即溶--鰻魚煮得夠熱--濃黑的杰醬汁配鰻魚一流 焗鮮茄煙鴨胸蟹柳意粉--除了鮮茄, 還有溶化了的芝士舖面, 不會太杰, 不會膩 --蟹柳切丁, 煙鴨胸都是細細舊, 不過份量都多--焗得剛剛好, 不會過稔

今日去左黃大仙拜神, 之後見肚餓就同女朋友去左呢間野食下午茶.....我叫左炸魚薯條$18 ..........魚..腥既, d薯條...返炸架~女朋友的公司3文治$24尚算ok....冇下次, 我sure...